رواية سر خلف النقاب الفصل الحادي عشر 11 بقلم هدوء آل محمد

حار الاب شيكول بس ماگدر يرفض رغبه ابنه

ابو نوفل:- توكلنا على الله

ركبوا السيارة ونطلقوا الى المقبرة ولكن في الطريق كان مسدود بعدد كبير من السيارات

نوفل:-هاي شكو شصاير

ابو نوفل:- خاف حادث ابني

فتح الباب ونزل

نوفل:- انتظرني يابه اشوف شكو واجي

ابو نوفل:- بس لاتتاخر

توجه لمكان الهوسة ويسمع صراخ رجل سال احد الواگفين

نوفل:- خويه شصاير

_ هذا واحد مسودن خطية جاي يحاولون يگومو بس هو رافض وگاعد يلعب بماي المجاري

شي بداخله گال اله تقدم وشوف شجاي يصير مان وصل الى المكان حتى اتسعت عيونه بصدمة

نوفل:- شاااامل

راح يركض ويدفع بالناس وكان شامل بحالة يرثى لها

يلعب بماء المجاري ويصرخ

شامل:- ماكتلتها ماكتلتها هيي ماااتت

جسدة يهتز من البرد بس مستمر بالصراخ قرفص امامة بصدمة ولزمه من اكتافة رغم انه متدمر ورأحه كريهة تفوح من عنده

نوفل:- شصايرر بحالك لك شامل شكو

باوع اله شامل ويرمش ومابلسانا غير كلمة

شامل:- ماكتلتهااا وخررر ماكتلتهااا هي ماتتت ماعليه

باد حيله

نوفل:- منو هي بس اهدء فهمني ولك هديت حيلي

شامل:- مهجة مهجة ماااتتت ماكتلتهاا هيي ماتت يي هيه لاتاذوني

تقدم احد الرجال ووجه كلامة لنوفل

_خويه الولد صار اله يومين على هل حاله بس ليوم غط روحة بالخيسه تعرفه؟

هز راسه نوفل والدنيا طالعة من عينه

نوفل: – اي اعرفه بس ساعدوني انقله للسيارة

_بس راح تدمر سيارتك هيج

عقد حاجبه بعصبية

نوفل:- خويه صدك تحجي خ** بيها بس ساعدوني ياشباب

كان احد المجمعات القريبة والي شالته الغيرة العراقية والفزعة

فتح بطانية وشمرها علي ولفو بيها وهو فاقد يرجف

شامل:- ماكتلتها عوفوني ماكتلتها

نوفل:- ماماتتت مابيها شي بس اهدا خل نروح للبيت

شامل:- لاااااا ماروح جذاابين تريديون تسجنوني

صار يرفس ويحاول يتفلفص من ايديهم

نوفل:- لاحول ولاقوة الا بالله

تكلم احد الحضور

_ خويه اربطه لان هيج راح يبهذلك الطريق كله

نوفل:- لاخويه حرام شربط بي بني ادم هذا مو حيوان حتى اهينه بهل طريقة

وقف محتار مايدري شيسوي اما والدة شافه تاخر قرر ينزل يشوف ابنه شصار بي ومن وصل نصدم صدمة ماتقل عن ابنه

ابو نوفل:- شاااامل!!!!

نوفل:- يي يابه شامل شصاير مادري منو مهجة منو كاتل مادري اربد اخذه وياي للبيت

ابو نوفل:- مو مشكلة ابني بس شلون مدا تشوفه شلون يتصرف

رفع نضرة على الموجودين

نوفل:- منو بيكم يگدر يجي وياي بس يلزمة ويه الوالد وشتامرون حاضر

تكلم احد الشباب

_ يابه اسمحلي اروح ويا

رد والد الشاب

_ روح ابني وانا لاحككم بالسيارة حتى ارجعك

لزمو شامل الي كام يگمز بين ايديهم

شامل:- عوووفوني وخرررو لاتسلموووني لشررررطة ماكتلتهااا انا ماااعليه

ركبو بالسيارة بالغصب وابو نوفل والولد لازمي وطول الطريق يگمز مفرفح ويردد نفس الكلام الى ان وصلوا للبيت

