الرفض
كلمة كانت بعيدة كل البعد عنها
لم يكن لها الحق أبداً بها
فهي منذ خُلقت تؤمر ف تطيع
تسمع ف تجيب
كانت كالإنسان الآلي
ليس من حقها أي شئ سوا الطاعة
أعطوها حياة هادئه ممله رتيبه لم تختارها
بل لم تختر اي شئ
اختارو لها طريق شائك مغطى بالورود
لكن حينما تحين لحظه الرفض
ستدهس الشوك
مقررة التمرد
ضاربة بأمنياتهم الأخيره عرض الحائط
……………………..
في احدى المناطق السكنية الراقية
دلفت بسيارتها الصغيره متجهه نحو منزلها
او بمعنى ادق منزل العائلة
ذاك المنزل الضخم الكبير
اكبر وأشهر المنازل في تلك المنطقه الراقية
حيث يسكنة اصحاب الحسب والنسب
رجل الأعمال شوكت وحرمة المصون صفيه هانم
حياة مثالية
رائعة
لا تشوبها شائبة ابداً
هكذا يراها الجميع
قشره خارجية نظيفة بداخلها الكثير من العفن
الكثير من الألم
صفت سيارتها بهدوء
ولم تتحرك من مكانها بل ظلت تتطلع للمنزل
لا تريد النزول
تفضل البقاء خارجا طوال اليوم وحيدة
على دلوفها لهذا المنزل
تكاد تشعر أنه يطبق على أنفاسها
لا احد يفهمها
لا احد يراها
هي فقط مجرد سراب في ذلك المنزل
مجرد دميه تتحرك كيفما شائوا
غافلين عن رغباتها
غافلين عنها كشخص يستحق الحياة كيفما يريد
تنهدت بتعب
الى متى ستظل هكذا
سنوات عمرها تمر امامها
نعم هي ما زالت صغيرة بعض الشئ
لا زالت بالسنه الاخيره من الجامعة
لكن اضاعو طفولتها
مراهقتها
واهم سنوات حياتها
أغمضت عيناها لعده ثواني
تستعد هدوئها قبل أن تلتقط حقيبتها وعدة حقائب اخرى
وتخرج متنهدة ناظرة للمنزل بكائبة
مستقبلة قدرها
……………………………..
#عريس_قيْد_الرفض
#عفاف_شريف
…………………………….
فتحت الباب بمفتاحها برفق شديد
ادخلت رأسها بحرص
تنظر هنا وهناك بخوف وتوتر
تتأكد من خلو الطريق
وما إن شعرت أن المكان آمن
حتى هرولت بسرعه نحو الدرج
داعيا من كل قلبها أن لا تراها امها
لا يراها اي احد
ولكن وقبل ان تفر هاربة
سمعت صوت امها ينادي بحزم : فريدة
تسمرت محلها تعض شفتيها تشتم نفسها
لقد امسكتها ولن تتركها قبل ان توبخها
وتجعل منها آداه لتنظيف الارضيات
بدأت بالعد حتى العشرة
قبل أن تلتفت لأمها
مبتسمة لها تلك الابتسامة البلاستيكية الراقية
وأجابت بهدوء شديد : نعم يا ماما
اتسعت عينا امها بشدة وهي ترى ملابسها الغير مهندمة
وخصلاتها المجتمعة فوق رأسها على هيئه كعكة
واشارت بيدها بعصبية : انتي ازاي تخرجي كده
انتي اتجننتي يا فريدة
معقول تخرجي كدة
عايزانا نتفضح بين الناس
وهم شايفين بنت شوكت لابسة متبهدل كدة
وايه الكحكة دي
فين اكسسواراتك
واكملت بعصبية اكبر :على آخر الزمن
بسببك انا اتفضح بين الناس
انا صفيه هانم
اغمضت عيناها متنهدة
حسنا بدأنا
تنهدت بضيق قبل أن تفتح عيناها تردف بهدوء: خرجت بسرعة الصبح عشان صحيت متأخر وكان عندي إمتحان مهم ولبست أول حاجة جت في وشي
والكحكة نفس الشئ
محصلش حاجه لكل ده يا ماما
محدش شافني ولا هيشوفني
انا يدوب روحت الجامعة ورجعت
ولو حد شافني
انا لبسي عادي زي اي بنت
مش لازم كل ما اروح الجامعه أو مشوار
أو حتي الجيم
لازم لبس معين وبراندات
