الجزء الرابع والعشرون*لا أعلم هل أنا اتقد من فرط الشعور أم هذا ليس إلا لهيب من مشاعر*صوت صدمهم الثلاثة :مين المقدم في القوات الخاصة يا قايدلفوا باتجاه الصوت وهم يشوفون صارم اللي نطق الكلمة بتحذير لقايد وعيونه تتقد شرار قبل يدخل جسّار ويسمعه يتكلم ورجع دخل البيت بصمترايد لف لقايد وهو يسحبه من كم ثوبه : وش تقول انتقايد سحب نفسه من قبضة رايد : وخر نشوف بلاوي جديدةرايد رجع شده: قايد والله لو ما تتكلم يا ويلكقايد ابتعد عن رايد للمرة الثانية وهو يشهد دخول جسّار وبحضنه نجد النايمة بتعب: ابعد عني يا رايد تراها قافلة وخر نجد وصلترايد ترك قايد اللي مشى بشكل سريع لناحية جسّار: وين لقيتهاجسّار رفع حاجبه ببرود : مين اللي وين لقيتهارايد باستغراب: نجدجسّار باستغراب مصطنع: وين بلقاها اخذتها من الروضة بعد ما خلص دوامي ورحنا نتمشىقايد بسخرية : تتمشى اجل !! ادخل داخل أمك ارتفع ضغطها ولولا ستر الله كان بتتمشى فيها بالمستشفيات هذا غير زوجتك الحامل غير جدك وجدتك مره ثانية اذا بتتمشى مع بنتك اترك خبر عند أمها بدال ما تخبر رمّاحمشى بقهر من عندهم قهر متولد من اللامبالاة الموجودة عند جسّار وبقد الفخر اللي كان شايله بصدره لما عرف انه مقدم يسكنه الآن قهر وغضب منه ومن تعريضه لأهله للخطرلحقه رمّاح بحرص بعد ما شاف جسّار دخل بيته وصل لقايد وهو يسحبه من قفى رقبته وقمة ثوبه بالتحديد لف عليه قايد بحدة : نزل يدك يا رمّاحرمّاح بغضب من بين اسنانه وما زالت يده ماسكه رقبة قايد من الخلف: من وين تعرف ان جسّار مقدم بالقوات الخاصة يا قايدقايد بقهر نزل يد رمّاح من عليه وهو ينطق: مانيب غبي يا رمّاح انا اعرف سر واحد واحد فيكم وماهو قاوي علي جسّار عندك انت مثلًا استخدمت نفوذك كمحامي وما كفاك انك وقفت ضد ابوك مقابل حرية أم جسّار لكن يا محامي يا كبير دخلت بشغل ماهو قانوني عشان تخسّر أبوك في الرهانات ولعلمك يا رمّاح اللي طلعك منها تراه واحد تعرفه واعرفه وهو اللي علمني عن سرّك ظنك بيخفى علي سر جسّار؟رمّاح بصدمة: مين اللي قال لك اني دخلت الرهانات عشان اخسر ابوي ومين اللي طلعني منهاقايد ببرود : وان بغينا نجيها من أقصاها وأكبرها يا رمّاح جسّار اخذ الشغل أب عن جد لأن حتى الصارم اللي تشوفه حبيس عكاز اتعب من قبل جسّار كثيرين ايه نعم جدي كان يشتغل للقوات الخاصة وكان فريق اول قبل يتوفى عمي الفهد وبعد وفاته ترك الشغل ومين بعد ودك تعرف سره يا رمّاح لا تحسبني ساكت وغافل كل واحد منكم عنده سر لو بستثني احد بستثني اخوك راجحرمّاح بغضب: قل لي مين اللي علمك عنيقايد بعدم اهتمام : احذر من تحسبه عدوك ومنك قرّبه قبل لا يحوس الطين صافيها يا رمّاحرمّاح بحدة : انطق يا قايدقايد بعدم اهتمام لنبرة التهديد اللي تمكنت من رمّاح : قل لخويك يحفظ اهله وبنته عن من ينوون مضرته ترى العدو ان بغى يكسرك خلاك تذوق موت اللي