رواية حب صباي كامله وحصريه بقلم مرج البحر

انا اسمي باهره حميد سلمان من الموصل مواليد 1،،،4،،،1972 اعيش مع امي وابي و7 اخوات اصلي عبيديه ولدت في عائله مليان حب وحنان ابي موظف مرور انسان طيب وماكو منه بالدنيا امي انسانه فقيره من اهل الله اني اكون الوسطانيه من البنات ،،،،شكلي حنطاويه شعري جوا اكتافي اسود عيناي بني وحولها لون السماء متواضعه حنونه ابكي عل اي موقف يسميني ابي ام دمعيه،،، طوالي 155 وزني 55 في شبابي رقيقه محبوبه من قبل اي انسان يشوفني،،، زاهد محمد هو بطل قصتي وحياتي يسكن جيرانا مع اب وام و4 اخوان وبنتين عائلتهم متوسطه وناس طيبين زاهد هم الوسطاني من الاخوان حنطاوي عيناه سمائي طويل شعره اشقرذات ابتسامه جميله،،،امي مايعيش عندها الولد بس البنات خلفت اولاد اثنين الاول والثالث ويموتون اما البنات من فضل الله يعيشن وابوي كان مقتنعه بامر الله مايجزع ابد ويقول الحمدلله انسان مومن كان مثل الاعلئ لعشيرته قامت امي زوجت ابويه بعد ماخلفت البنت الثانيه بس سبحان الله ماخلفت بس كانت انسانه حنونه الي ابعد الحدود وبعد ولدتي واخواتي البعدي 2 قامت امي وزوجت ابي المره الثالثه بنت يتيمه ماعدها احد كالت لاابويه خطيه نكسب بيها اجر وان شالله اتخلف اخوان لبناتي يسندوهن بعد الممات كان عمري 5 سنوات وبدت حياتنا عشنا عائله متوافقه مع بعض ريكات امي حبابات خاصه الوسطانيه تكعدنا عل المدارس اني واخواتي وتريكنا ماتمل من عدنا وسجلت اختي الي اكبر مني 4 سنوات باسمها رفاهه وربتها مع العلم كلنا ببيت واحد ماتفرقنا وكبرنا و صرت صف سادس ابتدائي وكنت اروح اني واخواتي الازغر مني للمدرسه، مره واني بصفي كاعده جان ولد شمري ابن شيوخ شايف نفسه من يشوفني بالصف يذب حجي واني اغلط عليه او اشكيه للمديره ويتعاقب ومره ردت اطلع من الصف وكف بطريقي ولازم الباب كلته ابتعد ماقبل وسحبت ايده عن الباب بقوه راد يضربني واني ضربته قبل ونزلت عل الاداره وتعاقب من اطلع من المدرسه لان بيتهم يم المدرسه اخاف لايتعرضلي ونهزم بغير فرع كنت اطلع من البيت اسمع شباب من عمرنا يكولون طلعت الحمامه طلوا اصدقاء زاهد كانو يقفون مقابيل بيتنا مع زاهد 6 شباب بس ماكنت اظن عليا الكلام وبهذا الايام كانت زوجته ابويه الصغيره حامل بعد ست سنوات يمنا وصارت ولدتها مارحت عل المدرسه لان ننتظر شراح اتجيب زوجة ابويه وفعلا جابت ولد وفرحنا وبجينا من الفرح وسوه ابويه عزيمه لوجه الله ومشت الايام واني ادوام واطلع اشتري من المحل وهم اسمع هذولا الشباب يردودن الحمامه جانت مدرسنا يم بعض انروح ونرجع سوا بس مالي علاقه ولا اعرفهم وخلصت السادس طبعا اهلنا مايقبلون انكمل عادات وتقاليد بس جان بنفسي اكمل واصير ممرضه وكعدت بالبيت ومره دك الهاتف الارضي ساعه 3 العصر جاوبت ماكان اكو احد بس اني اهلي يطلعون ورديت كال الو السلام عليكم باهره: اهلا وعليكم السلام منواني زاهد حضرتك شهنازباهره: طبعا شهناز اختي الاصغر مني كلت اي اتفضل ردت اعرف منين يعرف شهناز ومنين جاب الرقم كالزاهد: اكيد انتي شهناززاهد: لاتسدين الهاتف واسمعيني عفيه باهره: حبيت اسمع واعرف