بس عايزه البس أي حاجه مش فارقه معايا
انتي عارفه اني مش راضيه عن لبسي اصلا
واني بحب الحاجة السمبل والمريحة
نظرت لها امها لدقيقة قبل ان تردد بهدوء: مش عايزة براندات
انتي محسساني إني بعذبك
انا بخلي منك انسانة محترمة
بقدملك حياة بيحلم بيها ناس كثير اوي
عيشتك اللي مش عجباكي دي يا هانم غيرك بيتمنى ربعها
زعلانة اوي اني بحافظ على شكلك ومظهرك
على العموم
كل الكلام ده مش مهم
واكملت : آخر مره
آخر مره اسمع الكلام التافه والمتخلف ده
لبسك وشكلك شئ ميخصكيش
والرأي الأول والأخير فيه ليا انا
ف متتعبيش نفسك في مجرد التفكير
ونفذي وانتي ساكتة
اتفضلي اطلعي خدي شاور والبسي حاجه نضيفه بدل القرف ده
وتقعدي تذاكري
مش لازم افكرك
انك لازم تطلعي الأولي على الدفعه
لاني مش هقبل بأقل من كده
مفهوم
ابتلعت تلك الغصه المؤلمه
وهمست :مفهوم
التفتت لتصعد
وهي تردد لنفسها ساخره
ماذا توقعتِ يا غبيه
منذ متي كان لكي رأي
لم ولن يكن لكي يوما
انت كعصفور احتجزه اصحابه في قفص من ذهب متوهمين انه الأصح له
افاقت من شرودها علي نداء امها مره اخرى : ومتنسيش تنزلي في ميعاد العشا
همست رافضه : مش جعانه اعذريني هخلص اللي ورايا و انام
اجابتها بصرامه غير قابله للنقاش: حتي لو مش هتاكلي
هنجتمع على العشا
اتفضلي
اومئت صامته
منسحبه نحو غرفتها
راغبه في البكاء
البكاء بشدة
…………………………….
#عريس_قيْد_الرفض
#عفاف_شريف
……………………………
دلفت لغرفتها ببطئ
تنظر لها بحزن
كانت وستظل دايما ملجئها الوحيد
تحركت نحو مرآتها تحرر خصلاتها تنظر لنفسها علها تجد ما قالته لها امها
لكنها كانت ببساطه عاديه
بخصلات شعرها الناعمه حتي كتفها
وعيونها البنيه القاتمه
رموشها الكثيفه
وجسدها الرشيق جدا كعارضات الازياء
كانت جميله وعاديه
ما العيب في ان نكون مجرد عاديين
لماذا تلك المنافسه بين هذا وذاك
ما الحكمه في هذا
زفرت بضيق
وهي تنظر لمكتبها الكبير المكدس بالأوراق والكتب
ومسدت على جبهتها تشعر بالصداع يكاد يفتك رأسها
لكن لا مجال للراحه
العام الدراسي الاخير
بضع اشهر وينتهي
كادت ان تتوجه للحمام
قبل ان تستمع الى صوت من حاسوبها
ابتسمت بخفوت
تعلم صاحب الرسائل قبل ان ترى
امسكته سريعا
قبل ان تلقي بنفسها والحاسوب علي الفراش
تفتحه بإبتسامه
ملقيه التحيه علي صديقتها الوحيده
ساره
تلك الصديقه التي تعارفت عليها عن طريق احد مواقع التواصل الاجتماعي في احد النقاشات علي احد الصفحات منذ سنه تقريبا
ومنذ ذلك الوقت أصبحتا صديقتين
بل وأكثر
كانت صديقتها الاولى فعلياً
شردت عيناها بحزن دفين لم يذهب يوما
وتلك الغصه في حلقها
لن تنسي يوما انها فشلت في تكوين اي صداقه
كانت وحيده
وحيده بكل ما للكلمه من معنى
وبسبب امها
رفضها الدائم ان تحصل علي اي صديقه
خشية من افسادها
واصرت على إن ارادت اصدقاء ستختارهم هي
من بنات المجتمع الراقي
اما الاخيرات ف لا
هي لا تضمن ابدا اخلاقهن
وظلت هكذا الى أن تعرفت على ساره
وهنا خالفت كل شئ
وتعرفت عليها
لكن هذا سرها الصغير
تقريبا لن يخرج للنور
لانه واذا حدث
هتكون نهايتها بكل تأكيد
لن تفكر
