رواية وقعت بها عشقا كريم وزهرة كاملة جميع الفصول بقلم فاطيما يوسف

ما احنا ما عايزين كل ده باراده ربنا سبحانه وتعالى وانا مش قادر انساها ولا تخطاها رغم ان سافرت السنين دي كلها علشان ابعد عن الاماكن اللي كانت بتجمعنا 

لان كل لما ادخل مكان بشوفها فيه وبحسها موجوده حواليا وبيطلع في الاخر خيال واصحى منه على واقع سيء بيدمرني .

زعلت أمه عليه جدا وقالت له وهي بتصبره 

_يا حبيبي راحت عند اللي خلقها وما تتعزش عليه وهي دلوقتي في مكان احسن من هنا افتكرها دايما بالرحمه واتصدق على روحها على طول لكن في نفس الوقت ما تدفنش نفسك بالحياه 

انا مش هتكلم معاك دلوقتي لانك انت لسه راجع من سفر هسيبك تستريح شويه وبعدين محضره لك حبه صور لبنات من معارفنا تختار منهم والمره دي اجباري كريم مش اختياري .

قال لها كريم برفض على كلامها 

_مش انا يا امي اللي يتجوز بالطريقه دي وانت عارفه انا هفكر في الخطوه دي اوكي بس سيبيني بقى اختار اللي تريحني وتناسبني واكون انا مستريح لها دي اهم حاجه بالنسبه لي لكن موضوع الصور ده ما ينفعش فتوكلي على الله وسيبيها على اللي خلقها وهيبعت لي نصيبي الحلو باذن الله .

بصت له أمه بملامة وقالت له بعتاب 

_يعني انت كده يا كريم بتضحك على عقلي وبتمطوحني في الكلام يعني ايه اسيبك لما نصيبك الحلو يجي لك وانت اصلا مش في دماغك اعمل حسابك يا كريم انا مش هستنى اكتر من كده .

رد عليها كريم علشان يخلص من الحوار ده وقال لها وهو بيقدم المشيئه 

_ ان شاء الله يا امي اللي فيه الخير يقدمه ربنا وعلى الله التساهيل 

وبعدين مسك ايديها وباسها وقال لها 

_انا مېت من الجوع ونفسي اكل من ايديك الحلوين دول ما تتصوريش واحشني اكلك قد ايه من ساعه ما كنتي عندي اخر مره في كندا 

قالت له والدته بحب 

_من عيوني يا حبيبي اطلع انت بس غير هدومك وانزل هتلاقيني جهزت لك السفره .

وفعلا طلع غير هدومه واخد شاور ونزل لقي والدته محضره له الاكل 

اكل كثير لحد ما بطنه اتملت وبعدين قال لها ان هو هيستريح شويه 

وعدى اليوم ده على كريم وكمان تلت ايام وبعدين اتصل بيه عم سيد وعزمه على العشا وهو وافق ان هو يروح لهم بالليل 

اما عند عم سيد فمراته هي وزهره بينضفوا الشقه وبيوضبوها علشان خاطر الضيف اللي جاي عندهم واللي هم مش بيعتبروه ضيف بيعتبروه واحد من البيت

وجهزوا كل حاجه وزهره دخلت عشان تذاكر شويه لأن التمريض بيحتاج مذاكره وما فيش ساعتين وجه كريم بكل شياكه ټخطف الانظار 

واول ما وصل سلم على ام زهره وقال لها بابتسامه 

_ ازيك يا اطيب ست في الدنيا بحالها يا اللي وحشاني قد البحر وسمكاته .

طبطبت ام زهره على ضهره وقالت له 

_والله انت اللي واحشني يا حبيبي حمد لله على سلامتك نورت بيتنا الصغنون 

ده انا عامله لك ملوخيه بالبط تاكل صوابعك وراها تعالي يا حبيبي يلا خش اوضه السفره عقبال مانده زهره ونحط الاكل .

ابتسم كريم ورد بشقاوه 

_ياه ما تتصوريش زوزو واحشاني قد ايه ما شفتهاش من ساعه ما كانت في الابتدائي تقريبا كانت لسه مخلصاه .

ابتسمت له ام زهرة وقالت له بتباهي

_لا دي زهره دلوقتي كبرت وبقت عروسه زي القمر 

واستاذنت ودخلت تنادي على زهره اللي كانت لابسه دريس باللون اللافندر

شيك جدا ومخليها ولا نجوم السينما 

زهره من النوع اللي بيحب يهتم بنفسها وبلبسها وانيقه جدا وذوقها عالي 

خرجت زهره بترص مع مامتها الاكل ودخلت باستئذان وقالت 

_السلام عليكم ازيك يا أبيه كريم عامل ايه 

وحمد لله على سلامتك.

