رواية طعنة في الصميم كاملة جميع الفصول بقلم هاجر نور الدين

سمعت صوتهُ بالليل وأنا نايمة وهو بيكلم واحدة في التليفون، إترعبت من الفكرة وقومت بهدوء عشان أشوف لو فعلًا بيكلم واحدة عليا لاقيتهُ واقف في البلكونة وبيتكلم بصوت واطي، إستخبيت وفضلت أسمعهُ وكانت دموعي بتنزل زي الشلال وقلبي كان إتك*سر، سمعتهُ بيقولها:_لأ ياحبيبتي هي نايمة دلوقتي، هكلمك براحتي بقى، بجد وحشتيني أوي.مشيت بسرعة ودخلت الأوضة تاني وأنا بعيط وقلبي وا*جعني بشكل رهيب وبحاول آخد نفسي، يعني إي!!يعني زياد بيخونني، بيخونني أنا، دا إحنا بقالنا شهرين بس متجوزين وعن حب 3 سنين كمان، طيب إزاي، وليه أصلًا، قلبي كان محرو*ق ومش عارفة هعمل إي بس قررت أأجل االمواجهة دلوقتي عشان أعرف هعمل إي، أول ما سمعت صوتهُ جاي على الأوضة بعد شوية عملت نفسي نايمة بسرعة وأنا بمسح دموعي اللي على خدي، حط التليفون بتاعهُ جنبهُ على الكوميدينو ونام وقرب مني وحضنني، إزاي قادر يكون بالشكل دا، بجد إزاي يبقى بيخونني ويعرف واحدة عليها وفي نفس الوقت ييجي يحضنني ويحسسني إنه بيحبني كدا، فجأة الحضن اللي كنت بحبهُ ببيت قر*فانة منهُ وأول ما نام بعدت عنهُ وقومت عشان أحاول أفتح التليفون وأشوفهُ بيكلم مين بس معرفتش أفتحهُ روحت نمت وأنا بعيط لحد ما الصبح يطلع، تاني يوم صحيت قبلهُ وكلمت منال صاحبتي وقولتلها تجيلي بعد ما جوزي ينزل عشان عايزاها في موضوع مهم، بعدها زياد صحي وكان مُبتسم ليا وقال:_صباح الخير ياحبيبتي.  بصيتلهُ ومردتش عليه، بجد مكنتش قادرة أرد عليه قلبي كان بيغلي، حبيبتي اللي قالهالي قالهالها إمبارح برضوا، إتكلم تاني بإستغراب:_في إي مالك يافريدة، في حاجة مزعلاكي.رديت عليه وأنا بحضر الفطار:=لأ مفيش، زهقانة بس شوية.إبتسم وقال:_ميهونش عليا أسيبك زهقانة كدا، إن شاء الله أول ما آخد أجازة هخرجكك على طول وأغير من نفسيتك عندي كام فريدة أنا.إبتسمت جوايا بسخرية، قد إي بيعرف يمثل كويس أوي، ولكني مش قادرة أسمع لـِ كلامهُ دلوقتي، خلصت الفطار وفطِر ونزل قومت بعدها أروق البيت وبعد شوبة جاتلي منال وخدتها بالحضن وقولت بعتاب:_وحشتيني أوي بقالك كتير مش بتيجي، لازم أقولك تيجي يعني.إبتسمت وقالتلي:=ياحبيبتي وإنتي كمان وحشتيني والله بس إنتي عارفة الشغل والدنيا، المهم إي الموضوع اللي كنتي عايزاني فيه?إتنهدت وبصرت قدامي بشرود وقولت بحُزن:_جوزي بيخونني يامنال.إتوترت وقالت بسرعة:=إي، بيخونك إزاي يعني ومع مين?رديت وقولت:_مش عارفة بس أنا سمعتهُ بالليل بيتكلم مع واحدة في التليفون وبيقولها وحشتيني حاولت أفتح التليفون أشوف هي مين بس معرفتش أفتحهُ.  ردت عليا بهدوء وقالت:=يمكن سمعتي غلط ولا حاجة يافريدة._بقولك سمعتهُ بوداني وهو بيقولها وحشتيني وحبيبتي، أنا متأكدة من اللي سمعتهُ.