//
//
طلعت روح من الشغل وجيت انا خذيتها ، تكيت خذيت غدا وروحت للحوش .. و طول الطريق حاس انه في حد يراقب فينا بس ما بيتش نوتر روح
تغدينا و خشيت بنتريح شويه
روح >> بترقد
انا >> اه تعبان
روح جت قعمزت جنبي عالسرير >> شن درت اليوم
كنت نشوفلها بنتي مش مراتي ، كانت محاميه و اللي يشوفها يحسبلها الف حساب بس انا نشوفلها طفلة
انا ابتسمت >> مشيت مع غسان للمحل وبعدها طلعت انا وياه للقهوة و جيتك
روح >> اهاا
انا >> وانت
روح>> اوراق وقضايا و وتوكيلات وصداع راس وجاني الهادي جابلي كم حاجه
انا >> والهادي هضا ضروري يجيك للمكتب 
روح >> هضا شغلي 
مش الهادي بس اللي نتعامل معاه
انا >> ومن اخره حضرتك اتعاملي معاه ؟؟
روح >> اي متهم اي حد يبي استشاره ، كنك
انا >> لا باه براحتك
روح >> صقر ؟
انا >> ما صقر حد
روح >> انا بس نقولك ماروح حد 
انا >> لا رُوحي
روح >> ما روح حد
مسكتها من يدها وجبتها جنبي
روح تبحت فيا
انا >> فات فيك وخشيتي حياتي وقعدتي علي اسمي تبقي روحي ، وتسمعي كلامي
روح >> ياسلام ؟ بس نحن اتفقنا كل حد في حاله وماحد يدخل بحد
انا >> كلام قديم
روح>> يعني رديت في كلامك
انا >> لو كنتي روح المحاميه كنت حندير بالكلام القديم ، بس انتِ توا رُوحي !
روح حطت يدها علي رقبتها بتوتر
انا >> جيبي نظاراتك حتي هنا واقعدي البسي واسلحي فيهن 
روح >> ههههههههه .. صقر نحكي جد بدون بصاره ماتبينيش نشتغل
انا >> لو نلقى ياريت بس مش حانمنعك من شغلك لكن بعدي من اي اختلاط
روح>> بس هضا هو شغلي ! لازم اختلاط
انا بعصبيه >> روح ما اتنرفزينيش ، كيف يعني خاشين طالعين عالمكتب و مسكر الباب و الي يجوك متهمين وقضايا اشكال وانواع و رجاله اصناف و اشكال اللي محترم واللي امسخ واللي يبحتلي في شعرك واللي في عيونك واللي في جسمك ! عادي يعني هكي تمام ؟؟؟
روح>> بس انا محترمه نفسي وليا زمان نشتغل عمره ما حد تعرضلي
انا >> انا مانحكيش علي تعرضلك انا مانبيش حد يفكر فيك حتي بينه وبين روحه فهمتي ؟؟؟ مانبيش حد حتي مجرد انه يفكر انه يبحت في عيونك ولا شعرك “وقربت منها ” ولا اي شي
روح تنهدت>> انت شن تبي مني … تعبتني من ناحية قضيتك ومن ناحيه انت
انا >> خلي القضية تنحل وبعدها حانقولك شن نبي منك
روح >> باهي نعست انا ترقدني ؟
انا >> تعالي
خشت روح في حضني ورقدت انا وياها
//
//
عند غسّان
غسان >> الو
غفران بصوت تعبان>> الو
غسان >> كنك
غفران >> تعبانه شويه
غسان >> لاباس شن تحسي
غفران >> مش عارفه شكله برد
غسان >> نجي نشيلك المستشفي ؟؟
غفران >> لالا بنرقد بس تو نقعد كويسه
غسان >> تمام
سكر غسان من غفران ومشى للصيدليه خذا ادويه و تكى عالمحل جاب شويه حاجات و مشى شور حوش جد غفران … فتحت ام غفران الباب