هي فقط سعيده
تحب شعور انها ليست وحيدة
علي الاقل حينما تتحدث مع ساره
اما باقي اليوم ف لها الله
نفضت الحزن من رأسها
وهي تكتب ل صديقتها قائله: جيت
كنت بتهزق علشان لبسي وكده
ضحكت ساره وارسلت: علقه تفوت ولا حد يموت
تعيشي وتاخدي غيرها يا ديدا
ابتسمت فريده وكتبت:عادي انا اتعودت
واكملت:المهم انا مضطره اقفل عشان ورايا مذاكره كتير اووووووي
هخلص وافتح اكلمك شويه قبل معاد العشا
واغلقت
ناظره للمكتب بقنوت
قبل ان تردد بالم : يا حلم لم يكن حلمي
يا قدر لم اختره يوماً
ويا قلبي الحزين إبكي إن استطعت
امسكت هاتفها تكتبها وتنشرها على صفحتها بعيون حزينه
……………………………
#عريس_قيد_الرفض
#عفاف_شريف
……………………………
بعد اربع ساعات
حركت رقبتها بألم وهي ترتشف الكوب الرابع من القهوه المره
امسكت حاسوبها تحدث صديقتها ساره قليلا
وقبل ان تكمل حديثها قاطعها صوت طرق على الباب
اجابت بهدوء: اتفضل
دلفت احدى المساعدات بالمنزل قائله باحترام : انسه فريدة
مدام صفيه بتبلغ حضرتك تنزلي على العشا
بدون اي تأخير
اومئت لها وهي تسرع بالكتابه: ساره انا هقفل عشان هنزل للعشا
هخلص واكلمك
واسرعت بالركض للحمام لتتجهز
والا قتلتها امها
………………………………….
#عريس_قيْد_الرفض
#عفاف_شريف
…………………………………
هبطت من الدرج تتحسس فستانها الانيق
قبل ان تصعد ل خصلاتها المهندمه
واخيراً الحذاء ذو الكعب العالي الذي يقسم ظهرها
وهي مجبرة على ارتداءه دائماً وابداً
دون اي مراعاه لها
هذا كله لأجل عشاء
إن كان زفافها لن تحتاج لكل هذا التانق
سارت بخطوات هادئه نحو غرفه الطعام
القت التحيه بهدوء
وجلست بصمت منتظرة الإذن لتناول الطعام
نظرت لها امها بصمت
قبل أن تلتفت لزوجها قائله بهدوء: ده طبخ الشيف الجديد بعد ما غيرته
اومأ لها بإبتسامه هادئه وهو يقول:ممتاز
قبل ان يشير لهم لبدأ الطعام
نظرت فريدة لطبقها المختلف عنهم
كان اغلبه خضروات مطهوه علي البخار
ومشروبها كان
ماء
فقط ماء
ف أمها تخضعها ل حميه غذائيه صارمه منذ الصغر
لا حلوى
لا دهون غير صحية
لا دهون اصلاً
فقط طعام صحي بحت
كطعام المرضى
فقط لتظل ذات جسد رشيق كعارضات الازياء
ولطالما آلمتها تلك الحميه
فهي بشر تشتهي الطعام بكل أنواعه
لكن امها لم تعطي لها اي فرصه حتى
امسكت شوكتها. تأكل بصمت
كالجميع
يأكل الجميع في صمت لا يقطعه سوا اصوات المعالق
وظلو هكذا
الى ان تنحنحت قائله بخفوت: بابا لو سمحت
كنت محتاجه اتكلم مع حضرتك في موضوع
لم يرد عليها والدها للوهله الاولى
بل اكمل مضغ طعامه ببطئ شديد
وامسك المحرمه ليمسح فمه
ورد بهدوء ووقار حازم موبخ دون النظر اليها: من إمتى بنتكلم على الأكل
من امتى بقيتي همجيه كده
ووقف سريعا راميا اياها بنظره سخط
قبل ان يردف لزوجته: خدي بالك من بنتك
لتفضحنا في عشا العيله
سديتوا نفسي
ورحل
انزلقت منها دمعة خائنة
اصبحت تُوَبخ وتُهان بكل وقت
رمتها امها بنظرةٍ متعصبه وهي تقول بتحذير: ده تاني تحذير يا فريدة
والاخير
مفيش تالت
ورحلت هي الاخرى
وبقيت هي متهدله الكتفين
تبكي بصمت
شاعره انها متعبه
……………………………..