تحبهرمّاح بغضب مسك عنقه لكن هالمرة من الامام وهو يشد بشكل خانق : تكلم يا قايد واترك عنك الالغازقايد نزل كفوف رمّاح وكح بشكل متتالي ولف داخل لبيتهم تارك رمّاح المتأجج غضب-بيت جسّاردخل بشكل سريع وهو يسدح نجد على الكنبة القريبة منه ويركض لغرفة أمه قاصد يتطمن عليها فتح الباب بشكل سريع وبنفس السرعة صدّ وهو يشوف وحده من بنات عمه موجودةضوى بهدوء بعد ما شافت نبض تغطت : ادخل يا جسّارلف جسّار بلهفة وهو يتوجه لكفوف أمه يبوسها ونبض اللي حست وجودها ماله داعي طلعت وهي تهمس لضوى اذا احتاجوا شيء تتصل عليهاجسّار اللي كان يبوس كفوف أمه بشكل متتالي : ألف لا بأس يا أطهر قلب لا يمسك يا يمه مكروه ترى يمسني ضعفه والله ان ما اغلى من نجد إلا انتينوره بهمس وهي تفتح عيونها بعد ما كانت موهمه ضوى ونبض انها نايمة: وينها نجد يا جسّارجسّار باس رأسها بخوف: نجد بخير يمه والله بخير بنتي ما يمسها مكروه الا اذا اندفنت اذا وصل لك خبري يمه خافي على نجدنوره ودموعها بدت تسيل: ليه اخترت هالدرب يمه وش لك بهالدرب اللي اخذ مني ابوك لا يأخذك انت وذريتك مني ليه العناد يمه ماهو جدك مانعك تدخل بالسلك العسكري ليه دخلتجسّار نقل عيونه لضوى اللي كانت تتهرب من عيون جسّار ورجع بنظره لأمه : مين اللي قال لك يمهنوره بحسرة: تحسبني غافله عنك؟ والله اني ادري لكن وش أقول درب واخترته استودعك ربي كل يوم وقلبي على كفي خوف لا يشق ضلوعي خوف عليك يا ابوي وش لك بهالدربجسّار اللي كان يمسح دموعها بكفه: يمه انتي قدمتي شهيد وتركتي وراك عشيرة وأهل مستكثره علي اخدم هالوطن يمه؟ انا ولد الفهد سمي وفعول ما أطلع عن نهج أبوي حتى لو ما رباني يا يمه درب انا اخترته واتحملهنوره بحسرة: والله اني كثر ما احب هالوطن كثر ما أخاف يسرقك هالحب مني ماني حمل خسارة ثانية يا ابوي وانت أعز واحد أخاف اني اخسره وش فيه الدكتور وش فيه المدرس وش فيه المهندس كلهم مهن شريفة يخدمون دينهم ووطنهم ليه تختار الدرب العسير يا اميجسّار بابتسامة: ما للصعاب إلا أهلها يا النورنوره بيأس: ياهالشدّة اللي أخاف لا تكسرك لا تصير حجر يا أمي وتمحي من قلبك كل المشاعر ترى مصير الحجر يكسر لكن القلب لا زاد فيضه من الحب صار دافع له انه يعيش والدليل خوفك على نجد وعشان نجد تخاف يضرك شيء وما تحميها صح ولا لا يا اميجسّار باس رأسها للمرة الثانية : صح وماهو عشان نجد بس عشانك بعد تعز علي دموعك اذا خسرتي جسّار وانا اليوم بس حسيت بمرّ فقدان الولدنوره رفعت حاجبها: انا ونجد بس يا جسّارجسّار باستغراب: كل اللي أحبهم بس انتوا الأغلى واللي لو ضرتكم شوكة ما كأنها الا قاصة ظهرينوره بقهر: وهبة يا جسّار وهبة اللي ماتت وحيت من تأخرتوا اتصلت على الروضة تسأل وقالوا انها ضايعة وابوها يدور عليها ما خافت على نجد كثر ما خافت عليك اذا سمعت يبه يا جسّار رفقًا بالقوارير يا ابوي لا تكسرها ترى