غسان >> خير يا عمتي كيف حالك
ام غفران >> الله يسلمك يا وليدي
غسان >> نبي غفران شويه كلمتها قالت لي مريضه
ام غفران >> تو نخش اناديها لكي
غسان>> في حد فالحوش ؟؟
ام غفران >> لالا
غسان >> بنخش نعطيها دوا عالسريع بس وين دارها
ام غفران ضحكت >> خش اخر دار عاليمين
مشت ام غفران للمطبخ و غسان خذا الحاجات في يده ودق عالباب
غفران >> بنرقد يا ماما مانبيش ناكل
خش غسان و سكر باب الدار وغفران بحتت بطرف عيونها التعبانات
غفران فتحت عيونها>> غسااان انت شن ادير هنا
كانت حاطه راسها عالمخده وراقده ومش قادره ترفعه
غسان >> لاباس ياعيون غسان
غفران >> ماتشوف باس
غسان >> معقوله ما كليتيش شي
غفران >> بنرقد بسس ” وغمضت عيونها “
غسان بحت لقى جنبها تبسي برودو
غسان > اتكي شويه
غفران >> حبيبي بنرقد
غسان >> ناعليا انا وخلاص
مسكها و خلاها تتكي عالسرير و قعد يوكل فيها وهي تاكل بشويه شويه
بعدها عطاها دوا وشربها اميه
غسان >> توا ارقدي وبعد اتنوضي تو تقعدي كويسه
غفران >> نحبك
غسان >> نموت فيك … نعدي ؟
غفران مسكت يده في حضنها >> خليك لعند نرقد
غسان >> حل الغايه نرقد جنبك بس الله غالب
غفران ابتسمت >> عاجبك شكلي هكي ؟؟ معقوله هذي ثاني مره تشوفني وانا منظري مش حلو 
غسان >> تي بمنظرك هضا وواخذه عقلي كله
غفران ضحكت وبدت تغمض فعيونها راجاها غسان لعند ترقد بعدين سحب يده من حضنها وطلع
//
//
طلع غسان ومشى البدر في الحبس
غسان >> شن الجو
بدر >> تمام والله مليت ازح بروحي
غسان >> مافيش حاجه جديده
بدر >> الوضع مهبي ، جا واحد جديد للزنزانه اسمه وسام و الحق كويس نكملو فيها هداريز وخلاص
غسان >> باهي تمام
بدر >> شنجو الصقر
غسان >> عريس عاد كثر خيره كان بحت في وجي
بدر >> حتي انت شعفت امنا
غسان >> عقبالك ياطير
بدر >> نطلع من هنا بعدها ساهل
غسان >> خلاص راه شهر بس مازال
بدر>> عارفك مستعجل تبي الشهر يمشي عشان اطلع العرس
غسان >> انت شكلك حاتخليني نلغي الفكره ازح عليك ذل
//
//
ثاني يوم
روح >> صقر انا واتيه تشيلني ؟
انا >> استني بس بنطلع نجيب رصيد من المحل ونجي
روح >> بعيد المحل
انا >> تي بالسياره ماشي علي ما لبستي ايشربك
روح >> تمام
نزلت ومشيت شور المحل ، و روح قعدت تبرم خذت شنطتها وصبت علي المرايه اللي فالصالة تبي تلبس ايشربها دق الباب
روح >> ياصقرر ليش ما خذيتش المفتاح معاك
فتحت الباب و برمت
//
//
اول ما طلعت حسيت في حاجه غريبه ، بس كذبة روحي ومشيت للمحل مالقيتش عنده رصيد جيت بنمشي للمحل اللي قبله حاجه قالت لي رد ، ولعت السياره ورديت للحوش واول ما ركبت لقيت الباب مفتوح
انا >> روح ؟؟ روحح ؟؟؟
