//
//
صكر غسان ودز الغفران رسالة
” تعرفي لو ما ترديش حا تلقيني بعد عشر دقايق نرن علي باب حوشكم “
دز الرسالة وشويه ورد رن عليها
غفران >> شن تبي مني
غسان >> اهدي وبلا عصبية
غفران >> هاديه احكي شن تبي تقول مش فاضية
غسان >> لا مش هاديه
غفران سكتت وقعدت اتنفس بسرعة من العصبية
غسان >> شفتي انك مش هادية
غفران ساكته
غسان >> يدك مازال توجع فيكي
غفران >> اه
غسان >> اسف
غفران >> غسان انا خايفه ، خايفه بكل انه كل ماتعصب معش تشوف قدامك
غسان >> خايفه مني ؟
غفران سكتت
غسان >> احكي ياغفران
غفران >> مش خايفه منك خايفه من عصبيتك ياغسان انت بعد تعصب معش تشوف قدامك معش تعرف انت وين قاعد ولا تفطن الشي بكل
غسان >> انا هادي لعند حد يبحت فيك ولا يجي شورك ، مانقدرش نخلي حد يشوفلك غيري مانبيش حد يفكر حتي التفكير
غفران >> كل ما حد يبحت تبي ادير هكي ؟؟
غسان >> و اشر والله
غفران >> وبتقعد عصبي معايا وانا ماليش ذنب
غسان >> وعد اني والله ماحنعاودها مره ثانيه انا اسف والله راقيلي من روحي لما شفت يدك
غفران >> عصبي 
غسان >> خلاص ياعيون غسان بلا دلع
غفران >> انت عنيف
غسان >> في كل حاجه راه
غفران >> كيف ؟؟ “بعدين فطنت للكلام” غسااااان انت يا عصبية يا قلة ادب
غسان >> خلاص خلاص ماصدقنا هدينا الجو 
//
//
في الليل روح بدر للحوش و خش يتفرج عالتلفزون ، بعدها مسكت تلفونه وحط علي رقم فاطمة وقعد يفكر وشويه هكي ورن عليها
كانت فاطمه كيف طالعه من المطبخ وخاشه دارها شافت تلفونها يرن وكان رقم بدر ، قعدت تفكر ترد ولا لا بعدين خافت تكون صايره الصقر حاجه ردت دغري
بدر>> الو
فاطمه >> ايوا
بدر >> كيف حالك
فاطمه>> تمام ، في حاحه صقر صايرتله حاجه
بدر >> لالا مافيش شي اهدي بس صقر كويس
فاطمه >> باهي تمام
بدر >> رنيت عشان ما رنيتيش عليا 
مش قتلك تبي حاجه ترني
فاطمه ضحكت >> هههههههههههه بس مازلت ما ستحقيتش الشي
بدر >> اكيده
فاطمه تضحك >> اكيده
بدر >> انتي اصغر وحده ؟؟
فاطمه>> اها ٢٠ سنه
بدر >> بيني وبينك عشر سنين
فاطمه >> مازلت صغير
بدر >> قولتك هكي
فاطمه >> ههههههه اها
بدر >> كملتي قراية ؟؟
فاطمة>> اهاه كملت قرايه بعدين انخطبت وبعدها ماصارش نصيب و قررت نشتغل ، واشتغلت في مدرسة فترة بعدها ماتريحتش ووقفت
بدر >> اها كم قعدتي مخطوبه ؟
فاطمة >> ست شهور
بدر >> وكنتي تبيه
فاطمة >> لا كانت دلالة هل
بدر >> اوكيي تمام
فاطمة>> و سيبنا عشان خشت صقر للحبس بس كويس انه ماكانش في نصيب وجت خشت صقر للحبس ورتني انه هو مش ليا
بدر >> ربي يعوضك خير
فاطمه >> ان شاء الله ، شن جوك بعد الطلعه من الحبس
بدر >> تمام اهو قاعد ندور علي حوش
فاطمه>> عليش ؟؟
وقعد بدر يحكي الفاطمه في قصتة ويهدرزو مع بعضهم
//
//
