رواية تزوجت حماي الفصل الثاني 2 بقلم عائشة الدليمي

يعقوب ــــــ اهو تحقيق هوا خوما تحقيق ولا شي

كنان ــــــ من اسألك اتجاوب وروحه ماكو

يعقوب ــــــ والله لروح انته عليك بنفسك ابويه مامانعني

كنان ــــــ ابوك مامانعك ولهذا السبب كل يوميه حجايه طايح حضها نازله علينه

يعقوب ــــــ مالللككك لااازممم

كنان ــــــ يول گلبي امدمل عليك خليني ساكت لا اهينك جدام مرتك

يعقوب ــــــ گووومممييي انننگلعي

قمر ــــــ گمت رحت لغرفتي اجه ورا نص ساعه واعصابه فايره دحگلي واجه ضربني راشدي

يعقوب ــــــ عليش ادحگين إن شاءلله ماشايفتني السنه

جنان ــــــ قمر قمر

قمر ــــــ اي اجيت،،، عفته ورحت

جنان ــــــ دحگي اني راح اروح للدكتوره شو احس حملي مدري شبي و انتي اطبخي الغدا وديربالج على صلوحي

قمر ــــــ دحگت ورايه ورجعت گلتلها،،،، عجل الله عليج عندي وصفة علاج يعقوب مافعل يجيبلياهن

جنان ــــــ ديالله ميخالف

قمر ــــــ رحت لغرفتي لگيته امطلع ذهبي،،، ليش امطلع الذهب شلك بيه

يعقوب ــــــ محتاجه اريد ابيعه مو احنه سوينالجيا

قمر ــــــ بس هذا البيدك ذهبي من بابا جيبه جيبببهه

يعقوب ــــــ ولي منا

قمر ــــــ كللللتتتتلللكككك جييبببههه هذذذذذاااا اااهلللييي سوووللليااا جيبه،،، دفعني حيل وگال

يعقوب ــــــ ماعندي افلوس منين اصرف عليج ها احجي منين اصرف عليج

قمر ــــــ جيب الذهب احسلك اخذ الذهب الاشتريتوليا وخلي الذهب الاهلي اشتراوليا

يعقوب ــــــ لا خلي الذهب الاشتريتلجيا و انطيني الذهب الاشترالجيا اهلج

قمر ــــــ لوتي الذهب الاشتروليا اهلي حيل ثگيل وهوايه ذهب اشترولي هوا ذهبه قليل وطگه اعطيه،،، لا اريد الذهب مالت اهلي كلمن ياخذ ذهب اهله

يعقوب ــــــ لا عيني

قمر ــــــ گلللتللللككككك جييييبببببهنننن

يعقوب ــــــ حرام فلا نص ذهبايه متشوفين ديالله واله اروح ابيعه

قمر ــــــ لحگته واصيح عليه امه وگفت وياه اخذهن باعهن ورجع يعد بالفلوس

يعقوب ــــــ والله عمي خوش حصلت تسع ملايين هم مو شويه

قمر ــــــ گمت ابجي

يعقوب ــــــ هذا يغنيني فد سنتين اتلاثه

ام كنان ــــــ عليش بعت اذهبات الابنيه ليش اني مقصره عليك بشي

يعقوب ــــــ لا يمه هاهيه هذا افلوسي واني اصرف على مرتي

قمر ــــــ ضليت ابجي اجه يمي صاح بيه وضربني راشدي رحت لغرفتي طگيت من البجي طلعت الموبايل الجابليا شحنته وخابرت امي گلتلها عالصار و عالطفل وعلى الذهب رد عليه ابويه ورزلني وراح عجل اذا مو اهلي سندي عجل من يسندني الله اكبر ثاني يوم گلت اروح اشتري ملابس اصرف افلوساتي قبل ليصرفهن،،،،، حبيبي گاعد

يعقوب ــــــ اي گاعد واريد انام

قمر ــــــ بست خده وحضنت جتفه،،،، حبيبي انروح نشتري ملابس اشوية النوب

يعقوب ــــــ لا مو عندج كومة ملابس ماكو

قمر ــــــ حبيبي شبيك غير تا الناس اتگول عليه كشاخه زوجة يعقوب

يعقوب ــــــ لوگيه گبل ماجنتي اتغازليني لحالج ماشتريلج امي تشتريلج

قمر ــــــ مو گلت اني اصرف عليج وبعت اذهباتي تا تصرف عليه منهن

يعقوب ــــــ اللسانج طولان اليوم اكصلجيا

قمر ــــــ گمزت من الفراش رحت سويت ريوگ صبيت ريوگ وگعدنه نتريگ گلت احطه امام الامر الواقع،،،، عمه احنه اني ويعقوب راح انروح نشتري ملابس،،،، گلت هيج لو تخبل گام ضربني و كسرني

يعقوب ــــــ كلبه يوميه ملابس يوميه ملابس مو كنتورج مليان اتموتين وهم ماشتريلج فهمتتتييي يالله لغرفتج