خشيت لقيت ايشربها مطوح عالارض وكندرتها قاعده وشنطتها وتلفونها …. خشيت نجري للحوش وندور عليها بين الديار ما لقيتهشش نزلت قعدت ندور فالشارع كيف الهبل نبي روح نبي روحي
ركبت نجري فوق ورنيت علي غسان
انا >> روح انخطفت ياغسان انخطفت
غسان >> كيف ؟؟ شن تحكي انت
انا >> تعال للشقة بسرعه
في اقل من عشر دقايق كان غسّان ومنذر خويا قدامي وانا نعيط ونخبط
انا >> مش عارف ليش نزلت وسيبتها كيييف كيف ياريتني ماخليتها
غسان >> صقر ازح مش حايفيد شي العياط والتخبيط
انا >> نبي روح جيبوها ليا توا اقسم بالله حانقتل لو يلمسو منها شعره وحده بس
منذر >> اهدا و خلينا نقدمو بلاغ
غسان>> مش حا يعتدو بالبلاغ الا بعد م تمر ٢٤ ساعه
انا >> كلملي قبطان
غسان >> ازح فوت امه قلنالك
انا >> ماتبيش تكلمه تو نكلم امه انا
طلعت من الحوش و مشيت شور مكتب روح خذيت من السكرتيره رقم الهادي و رنيت علي قبطان وتلاقيت معاهم وغسان ورايا هو ومنذر
انا >> روح انخطفت ونبيكم تحفرو الارض واطلعوها ليا مانبيش حد من الشرطه ياخذ خبر و مانبيش هل روح يعرفو
منذر >> شن تبي تقوللهم
انا >> حانرن علي اختها نقوللها مسافرين مشرق يومين و اني بنقعدو بروحنا ونسكرو تلفوناتنا
منذر>> حاتصدق
انا >> ماعنديش حل ثاني ومافيش حد يكلم فيها غير يارا وساره صاحبتها
الهادي >> اعتبرها قدامك
قبطان >> تم يالصقر
انا >> كلم الشبح
قبطان >> الشبح غالي شويه
انا >> ان شاء الله مليون
طلعو هادي و قبطان من قدامي وبحت فيا منذر
منذر>> الشبح هضا عيل صايع
انا >> وانا اصيع منه خليه يدورلي علي روح مافيش بيا شي
غسان >> شبح هضا من
انا >> واحد متاع مافيات ويعرف دبة النمله
غسان >> وانت من وين تعرفه
انا >> ايام كنت فالامن دار مشكله وطلعته منها وتوا نبيه يردلي الخدمه
غسان >> ردبالك ياصقر
انا >> نبي روح ترد قدامي ونشوف عيونها بعدها نموت عادي
منذر >> انت عليك حكم اي حاجه تردك للحبس
انا >> ان شاء الله ناخذ اعدام عادي
//
//
مرن كم ساعه وروح مختفيه بكل
رنيت علي يارا وقتلها انه ماشين مشرق يومين وماحدش يرن علينا ومافيش تغطيه غادي عشان معش تسكن
الهادي وقبطان بدو يدورو و يسآلو و رنو عالشبح وقالوله اللي صاير و طلب انه يشوفني وتلاقيت معاه وحكيتله القصة
غسان >> خلاص ياراجل ازح هلكت روحك بالدخان
انا >> اليوم كمل ومافيش اي خبر اللي خاطفها من ولا رن وطلب اللي يبيه
غسان >> اصبر بس و صبي دوش و بطل ازح دخان
انا >> غسان خاطا امي
صبيت عزقت الدخان و خشيت للسرير وانا كيف العيل الصغير ماقدرتش نرقد فالسرير وهي مش في حضني … طلعت من الشقه ومشيت شور حوش هلي .. خشيت الامي اللي من بعد طلعتي من الحبس ما حكينش الا كم كلمه كنت زعلان منها وهي كانت عارفه زعلتي واعره
خشيت للحوش دورت عليها و ارتميت في حضنها و غمضت عيوني