سكتت شوية وبعدين قالتلي:=طيب بُصي، أكيد كش هتقوليلهُ وتخر*بي بيتك يعني، إهتمي بيه كدا وخليه ينسى التانية دي، مش دا اللي صدعتي دماغنا بيه عشان بتحبيه وتتجوزيه.إبتسمت بسخرية وقولت:_وأهو بيخونني دلوقتي، مش هقدر أعمل كدا يامنال أنا مش طا*يقة أبُص في وشهُ والله.عدلت قعدتها وبصتلي وقالت:=بُصي ومتبقيش خايبة كدا، إنقذي بيتك ومتواجههوش وتخر*بي بيتك بإيدك وهي نزوة وهتروح لحالها هو كدا كدا بيحبك إنتي وإتجوزك إنتي، إكسبيه إنتي كدا وهو مش هيكلمها تاني.بصيتلها بإستغراب وقولت:_يا منال بقولك بيخونني تقوليلي إكسبيه، وبعدين أنا مش مقصرة معاه في حاجة ومبقالناش كتير متجوزين كمان يعني عشان يلحق يزهق مني.  إتنهدت وقالت بحزم:=أنا عايزة مصلحتك ومش عايزاكي تتطلقي وإنتي صغيرة كدا، وزي ما قولتلك هي نزوة، إنتي بس نسيه التانية دي وهو هيرجعلك تاني وبعدين دا كلام في التليفون بس يعني نلحق الوضع.بصيتلها بتفكير وأنا مترددة ومش عارفة أعمل إي، تليفونها رن وكان قدامي على التربيزة مسكتهُ عشان أديهولها بس لاقيتهُ رقم جوزي!!بصيتلها بإستغراب وقولت:_إي اللي جاب رقم جوزي عندك يا منال?↚_إي اللي جاب رقم جوزي عندك يا منال?بصيتلي بتوتر وقالت بإهتزاز:=في إي يابنتي إنتي كلمتيني من عندهُ قبل كدا فـ سجلتهُ.بصيتلها بشك وقولت:_أنا مش فاكرة إني كلمتك من تليفون زياد قبل كدا، وبعدين بيتصل بيكي ليه دلوقتي.ردت عليا بتوتر وعصبية وقالت:=في إي يافريدة، بتحققي معايا وكإنك شاكة فيا، تلاقي التليفون بتاعك مش بيديلهُ شبكة يعني فـ إتصل عليا يتطمن عليكي من عندي.كنت بصيلها وهي بتتكلم بتوتر ومش مرتاحة، بس برضوا دي صاحبتي الوحيدة اللي من وإحنا صغيرين من بعض، إديتها التليفون وقولت:_إمسكي ردي طيب.  مسكت مني التليفون وردت بسرعة وكنت مراقبة ملامحها وهي بترد وجالها ثوتهُ وهو بيقول:_إي ياحبيبتي عاملة إي?بصتلي وإبتسمت بتوتر وقالت:=أهو شوفتي ياستي مش قولتلك بيتصل بيكي من عندي عشان تليفونك مفيهوش شبكة، إمسكي معاكي أهو.خلصت كلامها وإدتني التليفون مسكتهُ منها ورديت عليه، جالي صوتهُ وهو مش مرتب الكلام وبيقول:_إي ياحبيبتي قلقتيني عليكي برن عليكي من بدري والتليفون مش لاقط شبكة.رديت عليه بهدوء وقولت:=معلش التليفون مش في إيدي، إنت عرفت منين إن منال عندي عشان تتصل عليها.جالي ردهُ بتوتر وقال:_هاا، أصل أنا سمعتك وإنتي بتكلميها عشان تجيلك.قولت بعدم إقتناع:=أه تمام، كنت بتتصل ليه طيب?_كنت بسألك لو عايزاني أجيب أكل وأنا جاي بالليل يعني.قولت بنفاذ صبر وعصبية حاولت أداريها على قد ما أقدر:=زياد إنت لسة نازل إحنا فين والعشا فين، لما تيجي بالليل على خير إن شاء الله._خلاص ماشي ياحبيبتي يلا سلام.قفلت معاه وبصيت لـِ منال بشك وأنا بفكر وحاسة إني في وسط بركان بيحدف نا*ر عليا من كل حتة، إتكلمت منال بعتاب وهي بتضحك:_إنتي شكلك كدا شكيتي فيا بسبب جوزك، بقولك إي أنا كدا من حقي أزعل بجد.