#عريس_قيْد_الرفض
#عفاف_شريف
…………………………….
صعدت لغرفتها تجر نفسها جراً
وفي تلك اللحظه كانت بحاجه لأحدهم تتحدث معه
تبكي
أو حتى تصرخ
امسكت حاسوبها المحمول
وهي تفتح صفحتها الاخرى
وليست الرئيسه التي يعلمها الجميع
ويتم تنزيل المنشورات والصور عن طريق امها للحفاظ على الواجهه الاجتماعيه
تنهدت وهي تكتب منشور قائله
اظن ان السعاده والحب من حق الجميع
لكن هل يحصل عليهم الجميع ؟
احتاج لإجابه لهذا السؤال
واغلقت
تتسآئل ككل يوم متى يحين موعد حصولها على نصيبها من السعاده
وغفت على هبوط دمعه فشلت في كبحها
……………………………………..
#عريس_قيد_الرفض
#عفاف_شريف
………………………………………
في اليوم التالي
استيقظت بحلول السادسه صباحا
مواعيد صارمه لا تجرؤ على تأخيرها
فتحت عيناها وظلت ساكنه تنظر لسقف الغرفه
تابي التحرك
وما الداعي
يوم رتيب لن يكون من اختيارها
أين ستذهب ماذا ستأكل
هي لا تحدد هذا
هي يُحدد لها
همست لنفسها قائله بمراره: لحد امتى
ساعه اثنين ثلاثه
مجبره تكملي
مجبره تقومي يا فريدة
انتي عمرك مكنتي مخيره عشان تختاري دلوقتي
شهقت بإختناق
تود الهروب
تريد التحرر
متى يحين موعدها هي الاخرى
متى
…………………………….
#عريس_قيد_الرفض
#عفاف_شريف
……………………………..
نزلت درجات السلم بهدوء يناسبها تماما
وما إن رفعت عنياها
حتى التقت بعيون امها الواقفه اسفل الدرج
تقيم ملابسها بدقه شديده
بدايه من شعرها المنسدل على جانبيه
وفستانها الطويل الى حد ما
واخيرا حذائها عالي الساقين
كانت انيقه جميله هادئه
كانت مثال للإبنه المثاليه
جاه ومال وجمال وتعليم
بقي شئ واحد فقط
هكذا فكرت امها
قبل أن تتركها وتذهب لغرفه الطعام
دون حتى أن تلقي تحيه الصباح بعد التفتيش الصباحي
ابتسمت بسخريه
تحيه صباح
في احلامك يا فريدة
في احلامك
ولحقت بأمها بصمت
……………………………
#عريس_قيد_الرفض
#عفاف_شريف
……………………………
على طاوله الفطور
تحدث والدها بهدوء:فاضل ثلاث ايام علي معاد عشا العيله يا صفيه
مش عايز اي غلطه
والتفتت ينظر اليها قائله: سمعتيني يا فريده
عايز العشا يعدي على خير
هو كام ساعه من السنه ل السنه
مش عايز اي حاجه غلط
اومت له بهدوء
وما إن بدأت تأكل بضع معالق حتى اوقفتها امها قائله بتوتر وحزم : كفايه كده
هنمشي على حميه غذائيه لحد ما العشا يعدي
انا جبت الفستان بتاعك اصغر من مقاسك عشان تباني ارفع
قومي يلا وروحي كليتك
واكملت بتقرير: ممنوع الاكل الجاهز
ولا الحلويات ولا المشروبات الغازيه
ممنوع اي حاجه
الداده جهزتلك المايه وعلبه الخضار
يلا
ظلت محلها لعده دقائق
قبل ان تتحرك بثقل شديد
و …
وجوع…
…………………………….
#عريس_قيد_الرفض
#عفاف_شريف
……………………………..
دلفت صفيه غرفتها
لتجد زوجها على وشك الانتهاء من ارتداء ملابسه
جلست على الفراش
وهي تقول مفكره: تظن هنلحق نجهز
انت عارف العشا ده بيوترني ازاي
شوكت بهدوء: هيعدي زي كل سنه
واكمل وهو يرتدي ساعته: شدي علي فريدة
مش عايز غلطه انا مش ناقص قرف
كل مره تعمل حاجه غبيه وتحرجنا
صفيه بتأكيد: مش هتتجراء
هشد جامد متخفش
شوكت بهدوء: كويس جدا
وكاد ان يخرج
الا أنها اوقفته قائله : عايز اخد رأيك في حاجه
التفت اليها
يستمع لها
وعلامات الفرح تظهر على وجهه
سعيداً بتفكير زوجته
غافلين عن الشخص الاهم
وهي
فريدة
………………………………….
