طلعت من المستشفى على بيت اخوي وياي اخوي ومرته وسعد
سعد بس وصلنا وراح
بقيت يومين بيت اخوي واجا سعد وراي جايب مسواك وفواكه وحلويات
اجه دخل للغرفه
اني امدده على السرير
…هلو حبيبتي شلونج انشاء الله صرتي احسن
… سامحيني واني راح اعوضج انشاء الله
…اولا اني مو حبيبتك تعرف شنو معنى الحبيبه
الحبيبه يعني واحد يحافظ عليها يعني يصونها يعني يداريه ويداري مشاعرها مو يروح يزوج عليها
ميخالف ازوج الزواج حلال بس لاتخون
لاتخون انسانه
مساندتك ومحافظه عليك
انسانه مقدمتك على نفسها
وانت شلون جازيته
اخرتها علمود شهوتك علمود تتونس
لاتكول انتي جبتبها ولاتكول بسببج
شني انكطع سبيل المعروف الناس بعد ماتسوي خير من شفته كامت تتقرب منك
نبهني فهمني حتى اتصرف
مو تستغل الموقف جنك ما صدكت كبل هجمت ولافكرت بيه
ولافكرت بمشاعري
شنو قابل راح تنظم السالفه طول العمر
لازم تبين بيوم من الايام
جان حسبتها اختك ارمله واني اساعدها
لو اختك هم تكول انتي دخلتيها بحياتنا
عمل الخير واحد ما يتجزء
بلنسبه اليه اساعد الغريب والقريب
اني هذا الشي تربيت علي
بقت نفسيت المقابل شلون راح يستغل هاي المساعده
جمانه السعيدي
.سعد …هسه انتي شطلبين اني حاضر
فاتن …اطلب تطلع من حياتي اني وياك بعد مانعيش سويه
لان الي يخون مره مستعد يخون مرات
طلكني سعد بعد نفسي كامت تلعب منك وما اكدر اامن بيك بعد
سعد …لا اكيد انتي تخبلتي شني اطلكج لا اني اول واحد يتزوج ولا اخر واحد تصيرين زينه وارجعلج
كام يريد يطلع سعد اخذ علاليكك وياك الله لايعوزني الك
طلع وما اخذهن كمت بعصبيه شلتهن هو طلع بلشارع واني شمرتهن ورا وسديت الباب
ام علي…ولج شسويتي يمعزايه عيب مايصير هيج
فاتن…خلي يولي جاي يضحك عليه بكم غرض عباله اني فاتن القديمه الي كدر يستغبيه ويضحك عليها
ورجعت تمددت بس متت من البجي
كلش مقهوره منه ومنه
يعني ماوكف بعينه مساعدتي اله
حسبته اكثر من اختي
شكد ساعدته ملابس واكل وفلوس
جانت تدخل بيتي وهي عينه على زوجي
تدخل وهي مفكره تخوني
واني افتحله الباب وادخله وفرحانه بيه
معقوله هم صح واني غلط
مسحت ادموعي وقررت اصير قويه
واتغلب على حزني
اني أقوى منهم ثنيينهم
اخذت اجازه اسبوعين استراح بيهن
ورا اسبوع رجع اجا رفضت اطلعله
اصلا مااطيق اشوف وجه بعد الي سوووا
ورا كم يوم اجا
جمانه السعيدي
ابو علي كومي خويه اكعدي ويه زوجج حتى تتفاهمون
…ما اطلعله وما اريده واذا تجبروني ارجع اكتل نفسي
هذا مو رجال وما يستحقني
كعد سعد ومل من الكعده وراح وبعد ما اجه
رجعت اداوم بس كوه اداوم لابالي يم الشغل ولامتحمله الناس وهوسة الطابو
ورا شهر اجاني سعد للشغل كال اريد احجي وياج
..هنا كدام الناس
…اريد ترجعين بيتج خالي
…منيلي بيت البيت عفته الست ايات تتهنى بي
…لا ارجعي واني مستعد الكل طلباتج
…شراح تسوي بيها
…كل وحده ابيتها يوم الج ويوم الها
…واني ردي الاخير طلكني
واذا ماتطلكني بكيفك اطلكني غصبن ما عليك ارفع عليك قضيه فا احسن من الفضايح
طلكني واني متنازله عن كلشي ما اريد منك لاحاضر ولا غايب بس ما اريد اشوف وجهك مره ثانيه فهمت
وهسه يله شرف مع السلامه
جمانه السعيدي
كام وطلع بعصبيه
مرت الأيام بس ماطلك لان هو اذا بقيت ويا مراح يخسر عليه اي شي طبعا موضفه وتصرف على نفسه وهو راح يصرف على ست ايات
رفعت على قضيه بحكم معرفتي بلمحامين السابقه صحيح شويه طولت القضيه واني كل حقوقي تنازلت عنها
حتى اخلص منه للابد
اطلكت غصبن علي مثل ما ازوج وهو مامن بطيبتي
مامن بهاي الانسانه الطيبه الغبيه الي راح يكدر يقشمرها
ويخليها ترضا بهذا الواقع الي فرضه عليها
اني مو غبيه اني طيبه
اني حنينه ومستعده اساعد اي شخص بلدنيا لان اني هيج تربيت مو مشكلتي شلون الناس تستقبل الطيبه وشتحسبه خل تحسبه مايهمني
بس الفرق عن قبل هسه راح اكون اقوى من قبل
شويه شويه بديت استعيد صحتي
صحيح احس ناقصني شي
بس جنت احس انتصرت على استغلالهم اثنيينهم
كل مايمر شهر اكول هسه لو باقي ابني هسه حامل بلرابع
هسه حامل بلسابع
من صار سنه جان هسه ابني بحضني
يجوز لو باقيه حامل جا اضطريت ارجع السعد علمود ابنه
ايجوز الاحسن اليه وكع حتى مايضل شي يربطني بي ابد
البارتات القادمه راح انشوف شلون تتغير حياة فاتن انتضرونا