رفع كريم وشه يشوف مين الصوت الانثوي الرقيق ده وبص وسهم لما شاف ايه من الجمال واقفه قدامه والهدوء والبراءه وقال وهو تايه في جمالها ومصډوم 

_وعليكم السلام إنتي مين يا انسه 

حزنت زهرة جدا لانه ما اعرفهاش وقالت له بعتاب 

_هو انت مش عارف انا مين يا أبيه ما تهرجش علشان ما ازعلش منك زي زمان ولا انت نسيت زوزو وزعلها الۏحش .

اڼصدم من اللي سمعوا وقال لها بدهشة 

_معقول إنتي زوزو الطفله الصغيره اللي انا كنت شايفها من سنين 

ما شاء الله كبرتي وبقيتي عروسه زي القمر كمان .

اتحرجت زهره جدا كأي بنوته بيتقال لها كلام حلو وقالت له وهي منزله عينيها في الارض 

_تسلم يا أبيه.

وسابته وخرجت تكمل الأكل مع مامتها وقلبها بيدق من ساعه ما شافته 

اما هو من ساعه ما شافها فبقى في دنيا غير الدنيا مش مصدق ان دي الطفله اللي كان بيلعب معاها وبيشيلها على كتفه كبرت كده وبقت عروسه خطفت نظره وخلت قلبه يدق 

ورصوا الأكل وقعدوا كلهم اتجمعوا على سفره واحده 

بس طول ما هم قاعدين ما شالش عينه من عليها وكأنه بيكتشف فيها حاجات جديده ومش عايز يخرج من البيت الا لما يكون كله انش فيها مطبوع في ذاكرته ده ان ما كانش انطبع واتبصم في قلبه 

وخلصوا القاعده وبص والد زهره ليها وقال لها 

_قومي يا زهره اعملي كوبايه قهوه لكريم ما دقش القهوه بتاعتك قبل كده 

وبص لكريم وقال له بافتخار 

_زهره بقى عليها كوبايه قهوه تظبط المزاج على الاخر وتعدله بتشم ريحتها بس تعشقها وما تبقاش عايز تشرب قهوه من ايد حد غيرها .

ابتسم كريم على كلامه وقال له 

_طب انا قاعد مستني اهو لما نشوف قهوه الاستاذه زهره عامله ايه .

ابتسمت زهره والغمازات اللي في وشها زادتها جمال على جمالها وقالت له وهي بتشاور على نفسها بفخر 

_لا ده انا عليا قهوه تخليك تدمنها وما تشربهاش من ايد حد غير زهره

انا لما بروح تدريب في اي مؤسسه مع القائد بتاعي ما بيرضاش يشرب القهوه الا من ايدي انا بينادي عليا من وسطهم ويقول لي يا زهره اعملي لي قهوه .

اول كريم ما سمع كلامها عن القائد حس بغيره وڼار قادت بين ضلوعه وقال لها بشده من غير ما يكون مراعي ابوها ولا امها اللي قاعدين 

_وانتي ازاي هانم تعملي له قهوه وتدخليها له مكتبه هو انت راحه تدرسي ولا راحه تشتغلي ساعي يا ريت تحافظي على نفسك اكثر من كده وما تعمليش كده تاني .

كان بيقول لها الكلام ده وهو بيزعق وباين عليه العصبيه على الاخر

وافتكرت زهره ايام زمان لما كانت طفله وتيجي تعمل حاجه غلط وكان هو ېعنفها كده فعلشان كده ابوها ومامتها ما استغربوش 

زعلت زهره واتضايقت من زعيقه وقالت له 

_ وفيها ايه لما القائد بتاعي يطلب مني قهوه واعملها له انا شايفه انها مش حاجه عيب ولا حرام ده راجل قد ابويا .

اتنهد براحه اول ما قالت له ان هو راجل قد ابوها كان مفكره صغير في السن لكن برده في حبه غيره في

قلبه فقال لها بهدوء

_انا خاېف عليكي يا زهره ومش قصدي ازعق لك انا شايفك في مكانه اعلى من كده وعلى كل يا ستي ما تزعليش مني واتفضلي يلا اعملي لي القهوه علشان انا مستنيها بفارغ الصبر .