تشكر نوفل من الشاب ووالدة وطلب منهم يدخلون بس رفضوا هي هاي الغيرة العراقية والفزعة الموجودة بهذا الشعب رغم كل شي طيبة گلوبهم تتحدى كل شي الالم والظلم والحروب وتفوز بالنهاية طيبة كلبهم الي هتفت بها كل الشعوب

دخلوا شامل وهم لازمي تحت انظار استغراب ام صلاح المرة الي تشتغل يمهم وساكنه قريبه على بيتهم قبل مايجون طلبو منها ترتب الهم لبيت

لزم نوفل شامل وسحبة للحمام رغم محاولة الهروب الي هدن حيل نوفل بس ماستسلم دخلة للحمام وغسل اله ولبسه من ملابسه وطلعة للهول وشغل التدفئة ورجع هو ايضاً يسبح لان تدمر دمار من طلع لگى شامل غفيان

باوع لوالدة بتعب حيلة مهدود

نوفل:- لازم اروح لمنطقتهم حتى افتهم شبي وشصاير لان راح اتخبل بس شلون اخليك وحدك ويا

ام صلاح:- اذا تريدون اخابر صلاح يجي

نوفل:- ولو راح نكلف عليج بس ياريت والله

صلاح ابنها الولد الوحيد على ثلاث بنات بعدة طالب سادس اعدادي يتامة وام صلاح مثلت المراة العراقية الي تكافح من اجل اولادها شتغلت بس في سبيل توفر الهم لقمة العيش

غير نوفل ملابسة الى زي رسمي باللون الاسود مثل عادته والي ماترك هل لون من يوم ما توفى همام راد يركب بسيارتة بس ريحتها ابد مو طيبة قرر ياجر وبالفعل اجر وتوجه للمنطقة

وبعد مدة وصل امام بيت مقفول ومزنجل بسلاسل لزمه گلبه وتاكد صاير شي كبير

نوفل:- دخيلك ربي شجاي يصير

شاف رجال يمشي وقفه حتى ياسأله

نوفل:- خويه بلازحمه عليك ليش مقفول لباب

مهيمن:- ليش منو حضرتك؟

نوفل:- وياك المحامي نوفل اقارب المرحوم همام

قدم له يده بحركة السلام

مهيمن:- يا اهلا وسهلا بيك خويه بس شكلك ماتدري بالصار

بهت وجه نوفل

نوفل:- شصاير خويه قلقتني انا قاطع درب من هناك لهنا والسبب شامل الي متخبل

نصدم

مهيمن:- شنوووو شامل شبي شخبله

نوفل:- خويه والله هاي جيتي من الخارج لكيته بطريقي وحالته تصعب على الكافر ياريت تفهمني

مهيمن:- منين ابديلك خوية من ورى مامات ابوهم شامل تولاهم وليه واخر شي زوج رضيعته بالاكراه الجبيرة لشايب كحيان اسمه مشعان

نوفل:- شنوووو تنسسيم!!

مهيمن:- يي خويه هي وبعدها بمدة طلع عاشك بنت هذا الرجال وشارد وياها ومعتدي عليها وكاتلها وطاحت السالفة براس عائلته فصلوهم بفصل يكسر الظهر وشيلوهم من المنطقة وهاي صار سبوع من طلعو راحو لغير محافظة وي عمهم يحيى

بعد هذا الكلام الي سمعه اختل توازن نوفل وسقط بالكاع مغمى عليه…

.

.