ثاني يوم روح فالمكتب قاعده حايسه فالقضية اللي عطاها لها استاذ محمود و شبه كملتها وقاعده اتوتي في اوراقها وتسمع في صوت تلفونها كل شوية يدير في صوت … مسكت التلفون تشوف شن فيه لقت الفيسبوك منقلب عالبوست اللي هي منزلته
روح >> ليا كم يوم منزلته ليش توا فطنوله
قعدت تبرم وادور لقت الصفحه منزله انه الجثه مش جثة هيثم
رفعت التلفون ورنت علي الهادي
روح>> الو طلع التقرير ؟
الهادي >> اه من شويه طلع تو يدزولك ورقه
روح>> من اللي سرب الخبر للفيسبوك ياهادي
الهادي >> عيب يا محاميتنا
روح >> ياهادي ليش تسرب فيه القاضي لو يعرف من سربه ويعرف انك من طرفي حانريحو فيها
الهادي>> مااتخافيش ماحدش حا يعرف نعرف شغلي كويس
رح>> معش ادير حاجه مره ثانيه بدون ما ترجعلي الجلسة قربت مانبيش غلط
الهادي >> تم تم حاضر
صكرت روح من الهادي وكانت فرحانه انه الرآي العام مع صقر بس برضو خايفه انه يعرفو من سرب الخبر ، قعدت تشوف فالتعليقات و تقرا فيهن بعدها صكرت التلفون و ردت للاوراق اللي كانت ماسكتهن
مع دقة باب المكتب
روح >>تفضل ؟
خشت عليها ولية كبيره فالعمر
روح >> تفضلي ياحاجه قعمزي
هي >> يزيد فضلك يابنيتي
روح>> تقضلي كيف نساعدك
هي >> انا ام هيثم
روح انصدمت
ام هيثم >> الله يربحك اسمعيني
روح >> نسمع فيك احكي
ام هيثم >> اسمعيني ك ام مقهوره علي ولدها
تخيلي اني ما شفتش ولدي ليا ثلاث سنين وكل يوم يقولو حاجه مره مخطوف مره مقتول واخر حاجه قالو محروق
روح>> بس نزلو خبر انه الجثة المحروقه مش لولدك
ام هيثم >> عارفه بس نسبة موته اكبر من نسبة حياته وانا ك ام نقولك قولي الصقر كان يعرف حاجه يقولي
روح >> صقر بريىء من كل شي منسب له
ام هيثم >> وانتي كيف عرفتيه بريء؟
روح>> ياحاجه انا محامية وهذي شغلتي
ام هيثم >> كان هو بريىء امالا من المتهم ؟؟
روح >> مانعرفش هذي مش شغلتي هذي شغلة القاضي
ام هيثم >> قوليله بس يعترف ويقول المكان وانا حانخلي عوض يتنازل
روح >> كيف ؟؟ شن تقولي انتي لو واثقه انه صقر هو المتهم ف ماتخافيش القانون حاياخذ مجراه انا حالفه القسم ونخاف بدري اكيد مش حانطلع واحد متهم ولا نحط واحد بريء عشان نرضي حد
ام هيثم >> حسبي الله ونعم الوكيل لو ولدي صارتله حاجه
روح >> انا محترمتك عشانك وليه كبيره ، لو كملتي كلامك ياريت اتفضلي عشان عندي شغل
صبت روح فتحت باب المكتب لقت عوض مصبي برا
روح >> ياريت مره ثانيه ماحدش يجي ولو جاني اي حد من طرفكم حانرفع عليكم قضية مضايقه
واكيد حانكسبها وماتنسش التهديد متاعك انت و معز ، خوذ امك وتفضل وخلو القانون ياخذ مجراه
عوض جا بيحكي
روح >> مانبيش نسمع ولا حرف
صبت ام هيثم طلعت وروح خبطت باب المكتب
روح >> ياربي تعبببببت ساعدني ساعدني
//
//
ثاني يوم زيارة روح الصقر
كانت مقعمزه تراجي انفتح الباب وخشيت
انا >> كيف حالك
روح >> تمام
انا >> كنك متلخبطة ؟
روح >> جتني ام هيثم
انا >> كيف ؟؟جاتك عليش تبيك تقعدي محامية ولدها ؟