كسرها يكسر ضناك اللي ببطنهاجسّار اللي تذكر فعلًا هبه اللي غابت عن باله كليًا ولا فكر حتى يتصل يطمنها وتوه استوعب غيابها : وينها هيضوى اللي تحاول تحبس عبرتها من الحوار اللي دار بين جسّار ونوره صح إنها ما صارت أم لكن كمية الحنان اثرت فيها : بجناحكم هي بخير لا تخاف والبيبي بخير بعد ما رضت قايد يكشف عليها وجاب أبوي دكتورة للبيتجسّار اللي مسح على شعره بقل حيلة : حتى جدي يدري وينه يا ضوىضوى بابتسامة: لا تخاف هو اللي بشرنا انكم لقيتوا نجدجسّار هز رأسه باستغراب بس توقع ان رمّاح طمنهم و يا ويل رمّاح من اللي بيجيهطلع من غرفة أمه وهو يتوجه لجناحه وبحذر انه يكون فيه احد دق الباب بخفة ونطق باسم هبه كتنبيه اذا في احد موجود ما وصله رد دخل بعد ما انتظر دقيقة للتأكيد لكنه انصدم وهو يشوفها ترتب شنطة بملابسهاجسّار باستغراب بارد : على وينهبه بقهر: والله يا جسّار لو تفكر بس تمنعني يا ويلك انا عشت الويل وانت ما فكرت حتى تتصل تطمنيجسّار ببرود طلع جواله ورمّاه على السرير: تفضلي شوفي الجوال الشبكة طافية وما يتصلهبه بقهر: انت وش انت حجر ما تحن ما تقول أم وحامل بعدين من كثر جوالاتك ما صرت احسبهم اقتصرت اليوم على هالواحدجسّار ببرود اشر على الرف اللي بزاوية الغرفة قاصد جوالاته المصفوفة: تفضلي شوفيهم وينهمهبه بقهر وهي تسكر الشنطة: ماهو بعذر مأمن بنتك عند رمّاح وش كان ضارك لو انا رحت معاهاجسّار اقترب منها وهو يهدي رجفتها ويحضنها: انتبهي لنفسك الانفعال ماهو بزين لك وبعدين لو مخليك تروحين مع نجد كان صرت بثلاث هموم هم نجد وهمك وهم اللي ببطنك وانا مالي الا قلب واحد يا هبه ماهو حمل خسايرهبه أبعدته عنها وهي تبكي بقهر: مت وحييت يا جسّار حسيتها راحت من يدي تأخرت واتصلت على الروضة قالوا لي ضايعة تعرف وش وقع كلمة ضايعه بنتك على أمجسّار هز رأسه بتفهم : اعرفه يا هبه والله اعرفه انتي تعرفين وقع انك تكون بطريق الموت ويوصلك خبر ان بنتك ضايعه لكن خذيها وعد مني يا أم نجد ما يضرك مخلوق لا انتي ولا نجد ولا اللي ببطنك وانا حي وان كأني مت خذيها وعد مني استوصي عليكم من ما يتركونكم تذوقون مرّهبه بخوف مسحت على بطنها بطريقة عشوائية وهي تبعد عن جسّار برجفة : وينها نجدجسّار بابتسامة : نجد بالحفظ والصون نايمة تحت بالصالة قالوا ان الدكتورة جاتك اليوم بس ما يمنع نروح الموعد قومي اجهزي ورجعي شنطتك من هالبيت مالك طلعه الا اذا صرتي ارملتيهبه برفض وهي تهز رأسها بالرفض المتكرر: موعد! لا ما ابي اروح الدكتورة جات وطمنتنيجسّار باستغراب: انا ما تطمنت البسي عباتك يلا دام نجد نايمههبه برفض : لا الشهر الجاي نروحجسّار رفع حاجبه لكنه سرعان ما نزله من الصداع اللي وصله من بعد الأحداث هذي كلها لكن لا لسى ما صفى حساباتهتوجه للرف وهو يأخذ مسكن صداع ويفتح جواله اللي مخصصه لرمّاح ويتصل على رقمه المحفوظوصله صوت رمّاح اللي