رديت عليا بإبتسامة خالية من آي حاجة وقولت:=حقك عليا يامنال، بس أنا حياتي بتبوظ ومش عارفة أعمل إي.مسكت إيدي وقالت بإبتسامة:_ولا يهمك ياحبيبتي أنا عارفة اللي حاسة بيه دلوقتي وإنك تايهه بس أختك جنبك ومش هسيبك أبدًا.إبتسمتلها وبعدها قامت ومشيت من البيت فضلت قاعدة مكاني وأنا قلبي بيو*جعني بشكل رهيب، مستحيل بجد اللي بيحصل في حياتي دا، بس يمكن أكون ظلماها، يمكن حتى لو في نسبة 1% إن مش هي اللي بتخونني فـ أنا همسك فيها لإنها أختي وعشرة 24 سنة معايا من وإحنا صغيرين، دخلت أنام شوية وأريح دماغي من التفكير عشان هيخ*لص عليا بالشكل دا.  ___________________________نزلت من الشقة وركبت تاكسي وإتصلت بيه وأول ما رد إتكلمت بغضب وقالت:_إي اللي إنت عملتهُ دا، كدا شكت فيا.جالها ردهُ عليها بعصبية وهو كمان وقال:=ما إنتي معرفتنيش إنك نازلة وريحالها.إبتسمت بسخرية وقالت:_أيوا بس هي أصلًا عرفت إنك بتخونها وسمعتك وإنت بتكلمني إمبارح.رد عليها بصد*مة وقال:=إي!!!_زي ما سمعت، إحنا هننهي كلام خالص في البيت وقرب منها وحسيسها إنك مبقتش تكلم غيرها كدا أنا قولتلها متواجهكش وتخر*ب بيتها، وركز عشان خاطر نعرف ناخد منها الورث اللي على قلبها كدا ونسافر ونتجوز، آي غلط تاني كل دا هيطير يازياد.جالها ردهُ بضيق وقال:=ماشي يامنال، يلا سلام دلوقتي عشان أشوف الشغل اللي ورايا.↚صحيت بالليل على صوت الباب بيتفتح وكان زياد، دخل وهو مُبتسم بشدة وحب مُزيف بقيت أشوفهُ في عينيه، سبحان الله بجد وكإني من بعد المكالمة بقيت أشوفهُ على حقيقتهُ، إتكلم وقال:_أنا جبتلك هدية على فكرة عشان خاطر الزهق اللي بتبقي قاعدة فيه وأنا في الشغل.طلع علبة من الشنطة اللي كان ماسكها في إيدهُ وفتحها وهو مُبتسم وكان سلسلة دهب، قرب مني ولبسهالي وأنا كنت هادية جدًا ومش مدية آي رد فعل، قال وهو مُبتسم:_ها إي رأيك فيها?بصيتلهٌ وإبتسمت بخُبث وأنا بفكر في اللي هعملهُ وقولت:=جميلة ياحبيبي تسلم إيدك.شوفتهُ بعدها إتبسط جدًا وبعدين قال بحماس:_تعالي بقى ناكل أنا جايب أكل من برا مش عايز أتعبك النهاردة خالص.إبتسمت وقعدت كلت معاه، وأكلتهُ بإيدي كمان وأنا بضحك، أنا مش عندي إنفصام ولا حاجة، بس أنا عايزاه يرتاح خالص من فكرة إني شاكة فيه وإني فعلًا هعمل بنصيحة منال، ولو هي فعلًا اللي بيخونني معاها فـ أنا عايزاه يوصلها برضوا إني مش شاكة فيها بالعكس بعمل بنصيحتها، خلصنا أكل وقومنا بعدها ننام، تاني يوم صحيت وكنت خلاص مجهزة الخطة اللي هعملها، لبست ونزلت وزياد نايم، روحت على أقرب كافيه وقعدت فيه وطليت فطار وعصير، لازم أختفي شوية من الوسط عشان أخليه ياخد راحتهُ أكتر، فضلت قاعدة وأنا متدايقة جدًا من الخيا*نة اللي بتعرضلها من حبسب عُمري وأختي   وصاحبتي، بعد ما عدا 5 ساعات تقريبًا وكان بعد العصر قومت ومشيت وأنا ماشية وباصة في التليفون خبطت في واحد بالغلط وقولت:_أنا اسفة جدًا مخدتش بالي.