رواية ازمة ثقة الفصل التاسع 9 بقلم جمانه السعيدي

كبل لكفت الشال واني على الدرج خليته على راسي

ركض فتحت الباب

لكيت اركان شايل بوسف وواكف بلباب

عشتار.. يمه حبيبي ركض اخذته من ابو حضنته وكمت ابوس بي نسيت اركان واكف

لزمته من ايده ما مصخن

التفت لكيت اركان يباوعلي نضره غريبه نضره وبيها ابتسامه

عشتار….صباح الخير اسفه من شفت يوسف نسيت نفسي

اركان…بعد شيريد يوسف

عشتار….ممكن يبقى عندي مااسبحه ولا اسوي اي شي

اركان….هههه اي خلصينا منا ومن وكاحته

عافه عندي وراح واني شلته وكمت اكمز وهو يضحك

عشتار…تريكت اكلت عم

يوسف…اي عم بيبي

عشتار….ياغدار اكلت وما انتضرتني تعال نكعد ادم اني وياك

كعدنا ادم ورحنا نتريك

سويتلهم كيكه والجهال اجمعت تاكل حتى النسوان

خدرن جاي وكعدن يأكلن ويسولفن

كاعده اسولف عليهن باوعت يوسف ماكووو

طلعت اركض ادور علي اخاف علي

لكيت اركان ماخذ الكيكه منه وياكل

اركان….اني وين حصتي لو بس يوسف

عشتار…خلصت هسه اسوي وحده ثانيه

اركان….اني اكلت بعد مااريد

عشتار…قربت علي يوسف تعال ماما اغسلك طلعت مني هاي الكلمه عفويه بدون قصد

اركان باوع عليه

عشتار….اسفه اقصد يوسف تعال

اركان….روح وياا ماما تغسلك

عشتار….شلته وكبل للبيت احس رجليه مايشيلني ولله عيب خاف يفهم كلامي بغير قصد

رجعت سويت كيكه اكبر وخدرت جاي ودزيت الجهال حتى يجي واحد من الولد ياخذها اللهم

بليل الجهال عدهم طوبه يلعبون بيها

كل الجهال يلعبون واني كاعده يمهم اخاف على يوسف لا يضربونه

كمت اللعب وياهم لان يوسف يبجي مايقبلون ينطونه الطوبه يلعب بيها

اخذها منهم وانطيها اله حتى يضربها عليهم

كانت هاي الفتره احلى فتره بحياتي احس نفسي اسعد وحده بلدنيا جمانه السعيدي

بليل من اتمدد افكر تنتهي هاي الفتره ونرجع البغداد شلون راح اكدر اتحمل افارك الجهال

