رواية تزوجت حماي الفصل الخامس 5 بقلم عائشة الدليمي ام كنان ــــــ اي قمر ــــــ هم اخذت رجلها وهم ابنها گام يعباليني امه وهم اخذ غرفته لا يعمه صعبه ام كنان ــــــ عجل اني اخلي كنان يجي قمر ــــــ راحت ورجعت ام كنان ــــــ كنان ميقبل ينام بغرفة اخو قمر ــــــ عمه هاهيه اني مرتاحه بغريفتي ام كنان ــــــ مو قصة مكان و مرتاحه مو مرتاحه اني اريدج اسدين غصة ابني اريدج تضمدين گلبه قمر ــــــ واني منو يضمد جرحي ها عمه ام كنان ــــــ كنان قمر ــــــ واذا كنان ماجان ضماد لگلبي اني مرا اختلف عن الزلمه الزلمه ينسى بساع بس المرا انتي مرا مثلي ليش دوم تضلميني ام كنان ــــــ لان اني ام و اهم شي بحياتي ابنائي قمر ــــــ گالت وعيونه تهل بالدموع والرجفه بحجيها الخلتني ابجي ام كنان ــــــ هسه هسه يجي طفلج و اتحسين بالاني بالاني احس بيه هسه اتشوفين الامومه شكبرها وشعضمتها قمر ــــــ من شفتها شلون تحجي والدمع يتسابق على خدها بجيت ماگدرت اشوف هالموقف گدامي اجت ام جنان لعبت طوبه وتريد تاخذ صلاح ام جنان ــــــ اني حفيددي مايربه يم مرة الاب قمر ــــــ خاله الله يخليج لتزيدين علينه وصلاح يعتبرني امه و الله ما اذي عود لو ااذي اجي اني اجيبلجيا ام جنان ــــــ شلون شلون انطاج گلبج اطبين لغريفة ابنيتي المرحومه قمر ــــــ والله ماطبيت ولا اطبها هالغرفه تبقى غرفة جنان للابد اذا اطبها انضفها واطلع مستحيل اخذ غريفتها ام جنان ــــــ جان لا اخذتي ابنها ورجلها ام كنان ــــــ خلي الله بين عينج خيه انتي مثل مامحروگ گلبج على بنتج اني محروگ گلبي على ابني هم مو هينه عليه ازوج زوجة ابني الگعيده لاخو الجبير هم مو هينه عليه بس لخاطر الجهال هذا صلاح يفكرها امه و ابنها الجاي خوما يربى بين غرب ام جنان ــــــ هئ هاي منهاي يصلاح صلاح ــــــ ماما قمر ــــــ انهارت بالبجي وعمتي تبجي واني گعدت ابجي صلاح من شاف الكل يبجي فرط من البجي وهوا بيه فحطه اخذته للغرفه وسكته طلعت لگيت كنان جاي و مدنگ راسه والحزن مبين عليه راحت ام جنان بعد ماحاولو وياها تبقى بس مابقت گعدنه عالعشه محد اله نفس ياكل ام كنان ــــــ گمر گومي اسبحي وذبي الاسود وانته همات ذب الاسود قمر ــــــ ماگدر اذبه الاسود صار حياتي شلون اذبه ام كنان ــــــ مو حياتج الاسود هسه انتي مرا متزوجه قمر ــــــ هئ عمه لا تلحين عليه الله يخليج،،،، عفت الاكل ورحت اسمع صوتها تبجي واتگللهم عجل اني عليه هين اتصرف جن مو رايحلي بزر،،،، ضليت ابجي وروحي احسها تريد تطلع نمت گعدت على صلاح يتلمس بطني،،،، هنا دادا صلاح ــــــ داداقمر ــــــ تعال،،، اجه نام بحضني نام على ضهره وطبگ رجيلاته يروحي هوا هالگدوته،،،، هنا دادا حلو مثلك صلاح ــــــ دادا قمر ــــــ اي دادا اخوك صلاح ــــــ دادا قمر ــــــ رجعت نمت وبعدها گعدت نزلت نضفت البيت وعمتي اتون ورايه تعاي انزعي الاسود،،، عمه انزع الاسود بس بشرط تلبسين احمر دموي تا عود بذاك الوكت ابدل الاسود،،،، ضلت ساكته گالت ضايع وياج الحجي رحت سويت غدا وناديتلها لگيتها تون وتبجي على ابنها گعدت بجيت وياها وبعدها صبيت للولد غدا وصعدت لغرفتي صار رمي هبابني نزلت صلاح رحنه للمخزن امن شي و نصه بالگاع انتهى الضرب