امي دموعها علي خدها >> سامحني يا وليدي سامحني
انا >> بنرقد يا امي بنرقد ما نبيش نفكر في شي
امي قعدت تحكيلي و تهدرزلي و تملس علي شعري لعند ما رقدت
//
//
ثاني يوم نضت عال ٧ الصبح و رنيت علي الشباب كلهم وما حدش حصل خبر
كنت قاعد فالسياره بنمشي شور الحوش رن تلفوني
انا >> الو
هو >> لو تبي محاميتك قصدي مراتك تردلك
ترد للحبس و تخليها اتنازل عن القضية
انا >> الله يعلن … يا فرخ الحرام اقسم بالله حد يقرب منها شعره انطير رقبته
سكر الخط في وجي رنيت عالهادي ودزيتله الرقم دغري
الهادي >> ربع ساعه ونقولك
انا >> تعالي فالشقه
الهادي >> تم
خشيت للشقه وانا نفكر اني نمشي نسلم روحي عشان ننهي القصة هذي من اصلها قعدت نبرم ويديل مربطات نراجي في حد يعطيني بس اي خبر ، اليوم الثاني قريب يكمل ومافيش اي خبر
دق الباب وكان الهادي اللي جاي
انا >> ها شن صار؟؟
الهادي >> الرقم مسجل بآسم حد مصري مسافر من زمان
انا >> نعن …
الهادي >> اهدا بس الشبح عرف يحدد مكان الي رن
انا >> وين خلينا نمشو
الهادي >> اهدا قتلك قاعدين فالمكان شبح وغسان
انا >> تي صبي ازف قولي وين
الهادي >> صقر اهدا
انا >> انا هكي هكي بنسلم روحي معش يفرق معايا شي
علي رنت الباب و فتح الهادي وجو غسان والشبح
صبيت نجري >> لقيتو حاجه ؟؟ شيلو امي للمكان ازح
الشبح >> مكلم من مكان غير المكان اللي حاط فيه روح المكان لي مشيناله بعيد وفاضي مافيش ولا حوش قريب منه وسيبنا قبطان يدور
انا >> بنعدي نسلم روحي
غسان >> روح لو كانت قاعده ماكانتش ح تخليك ترد
انا >> وهي تنآذي عادي ؟؟
الشبح >> عطيني يوم بكرا بس وكان ما صارش شي عدي وسلم روحك
انا غمضت عيوني و سحبت قرطاس الدخان
غسان >> خلاص يا شباب عدو تريحو
الهادي >> تم نتلاقو بكرا
طلعو الشبح والهادي و غسان قعد معايا و انا ارتميت عالكرسي و كل شويه نشوف التلفوني
مسكت تلفون روح وفتحته و درته وضع طيران عشان ما حدش يرن و خشيت عالصور
قعدت نشوفلها و خاطري نحضنها
مرايف عليك يا رُوحي ! مش حانسامح نفسي لو صارلك اي حاجه انا سبب اللي انتي فيه كله انا متهم و حكملي القاضي
ليش تصدقيني ؟ ليش تآمني ببرائتي 
غسان >> صيب ام الدخان وكول درت دحي
انا>> ماعنديش نيه في شي
غسان>> يومين علي لحم بطنك
انا >> شربة قهوة
علي رنت تلفون غسان
غسان>> كول ازح
انا >> رد علي مراتك النبي وخطاني
غسان >> نجي نوكل امك بالغصب
طلع غسان يرد عالتلفون وانا حطيت يدي علي وجي وغمضت عيوني
//
غسان >> الو
غفران >> حبيبي
غسان>> عيون حبيبك شن تحسي روحك توا
غفران >> لا اليوم احسن خف البرد
غسان >> باهي تمام
غفران >> قاعد مع صقر ؟
غسان >> اه
غفران >> مافيش اي خبر
غسان >> لالا
غفران>> رد بالك علي روحك وطمني عليك