كضى وياهم اسبوع كامل ماشفنه منهم الا كل خير سراج ويه قتيبة بغرفته وانا ويه البنات بغرفتهم بس طول هل اسبوع مانشفت الي دمعة على تسنيم اليوم تذكرت انا ليش ماجرب اتصل بيها يمكن ترد ركضت للغرفة وتقى وراي

تقى:- يا شبيج تركضين

_ انا شلون ماضل ببالي اخابرها

تقى:- هم صدك جربي بالله

طلعت رقمها وضغطت اتصال وكلي امل ترد يرن يرن وراها انطت رفض خابت.كل امالي گعدت ابجي والطم وتقى تواسي بيه

تقى:- ياخيه طولي بالج ان شاء الله مابيها شي ماطول رفضت معناها زعلانة

ردت اجاوبها بس وصلتني منها رساله

(رونق لاتتصلين بيه بعد عوفوني بحالي اعيش وي رجلي ياريت تنسوني كفايه الي شفته منكم دمرتوني وضحيت لخاطركم هواي ومالكيت منكم غير الخذلان ابعدو وانسوني مثل مانسيتكم طلعتوا من المحافظة ماكلفتوا على نفسكم تحاولون لو محاولة حتى تشوفوني لهل درجة زايدة عدكم بس يالله تهون انسوني خيه وكونوا كد كلمتكم في حفظ الله)

قريت رسايلها وزادت شهكاتي

_شفتي تقى شفتي حقدت علينا متريدنا بعد

ضمتني بحضنها ونهاريت

تقى:- كافي يعمري والله لان عصبية هيج تحجي بعدين ليش ماتفكرين بايجابيه ليش هيج تبجين يعني معناها مرتاحة مامأذيها وكلها فترة ويزول غضبها وهي من كيفها تتصل

رفعت راسي من حضنها امسح بدموعي واحاول اطمن گلبي الي مشتعل نار نفتح لباب ودخل قدوري الي صار كلساع وداخل

شاف وجهي مورم

عقد حاجبة

عبد القادر:- ياهو المات اخوج شامل ان شاء الله

باوعت اله ساكته ردت علي تقى

تقى:- لا بس اتصلت بتسنيم ماردت وكتبت الها رزاله ماتريدهم

عبد القادر:- ماطول ردت معناها بخير لتهتمين ايام وتهدأ

هزيت راسي كانت الدنيا ليل ووقت عشاء صاحت خالة ثريا

ثريا:- يبنااات وينكم يالله يوم تعالو حضروا العشاء

طلعت تقى وانا بقيت واكفه تقرب الي بكرسيه

عبد القادر:- ماتكومين

هزيت راسي ونزلت دمعة مني

_ مو مشتهيه

عبد القادر:- زين لخاطري

بتسمت بعز دموعي وحجيت بدون وعي

_ اذا انت ماتكعد ويانا على العشاء بعد لخاطري شنو

عقد حاجبة بعصبية ودنگ لكن سرعان مارجع رفع راسه

عبد القادر:- اذا گعدت وياكم تاكلين؟

مادري شنو ارد حطيت نفسي بوقف بايخ وهو مستمر يباوع بوجهي منتظر جوابي هزيت راسي بعلامة اي

ابتسم وبينت اسنانه

عبد القادر:- لعد خوش گومي يالله هسه الحگج

گمت وطلعت وانا اسب وانعل بنفسي على جفصاتي هسه انا شكو ياكل ماياكل من عصبيتي مانتبهت الا نركعت بسراج

سراج:-الله شجاج تمشين وتدردمين انتبهي

ردت اروح سحب ايدي

وتكلم بتسأول

سراج:- شبيج باچية

بلعت غصتي وردفت

_ بعد العشاء نسولف

هز راسه ودخلنا للمطبخ سوى كانو محضرين كلشي بس كعدنا وعبد القادر ماكو يااا يمكن نصب عليه گعدنا كلنا هسه توني بدينا ناكل ودخل هو وجه احمر مبين على اعصابه حجه حاول يلطف الجو