كنان شال رشاشته وراح للشط ورا شويه وتبدي العلگه عمتي ملخت روحها رجع كنان وايده مشگوگه لفها وعافها وعمتي تخبلت كنان ــــــ يمه هوا جرح قمر ــــــ رحت نومت صلاح ونمت مر شهرين وتهجرنه عمتي متريد تبعد عن الديره و عمي نفسها وكنان يريدنه بمكان امن و عمتي تريد بالخالديه والخالديه يوميه واگعلها صاروخ بيها رحنه للسياحيه لگينه البيوت كلهن مستأجرينها والي شارينها جاب خيمه ونصبها و جر كهرباء اول يوم جان حيل صعب ثاني يوم لگينه عگارب مرا الايام لعبان نفس واني اتخايل يجي احد يشگ الخيمه ويصورنه ويروح حسيت شي يدبي عليه هبابني لزمت ايد كنانكنان ــــــ شبيج قمر ــــــ مافتحت حلگي لان على وجهي ضغطت على ايده فتح الضو ماحسيت غير كنان گارصته العگربه كتلها وضغط على ايده كنان ــــــ احزگي ايدي بسرعه قمر ــــــ حزگتلهيا ضل يدور على دنبوس يمه،،، الزم اني اجيبلك كنان ــــــ اي بسرعه قمر ــــــ جبتله دنبوس و صار يشرح بصبعه متت من الخوف صار يعصر الدم البيده بعدين لفها ورجع نام،،،، اني مگدر ابقى اهين ابو صلاح شوفلنا صرفة حل كنان ــــــ والله حرت بيكم شسويلكم امي وابويه مايرضون نطلع وانتي ماترضين بالخالديه و هنا عگارب و الخدمات نص اردان شسويلكم يابه گرعتو روسي نامي واني باجر الگه حل للعگارب قمر ــــــ نمت گعدت الصبح لگيت نفسي بحضنه لاول مرا اتصير على كيفي گمت لگيت صلاح طالع ركضت وراه مستلعب ويه جهال المنطقه ضليت ادحگله كنان راح للمستوصف سويت ريوگ بين ميجي رجع تريگنه كنان ــــــ يابه جبت مبيد حشري ابو كنان ــــــ ودعك يابه كنان ــــــ علواه تطلعون تا ارشه قوي اخاف مو زينلكم ابو كنان ــــــ اي يابه قمر ــــــ طشه ضلينه للضهر تا فتنه للخيم كنان ــــــ يابه عيب خيمنه مخشلعه عالناس اريد اجيب جوادر واسوي سياج ابو كنان ــــــ من الزينات ييابه كنان ــــــ اي يابهقمر ــــــ راح جاب جوادر وسوا دير شكبره ودعه احسن استقرينه هناك عاد راح وجاب خيم جبيره حيل جبيره وعاليه و متينه اشتراهن على احسابه لان السياحيه جانت حيل خدماتها ازباله بدينه نستقر وراد يبني بس محد قبل لان هيه منطقه سياحيه او مدينه سياحيه مو مالت بناء جنت جاي اخبز ولاول مرا كنان يطلب مني شي كنان ــــــ قمر قمر ــــــ نعم كنان ــــــ من تخلصين اغسلي ملابسي باجر اللتحق قمر ــــــ إن شاءلله كنان ــــــ اني طالع قمر ــــــ ماشي براحتك،،، راح ضميت الخبز و رحت غسلت ملابسه وشريتهن رحت للغرفه سبحانه من العرگ هيه مو غرفه عبالك ديوان هاي خيم كبار حيل عدنه خيم صغار حيل يصيرن مثلثات وخيم لا شويه عاليات مربعات والخيم الكبار لا اتصير مستطيله وشطولها و شضخمها الخيم ذنيج يعبرن مي لكن هاي ماتعبر مي شي على شي زينات هالخيم احسن شي سوا جابهن صبيت عشى و بعدها تعشينه جنه گاعدين برا اني وعمتي وعمي وكنان وهمه يحجون عالوضع واني كل شويه ماخذه جبسايه من صلوحي هنه كلهن وگعن ابطني جان يدگ ابويه رد كنان كنان ــــــ الو هلا عمي هلا بيك والله الحمد الله شرايحلنه گاعدين والله ساتر علينا ههه شيجيبني اني لا گول لو موافقين انروح لبغداد لاربيل لازگين بريحة الديره عمي ياديره بهالجوله والله شيقنع الوالد والوالده اي صح ديرتهم ____السادس من هنا
