روايه نزاع ولاد الاكابر
…………..
فى غرفة الطعام….
يجتمع عبد القادر وأحمد وسارة وثريا ووفاء على طاولة الطعام….
عبد القادر. ..ياوفاء يابتى حد يصحى ليلة بكفاية نوم عاد
وفاء..صحيت يابوى وجالت هتتسبح ونازلة
أحمد..أنت لية خليتها تجعد اهنة يابوى
بيت ابويا وحقى
قالت تلك الجملة ليلة بعدما استمعت لحديث أحمد أثناء دخولها للغرفة ….
عبد القادر. ..صباح الخير يا جلبى
ليلة ..صباح الخير يا حبيبى..اية دا
وفاء..فى حاجة يابتى
ليلة ..الولاد فين
وفاء ..محدش صحى لسة
ليلة..لية هى الساعة كام
وفاء..الساعة عشرة يابتى
ليلة بغضب. .نعم ..فين اوضتهم
ثريا ..في اية يابتى أهدى
ليلة. .أهدى اية دا وقعتهم سودة نايمين لحد دلوقتى
وفاء ..محصلش حاجة سيبيهم براحتهم
ليلة..امى ابوس إيدك العيال دى هيجننونى ..حد يقولى هما متنيلين فين
ثريا..أهدى طيب. ..وديها يا سارة لاوضة الضيوف
سارة…حاضر ياتيتة
ليلة بدهشة..تيتة…تيتة ازاى يعنى
ثريا..دى سارة بنت هدى بنتى وأبوها يبقى أ…
وتبتر ثريا حديثها بسبب نظرات أحمد الغاضبة
ليلة بحزن. ..هى هدى خلفت
سارة بابتسامة..مش هتسلمى عليا ولا اية
ليلة محتضنة سارة…حبيبتى تعالى فى حضنى ..تعرفى أن أمك كانت أعز صاحبة ليا ربنا يرحمها
سارة..انتى بقى اللى جدو بيتكلم عنك
ليلة..ههههههههه اة انا ..انا اول حفيدة هنا عشان كدا انا اعز واحدة هنا
سارة ..طب لية قالو انك موتى
ليلة بتنهيدة..تفتكرى صعب أن حد يزور شهادة وفاة
سارة ..انا مش فاهمة حاجة
ليلة..انتى عمالة تتوهى عشان انسى الجزم اللى لسة نايمين ..يلا يابت قدامى ورينى هما نايمين فين
سارة بابتسامة. .حاضر اتفضلى معايا
سارت ليلة خلف سارة وصعدت للطابق الثانى ووقفت سارة إمام إحدى الغرف وقالت…
سارة..بصى بقا هنا اول اوضه والدور دا فية أربع اوض وكل واحد فى أولادك نايم فى اوضة
ليلة ..ماشى انزلى بقى لأن دول رجالة ومينفعش تدخلى وهما نايمين
سارة بخجل…حاضر بعد إذنك
ليلة ..اتفضلى ياقمر
وهببطت سارة ودلفت ليلة للغرفة الأولى وكانت تخص يونس ووجدته نائم عار** الصد**ويرتدى شورت قصير ..
ليلة..يونس ..يونس..أنت يا زفت
يونس بنعاس..امممممم فى اية
ليلة بغضب..أقسم بالله لو ما قمت لهخلى يومك اسود ..الساعة عشرة يا زفت
ينتفض يونس ويعتدل فى جلستة قائلا..
يونس..آسف يا لولا ..صحيت اهو
ليلة ..خمس دقائق والاقيك تحت فاهم
يونس..حاضر ياحبيبتى
وتتركة ليلة وتخرج من الغرفة وتدلف للغرفة المجاورةوكانت من نصيب أسر وكانت الصدمة حليفة ليلة عندما وجدتة نائم على أحد الكراسى الموجودة بالغرفة وامامة أحد زجاجات الخمر ولا يعى لشئ مما يحدث
ليلة بغضب. .يانهار امك اسود ..انا قولت هقتلك وادفنك هنا
وتمسك أحد الاكواب الموضوعة على الطاولة وتسكبها فى وجة ذلك الناعس..فينتفض اسر قائلا…
أسر..اية اية فى اية
تضرب ليلة الطاولة بقدمها وتقول
ليلة..فى مصيبة سودة على دماغك داانا هطلع عينك ..خمرة يابن ***
ليهرول أسر من أمام ليلة عندما رأى الغضب يحتل ملامحها وظل يصرخ قائلا..
أسر..أهدى يا ليلة ..انا آسف ..يووووووووسف…يوووووووووسف
ليلة..وحيات أمك ما هسيبك ..انا حذرتك وانت ماسمعتش الكلام
أسر..أهدى طب انا آسف..يا يونس يا يووسف الحقوووونى
ليستيقظ هؤلاء الناعسين ويهبطو للأسفل على أثر الصراخ
ويجتمع كل من فى المنزل …
عبد القادر..فى اية
أسر..خلاص يا ليلة قلبك ابيض
ليلة بغضب وهى تسدد عدة لكمات فى وجة أسر قائلة..