غسان >> حاضر يا قلبي
غفران >> خلاص خليك معاه حنعدي نشوف ماما
غسان >> تمام انحبك
غفران >> انا اكثر
صكر غسان وجا يشوف الصقر لقاه راقد ، اتكى جنبه عالكنبه وما بش يروح للحوش خاف انه صقر ينوض ف اي لحظة ويطلع يدير اي حاجه يودر روحه في داهيه
//
//
ثاني يوم فالصبح نضت و طلعت شور قبطان و الشباب و قعدت نبرم بالسياره مش عارف من اللي خطفها ماعنديش اي معلومه ، هل اللي خطفها هو نفسه اللي خطف هيثم ؟؟ واللي خطف هيثم شن يبي مني ؟؟؟
طلعت من الحوش انا وغسان وقعدت نبرم انا وياه وكل شويه نرن عالرقم الي رن عليا
انا >> غسان اليوم فالليل حانمشي نسلم نفسي للشرطة وننسب جميع التهم ليا انا بس نبي منك ترد بالك علي روح وعلي هلي المره هذي حانخش ومش عارف امتي حا نطلع
غسان >> تي شن تحكي انت بطل دوا فاضية
انا >> معش عندي حل مش حانقدر نوقف ويديل مربوطات وهي مش عارف شن صاير فيها كل ما نغمض عيوني تجي صورتها قدامي مش حانسامح روحي لو مسو منها شعره
كيف نقعد مربوط هكي مش قادر ندير شي لا عارف نوخر لا نقدم ولا عارف مكانها
غسان>> حانلقوها وراسك مستعد نقتل حتي القتل
شويه ورن علينا الشبح وقاللنا تعالو للمكان الفلاني
عديت جري انا وغسان ولقيت قبطان و هادي وشبح قدامي بسياراتهم في مكان مظلم وبعيد
شبح >> روح قاعده هنا وصلت الواحد يقعد يشتغل مع الجماعه اللي خاطفين روح بس ماقاليش مع من يشتغل ولا من هما ولا اي حاجه
قالي ان روح قاعده هنا
وعطيته مبلغ واتفقت انا وياه علي خطه
//
سحبت السلاح متاع الشبح و حطيته ورايا لبست طاقية التيشرت علي راسي وقدمت
غسان >> حط السلاح ياراجل
انا>> ماحدش يقرب
مشيت شور الهنقر اللي حاطين فيه روح والشباب ورايا … فتحت الباب و قدمت بالسلاح كان الهنقر فاضي ومافيش حد
خشيت لقيت باب دار فتحته وشفت روح
كانت في زاوية الدار و مغمضة عيونها
مشيت نجري عليها
انا >> روح .. تسمعي فيا روحي ردي عليا
روح فتحت عيونها وردت غمضتهن
سمعوني غسان والشباب نعيط جوني يجرو
انا >> ماتخليش حد يخشششش
طلعو الشباب كلهم وخرو وقعدو يدورو فالهنقر بلكي يلقو حد
سلحت الماليه اللي لابسها و ماكنتش لابس شي تحتها ، لبستها الروح فوق دبشها و حطيت الطاقيه علي راسها و رفعتها و طلعت
ركبت مع غسان فالسياره من لاوره و مشى بينا شور المستشفي دغري … خشت روح للمستشفي
وعلقولها تغذيه كانت لها اكثر من يومين مش واكله كويس و ذابله وتعبانه
انا >> غسان خلاص عدي انا حانقعد معاها
شوف الشباب و خوذ فلوسي من منذر عطي شبح حقه
غسان >> تم تبي حاجه رن عليا والبس حاجه استر بيها روحك
طلع غسّان وانا خشيت علي روح لقيتها واعيه
انا >> رُوحي
روح >> صقر سلم روحك
انا >> كيف ؟