ما زال غاضب ويلهث بسبب رياضة الملاكمة اللي طلع غله فيهارمّاح بتعب: الوجسّار بحدة : بجي مجلس بيتكم وتعالرمّاح بعدم اهتمام: دقيقتين ونازل لك ادخل المجلس والمفتاح بتلقاه بمكانهجسّار اللي قفل المكالمة بدون ما يسمع ردّه طلع من جناحه وهو نازل الصالة لمح صارم اللي جالس على الطاولة قبال نجدجسّار بابتسامة: نجد بخير يابو الفهدصارم بحدة: واصير أبو نجد اذا لزم الأمر واذا انت مو قد حمل الأمانةجسّار بابتسامة باس رأسه وهو يعقد حواجبه من الصداع اللي يزيد وهو يدري انه ارهق جسمه بما فيه الكفاية : انت اصلًا ابوها بوجودي ولا بغيابيصارم ضرب بعكازه الأرض: نجد نقطة ضعف وانكشفت للي يكرهونك انتبه عليهاجسّار اللي ما اهتم كثير لكلام صارم ولا انتبه وش قال وهو يحس عروق رأسه صارت تضغط عليه بشكل قوي لف عن صارم لا يشوف وجههصارم بابتسامة: لا تقفي بوجهك داري انك تعبان روح ارتاح ورمّاح دواه عندي اذا ماهو قد حماية نجد لا يصير أبوهاجسّار لف لجده باستغراب: وش دراكصارم وقف بعكازه وهو يقرب لجسّار : ما يخفى عن الصارم سر يا جسّار الفهد اذا انت تحت أمرة مُهاب ترى مُهاب تدرب على يديجسّار بصدمة: كنت بالاستخبارات يا جديصارم بابتسامة: أيام وراحت يا يبه واكبر خسارة هي خسارتي للفهد ومن بعدها كرهت السلك العسكري وحرّمته على عيالي كلهم لكن الطيش ماله حل يا ولد الفهد اترك رمّاح دواه عنديجسّار ابتسم بتثاقل: لا حشى من بين عيونه اخذ حق نجديصارم اللي مشى من قدام جسّار قاصد الكنب اللي قبال نجد : روح وانا بجلس مع نجدمشى جسّار وهو يعرف الحين انه مكشوف لصارم وقايد وضوى وأمه ورمّاح مين عاد باقي توجه لبيت عسّاف وهو يدخل المجلس منتظر رمّاح اللي طوّل ما نزل استغل الفرصة وهو يترك رأسه بين كفوفه ويشد شعره بعنف يبي يبعد الصداع ما يدري انه يزيده قاطع خلوته بنفسه صوت الباب رفع رأسه وهو يشوف رمّاح دخل المجلس وقفل الباب وهو يرمي المفتاح على جسّاررمّاح بسخرية: تعال خذ حق نجد محد بيقاطعكجسّار اللي توجه لرمّاح بلكمة قوية على صدره تركت رمّاح يجثي على ركبته من الألم لكنه رفع رأسه مرة ثانيةرمّاح بابتسامة من بين الألم اللي استوطن صدره: ماهي بحق نجد يا جسّار اقوىجسّار اللي سدد لكمته الثانية اللي استقرت اعلى بطن رمّاح اللي كح بعنف على اثر الطقة رفع رأسه مره ثانية وهو يأشر له يكمل ماهو لكن لسانه خانه وهو النفس ياخذه بصعوبةجسّار بحدة : ماهي بحق نجد أي والله ماهي بحقها لكن منت كفو اساويك بحق نجد لو ادفنك حيّرمّاح ابتسم وهو يكح بشكل متواصل وهو عاجز عن الرد رفع جواله اول ما سمع صوت رسالة رفع راسه وهو يسحب جواله من جيبه الخلفي من الرقم اللي كان جسّار يكلمه منهمد الجوال لجسّار وهو يجلس على الأرض بتعب وهو مستمر يكحجسّار اخذ جوال رمّاح وهو يقرأ الرسالة النصية اللي واصلته “برنامج التعقب اللي حملته لنجد فيه تسجيل وقدرنا نوصل