ليلة..خلصت روحك ..وحيات امى لاربيك من أول وجديد يا ابن ***
أسر..اااااااة ..إيدك تقيلة يا لولو
يوسف..عملت اية ع الصبح
أسر..الحقنى طيب وبعدين اسأل
وفاء..خلاص يا بتى
عبد القادر. .ليلة ..ليلة خلاص عاد
ولاكن لم تستمع ليلة لحديث أحد ..فهرول يوسف واحتضن ليلة وهو يقول..
يوسف..خلاص يا لولا أهدى ..يونس خد الحيوان دا من هنا ..وانتى يا عهد هاتى كوباية ليمون
سارة ..خليكى انا هجيب
وبعد عدة دقائق تدلف سارة للغرفة وبيديها كوب من الليمون وتقدمة ليوسف الذى ما زال محتضن ليلة قائلة ….
سارة..اتفضل دا هيهديها
ليرفع يوسف عينية ويتصنم مكانة ..
سارة..اتفضل…حضرتك كويس
تنظر ليلة ليوسف لتجدة متصنم ويركز نظرة على سارة لتنكزة ليلة فى صدرة وتقول
ليلة..يووسف مالك متنح كدة لية
يوسف..هااا. .احم آسف شكرا يا آنسة
سارة..العفو..اشربى ياخالتو وانتى هتبقى احسن
يوسف بصدمة…خالتو..مين دى يا ليلة
ليلة…أولا انا اسمى ليلة متقوليش خالتو قوليلى ليلة إذا كان البقر دول بيقولولى يا ليلة او لولا قولى اللى يعجبك..ثانيا دى سارة بنت بنت عمتى ..صحيح يا سارة فين باباكى
سارة بخوف وهى تنظر لأحمد..أ الله يرحمة يا ليلة
ليلة بحزن…الله يرحم الجميع
يوسف بهمس وهو ينظر لسارة قائلا..سااارة
……..
بعد مرور بعض الوقت يدلف يونس بصحبة أسر لغرفة الجلوس حيث يجتمع عبد القادر بعائلتة ويقول….
يونس..ليلة
ليلة..امممممم
يونس..احم اسر عاوز يعتذرلك
ليلة..مش عاوزة إعتذار من حد
أسر ..خلاص بقى انا آسف
ليلة..أنت اللى شالك من أيدى هو يوسف واحتراما لوجود جدى غير كدة انت عارف كان هيحصل اية
أسر بمزاح..خلاص يا لولا حقك عليا
عبد القادر. .خلاص يابتى ..تعالى اجعد يا ولدى
اسر..والله انت احلى جد ف الدنيا دى كلها
عبد القادر. .الحجى يا سارة فى حد غيرك بيعاكسنى
تنهض سارة من مكانها وتجلس على ساق عبد القادر وتقول..
سارة..لو سمحتو الحاج دا ملكية خاصة دا بتاعى انا
لينهرها أحمد قائلا بغضب. ..اتلمى لاجوم اجطع رجبتك
يوسف..فى اية يا أحمد بية
أحمد بتلعثم..هااا مفيش يا ولدى
يوسف..انا مش ولدك انا يوسف حسن الصعيدى وأظن أنت عارف انا مين كويس
أحمد..طبعا انت غنى عن التعريف يا ولد..أقصد يا يوسف بية
عبد القادر..هتدخلى جامعة اية ياست البنات
أحمد..خبر اية يابوى انا جولت مش هتخطى برة البيت
شعر يوسف بكرة أحمد اتجاة سارة فقال..
يوسف..لية رجليها وجعاها
أحمد..لا بس دى أمور خاصة وانا جولت مش هتدخل الجامعة
يتجاهل يوسف حديث أحمد ويقول..
يوسف..انتى جبتى مجموع كام
سارة..98%
يوسف..برافو وحابة تدخلى جامعة اية
سارة بخوف..يا طب يا هندسة على حسب التنسيق
يوسف ..هايل اية رأيك تكملى تعليمك فى تركيا
سارة بصدمة..نعم..ازاى
عبد القادر. ..كيف يا ولدى
يوسف..بسيطة ياجدى
ليلة..مينفعش تسافر لوحدها
يوسف …مين قال انها هتسافر لوحدها
عبد القادر. .طب فهمنى يا ولدى
يوسف..هتسافر مع جوزها
الجميع..نعم
ليلة..أنت بتقول اية سارة مش متجوزة
يوسف…ما هى هتتجوز. .بعد إذنك يا ليلة..جدى انا بطلب منك ايد الآنسة سارة
عبد القادر بزهول. ..انا انا مش عارف اجول اية
يوسف…معاك باقى اليوم وطول الليل واتمنى انى اسمع ردك بكرة
عبد القادر. ..انتى اية رأيك يا ليلة
ليلة..يوسف راجل يا جدى ويعتمد علية واكيد مش هلاقى حد احسن من سارة بنت الغالية
عبد القادر ..ربنا يجدم اللى فية الخير