ركزت فيه وبعدين إبتسملي وإبتسمتلهُ وقولت:=خالد، عامل إي، إي اللي جابك هنا?إبتسم وقال:_الحمدلله كويس، كنت بزور عمتي لإنها ساكنة في الحي دا.إبتسمت وقولت وأنا بهز راسي:=أه، طيب إبقى سلملي على طنط سُعاد بقى والله وحشتني جدًا هبقى آجي أزورها قريب إن شاء الله عن إذنك.إبتسم وقال:_مع السلامة.خالد يبقى إبن طنط سُعاد اللي ساكنة في وش بيت ماما، ويعتبر هي مربياني أنا كمان لإن نُص طفولتي كنت بلعب من ميادة بنتها وخالد، خرجت من الكافيه وبعدين روحت البحر قعدت قدامهُ، كنت عايزة أضيع الوقت لحد ماهو يرجع البيت، بصيت تاني على موبايلي اللي كنت عملالهُ وضع الطيران وإتنهدت، بجد لازم أخليكم تندموا، أنا مش هسيب حقي أبدًا، عدا اليوم والليل جِه وروحت البيت وكان خالد واقف بتوتر في أوضة النوم وبيتكلم في التليفون وبيقول:_بقولك معرفش هي شكلها كدا شكت فينا إحنا الإتنين، ما إنتي اللي غبية يا منال إزاي متقوليليش إنك رايحالها عشان آخد بالي.سكت شوية بيسمع الطرف التاني وأنا أول ما سمعت إسمها إتأكدت إن هي صاحبة عمري وحسيت بك*سرة في قلبي لـِ تاني مرة ولكن الصدمة بجد لما سمعت ردهُ التاني عليها:_مانا صابر أهو يامنال ياكش في الأخر بس نعرف ناخد العمارة ونخلص بقى منها.إتصد*مت، جردل ماية ساقعة إتدلق عليا، للدرجة دي وصلت بيهم الحقا*رة، للدرجة دي مكنش في عشرة بيننا!!بسرعة روحت عند الباب وأنا بمسح الدمعة اللي نزلت وعملت صوت في الشقة كإني لسة جاية، خرج بسرعة بعد ما قفل وقال بتوتر:_كنتي فين يا فريدة من الصبح وأنا قلقان عليكي جدًا.رديت بسخرية خفية:=كنت بزور العمارة اللي سبهالي بابا ليكون حد أذاها ولا حاجة، إنت عارف إن الحاجة اللي مش بيبنلها صاحب بتبو*ظ والناس ما بتصدق.  إبتسم وقال:_طيب الحمدلله على سلامتك، وبمناسبة بقى موضوع العمارة دا أنا عندي فكرة.بصيتلهُ بإستغراب وقولت:=فكرة إي دي?إتكلم وقال ببجا*حة:_إي رأيك أمسك انا العمارة دي وأظبطهالك بقى ونزود الايجار شوية عشان الزمن غِلي وبرضوا لما يبقى راجل اللي مسئول عنها الناس مش هتستهبل وهتمشي عدل.↚بصيتلهُ بعصبية على بجا*حتهُ وقولت بهدوء وأنا بحاول أهدي الغضب اللي جوايا:_يعني إي تمسكها، قصدك تدريها يعني?إبتسم وقال:=ياحبيبتي لأ، قصدي إن مالك هو مالي، وكدا كدا أكيد هبقى عايز مصلحتك وأديرلك الدنيا وبدل العمارة معايا تبقى خمسة.بصيتلهُ وأنا بحاول أهدى وقولت وأنا بتصنع عدم الفهم:_لأ مش فاهمة معلش وضحلي أكتر.إتكلم بتنهيدة وقال:=ياحبيبتي ركزي معايا، بقولك إكتبهالي بإسمي يعني وأنا جوزك حبيبك أكيد يعني مش هبقى عايزلك الش*ر.شديت على إيدي وقولت بإبتسامة مُزيفة:_هبقى أفكر في الموضوع دا بعدين ياحبيبي.إبتسم لـِ فكرة إني صدقتهُ بجد وإني هكتبهالهُ وقال:=طيب ما نقعد نفكر النهاردة وإكتبهالي.