عبدالقادر:- ادري بالجذب عزموني

حجى بفرحة واضحة

يحيى:- مو الا عزيمه وليدي هلا بيك تعال كوم ولك قتيبة سوي مجال الاخوك

ولسوء حضي الكرسي الي يمي فارغ ابعده قتيبة واجى قدوري بكرسية وصار يمي ياكاع نشكي وبلعيني يبوو هسه انا شلون اكل

احس انضارهم كلها علينا يا بس لامصدكين حالهم هذا رجلي

تقوى تتبوسم مثل الخبلة وماكدرت تسكت الا تذبلها قنبلة

تقوى:- شلون عرسان كيوت

ماسمعت الا غصة قدوري يبوو وانا حسيت روحي بودي اطب جو الميز انا الج يا ادب سز خالة ثريا تباوع الها وتعض بايدها

وهي مكشرة شخبلة هل بنية

بعد العشاء اخذت سراج وطلعنا للحديقة

سراج:- شكو شبيج

تجمعت الدموع بعيني نطيته الموبايل وفاتحته على المحادثة

قراها وبعز دموعة ابتسم

سراج:- اهم شي هي بخير خل تزعل حقها

ندگ الباب قوي فززنا ثنينا

راح سراج يفتحه ولمى فتحه كانت الصدمة

سراج:- يمه!!!!

.

.

واگفة احضر الهم بالعشاء مر اسبوع مثل السم بالنهار كرف وباليل جارية اريد بس تصير ساعة 12 حتى اتمدد بسريري واريح ضهرب

ونوب باسمة شدت حقارة وياي شكو عمل شاق تبليني بي وانا ساكته وصابرة اثرم بالبتيته وصافنة ماحسيت الا على جرة من ياختي ختنكت

_يا شكو يمه مشعان شبيك والله مامسويه شي

دفعني للغرفة وسد الباب شمر عليه التلفون

مشعان:- هاي اختج تتصل انا رفضته اكتبي الها رساله وكوليلها بعد لاتتصل

من گال اختج حترك كلبي تتصل بعد ايش رغم وجعي وذلتي كرهتهم كلهم فتح الي الجهاز وكتبت الها وهو واگف فوگاي من كملت ارسلتها باوعلي وبتسم باستهزاء

مشعان:- خوش تعرفين تمثلين ولو موصعب عليج مثلتي عليه

_مو تمثيل كلامي نابع من گلبي كرهت الكل نفسي انت اهلي دومني اكون الضحية الكم مراح اسامحكم راح يجي يوم وتبين الحقيقة ذيج الساعة لحد يطلب مني السماح

مشعان:- ديالله وللي عود منا لوكتها نسولف

حجاها وگعد على الجرباية

عفته وطلعت رجعت للمطبخ كانت باسمة واكفة مبين شافتني يمه

باسمة:- شيريد منج الحجي

تجاهلتها ومارديت

كان اكو خاشوكة يمي سحبته وراحت عبالي شو شنو تريد تسوي منطيتها ضهري واثرم ماحسيت الا نرفع حجابي وتخلى شي على رگبتي وصار صوت وتشه روحي نسحنت

ردت اصرخ سرعان ماسدت حلگي بيدها

باسمة:- جربي تصرخين الا اشوه جسمج كله

باوعت الها وعيوني تجري دموع وروحي مفرفحه نار وشبت بركبتي بداخلي اردد الله لاينطيج حسبي الله عليج

دفعتني وشمرت الخاشوكة عليه وراحت ولاكأنها مسويه شي ولا كأنها ماذيه بشر باوعت للخوشوگة حتى الجلد لازگ عليها ظلمهم زاد ومسلمتهم بيد رب العباد هو حسبي ونعم وكيلي رغم كل الي انا بي عندي يقين ان رب العالمين مايعوف بشر بحاله