#عريس_قيد_الرفض
#عفاف_شريف
………………………………….
في الجامعه
صفت سيارتها وخرجت منها تحمل حقيبتها وبعض الكتب وهي تنظر للجامعه الفارغه بعد
فهي تاتي في وقت مبكر للغايه
تقريبا لا يكون هناك احد إلا قله قليله
تحركت نحو احد المقاعد وهي تلقي بنفسها عليها
تفكر في البحث عن عمل
لعل خروجها من دائره المذاكرة والضغط تساعدها في العيش بحريه اكبر
كونها تخرج من البيت للجامعه والعكس
يشعرها بالوحده
اصدرت بطنها صوت لتربت عليها شاعره بالجوع الشديد
زمت شفتاها بغيظ
ماذا ستفعل ما زال اليوم طويل للغايه
وهي جائعه منذ الان
نظرت ل ساعتها
لتزفز بضيق لن تاكل يكفي ما تتعرض له
وان اكتشفت أمها ستحيل حياتها لمرار
اخرجت سماعتها تستمتع لبعض المحاضرات
علها تنسي الطعام
لكنها رددت بجوع ويأس : حسبي الله ونعم الوكيل
انا جعانه اوي
……………………………….
#عريس_قيد_الرفض
#عفاف_شريف
………………………………..
بعد عده ساعات
نظرت فريدة لساعتها التي تشير الى الواحده ظهرا
تكاد تسقط من فرط الاجهاد والجوع
ما زال امامها اربع ساعات كامله علي انتهاء المحاضرات
والمدرج يكاد يخنقها من شده رائحه الطعام بكل مكان
وهي جائعه جداً
وليس بمقدرتها الذهاب للمنزل
امها تحفظ جدول محاضراتها جيدا
وستعاقبها إن اضاعت احدهم
تأففت بضيق اكبر وهي ترى أحد الفتيات تقترب منها على وجهها إبتسامه كبيرة
جلست بجانبها وهي تمد لها يدها وتقول: ازيك يا فريدة انا منى معاكي في الدفعه
مدت يدها تسلم بهدوء وترد: اهلا بيكي
منى بسعاده : انا فرحانه اوي اني بكلمك
فريدة بحرج : تسلمي حبيبتي ده من ذوقك
منر بهدوء : انا أدمن الدفعه وكنت حابه اطلب منك حاجه واتمني توافقي
فريدة بهدوء : لو في ايدي اعملها اكيد
منى بتأكيد : في ايدك طبعا دي حاجه سهله اوي عليكي
انتي بسم الله ما شاء الله تبارك الله
بتطلعي الاولي كل سنه ومن اشطر البنات في الدفعه
واحنا كنا حابين تعملي محاضره كده عن ازاي البنات تنظم وقتها بين الجامعه والمذاكره لأنك مع انك بتيجي كل يوم الا انك بتقدري توفقي
ف حابين تدينا خبرتك
وكمان ده طلب شخصي مني
كنا حابين ناخد محاضراتك اللي بتكتبيها والملخصات ننزلها في مكتبه الجامعه
عشان الكل يستفاد لأننا مش بنقدر ننزل كل المحاضرات
واكملت بحرج : لأننا مش بنحضر كتير للأسف
استمعت لها فريدة بملامح واجمه
ماذا تفعل
هي لا تمانع
لكن امها لو عملت ستحرقها حيه
امها لا تريد لأحد غيرها أن ينجح
وهي تتمني النجاح للجميع
لكن ماذا تفعل
ابتلعت ريقها وهي ترد قائله : سبيني افكر وارد عليكي
سامحيني مش هقدر اديكي ردي حاليا
تجهمت ملامح الفتاه وردت بضيق: ماشي وقت ما تحبي
وغادرت وهي تتمتم بصوت يكاد لا يكون مسموع : قليله الذوق
اتسعت عينا فريده بشده وهي تلتقط همسها
وهي تضرب كف علي اخر
وتردد : حسبي الله ونعم الوكيل هو انا ناقصه
ونظرت لساعتها مره اخري
تشعر ان الوقت يمر كمرور السلحفاء
……………………………
#عريس_قيد_الرفض
#عفاف_شريف
…………………………….