روح>> بطل ضحك واسمعني
انا >> نسمع
روح>> جت تبيني نخليك تنحبس وناخذ حق ولدها
انا ضحكت >> استغفر الله وخلاص
روح ساكته
انا >> خليني من ام هيثم نبي نحكيلك حاجه
روح >> شنو ؟؟
انا >> جتني امل هضك اليوم
روح رفعت حواجبها ورقالها بس حاولت تبين العكس >> اها
انا فهمت انه رقالها >> احكي اللي بتحكيه عليش داسه
روح >> مش دايه شي امل وجاتك شن بندير انا
انا >> ماتبيش تعرفي شن تبي
روح >> لو بتحكي احكي
انا >> حانحكي عشان نريح قلبك بس
روح >> متريحه راه
انا >> هههههههه تمام
حكيتلها اللي صار بس ماحاولتش نخش في تفاصيل الكلام مراعاةً لشعورها
روح >> اهاه تمام … انا من الاول قتلك القصة هذي انت حر فيها
انا >> لامش حر ، و لازم يقعد عندك العلم اني مانبيهش واني مطلعها من بالي و من راسي و انه مافيش حد قاعد في قلبي غير شخص واحد بس
روح تنهدت >> رد بالك علي روحك موعد الجلسة الاخيره الاسبوع الجاي مانبوش ولا غلطة
انا >> حاضر والله
طلعت روح وكانت مضايقه عالوضع و برضو فرحانه بكلام صقر
كانت متشتته و ومش عارفه شن ادير ، رنت عليها يارا اختها وهي فالطريق
يارا >> كنك ماتقولي ان راجلك رد انحبس
روح>> انك قلتيها راجلي يعني انا حره نقول ولا
ماتقوليش ؟؟
يارا>> امك دايره قصة
روح تعيط >>انا معش نبي نسمع شيييي معش بنسمع شييييي خلوني في حالي خلوني بروحي معش حد يزن علي راسي اللي فيا كافينيي انا
يارا>> اهدي بس اهدي
صكرت روح في وجه يارا وهي ماتشوفش قدامها ، معش فطنت الشي الا الضي سيارة جاي مقابلها و بعدها معش تندري علي شي بكل
//
//
في المستشفي ، كانو هل يارا فالمستشفي .. بعد ماصار الحادث لقو اخر مكالمه متصلة بيارا ف رنو عليها وجا خالها و يارا وباتها لاحياة لمن تنادي
عمر >> طمنه يادكتور
الدكتور >> حالتها كويسه كدمات بسيطة ماتخافوش
عمر >> يعني تطلع اليوم
الدكتور >> لالا ٢٤ ساعه وتطلع درنالها صورة عشان نطمنو
عمر >> تمام
يارا >> خالو انت عدي وانا تو نقعد
عمر >> لالا حانقعد معاك
يارا >> خليني بس معاها فدار وليه عيب ما تجيش تقعد
عمر >> خلاص خليني نقعد وشويه اخرى ونعدي
يارا >> تمام
مسكت يارا تلفون روح و دورت علي رقم غسّان ورنت عليه وقالت له اللي صار حست انه ضروري صقر يعرف … صكر غسان ورن علي بدر
بدر >> شنصار يا راجل
غسان >> قالو ساهله مش متضرره
بدر >> لازم نقولو الصقر انا متأكد لو سمعها من برا حا يدير قصة
غسان >> اسمع تو نكلم رفيق توا نقوله
بدر >> شوفه وعاودلي وطمنه اه قوله تمام ومافيش شي
غسان >> تم
//
//
كانت الساعه ١ فالليل و كنت قاعد فالزنزانه ووسام فوق راسي ، كنت حاط يدي مغطي وجي و نحاول نرقد سمعت صوت باب الزنزانه فتح وكان الشرطي رفيق
رفيق >> صقر تعال
انا استغربت نطيت من السرير لي فوق و جيت واقف قدامه وشيرتله براسي ووسام يبحت
رفيق >> بنقولك حاجه