رحت طلعت ثلج حاولت اخلي بس نار ومشتعله رغم كل هذا كملت الهم العشاء عسى سم وزقنبوت بجاه ربي الشال كلساع يلخ بالحرك وروحي تشتاط خليت الاكل بالهول ورجعت للمطبخ

انتظرهم يكملون حتى اكل وراهم بطلب من مشعان يذلني ويوكلني فضلاتهم كملو العشى وشلت لمواعين وانا دموعي تجري ماعندي غيرها خليت الهم الجاي ورجعت مالي نفس اكل شي متعمدين يمردون الاكل بطريقة مقززة حتى تلعب نفسي ذبيته كله وعلست الي خبزة بوحدها وكعدت اغسل باتلال الصحون

وبعد ماكملت كل هذا الساعة كانت 10 لازم اروح لغرفة مشعان حتى اكل نصيبي من عذاب ثاني وبطرق اخرى ماصدكت الساعة تصير 12 گمت طلعت من غرفته اجر اذيال الخيبة

لفيت نفسي بالثوب وطلعت للحمام الخارجي لان ممنوع عليه منعاً باتاً استخدم الحمامات الداخلية والمي ثلج والدنيا برد سبحت على السريع وصعدت للبيتونة الي رتبتها حتى تصلح للعيش فرشت الجودلية ووگفت توجهت الى ربي وبديت ادعي

اللهي و جئتك اشتكي المآ

انا يا الله من همي تعبت

اللهي لا ااشتكيگ ضلمآ

وانت الذي من رزقك يظهر النبت

اللهي ومن سواك بي

قد علما اني على هذا الكون

اخفيت حزنآ

يعتلي القلب كلما نويت البوح بهِ

ما استطعت فكلي يا الله دومآ

دائمآ إنيـ لولاك اصلآ

ما وجئتُ ولو ان الكون كله الكون ضدي

وقفت ببابك وما يأست

اكملت دعائي ودموعي تجري والشهگة مجلبه ببلعومي تمددت بمكاني والدموع تجري مادري شلون غفت عيني هناك وشفت همام

رحت اله اركض وبديت اشكي

_ همام تعبوني شوف شعريي كصو

لزمت راسي ونزلت خصل شعري على وجهي

بتسم الي بحزن

_ رجع شعري

مسح على راسي بحنيه

همام:- كلشي يرجع بس يرادلها الدنيا صبر

فزيت من نومي على رفسه بخاصرتي

_ اوف يمه

باسمة:- شوفي لج انا من جيتي مو طايقتج اريدج تبعدين عن مشعان وحاولي لاتروحين اله للغرفة

لزمت خاصرتي بالم عساس انا ميته عليهم

_ شلون ماروح وهو يحسب الي بالساعات دخيلج خيه مابيه حيل عذاب كفايه الي اشوفة منه

باسمة:- مو مشكلتي مشكلتج هاي اذا سمعت بيج حبلة الا اذبحج فتهمتي

كفختني وراحت نزلت تتختل كمية السم الي بهل مرة مو طبيعية

سرعان مابتسمت رغم كل الي انا بي تذكرت الحلم رجعت عدلت نومتي وغفيت على اثر تفكيري بي وماگعدت الا على اذان الفجر

گمت صليت ونزلت بديت احظر الهم الريوك نزلت ميس الي هم طبكت وياهم بس مااذتني فقط تتأمر

ميس:- سويلي بيض عيون مشتهيته

هزيت الها راسي وگعدت قليته الها وضبيت الجاي وخليته يمها

وسمعت صوت بجي بنتها من فوگ

ميس:- روحي جيبيها مابيه حيل اصعد

ستغفرت ربي بداخلي وصعدت وهي تبجي وتصرخ لزمتها وسط صريخها ونزلتها لحد بعد اربع درجات وفلتت من ايدي ووگعت ونضرب راسها بالدرجة الاخيرة

صرخت باسمة

باسمة:- يبوووووو لحگونا ذبحت الثانية…. يتبع