لبعض الأصوات تعال المركز بكره نتفاهم لا تسأل عني بتلقاني بمكتب الفريق مُهاب انتظرك”جسّار رجع اتصل على الرقم بغضب لكن عطاه مشغول اتصل مرة ثانيةمن طرف رعود اللي كان بسيارة الإسعاف يعالج رجله و يكلم مشاعر يتطمن انها وصلت البيت انزعج من تكرار اتصالات جسّار نطق بانزعاج: ابوي مشاعر انتظري شوي عندي اتصال ثانيمشاعر : تمام خذ راحتكفتح الخط على مكالمة جسّار وهو يسمع صوت كحة رمّاح القوية لدرجة انه ظن مصدرها جسّار : سلامات سلاماتجسّار بعدم اهتمام: فتحت التسجيل يا سامي؟رعود ببرود: لا ما فتحته ولا استلمته بكره اذا جيتني نشوفهجسّار برفض: اليومرعود برفض: ارتاح واجلس مع بنتك وبكره نتفاهمجسّار بحدة: بنتي مرتاحة بس انا بقلبي جمر بعرف مين اللي استقوى يأذيني بنجدرعود برفض: اذا جسمك رخيص عليك والراحة ثمنها غالي انا لجسمي علي حق وبرتاح انت مين ذابح وش صوت الكحيح اللي عندكجسّار لف لرمّاح اللي منثني على ركبته بتعب : ابد حق نجد ما سويت شيءرعود بقهر وخوف على جسّار: مين يا جسّارجسّار بعدم اهتمام: لا تخاف هذا رمّاح وهذا جزا اللي يترك بنتي لحالها ولو ماهو عزيز كان أمه تبكي عليهرعود بسخرية : لا والله جزاك الله خير ما سلمت له عظم لو باكيه عليه امه ارحمجسّار بضحكة: لا تخاف تارك طاقتي للكلب اللي ورى خطيفة نجدرعود بلا مبالاة: خلاص خل طاقتك لباكر وروح نام وفكني شركجسّار بسخرية وهو يحس شفا غليله شوي: لا حول اذا تعاملت مع شيبان كل شغلك يتأجلرعود ببرود وروقان: يا زين الشيبان اذا بيساعدون الشباب ولا يا بو نجدجسّار بضحك استغربه رمّاح : عز الشياب انت والله وقدرك على رأس الشباب وبإذن الله اردها لك بالافراح ماهي بالمصايبرعود بابتسامة صبر : بتردها يا ولد الفهد بتردها توكل الحين وعالج رمّاح لا تستأثم فيهجسّار ابتسم وسكر الخط وهو يتوجه لرمّاح يمد كفه له قاصد يساعده يوقف: ما خبرتك ضعيف وين راحت عضلاتكرمّاح كح بألم : ما خبرت عندك علاقات عمل وتضحك معاهمجسّار بابتسامة اعتزاز : لقيت لي رجال تشرف فعوله وهو اللي ساعدني بعد الله اني القى نجد قم يالضعيف روح لقايد يعطيك مسكنرمّاح بسخرية: روح له انت قل له يعطيك مسكن صداع واذا عنده مهدئات يعطيك كرتونابتسم جسّار وهو يأخذ المفتاح المرمي وينسحب من المجلس بتشفي وقفت بوجهه أم راجح اللي كانت متوجهه للمجلس : وشفيه رمّاح يا جسّارجسّار بابتسامة : لا تخافين يا خالة الظاهر ما تعود على جو نجد عقب فرانكفورتأم راجح بعدم فهم : وش عقبه؟جسّار بابتسامة : تغير عليه الجو وجاته كحة ادهنيه بفكس يا خالة ويطيبتركها وهو يطلع متوجه لبيته مره ثانية-عند مشاعر اللي سمعت المكالمة وجمدتمشاعر باستغراب:هذا جسّار؟رعود بابتسامة: ايه فيه غيره أبو نجدمشاعر باستغراب: هو يعرفك؟ وليه يقول لك سامي ووشلون يكلمك كذارعود: سالفة طويلة انتي وراك ما رجعتي مع البارق رجعتي مع السواقمشاعر ببرود: ومين يكون البارق عشان ارجع معاه؟