انا >> شن فيه
رفيق >> توا كلمني غسان قالي انه روح فالمستشفي
انا >> كيف ؟؟؟؟؟ شن فيه
جاب عقلي لما قالي مستشفي انه في حد دايرلها حاجه
رفيق >> اهدا بس اهدا مافيهش شي كويسه دارت حادث مبدري بعد طلعت من هنا و شالوها للمستشفي وكدمات بس
انا >> تمام تمام
طلع رفيق وانا قعدت نبرم بنموت من جوا
وسام>> اهدا ياراجل ما قالك كويسه
انا >> تي كويسه من هضوما يكذبو عليا اكيد حتي لو فيه حاجه مش حايقولوها ليا عشان مايشغلونيش
وسام>>لو يفكرو هكي راه من الاول ماقالولكش
انا >> وسام غم فمك
وسام >> نجيبلك من العمده تلفون
انا >> تي تلفون من ما يسير شي الا لما نشوفها
وسام >> نجيبوها لكي مثلا ؟؟
انا >> لا انا نطلع لها
وسام >> ايبس الله يربحك محكمتك الاسبوع الجاي
انا >> تي مستحيل نهدا والله ماتفرق معايا لا محكمه لاقاضي شن ينفع ناخذ براءة ونقعد بلا رُوح؟
وسام >> اسمع حانساعدك بس ولا حد يعرف اني انا ساعدتك
انا >> مش عيل انا
وسام >> تم راجيني هنا شويه
نط وسام عند حاشيه السرير وطلع تلفون و دز منه مسج
انا >> تي هضا من امتي عندك ؟
وسام >> بدون اسآله
شويه هكي وجا شرطي الوسام
وسام >> الوضع فاضي
الشرطي >> نفضوه لكي
وسام بحت فيا >> نبيه يطلع كم ساعه ويرد
الشرطي بحت فالساعه >> نص ساعه اخرى ونرد عليك
طلع الشرطي وخش وسام
انا >> قصدك بنطلع ؟؟ وعادي هكي
وسام >> اه مش اول مره تسير قاعد فالكويفيه راك مش فسجن لوس انجلس
انا >> بس كيف ؟؟
وسام >> ماتخافش مش عميل مع الشرطه انا بس عارف دينهم ، هذي مش اول مره نخش نعرف كل شرطي وشن نمسك عليه بس انت رد بالك حاتطلع من هنا ١ ونص حاول انك ٣ ونص تكون هنا قبل موعد برمة المقدم جبر علينا
انا >> تمام
نص ساعة وجا الشرطي اللي كلمه وسام جابلي لبسة الامن وطاقية … لبستهن و فتحلي الزنزانه
وسام >> ٣ ونص يا صقر اه
انا >> تمام عطيني تلفونك لحظة
وسام >> تم
دزيت رسالة الغسان كنت عارف انه يقعد واعي فالوقت هضا يحكي مع غفران كتبتله تعالي توا قدام الحبس دزيت الرسالة و طلعت
مشيت مع الشرطي وانا اول مره يركبني شعور الخوف كنت مش خايف علي روحي خايف ننمسك وتعب روح كله يعدي بس الخوف كله عزقته عشان بس نشوف روح … فتحنا الباب الاول و كان الهدوء يعم المكان مافيش ولا صوت
طلعنا مع الباب الثاني
الشرطي>> وقف شويه هنا ١٠ دقايق ونجيك بنشوف الدوريه اللي لوطا
انا >> تمام
في الوقت اللي انا كنت فيه واقف ومنزل الطاقيه علي راسي وندعي انه كل شي يعدي علي خير
وصل المسج الغسان اللي استغرب بكل بس علي طول لبس دبشه وولع سيارته وكان فالطريق
السجن يبعد عن حوشه قريب نص ساعه بس الطريق كانت فاضية قدر يوصل في ربع ساعه
في الوقت هضا جاني لشرطي وخداني و نزلنا تحت فتحلي باب صغير اللي يطلعو منه متاعين الامن
الشرطي>> ثلاث ونص ما كنتش هنا اعتبر روحك في عداد الموتي