ابتسمت زهره وقبلت اعتذاره ودخلت تعمل له القهوه

اما هو عايز ينفرد بيها لوحدهم ويتكلم معاها في اول ما خرجت قال لابوها بعد اذنك يا عم سيد عايز ادخل الحمام ممكن .

قام من مكانه وقال له بصدر رحب 

_طبعا يا ابني البيت بيتك تعالى وانا اوديك للحمام .

مسكه كريم وقعده وقال له بحلفان 

_والله ما انت قايم من مكانك ولا خارج من باب الاوضه دي انا عارف الطريق لسه ما نسيتهوش ما تقلقش .

وسابهم واول ما خرج بس وراه اطمن لما لاقاهم هما الاثنين قاعدين بيتكلموا مع بعض ودخل على طول على المطبخ عند زهره 

واول ما دخل قال لها بتوهان 

_ الصمت في حرم الجمال جمال .

هي اول ما سمعت كده اتخضت من اللي بيتكلم وراها وبصت وقالت له برقه 

_اه اخص عليك يا أبيه كريم اټخضيت جدا .

بص لها وغمز لها بشقاوه 

_احلى أبيه في الدنيا بحالها حتى وانتي مخضوده رقيقه 

وكمل وهو بيبص لها بحب وليد اللحظه 

_ياه كبرتي قوي وبقيتي زي السندريلا اللي الأمير عايز يخطفها وقعد يدور عليها لحد ما وصل لها وفي الاخر اخذها على حصانه وساقاها من الحب والعشق انهار .

ما كانتش فاهمه كلامه بس اللي كانت حاسه بيه قلبها اللي عمال يدق في حضرته ومش مبطل دقات فنزلت راسها في الأرض بخجل وقالت له 

_يعني ايه بقى معنى كلامك ده يا ابيه انا مش فاهماه.

رد عليها كريم وحيرها اكتر 

_يعني بقيتي زي التفاحه الممنوعه 

قال لها كده وبعدين بص على القهوه اللي هتصبها وكمل كلامه

_لا ما تشغليش بالك واضح ان كلامهم عن القهوه هيطلع حقيقي لأن ريحتها وصلت لي وانا واقف ودخلت دماغي

يلا هاتيها لي انا داخل الحمام اغسل ايدي وجاي .

وصبت زهره القهوه وهي عندها استغراب من كلامه 

وخرجت بيها وقدمتها له وهو اخدها منها وداها عند وشه يشم ريحتها ويستنشقها وكانها سحرته وجذبته ليها 

وكلهم استغربوا من اللي هو بيعمله وقال ابو زهره 

_انت بتشم ايه يا ابني الفنجان نظيف ومغسول متقلقش .

رد عليه كريم بسرعه وقال له 

_لا ما تفهمش غلط يا عم سيد انا بشم ريحه القهوه اللي انت وصفتها لي إني هدمنها وشكلي كده فعلا .

وعدي اليوم بسلام وكريم من ساعه ما شافها وهو قلبه اتعلق بيها 

ومستريحش غير لما جاب رقمها وبعت لها رساله يسأل عنها بأي حجة وبقي كل يوم عن اليوم إللي قبله يطور معاها في الكلام لحد مبقاش يستغني عنها 

وعدي كذا شهر وهما علي ده الحال بيكلمها من بعيد لبعيد لكن خلاص جاب آخره ففكر يعمل حفله ويفاجئها في الحفله بطلبه 

وراح عندهم البيت في يوم وبعد التحيه والسلام

كمل كلامه وهو بيعرض عليهم وقال 

_ان شاء الله انا هعمل حفله بسيطه عندنا في الفيلا ماما مصممه تعملها علشان تحتفل برجوعي من السفر

أينعم هي اتأخرت شويه بس كان فيه ترتيبات كتييره لازم أخلصها وان شاء الله أنتم اول المعزومين يا عم سيد .

ابتسم عم سيد وقال له بخجل 

_معلش يا ابني اعفينا احنا من الحفله دي انت عارف الحفله دي كلها ناس كبارات واحنا يعني زي ما انت

ما شايف على قد حالنا فاعذرنا احنا .

رد عليه كريم وقال له بتصميم

_كلام ايه اللي انت بتقوله ده يا عم سيد ده انتم اول المعزومين وتشريفي بوجودكم على راسي من فوق أصلا مش هحس بطعم الحفله اللي انا مجبر عليها الا بوجودكم جنبي .