بصيت في الأرض وبحاول ممسكش آي حاجة جنبي وأنزل بيها على دماغهُ وقولت بـِ نفس الإبتسامة:_أنا تعبانة دلوقتي يازياد بعد إذنك هروح أنام وبكرة إن شاء الله نتكلم.  مشيت من قدامهُ ودخلت الأوضة وقعدت أخد نفسي بهدوء، بجد مكنتش متوقعة إن البجا*حة ممكن توصل للشخص للحد دا، هو للدرجة دي فاكرني هبلة، للدرجة دي كان بيخدعني وعمرهُ ماحبني وبس كان بيستغلني طول الفترة دي كلها، ومنال!!منال أختي تعمل فيا أنا كدا، وتبقى عايزة تاخد ورثي من بابا وكمان بتخونني مع جوزي، بجد حاسة إني في كابوس، فردت ضهري على السرير بتعب ونمت وأنا مقررة خلاص إني هنفذ بكرة، تاني يوم صحيت متأخر وكان زياد نزل من البيت، قومت لبست ونزلت وروحت لـِ بيت أهلي القديم، بصيتلهُ من برا وأنا حزينة على كل اللي حصلي من بعد ماسيبتهُ أو بالآحرى من بعد وفاة ماما وبابا، دخلت وخبطت على طنط سُعاد أول ما فتحت وشافتني قدامها خدتني في حضنها بالحب وقالت بإبتسامة وسعادة:_ياحبيبتي وحشتيني بقالك كتير أوي مش بتيجي، من ساعةةما إتجوزتي تقريبًا، ينفع كدا!!شديت على حضنها وقولت:=حقك عليا والله أنا عارفة إني غلطانة، عاملة إي وحشاني جدًا.ردت عليا بإبتسامة وهي ماسكة إيدي وبتدخلني البيت:_الحمدلله ياحبيبتي، تعالي إقعدي يلا أنا عاملة الكيكة اللي بتحبيها طول عمرك بنت حلال هعمل بقى كوبايتين شاي ونقعد أنا وإنتي نتكلم.بصيتلها بإبتسامة وقولت:=مفيش داعي تتعبي نفسك.بصتلي بعتاب وقالت:_لو مش هتعب نفسي عشان يبقى عشان مين يعني، إقعدي إقعدي.إبتسمتلها وقعدت وهي دخلت المطبخ، بعد شوية لاقيت خالد طالع من ااحمام وشعرهُ مبلول وبيسمحه في الفوطة وبيقول من غير ما يبُص على اللي قاعد:=بقولك إي يا أمي إقفلي موضوع البنت اللي إنتي جيباها دي، أنا مش مرتحلها أصلًا ومش بنت أنا عشا..قطع كلامهُ أول ما شافني ودخل الحمام تاني بسرعة بإحراج وأنا فصلت ضحك عليه، طلع تاني بعد دقيقة وقال بإحراج:_إي دا، إزيك يافريدة جيتي إمتى?رديت عليه وأنا بضحك:=لسة جاية.قعد بإحراج وقال:_معلش مشوفتكيش.إبتسمت وقولت:=ولا يهمك، المهم إني جيالك في موضوع مهم جدًا وعايزاك معايا فيه.بصلي بإهتمام وبدأت أتكلم بجد:_زياد بيخونني مع منال يا خالد.بصلي بصد*مة وقال:=منال!!منال بنت جارتنا!!إتنهدت وقولت بحزن:_أيوا للأسف، ومش بس كدا متفقين الإتنين إنهم ياخدوا الورث بتاعي من بابا واللي هي العمارة بتاعتي، ومن بجا*حتهُ طلب مني كدا إمبارح، بس أنا موضحتلهوش إني عارفة حاجة لحد ما أنفذ اللي في دماغي.رد عليا خالد بغضب:=وإنتي ناوية تعملي إي?بصيتلهُ بجدية وقولت:_هلبسهم الإتنين في الحيط، هخلي السحر يتقلب على الساحر.بصلي بعدم فهم وقال:  =يعني إي!!