انا >> تمام
نزلت الطاقيه و طبست راسي و قدمت قدام قعدت نراجي في سيارة غسان وكل شوية نبحت فالساعه ، لمحت ضي سيارة جاي من بعيد طلعت نمشي بسرعة شورها درس غسان ووقفت ركبت
انا >> اطلع بسرعة شور المستشفي بسرعه
غسان مصدوم>> تي شن فيه ؟؟؟؟ تي كيف طلعت
انا >> مامعايش الا ساعتين مش وقت اسأله
غسان >> تمام
علق الدي وشيط السياره ويجري شور المستشفي ويعيط
غسان>> انت مكلوب مش بعقلك والله ما بعقلك قلنالك كويسه ازح عليش الخطر هكي بطلعتك انت ودرت كل شي
انا >> غم فمك ازح مش ناقص اهلي
غسان >> تحساب روح بتفرح بجيتك
انا >> وقف ام السيارة وانزل
غسان >> كيف ؟؟
انا >> انزل ازح
وقف السيارة ونزل ، جيت مكانه و جا هوا مكاني
انا >> نوريك السواقه كيف
علقت السيارة و جري
غسان >> نعن اصلك وقف
انا كنت ساكت و نسابق فالوقت وغسان جنبي يعيط
//
//
في المستشفي عدا عمر خال روح وكانت يارا قاعده معاها وروح راقدة
وصلنا انا وغسان
انا >> راجيني هنا اه
غسان >> سقد امي بس
ركبت فوق وانا نجري وصلت داهش سالت الممرضه ولما شافتني بلبسة الامن قالت لي علي رقم الغرفه
مشيت شور الغرفه لقيت يارا قدام الدار مقعمزه عالكرسي ومغمضة عيونها ، خشيت بدون ما تفطنلي … لقيت روح راقده في نهاية الدار وفي معاها وليه كبيره فالعمره حتي هيه راقده ، مشيت شورها بشوية شويه … شفت شكلها كيف ذابل ووجها وشعرها وعيونها المغمضات
طبست عليها وحطيت يدي البارده علي خدها ، رعشت من برودة يدي وفتحت عيونها بشويه
لما شافت خيالي فتحت عيونها زين كأنها مش مصدقة اني انا قدامها
انا >> الحمدلله عالسلامه ، مش نقولك ردبالك علي روحي هكي اديري فيا
روح بصوت تعبان >> ص ق ر ، انت شن ادير هنا
انا >> اشش مره وحده بس خلينا بدون اسآلة وتحقيق ، مادخلكش كيف طلعت وكيف جيت اهم شي اني جنبك
روح >> مجنون انت
قعمزت جنبها ومسكت يدها >> مجنون بيك
روح تغمض فعيونها من الدوا >> خايفه عليك
نزلت بستها بين عيونها >> ماتخافيش عليا طول ما انتي كويسه انا حنكون بخير
روح >> خلاص عدي انا كويسه مافيش حاجه
انا >> كله مني انا كل شي انتي فيه بسببي من يوم مسكتي القضية وانتي تعبانه وحياتك ملخبطة مش حانسامح روحي لو صارلك اي شي
روح كرتني من عند صدري ونزلتني شورها و قعدت تبحت فعيوني
روح >> بطل شغل عصابات وحاجات يودرنك في داهية وخلي القضية شوري
انا طبست عليها
//
//
بعد شوية
روح >> ماعنديش جهد ندفك يا سخيف حول
انا >> ههههههههه تمام
روح >> عدي بسرعة انا خايفه بكل
انا >> مانبيش نسيبك
روح >> عدي يا صقر وكلمني من تلفون عمده لما توصل
انا >> حاضر يا عيونه
مسكت يدها وبستها وسيبتها وهي عيونها عليا تفتح فيهن وتغمض من التعب وكأنها تشوف فيا في حلم
نزلت الطاقيه علي راسي نزلت تحت بحتت مالقيتش سيارة غسان ! شفت لساعة لقيتها ٣:١٠ !
//
//
ثاني يوم فالسجن