رعود رفع حاجبه: لا تخافين بيجي وبيأكل حقه مثل ما جسّار اخذ حقه من رمّاحمشاعر باستغراب: حق ايش ما ينجبر يا عمي ما ينجبر وتدري اني من الأول رافضه زواجي منه بس عشانك و ما دامه ما يكن لي أي مشاعر هذا أريح لي ولهرعود بابتسامة :افهم انك بتوافقين على جسّار حتى بعد ما رجعت نجدمشاعر بحدة : ايه بوافق عليه وبختاره على البارقرعود بروقان: لا تاخذين قرارك عشان تنتقمين لعزة نفسك فكري زين وانتي تدرين انك تقدرين ترفضين الاثنينمشاعر بتغيير للموضوع : كنت تقول لي عرفوا من شغف شلونرعود ببرود : روحي لها واسأليها لمين قالت عن سالفة خطوبتك وعلمينيمشاعر بقهر: انت تتهم شغف انها السبب وراء اختطاف نجد؟رعود برفض : حاشاها بنتي بس ادري ان لسانها منفلت اكيد قالت لأحد بنية طيبة والأحد هذا هو اللي ورى توصيل المعلومةمشاعر اخذت نفس: بسألها وبعلمكرعود اللي كتم نفسه من الألم الحارق اللي توزع على رجله اثر الأبرة اللي انغرزت بجلده اخذ نفس: خلاص اسأليها وكلمينيمشاعر باستغراب من سكوته المفاجئ لكن توقعت انه اشتياق لشغف: تمام مع السلامةرعود اللي انهى المكالمة وهو يرجع ينسدح على السرير الطبي: حط البنج الحين-عند مشاعر سكرت الاتصال وهي تتوجه لغرفة شغف لكن قطع عليها ركض روح المبسوطةمشاعر بابتسامة: عسى خير يا روحروح بفرحة: خير يا مشاعر خير انا اسفه اني بجيحه بس فرحتي طغتمشاعر اللي عرفت سر الفرحة الحين : وافقتي على رمّاح صحروح هزت رأسها بحيا تورد في خدودهامشاعر ابتسمت وهي تحضنها: الله يهنيك ويوفقك ويكتب لك الخير ياربروح بحب بادلتها الحضن: آمين يارب ويسعدك ربي ويعوضك بالأحسن تعالي ما قلتي لي مين اخترتي بارق ولا جسّارمشاعر ابتسمت: خلينا نفرح فيك واتركيني على جنب شوي بروح لشغف تجين؟روح برفض: لا تكفين من رجعت من الدوام وهي تسولف علي خليها تسولف عليك شوي طفشانه عشانها ما داومتمشاعر ابتسمت وهي تترك روح وتكمل طريقها لغرفة شغف دقت الباب ووصلها صوت شغف الملولشغف بملل : ادخل بابا سعودمشاعر فتحت الباب ودخلت رأسها بس: شكلك ما تنتظرين جيتيشغف بفرحة : يوه نسيت انك محترمة تدقين الباب ادخلي ادخليمشاعر دخلت وتوجهت لشغف وهي تجلس على السرير وتمسح على شعرها بخفة: كيف صرتي اليوم يا شغف القلبشغف ميلت شفايفها: انتوا مصرين اني مريضة مافيني شيء والله بعيرهمشاعر ضحكت بخفة : ما يقولون بعيرة يقولون حصان وحتى حصان ما يصلح لأنه ذكر وانتي بنت وش زينكشغف بابتسامة: ادري بس قلت عشان اضحكك كيف دوامكمشاعر : الحمدلله مر على خيرشغف بحماس: تعالي روح ادري بتوافق على رمّاح لأنها شوي وبتطير لأنه خطبها انتي قضية الشرق الأوسط على مين وافقتيمشاعر ببرود: محدشغف بخيبة: وشلون محد ما رحتي لجدي؟مشاعر هزت رأسها بالنفي: لا ابوي عندهشغف ورجع لها الحماس عدلت جلستها على السرير: طيب مين قررتيمشاعر رفعت كتوفها دلالة عدم المعرفة: ما ادري احترت يا شغفشغف بجدية : تسمعين مني؟