شلون راح اخلص يومي من دونهم

مرات ادعي كون ما تخلص هاي الفتره

وابقى عايشه هنا بس حتى الجهال يبقون قريبين عليه

بدا يوسف يكول ماما

من يحتاج شي يجيني ماما

هاي الكلمه احلى كلمه سمعتها بحياتي

وخاصه من يحضني ويبوسني ياربي لا تحرمني من هاي النعمه

اني حبيت ذوله الاطفال لا تحرمني منهم ابد

بعد شهر من تواجدنا بهذا البيت

كمت احس اركان يتحجج حتى يحجي وياي

بحجة يسئل عن الاطفال

لو يجي يريدهم بس حتى يحجي وياي

بيبي وبينكم كنت اتمنى يخطي هيج خطوه ويتقدملي

بس حتى اكون قريبه من الجهال

ابد اني مامفكره بلزواج

ولا مفكره اعيد هاي التجربه مره ثانيه

بس مراح اكدر افارك الجهال تعلقت بيهم

بس اكيد اركان مراح يتقدملي بهاي السرعه زوجته صار اربع اشهر من ماتت

مستحيل يتقدملي ويزوجني

رغم اني جاي احس اكو ميول من ناحيته عليه

كاعدين اني والجهال نلعب بلحديقه راح جاب جبس

كل واحد واحد

اركان…هذا اللج

عشتار….اليه

اركان….اي ماما لازم تكون الها حصه

عشتار…ابتسمت واخذته

بقا واكف يلعب وياا الجهال

اركان…منو احلى بغداد لو ديالى

عشتار….احلى شي الحله ولايتي بيها عشت وياا اهلي

اركان…انتي ماشايفه ديالى شكد حلوه ارض الخضار

عشتار…كل واحد عنده ولايته حلوه

اركان…انتي حابه شغلتج معلمه

عشتار….جدا حابتها اصلا مااعرف اشتغل شي غيرها

اركان….مو دوخه الجهال وهوستهم

عشتار…متعوده عليهم

اركان…اني كان طموحي اطلع طب

بس انقبلت هندسه بسبب المعدل اول مرحله كنت ضايج

بس بعدين تعودت

طلعت معدل عالي وهسه موضف بشركه من شركات الدوله

بسبب هاي الضروف الشركه انسدت

بس ترجع انشاء الله احسن من كبل

جمانه السعيدي

عشتار….اذا ما تحسنت الاوضاع

اركان…اكيد تتحسن

عشتار….شنو تشتغل غير الهندسه

اركان….شغلة اهلي واجدادي اشتغل بلكاع بيها خير من الله

حتى يوسف اطلعه فلاج من هسه اجيبله دجاجات يربيهن

عشتار…حتى يموتهن

اركان….لا هو يحب الدجاج يلعب وياهن

بابا يوسف اجيبلك دجاحات

يوسف…اي

اركان…اجيبلك مطي

يوسف اي

عشتار….يااا مطي ولك يوسف شنو مطي

ادم…اني هم اريد مطي

اركان….هااا بين المستقبل الزاهر الجهالي وواحد يربي دجاج وواحد يشتري مطي

عشتار….هههههه خل يكبرون ولله كريم

يله ماما كافي لعب نروح نغسل

ادم…بعد نلعب شويه

اركان كان يستغل الوقت الي يرحون بي الولد وابو للكاع

ويجي حتى يسولف وياي بحجة الجهال

نجوى ام اركان والبنات كلهن انتبهن لان اركان كل يوم بلبيت لو يروح شويه ويرجع

مبين مو مثل قبل

ام اركان…ولله لو شنو انطيج مااجازيج

عشتار.. على شنو ما سويت شي

ام اركان…الجهال على ايدج صارو يخبلون وحتى اركان

طلع من عزلته وصار يسولف ويضحك

من يوم ماتت زوجته وهو صار انسان كئيب وعازل نفسه

يخاف على جهاله يحس محد يحبهم مثل امهم

بس هسه رجع مثل قبل

ولله انتي بت أصول ومحترمه

بعد ٣ اشهر من كعدتنا بيت ابو اركان

قررابو احمد يرجع البغداد يطمن على حلاله وعلى البيت

ويرجع تعرفون الامريكان تمركزو بغداد

وصار الهم ثكنات عسكريه هناك

ابو اركان ماقبل يروح وحده اله يروح وياا واحد من الولد

لان يخاف علي

راح البغداد ورجع بليل كلشي تمام البيت والمخازن

مابيهن شي اكو جماعه اصدقاء ابو احمد

عدهم مخازن يحرسوهن وعينهم على مخازن ابو احمد

رجع ابو احمد

بس شنو احنا طول اليوم لازمين كلوبنا بادينا خايفين عليهم

منا لمن رجعو واطمنا عليهم جمانه السعيدي

كعدنا ثاني يوم نسولف كلنا على بغداد والاوضاع

ابواحمد…كون يستقر الوضع ونرجع البيتنا وحلالنا

الله لاينطيهم كطعو رزقنا

نجوى….اي ولله

ام اركان….ولله تعودنا عليكم

نجوى…الله يحفظكم كفيتو ووفيتو احنا ثقلنا عليكم

ام اركان….لا تكولين هيج شنو ثقلت علينا

عشتار…بقيت ساكته افكر اذا رجعنا شلون راح افارك الجهال

طلعت برا الجهال يلعبون كعدت كبالهم

اجا اركان وراي

اركان.. ليش ضجتي

عشتار….لا ماضجت

اركان… تردين ترجعين البيتكم وللدوام

عشتار….اكيد احنا هنا خطار لازم نرجع بيوم البيتنا

اركان…وتعوفينا

عشتار…نعم

اركان.. اقصد تعوفين الجهال

عشتار….اني ما ضابجه على شي بكد الجهال تعودت عليهم

ما تنطيني اياهم ولله اخليهم بعيوني

وانت ازوج وراح يصير عندك غيرهم

اركان….ههههه شلون انطبج جهالي

عشتار….اني الصراحه مراح اكدر افاركهم ابد

اركان…وهمه هم مايكدرون يفاركونج

من يوم اجيتي لليوم يوسف وادم ينامون عندج

واني الصراحه اطمنت عليهم كمت مااخاف عليهم لان انتي موجوده

عشتار….والحل شنو برائيك

اركان…تزوجين ابوهم وتبقين هنا وياهم

عشتار….بقيت صافنه علي مدري الي سمعته صح مدري عقلي كام يخربط لان افكر بلجهال

اركان…ليش سكتي ماعجبج العرض

عشتار….اي عرض

اركان…عرض الزواج

عشتار…اي زواج

اركان….لا انتي اليوم مو تمام اني جاي اطلب ايدج

اريد ازوجج مراح اتحجج بلأطفال واكول علمودهم

بس اني جاي احس اكو مشاعر عندي اتجاهج

انت انسانه واعيه ومؤدبه وحنيينه وبت اصول

واني مراح الكه ام الجهالي احسن منج

عشتار…انت تحجي صدك لو اني عقلي كام يشوش

اركان…سلامة عقلج حبيبتي عقلج ما يشوش عقلج

يوزن بلد

اني احبج واريد اتقدملج مراح الكه ام الجهالي احن منج عليهم هااا تقبلين

اني بيتي جاهز محتاج بس انتي تنورينه

هااا شكلتي

عشتار….حبيبتي

اركان. … اي حبيبتي انتي حبيبتي

عشتار…بقيت اباوع علي وما مصدكه كلامه

اركان…هااا شو سكتي اجيب يوسف وادم يقنعونج بهذا الزواج

عشتار….اني موافقه بس لازم تاخذ موافقة ابو احمد ونجوى واخوي علي

اركان…صار.بس هاي سهله

بليل اجمعو كلهم بمضيف الزلم مثل كل يوم

وأركان فاجئهم وطلب ايدي من ابو احمد

حتى ابو احمد اتفاجئ من الخبر

ابو احمد…اني ماعندي مانع بس نشوف رائي العروس

اركان….العروس موافقه هي طلبت اخذ موافقتك على هذا الزواج

ابو احمد….ولله بت اصول

اركان….اريد رقم اخوها اذا اتصل علي بلكت احصله

اطلب ايدها منه

ابو احمد….وين اكو تليفون يحصل بهاي الضروف

بس نحاول نوصله انشاء الله

ابو اركان…اي ولله عشتار خوش بنيه ام اركان بس تحمد بيها حايره بلجهال وتحبهم

شايفين كل الخير انشاء الله

العاشر من هنا