كنان ــــــ لا طوختها انته عاد تصرفاتك و مرگناها و اذهبات البنيه البعتهن. ومرگناها و الطفل التريد اتنزله وهم مرگناها اليوم الله ميخلصك مني اليوم اطلع بروحك اليوم

قمر ــــــ اجه يركض قبلي وقفل الباب لزمني دگ راشديات و يلطخ براسي ويضربني على بطني خفت عالطفل الله اكبر شنو ذنبه ضميت على بطني واني اصيح انكسر الباب ماحسيت غير كنان شايلني ونازل بيه وجنان اتعدل بالشال اني احس بوجع بس مادري طفلي نازل جان اتلث شهور وصايره بيه روح ونزلليا متت من القهر رجعنه للبيت ضليت ابجي خابرت امي رد عليه ابويه،،،،، يابه هئ طفلي وگع اريد امي هئييييييئ الله عليك تعال اخذني وگعولي طفلي يابه هئييييييئ،،، سده فكرته ماراح يجي بس من سمعت صوته نزلت رغم جنت حيل موجوعه ركضت لحضنه وابجي وصار يغلط عليهم ابويه فلح بيهم من شافني مضروبه رحنه وبالسياره سولفتله كلشي ماضميت عليه الحرف

ابو قمر ــــــ هذا النزلتي روسنه علموده هذا

قمر ــــــ يابه والله ماحبيته ولا احبه ولا هسه احبه والله هوا ملگلك يلاحگني وفكرتني قليلة ادب والله ماحبيته هئ هئييييئ

ابو قمر ــــــ هاهيه بعد مترجعيله

قمر ــــــ وصلنه امي تبجي اجت مرة اخويه اخذتني لغرفتها وسدت الباب اسمعها اتگول لامي عوفيها هيه بيا حال وانتي ازيدين عليها نمت والله مرا اتلث اشهور رجع بيه الدم مو تخبلت هالجم شهر يمهم بليل واجه كنان وعمي وگالوله لخاطري ومن هالسوالف وعمتي اتقنع بيه واتگول الناس مترحم وحيگومون ينادولج المطلقه و ايألفون عليج اشايع اني وافقت ارجع ابويه من شافني رايده الرجعه ماعترض بس گال يجي ويعتذر مني ومن بنتي عود ارجعلهيا

ابو كنان ــــــ تامر امر ابو الگمره إن شاءلله هوا الصبح يمكم جاي يعتذر

ابو قمر ــــــ خير ان شاءلله

ابو كنان ــــــ يالله احنه نرفع عنكم الزحمه

ابو قمر ــــــ لا والله وين اله اتعشون يمنه وكت عشى

ابو كنان ــــــ لا والله دوايه بالبيت وماگدر بدونه

ابو قمر ــــــ عود عيدوها

ابو كنان ــــــ بالافراح إن شاءلله

قمر ــــــ راحو ثاني يوم اجه الشفيه اعتذر من ابويه ومني وابويه رزله وهدده وگاله اترجعلها الذهب البعته وهوا ولا انعم من اللسانه

ابو قمر ــــــ دخل اسمع يوم مزعلها بحرف لو تجي زعلانه

يعقوب ــــــ لا إن شاءلله عمي واني عرفت درسي وإن شاءلله بعد متنعاد يالله ابويه تانروح عندي شغل

قمر ــــــ كيفت من گال شغل فكرته يشتغل وصار گد حاله ودعت اهلي وصعدت الغراض الشترولياها اهلي وصعدت يمه

يعقوب ــــــ جايبه افلوس

قمر ــــــ اني عندي بس گلتله لا

يعقوب ــــــ حرامات

قمر ــــــ انوب عاد يريدني اصرف عليه،،،، اگلك شنو تشتغل گلت عندي شغل

يعقوب ــــــ صدگتي انتي هذا بس صبغ تاترجعين ويايه

قمر ــــــ

يعقوب ــــــ ماشتغل كلشي

قمر ــــــ اي

يعقوب ــــــ خوش بعد كل فتره اوديج لاهلج همه يشترولج ملابس

قمر ــــــ

يعقوب ــــــ معقوله مانطوج منا منا

قمر ــــــ لا

يعقوب ــــــ شگد بخيلين اهلج

قمر ــــــ

يعقوب ــــــ يالله انزلي

قمر ــــــ نزلت دگيت الباب فتحتلي عمتي سلمت وطبيت سلمت على جنان وعمي ورحت لغرفتي بليل اجه من وكت

يعقوب ــــــ حليانه وصايره حلوه

قمر ــــــ شكرا انته احلى

يعقوب ــــــ اشتاگيتيلي

قمر ــــــ اي اشتاگيتلك وانته اشتاگيتلي

يعقوب ــــــ هوايه اشتاگيتلج

قمر ــــــ حضني ويتغزل

يعقوب ــــــ احبج

قمر ــــــ واني احبك

يعقوب ــــــ اني اغفي راح انام

قمر ــــــ اي،،،، نمنه گعدت الصبح سويت شغلاتي وفتت لغرفتي اجت عمتي