فرح جدا عم سيد من كلامه وقال له 

_خلاص يا ابني والله انا مزعلك بس ما فيش داعي اني زهره ووالدتها يجوا انا هاجي وهقف جنبك .

اول ما كريم حس اني زهره ممكن ما تجيش اتضايق جدا وقال لعم سيد بتصميم اكثر

_دي خالتي ام زهره وزهره قبل منك وكمان ماما ما شافتهمش من بقالها كتير فهاتهم يستمتعوا معانا بالحفله وهنكون مبسوطين اكثر وكمان يغيروا جو .

وفضل وراه لحد ما اقنعه وقال لهم وهو بيستاذن علشان يمشي بعد ما قعد كثير بس اضطر ان هو يمشي 

_انا طبعا ما اقدرش انسى هداياكم اللي انا بجيبها معايا كل مره بس حبيت اجيبها من هنا لأن الحاجات هناك متناسبش لبس المحجبات لو سمحت يا عم سيد تقبلها وما ترجعهاش زي كل مره علشان ما ازعلش وأنا زعلي وحش .

وافق عم سيد علشان ما يزعلهوش وعدى اليوم بسلام من ساعه ما مشي وزهره ما بطلتش تفكير فيه ولا هو كمان

وثاني يوم بعت لهم الهدايا وكانت عباره عن 

كذا طقم شيك للست ام زهره وبدله وساعه ونضاره شياكه لعم سيد 

أما هديه زهره كانت في بوكس اخر شياكه ومختلف تماما 

اخذت زهره البوكس ودخلت على اوضتها وفتحته وقعدت تطلع اللي فيه واحده واحده وكان عباره عن 

_دريس في منتهى الشياكه وعليه الحجاب بتاعه وكذا نوع من الشيكولاتات وايفون هديه 

واول ما طلعت الايفون وبتقلب فيه بصه لقيت رساله جت عليه فتحتها ولقيتها رساله منه مكتوب فيها 

_احلى هديه لاحلى زهره في البستان يا ريت ذوقي يعجبك واتمنى تلبسي الفستان ده في الحفله

وانا واثق ومتاكد انك هتبقي السندريلا اللي هتيجي الحفله واول الامير ما يشوفها هيدوب في هواها 

اعتبريني انا الامير وإنتي السندريلا .

↚

قلبها دق جدا من كلامه ما كانتش متصوره ان هو اعجب بيها بالسرعه دي واڼصدمت من تصريحه وجراءته الزايدة 

وفضلت في السرحان ده مع نفسها وبعدين عدى اليوم ده

وبعد اسبوع وفي يوم الحفله بالتحديد لبست زهره الدريس اللي هو جايبه لها والحجاب وكانت في منتهى الجمال والرقه 

ووصلت الحفله وهو كان مستنيهم على ڼار وهو اول ما شافها ما نزلش عينه من عليها وقال لها بعد ما سلم على باباها ومامتها 

_ ايه الجمال ده كله يازهرتي 

وجه جنب ودانها وكمل 

_انا كده هدوب اكتر ما انا دايب وكده خطړ .

ردت زهره بابتسامه على كلامه لانها مكسوفه جدا من طريقته 

ودخلوا الحفلة وراحت زهره سلمت على مامه كريم وهي اول ما شافتها قالت لها وهي بتبص لها بانبهار 

_الله اكبر عليك يا حبيبتي ايه من الجمال يا زوزو كبرتي امتى كده وبقيتي حلوه تعالي اقعدي جنبي .

سلمت عليها زهره وقعدوا يتكلموا مع بعض شويه

واثناء ما هي ما بتتكلم معاها سمعت زهره صوت الموبايل بتاعها جاله رساله

طلعت الموبايل لقيت الرساله من كريم وكان محتواها 

_القمر اللي نورت الدنيا بحالها بصي انا موجود دلوقتي في الجنينه الخلفيه للفيلا عايزك تيجي لي دلوقتي حالا والا هاجي اخدك من وسطهم وانتي حره 

اتصرفي بقى وقولي لهم ان إنتي داخله الحمام او بتظبطي الميك اب بتاعك

او اي حاجه 

قعدت خمس دقائق وقالت فيها ايه يعني لما تروح تشوفه عايز ايه هي بتثق فيه جدا 

واول ما خرجت من الباب وبتبص حواليها للمكان اللي قال لها عليه لقيت حد بيشدها من ايديها واتخضت لكن استريحت لما لقيته هو

هو اول ما شافها قال لها 

_بحبك وعايزك تكوني ليا 

أنا من ساعه ما كنت عندكم في البيت وانا قايم نايم بحلم بيكي ومش قادر اشيلك من دماغي

اوعي تكوني ما بتفكريش فيا زي ما انا ما بفكر فيكي بالظبط ازعل جدا .