في منزل العائله
كان المنزل في حاله تنظيف عميق
حيث تقف صفيه تشرف بصرامه على العاملات
وهي تردد : عايزه البيت بيلمع
مش عايز اي تراب نهائي
يا ويلها اللي هتهمل في النظافه
هطردها ومش هتلاقي شغل لا عندي ولا عند غيري
سامعين
رددت العاملات بتعب: تمام يا فندم
تنهدت صفيه بتوتر موعد العشا اقترب
ماذا ستفعل يجب ان يكون المنزل الطعام
وهم على اكمل وجه
لن تتحمل كلام العقارب اخوات زوجها
لن تسمح بالقيل والقال
سيكون كل شئ فوق الممتاز
ابتسمت بسعاده وهي تتخيل فريدة بالفستان الجديد
سيجعلها تبدو رشيقه اكثر وجميله
وستكيد اخوات زوجها وهي تتباهي بابنتها الجميله
ابتسمت بمكر وهي تتخيل مظهرهم حينها
………………………………..
#عريس_قيد_الرفض
#عفاف_شريف
………………………………….
في شركه شوكت
دلف الى مكتبه بعد سلسله طويله من الاجتماعات
يتبعه شريكه وصديقه مدحت
شوكت بتعب: اخيرا
مدحت بهدوء وبشاشه: خلاص خلصنا
ارتاح وانا هكمل الشغل
شوكت بضيق: مش لو كان عندي حته عيل دلوقتي كان وقف في ضهري وشال عني
بس هعمل ايه
يوم ما ربنا رزقني
رزقني ببنت
يا ريتها ما جت يا شيخ
وماتت زي اللي ماتوا
ما مات كتير قبلها
سنين طويله اوي بنحاول
كل ما كانت تحمل ويطلع ولد افرح
واحس اني خلاص ملكت الدنيا واخيرا هيجي وريث ليا
وريث يشيل اسمي
بس
بس فرحتي متكملش و يموت
لحد ما بطلنا
واكمل بحسره : وجت هي
كان نفسي اوي في عيل يشيل اسمي ويكبر الشركه دي
بس جتلي بنت
خيبه وهم جديد
مدحت بهدوء: ومالها البنت يا شوكت
والله انا شايف ان البنت زي الولد
تافف شوكت وهو يردد ساخرا: وانت هتحس بيا ازاي
انتي عندك الاثنين بنات وولاد
ومش عيل ولا اثنين لا خمسه
مدحت بتأكيد: اه الحمد لله
بس عملت بيهم ايه
كلهم ملهيين في حياتهم
وكل واحد اختار طريقه
رد شوكت مجادلاً : بس ابنك معانا هنا وشايل عنك
ضحك مدحت وهو يقول : يا راجل اتقي الله
مانت عارف إنه ليه شغله الخاص
يدوب بيجي هنا ساعتين ويمشي
اه كتر خيره
بس قصدي بكره شركته تكبر هو كمان ويستقل
ولا نفعني ولاد ولا غيره
وثم انت إيش دراك لو كنت جبت ولد كان اختار يكمل طريقك
شوكت بعصبيه : هجبره
مدحت بإستغراب : تجبره
مين قالك إن الإجبار هجيب نتيجه
الإجبار هيجيب تمرد
لو مكنش النهارده وارد يكون بكره
ولو مكنش بكره
عادي جدا يكون بعد سنين حتى
لكن الجبر بيولد عند ويمكن كره
انا مأجبرتش ولا حد من ولادي يدخل مجالنا
بالعكس سبتهم
وكل واحد اختار طريقه
ولما ابني قرر يدخل طريقنا
خيرته
ومأجبرتوش على شركتي لمجرد انه قرر يخوض الطريق ده
بس هو جه من نفسه
مش هقولك واكدب عليك
انا خايف
يمكن خايفه جداً كمان
خايف تعبي وشقى عمري يروح بعد ما اموت
بس برجع اقول
اموت ويروح تعبي
احسن ما اموت واروح انا من قلوبهم
او يمكن حتى بعد ما اموت يقرروا يتعرفوا على الشغل ده لانه وقتها هيكون ملك ليهم
شوكت بسخريه: دي حالميه اوفر اوي يا مدحت
بكره لما تكبر اكتر زيي هتعرف قصدي إيه
مدحت بتأكيد: يا عم مين يعيش
يكفي اني هموت وانا راضي عن تصرفاتي معاهم
انا بس عايز اطمن على الواد الاخير
وأجوزه
عشان أموت وانا مطمن ومرتاح انه مش هيسيب نفسه والعمر يروح من بين ايديه
نفسي أجوزه اوي يا شوكت
نظر له شوكت للحظه
قبل ان يقول بتفكير وإبتسامه كبيرة : واللي يحللك مشكلتك
مدحت بإبتسامه هو الاخر: عنيا ليه
شوكت بتأكيد : بس انا مش عايز عنيك
مدحت بإستغراب: اومال عايز إيه
شوكت بتفكير : هقولك
…………………………….