روح >> سلم روحك ورد من وين ما طلعت
انا >> حاتنازلي عالقضية ؟؟
روح سكتت
انا >> حاتنازلي عليا ؟؟
برمت روح وجها لجهة الثانيه ودموعها نزلو
روح >> صقر نحن مافي بينا شي مش حانتنازل عالقضية وجودك فالحبس اضمنلي من طلعتك برا
انا جيت قعمزت جنبها و برمتلها وجها جهتني وطبست عليها
انا >> بتسيبيني؟ بتخليني بلا روح
روح نزلت راسها >> صقر احضني
ضميتها بيديا وسلحت تيشرتي من عليها
روح >> اسمع كلامي
انا >> تبيني نرد للحبس ؟؟
روح >> اه
انا >> حانرد
روح رفعت راسها وبحتت فيا
انا >> خلاص ارقدي ماتفكريش ف شي
روح >>البس حاجه صقع
انا >> لالا خليني هكي انتي مدفيتني
نزلت راسي وبحتت فيها وعيوني في عيونها
وهي بروحها قربت مني ، و بستها وهي ماوخرتش مني وقربت اكثر
انا >> هكي الواحد ينحبس وهوا متريح
روح >> انا نعست
انا >> ارقدي يا روحي ارقدي
//
//
ثاني يوم فالصبح طلعنا انا و روح من المستشفي و مشينا شور الحوش عشان اتريح و بعدها نمشو للمحكمه عشان كان عندنا جلسه تسحب اوراق الكفالة و نرد للحبس
انا >> احكيلي من اللي خطفك
روح >> مانعرفش ، فتحت الباب وبرمت حطلي واحد كمامه علي وجي بعدها معش فطنت الشي الا انا فالهنقر كان في واحد طويل و اسمر يخشلي يعطي فيا في ميه واكل و ماشفتش حد نسمع فيهن يحكو بعيد عليا و خش مره نفس الشاب الاسمر قالي تنازلي عالقضية و
انا >> وشنو اخرى؟
روح>> صقر مش برىء
انا >> عشان هكي تبيني نرد للحبس ؟؟ صدقتي اني وش برىء ؟
روح >> ماتخشش المواضيع في بعضهن
انا >> صبي نمشو للمحكمه
روح >> صقر بشويه
صبيت لبست و خذيت الاوراق ونزلت و روح لبست ولحقتني
روح>> اصبر مازال مش توا موعد الجلسة
انا ماحكيتش ولا حرف ركبت فسيارة ومشينا شور المحكمه ، قدمت روح اوراق الكفاله و وطلبت انها تسحبها ونرد للحبس
طلعت روح من المحكمه وهي مخنوقه لقت غسان قدامها
غسان >> شن صار ؟
روح >> رد للحبس
غسان >> ماتخافيش عليه كله حاينحل
طلعت روح بسيارة ومشت تشوف في هلها وقتلها اني قاييلهم كنا في مشرق عشان ما ينشغلوش
//
//
في الحبس
رديت من نفس المكان اللي بدت فيه القصة كله ، مسكني شاهين وكلبشني
شاهين >> ترد النفس الزنزانه ؟
انا >> اه
فتح شاهين الباب و خشيت لقيت بدر ومعاه واحد جديد و محمد
بدر انصدم >> صقر
انا >> رايفة عليك قلت نديرلك زيارة
محمد >> نورتنا يالصقر
بدر >> شن فيه ؟
انا >> قصة طويله
محمد >> احا بنبدو فالغموض
انا >> را نصبهن لكي
خشيت لمكاني و عرفوني علي وسام السجين الجديد
//
//
روح
روحت للشقه و انا شايله حمل الدنيا علي كتوفي وماقلتش الهلي انه صقر رد للحبس خشيت بنغير دبشي و رن الجرس
فتحت لقيت غسان و معاه الهادي و اثنين اخرى
غسان >> لقو جثه محروقه ومبلغين عليها انها هي جثة هيثم