اتكسفت زهره جدا وقالت له بخجل 

_ايه الكلام اللي انت بتقوله ده يا ابيه انت عارف فرق السن اللي بينا قد ايه 

وحتى لو انا وافقت بابا وماما عمرهم ما يوافقوا لاني لسه في الدراسه وكمان علشان فرق السن .

بصلها بعشق وقال لها 

_ما لكيش دعوه بعم سيد هو عمره ما يرفض لي طلب وبيحبني زي ابنه بالظبط انا عايز موافقتك إنتي وبس .

اتكسفت جدا وقالت له بتوتر 

_انا مش عارفه ارد بإيه بس كل اللي حاساه إني بفكر كتير فيك زيك بالظبط 

قالت له الكلمتين دول وهو مكنش مصدق نفسه 

وابتسمت له وجريت من قدامه وهو قال لنفسه بعد مامشيت 

_ ضحكت يعني قلبها مال وخلاص الفرق مابينا اتشال 

ورجع للحفلة تاني وكل شويه يغمز لها بشقاوه 

وهي راحت قعدت علي الترابيزه مع والدتها 

فجه واحد من الناس اللي في الحفله كان متابع زهره بعينيه اول ما دخلت 

وقال لهم السلام وبص على زهره وقال لها 

_تسمحي لي بالرقصه دي يا انسه .

كانت لسه هترد لقيت كريم دخل فيه زي المدفع وقال له 

_ترقص مع مين يا بني ادم انت اټجننت في دماغك!

انت مش شايف الحجاب إللي على شعرها 

وراح باصص لوالدتها ونده علي والدها وقال له 

_ بعد إذنك ياعمي سيد أنا بطلب منك إيد الآنسة زهرة علي سنة الله ورسوله 

قالها بفخر قدام الناس كلها إللي انصدموا من طلبه وفي منهم إللي حاقد وفي منهم إللي شايف أنها كبيرة عليه وفي منهم إللي غيران وهو شايف زهره وجمالها 

ووالدته أول ماسمعت راحت مزغرطة بعلو صوتها بفرحة 

أما والدتها لما سمعت اڼصدمت وقالت بتعجب 

_ إزاي يابني الكلام ده!

ده انت اكبر منها بسنين كتير جدا 

رد والدها بابتسامه والفرحة مش سايعاه 

_ اسكتي ياأم زهرة هو أنا هلاقي عريس لبنتي في الدنيا دي كلها أحسن من كريم 

وراح واخد كريم في حضنه وقال له 

_ موافق طبعا ياحبيبي بس ناخد رأي العروسه الأول 

وبص سيد لبنته وقال لها بتساؤل

_ إيه رأيك يازهرة .

اتكسفت زهره جدا ووشها قلب ألوان الطيف وقالت له بخجل 

_ إللي تشوفه يابابا 

راحت أم كريم حضنتها وفضلت تزغرط وكله بقي فرحان 

أما كريم فأخد زهرة علي جنب وبص جوة عيونها وقال لها بحب 

_ أنا مش بس بحبك يازهرتي أنا بعشقك ياقلب كريم وروح كريم 

انا قبل كده كنت مفكر إللي أنا عشته حب 

لكن لما شفتك حبيتك لأ ده أنا اتخطيت الحب بمراحل قولي لي يا زهرة أيامي إنك بتحبيني زي مابحبك 

قولي لي إنك فرحانه زيي وأكتر 

قولي لي إنك مش عايزة من الدنيا دي غيري.

ابتسمت له زهرة وقالت له بهمس ورقة 

_ بحبك ياأحلي حاجة حصلت لي في حياتي ربنا يخليك لقلبي ياقلبي.

فرح جدا من كلمه بحبك إللي قالتها

له وبقي عايز يحضنها ويلف بيها قدام الناس كلها 

لكن مينفعش وقرر إن هو هيعجل بكتب الكتاب والجواز لأنه مش هيقدر يستني كتيير 

هو خلاص لقي نصه التاني إللي مبقاش عايز من الدنيا غيره وقال لها بعشق

_ وأنا بحبك قد روحي قد عمري حبي ليكي فاق المشاعر والحدود .

وتوته توته خلصت الحدوته