#عريس_قيد_الرفض
#عفاف_شريف
……………………………
خرجت من المدرج تشعر بالإعياء وكأنها على وشك السقوط
لتصطدم باحدهم التفتت تعتذر بسرعه
قبل أن تبادرها نفس الفتاه منى : فريدة تعالي معانا هنقعد في كافيه نتغدا ونفك عن نفسنا شويه
ردت بإقتضاب وجفاء : معلش مش هينفع
وتركتها
وتوجهت لسيارتها
لكن وقبل ان تدخلها
زفرت بضيق وهي تلوم نفسها على طريقتها الفظه
عادت مره اخرى بتعب تبحث عن منى
الا أن وجدتها وصديقتاها يجلسن يدرن ظهرهن لها
وما إن اقتربت ل تعتذر
حتي تسمرت محلها تستمتع لحديثهم الجارح
…………………………….
#عريس_قيد_الرفض
#عفاف_شريف
……………………………..
قبل قليل
جلست منى على المقعد بعصبيه وهي تقول بعصبيه : كله بسببك يا زفته
قلتلك مش عايزه اروح
تقوليلي محتاجينها وإن كان ليك عند الكلب حاجة
اهو الكلب احرجني
تحدثت صديقتها وهي تقول: مجبرين هنعمل ايه
هي الوحيده الي بتكتب ورا الدكتور كل كلمه
ومعاها ملخصات ومذكرات
يعني دي هتخلينا ننجح وش
دي بتطلع الاولى يا بنتي
يعني من يهود الدفعه
لو قدرنا نخليها تذاكرلنا هنتخرج من ام الكليه
وبعدين نديها الصابونه
بس ناخد اللي عايزينه
إنتي فكراني طيقاها
انا بكرهها
غنيه وشاطره وحلوه
عندها كل حاجه
بس محدش بيطيقها
متوحده ومغروره
طول الوقت قاعده لوحدها وايام الامتحانات العيال بتقول انها مش بترد على حد وبتفضل تحل وتروح بعد كده
مين ده اللي عايز يصاحبها
هاتيلي حد واحد بيحبها
الكل بيكرهها بسبب غرورها وبرودها
كتها القرف حرقت دمي
ليها حق تكون وحيده
ومين يصاحب حد زيها
كانت تقف خلفهم
ودموعها غير قادره على التوقف
قبل ان تلتفتت عائده من حيث اتت
مستقله سيارتها
مغادره بقلب مكسور
………………………………
#عريس_قيد_الرفض
#عفاف_شريف
……………………………….
دلفت لمنزلها شاعره بالاختناق والرغبه في البكاء
كادت ان تصعد ل غرفتها لكن صوت امها اوقفها
تطلب منها الذهاب خلفها لمكتب والدها
أغمضت عيناها بتعب غير قادره علي الحركه
شاعره بالإعياء وكأنها على وشك السقوط
تحاملت على نفسها
وتبعتها
لتجد والدها يقف ينظر من النافذه
اردفت بتعب : نعم يا بابا
القى عليها نظره خاطفه
قبل ان يقول بصوت مؤكد هادي : انا ومامتك
قررنا إن جه الوقت اللي تتجوزي فيه
حتي اننا اخترنا عريسك
هو العريس المناسب لينا
جهزي نفسك لمقابلته
اتسعت عيناها تحاول استيعاب ما قال
حتى انها نظرت لامها تحاول الفهم
الا أن نظرات امها اكدت ما قاله والدها
همست بضعف : أتجوز
ردت امها : أيوه
انا وباباكي شفنا إنه القرار الأصح
شعرت بالأرض تميد بها
قبل أن تسقط مغشي عليها
متمنيه من قلبها أن تكون تلك النهايه
يتبع………