إتكلمت بتصميم وقولت:_أنا عايزة طنط سُعاد متبقاش هنا بالليل، وانا وإنت هنبقى مجهزين كل حاجة ومستنيين، بُص أنا هوهمهُ إني بمضيه على ملكية العمارة ليه لكن في الحقيقة هبقى بمضيه على عقد الطلاق، وهبعتهُ بعدها على الشقة دي وهتبقوا حاطين الدهب والفلوس في مكان واحد وهعرفهُ اني عرفت انكم مش هتبقوا في البيت ومعايا نسخة من المفتاح كدا كدا، هو همهُ فلوس يبقى يروح للفلوس والدهب وبعدها تيجي إنت في الوقت المناسب وتطلب الشرطة وتقول انه كان بيسرقك، ووقتها هقول إنهُ طلقني وسرق مني فلوسي وهرب وخد المفتاح عشان يسرق بيت أهلي كمان بس غلط وخد مفتاح شقتكم إنتوا وفي الحالتين هيتمسك بالسرقة، وبعدها تخليه يطلقني لفظًا رسمي، وبالنسبة لـِ منال في هي هتتاخد في الرجلين معاه بطريقة.بصلي بدهشة وصد*مة وهو مبرق وقال:=إنتي جايبة التفكير الشيطا*ني دا منين!!بقى هي دي بوسي، هي دي ملاك الرحمة!!ضحكت وقولت:_أنا بتكلم بجد، هما مفكرني صيد سهل، بس ميعرفوش أنا مين بجد، الإتنين جربوا الحب مني وخدوا كل الحنان، بس عمرهم ماشافوا الوش التاني ليا اللي مش بيرحم، بس هما اللي طلبوا.↚بصلي خالد بـِ حزن وقال:_إنتي أكيد مش أحسن حاجة دلوقتي ونفسيتك مش متظبطة.بصيتلهُ وإبتسمت بحُزن وقولت:=الحمدلله، دي نتيجة إختياري، سواء كان إختياري لـِ زوج أو صاحبة.إتكلم وقال بتصميم وبغضب:_أوعدك هجيبلك حقك، لازم نخلص الموضوع دا النهاردة.بصيتلهُ وإبتسمت بإمتنان، كات بعدها طنط سُعاد ومعاها كيكة وشاي، قعدنا كلنا وكلنا وإتبيطنا وحقيقي حسيت في الدقايق دي إن روحي رجعتلي تاني، حسيت بإني رجعت صغيرة تاني وسط اللي بيحبوني بجد، قومت بعدها سلمت على طنط سُعاد وأكدت على خالد ومشيت من البيت، روحت البيت بتاعي وكنت مجهزة الورق وكل حاجة بالفعل، كنت طابعة ورقة البيت على ورقة الطلاق ماعادا المكان اللي هيمضي فيه كان تبع ورقة الطلاق، قعدت وإستنيتهُ لحد ما جِه وإبتسمت وقومت حضنتهُ وقولت:_أخيرًا حبيبي جِه، إتأخرت أوي النهاردة على فكرة.إبتسم وقال:=معلش حقك عليا كان في شغل كتير النهاردة.أبتسمت ومسكت إيدهُ وقولت وأنا ماشية:_أنا فكرت في اللي إنت قولت عليه وقررت إني هتنازلك عن العمارة وأهو أضمن إن جوزي هيعمرهالي مش هيه*دها.إبتسم بسعادة وقال:=بجد، أنا كنت عارف إن مراتي حبيبتي ذكية وبتفكر صح.  مسكت القلم والورقة وإديتهوملهُ يوقع عليهم وهو كان في غاية السعادة، وأنا كمان كنت في غاية السعادة بعد ما وقع قام وحضنني، قولتلهُ بإبتسامة:_صح أنا نسيت أقولك، فاكر طنط سُعاد جارتي اللي كانت مربياني?إستغرب وقال:=أيوا فاكرها، مالها?إديتلهُ مفتاح الشقة بتاعتها وقولت:_كانت قايلالي إنها سيبالي طقم دهب في الدولاب بتاعها وهي سافرت البلد يومين وكلمتني أكدت عليا أخدتهُ وإلا هتزعل، وأنا بصراحة مش قادرة أروح فـَ معلش روح إنت وإعتبرها خدمة.إبتسم وخد مني المفتاح بسرعة وقال:=طقم دهب!تمام ياحبيبتي فوريرة.