منو هو كتله تفضل شنو تريد تكول زاهد اني معجب بيك وماقصدي اضحك عليجباهره: بزمنا كان الحب صادق مو مثل وكتنا هذا كلت بس اني مااعرفك زاهد: اطلعي هسه امر من يمكم بس لاتسدين بوجهي الباب زاهد: لا لا اصعدي عل السطح احسن مااريد احد يشوفنا راح البس سمائي هذا لوني المفضلباهره : وفعلا صعدت وكفت عل السطح وجاء، شاب طويل انيق بس ماركزت بملامحه استحيت بس شفته ونزلت ورجع بعد 5 دقائق واتصل عليا جاوبتباهره : اي بس انت شفتني زاهد: اي من اكثر من سنه اني اشوفك وتعجبني اخلاقج مؤدبه من تمشين وحيل عجبتني باهره وتعرف اسمي زاهد: اي شهناز باهره: غلطان اني مو شهناز زاهد.: صديقي ايهاب ايكول اسمج باهره واني اكول لا هيه اسمها شهناز باهره : انت معجب بمني زاهد. : اي بيج انتي شهنازباهره: شهناز اختي الازغر متوهم انت زاهد : من هذا يحلف ايكول انتي باهره واني معاند المهم اني معجب بيك انتي باهره،، شهناز ، حنين رفيف؛ المهم انتي المقصوده باهره: منين جبت الرقم ((كان سابقا يكتبون الارقام بدفتر ازغير)) زاهد: سرقت محفضة ابن عمك واخذت رقم ابوكباهره: ((لان يعرف اسم ابويه)) هسه المطلوب زاهد.: والله انتي اتخلين الواحد يموت عليك من الادب الي شايلته وحبيت اتقرب الك بأدب والله لاتخافين منيباهره: تمام احجي وياك بس من اتقل ادبك مااحجي ابدزاهد : وعد ما راح اقل ادبي . . . باهره : صار مكالمات بيناتنه وكلام وبيني وبينكم كمت احس بشعور غريب بس ماحبيت احجيله عن مشاعري يجوز نزوة شباب بس اذا مااسمع صوته احس مضيعه شي كبير ومرة كال زاهد : باهره والله احبج واتمنئ اسمعها منج اذا اتحبني باهره : بعدني ما متاكده من مشاعريوصار يوميا الصبح اطلع عل باب الحوش اشوف مخلي ورده او علبه كاكو او رساله ايخليها بشخاطه هذا البريد مالناصرت يوميا اطلع واشوف مخليلي شي هدايه وصرت مدمنه عليه بليل يكعد مع اصحابه عل الحايط مال الشارع سياج ال 2 بليل واني اطلع بلطرمه اباوع ماانام ال يروح وازداد تعلقي بيه وصرت اعشقه عشق زليخه ليوسف وبليل نسهر ال الصبح نحجي بالهاتف اخليه جوا البطانيه واخير كلت زاهد اني فعلا احبكزاهد: امانه الله صحيح بحبيني باهره باهره.: والله احبك زاهدزاهد. : ياعمر زاهد وقلب زاهد والله لو تعرفين فرحتي هسه ولج باهره وداعت امي احبج واعشقج باهره: حبي ل زاهد كام يكبر يوم بعد يوم وصار تعلقي بي لا يوصف وهو هم نفس الحب ونفس الشعور وصارت حياته مشتركهوصرت من نطلع سفره كل جمعه اكوله وين رايحين ويلحكنا هو واصدقائه ومن يصير مجال اشرد بصفحه احجي وياه ومشت الايام وين مااروح يجي معنا من اروح للمستشفئ او اي مكان مره رحنا عل القريه مال اهلي كان عرس ابن خالي ورحنا كلنا واني لبست بالعرس الزي العربي للقريه وطلعت كلش حلوه مع العلم جنا مانخلي مكياج بس الكحل وصارت الدبكات كل اشوي واحد من اقربائي ايكول تعال طبي معاي بالدبكه لان مختلطه واطب وياه بس ابن خالي شاهين يشاورني حتى اطب بيده بس اني مااحبه ابعث من خوات او بنات عمي ماعجبني سبحان الله ولا احبه ابددد بقينا بالقريه اسبوع ورجعنا للموصل وبعد 10 ايام اجوي بيت خالي عدنا وياريت ماجو……