مشاعر مستغربة جديتها : أكيدشغف بجدية : انا اعرف جسّار واضمن لك إياه انه احن شخص بالدنيا كلهامشاعر بسخرية: واضحشغف بجدية: لا والله صدق يا مشاعر صح انه عصبي بس عصبيته كفيلة تخليك تحسين بأمانه وانك دامك تابع له ما تنضامين وهو وراك والله يا مشاعر موع شانه اخوي بس انا شفت عصبيته وشفت حنيته جسّار قشرته قاسية من برى بس من جوا أحن منه مافيه أما اللي ينقال له اخوي ما اعرف عنه شيء بس دامه ربى عند شخص باع بنته كيف تأمنين لنفسك معاهمشاعر برفض: لا يا شغفقاطعتها شغف برفض: لا تقنعيني بشيء ماراح اقتنع فيه ولا بعمريمشاعر : بكيفك دامك ما تبين تقتنعين ما اقدر اقنعك مهما حاولت بس بسألكشغف بحماس: اسأليمشاعر بتردد: انتي قلتي لأحد عن خطبتي؟شغف بتفكير تعمقت فيه وهي تحاول تتذكر وبعد رقيقة نقزت بحماس : ايه صح قلت لرنامشاعر باستغراب: مين رنا هي صديقتك اللي دايم تكلمينها؟شغف بابتسامة: ايه حبابه يا مشاعرمشاعر هزت رأسها : مين قلتي لي بنته هي وش عايلتها يعنيشغف بعدم اهتمام: رنا آل هاشممشاعر اللي حاولت تتدارك صدمتها نطقت بشكل سريع: طيب شغف عندي مكالمة لازم اتصل وبرتاح بعد الدوام اشوفك بعدينشغف بابتسامة: اختاري جسّار طيبمشاعر تركتها وطلعت متوجهه لغرفتها وهي تتصل لرعود اللي صحى توه من تأثير البنج الموضعي استقبل المكالمة : ايوه يا مشاعرمشاعر بهمس: البنت صديقة شغف اسمها رنا وبتردد نطقت آل هاشمرعود بسخرية : سحر اللي ورى خطيفة نجدمشاعر بصدمة: كيف تقدرانقطع كلامها بسبب دخول البارق المستعجل : يبه اللي بالتسجيل ما طلع الا صوت ورسلت الصوت لجهاز تحديد الشخصية وانصدم معي من طلعرعود ببرود: سحر آل هاشمالبارق هز رأسه بتأكيد : وساري الراشدكان الاسم سبب لصدمة رعود ومشاعر رعود اللي وقف على حيله : وش تقول يا البارقالبارق بتأكيد : اللي كان يتكلم عن الخطف هو ساري الراشد أما سحر آل هاشم كانت تشاركه الحديث بس ومن كلامهم كانت ضد الفكرة لكنها تحت التهديد والرقم اللي كلم مشاعر واللي كلم جسّار مختلفين وكلهم ارقام مجهولة ماهم نفس الرقم-عند ساريكان جالس بمستودعه الثاني يدخن بهدوء غافل انه انكشف بسبب شنطة نجد وان اللي خان هالوطن ردّته نجدساري بروقان : اتصلت على اللي بألمانيا ؟الشخص الثاني المقابل لساري ويشتغل على جهازه المحمول بصمت : تواصلت معهمساري : صحى من زحيره ؟الشخص الثاني: تقصد عسّاف؟ من زمان صاحي ولو يدري باللي هذى فيه وهو سكران كان تمنى لو انه ما صحىساري ابتسم : بيدري وبيدري الشايب اللي جابه ان الخاين هو ولده والله لا اذوقه حرة عياله كلهم الفهد فجرته وعسّاف سممته وعزّام جلسته على كرسي متحرك باقي لي الرأس الكبير سيّاف والثاني بتّال وجاي دورهم وحتى بنته لا أبكيه عليها دم مثل ما كان سبب في موت ابوي بكون كابوس له وهو صاحي ووهو نايم