سابني ونزل وأنا قعجت معاكي بأريحية وبإبتسامة، قربت وخدت الورقة وشيلت الورقة التانية من عليها وبقت عقد الطلاق وجواه تنازل منهُ عن الشقة والعربية ليا، إتنهجت بأريحية وكلمت خالد وقولت:_الفار قرب من المصيدة خلاص، إبدأ إنت بقى.__________________________________________في شقة خالد دخل بهدوء ودخل على الأوضة وفضل يدور فيها شوية لحد ما قرب من الدولاب وفتحهُ وملقاش حاجة فضل يدور لحد ما شاف علبة الدهب وفتحها وعينيه لمعت لما شاف الدهب قدامهُ وخدهُ بسرعة حطهُ في الشنطة اللي معاه وجاي يلف لاقى خالد وراه ومسكهُ ضربهُ وبلغ الشرطة بالفعل وجات، إتكلم زياد بخوف وقال:_أنا مسرقتش حاجة، فريدة هي اللي خلتني آجي هنا وآخد الدهب.قرب منهُ زياد بغصب وقال:=فريدة اللي إنت طلقتها وظلمتها معاك، يا أخي كفاية بقى هتفضل لحد إمتى ند*ل و وا*طي بالشكل دا، سيبها في حالها بقى.إتكلم زياد بغضب وتوتر:_فريدة مين اللي طلقتها، فريدة لسة مراتي وهي اللي قالتلي بقولك.جيت في الوقت دا وأنا بعيط وقربت من زياد وقولت:_هو مش ناوي يسيبني في حالي بقى، أنا زهقت منهُ وماصدقت ما خصلت، كمان جاي يسر*ق بيت أهلي وبيت طنط سُعاد.بصلي بصد*مة وقال:=إنتي بتقولي إي يافريدة.بصيتلهُ بغضب وقولت:_كنت عايز تنصب عليا وتاخد ورث أبويا مني إنت وشريكتك منال ولما رفضت ضر*بتني وبهدلتني معاك لحد ما زياد خلصني منك وكمان بتنفذ وعدك وإنك هتنت*قم مننا!!لسة هيتكلم مسكهُ الضابط وقال:=كل الأقاويل دي هتتثبت عليك، إنت ممسوك مُتلبس وكمان كان عليك قضية نصب وإحتيا*ل قبل كدا أنا فاكرك كويس.بصيت للظابط ولـِ زياد بصد*مة اللي بادلني نفسها، يعني هو متعود على كدا!!  خدوه بعدها للقسم وروحنا معاهم خدوا أقاويلنا وكمان وريتهم العقد وإنهُ مطلقني بتاريخ قديم، بعدها سابنا الضابط لوحدنا وزياد هد*دهُ إنهُ يلطقني لفظًا وبعد ضغط طلقني فعلًا وحسيت بـِ راحة بعدها، كـَ عادة اللي زي زياد جاب إيم منال فعلًا زي ما إتوقعت، بس اللي مكنتش متوقعاه ان هي اصلا تعرفه قبلي وكانت معاه في قضايا نصب قبل كدا وهي اللي خلتهُ يتعرف عليا عشان أبقى أنا صاحبة عمرها الض*حية الجديدة، إتحكم عليهم الإتنين ب 15 سنة، ودا مكنش كتير بس برضوا مكنش قليل.________________________________________بعد 5 شهور كنت قاعدة أنا وخالد في بيتنا في العمارة بتاعت والدي بعد ما إتجوزنا وكان البيت كلهُ دافي ومليان حُب وإطمئنان اللي بقالي كتير محسيتهوش، جاب خالد الشاي بالنعناع وقعد قدامي في البلكونة وقال:_إنتي محظوظة بيا على فكرة مفيش حد بيعمل شاي بالنعناع زيي.بصيتلهُ وضحكت وقولت:=هو مفيش زيك أصلًا، وبعدين لما إنت بتحبني من زمان أوي كدا معترفتليش ليه من بدري أوي.إتنهد وقال وهو بيبُص في الأرض:_المشكلة إن الخجل والخوف عندي عاليين شوية فـَ مش عارف.ضحكنا بعدها ولأول مرة من 5 شهور أحس بالراحة والحب بجد.تمت بحمدلله