رواية سر خلف النقاب الفصل الثاني عشر 12 بقلم هدوء آل محمد

_________________________________

راح سراج يفتح الباب وانصدم بالي كان خلف الباب

هو گال يمه وانا رحت اركض دخلت هي وياها رجال كبير مبين عليه العز وحتى هيه كاشخة والذهب يلمع لمع منهة

سراج:- شجابج ومنو هذا!

جاوبت ببمتسامة وارتباك

كواكب:- هذا زوجي

_شنووو

ثنياتنا صرخنا سوة وعلى صرختنا طلعو كلهم

يحيى:- شكو شصاير

صرخ سراج بحرگة گلب وعلى صراخة نزلن دموعي

سراج:- تعال شوف عمي تعال تزوجت ولسه حتى ماصار سنه على وفاة زوجها شلون وفاء شلون صانت العشرة عفيه عليج عفيه

يحيى:- يا ابني اهدأ ماتنحل الامور بالصياح خل نفتهم

قتيبة:- لك سراج شجاك ماخذنا بصوتك العالي بس هدي

كواكب:- عيني انا ماجاية اتعارك ولا جاية ابلغكم بزواجي بس جاية اسلم عليكم لان سفرتي اليوم باليل وهاي اخر مرة تشوفوني بيها ماودكم تودعوم امكم لو لهل درجة وصل الحقد بگلوبكم

سراج:- امشي طلعي براااا انا مو كتلج لاتجيييني مو كتلج انسسسسينا لاتمثلييين الحنية وانت وابنج ضيعتووونا

كواكب:- وانت يمه ماتسلمين عليه؟!

صديت بصفحة وانا دموعي تجري

سحبت الطرطور مالتها وطلعت بهدوء بدون لاتحاول تبرر او تحاول ولي يقهر اكثر زوجها مارد يمكن اخرس نداريت على سراج الي صار يسحب النفس بالقوة

قتيبة:- شبيك هو هيج گالوها

سراج:- هييج ونص وخل غضب الله ينزل عليه من الله لاينطيهم

حجى هيج وطلع ولحگه قتيبة

بقيت بمكاني دموعي تجري توجهت انظار الكل عليه مفتشله من نفسي تقدم عمي الي وطبطب على كتفي

يحيى:- الواحد مادري شيحجي الله بلاكم بام حرام تسمى ام

ثريا:- لتنقهرين بنتي هذا كله امتحان من رب العالمين

هزيت راسي ودخلت كان قدوري واگف يباوعلي بنظرات ماعرفت افسرها شفقة؟ حزن؟ مادري ماردت ادخل لغرفة لبنات ردت انعزل وابجي وحدي دخلت للديوان ونهاريت صرت اشهگ من كل گلبي مثل الطفل يي احبها امي هاي يعني هاي هي تركتنا بعد ماشوفها صارت ذكرى احاجي عقلي واشهگ نفتح لباب درت وجهي للجهه الثانية

عبد القادر:- ممكن ادخل

مسحت عيوني بس الشهگة بعدها مچلبة نداريت اله هزيت راسي ورجعن نزلن دموعي تقرب بكرسية يمي وملامح وجه معفوسه

عبد القادر:- ليش تبجين؟

_ مادري

گلت هيج وشهگت

مادري شلون بس ماحسيت الا سحب راسي وضمه بحضنه نهاريت من جد محتاجة حضن الي يواسيني ناسية نفسي وكلشي مابالي غير ادور حنان امان ولگيته بحضنه صار يمسح على راسي بهدوء

عبد القادر:- اهدي صدكيني هي الخسرانة ويجيها يوم تندم.. الام شي عظيم ولو ماعظيم ماكان رب العالمين خلى الجنة تحت اقدامها بس مو كل ام ام بزمنا هذا اكو ام واكو والدة

رفعت رسي من عندة متفشلة من نفسي شلون سويت هيج لكن ماحسسني ابد ان الي سويته غلط ابتسم ورجع سترسل بكلامة

عبد القادر:- وين وصلنا

حجيت من بين دموعي

_اكو ام واكو والدة بس مافهمت

عبد القادر:- الام الي تجيب وتربي وتتعب وتسهر اليالي الام الي تضحي بنفسها وشبابها في سبيل اطفالها الام شي صعب توصفة الكلمات لو ابقى منا لباجر احجي مراح اگدر اوصفها اما الوالدة الي تولد فقط وتشمر تحت مسمى يكبرون ويتعلمون وبتالي يضيعيون ويضيع مستقبلهم تخلف بدون متفكر بعد الخلفة شنو وين شلون اعيشهم شلون اربيهم كيف اسويهم شي مفيد بالمجتمع

هاي يطلق عليها لقب والدة لان تولد فقط

دنگ راسه وزادن دموعي ضليت مدة على هل حالة الى ان نطق

عبد القادر:- اجى ببالي كلام دكتور يكول كَانَ اللَّهُ فِي عَوْنِ الأبناء والبنات الذين وضعهم حظهم السيئ، على ما يبدو، تحت رعاية آباء أو أمهات مهمِلين، لا يتحدثون ولا يتعاملون معهم سوى بلغة عدم الاكتراث، وذلك لأنّ التنشئة الأسرية التي تصدر عن آباء وأمهات مهمِلين، لا بد أن تُفضي إلى تربية أسرية سلبية للغاية، ومن بعض الصفات والميول النفسية العامة للآباء وللأمهات المهملين وكيفية تعامل الأبناء والبنات معهم ما يلي: -أبرز صفات الآباء والأمهات المُهمِلين تتمثل في تهاونهم وتراخيهم عن تحمّل مسؤولياتهم الأخلاقية تجاه أبنائهم وبناتهم. -بعض الأسباب الرئيسية لإهمال الأب والأم لأبنائهم وعدم منحهم ما يستحقونه من رعاية هي: الجهل بوسائل التربية الاسرية البنّاءة، وربما انشغالهم بتوافه الأمور والركض المهووس وراء الماديات، وعدم وجود استعداد نفسي لديهم للاعتناء بأشخاص آخرين خلاف أنفسهم، والنشأة في بيئة أسرية مشابهة. -كلما زادت غفلة ولي الأمر عن مسؤولياته وواجباته الأخلاقية تجاه أبنائه، أحس الأبناء بالضياع الفكري والتشوش النفسي وقلة الثقة بالنفس وضعف مهاراتهم النفسية والاجتماعية. -يدفع الآباء والأمهات المُهمِلون أبناءهم للبحث عن قدوات بديلة عن آبائهم وأمهاتهم، مما سيعرضهم أحياناً للوقوع ضحايا للاستغلال وللتأثر السلبي. -الخيارات المتاحة للأبناء تجاه آبائهم وأمهاتهم المهملين لهم، ربما لا تخرج عن نطاق ما هو متوقع: ميلهم التدريجي لإلغاء الدور الأخلاقي لآبائهم ولأمهاتهم من حياتهم، وعدم اكتراثهم بمشاعرهم، وأحياناً العمل على لفت انتباههم والمحاولة لجذب اهتمامهم عن طريق تعمّد القيام بسلوكيات منرفزة وأحياناً عدائية. -لا ذنب للأبناء بما تعرّض له الآباء والأمهات في السابق من إهمال أسري على أيدي والديهم، بل من المفترض أن يحرصوا على توفير رعاية أسرية إيجابية وبنّاءة لهم. -ربما يمكن التعامل بشكل حاسم مع الآباء والأمهات مُعْتَلُّي النَّفْس والمؤذين نفسياً وبدنياً لأبنائهم، عن طريق تدخَل الجهات الرسمية المنوط بها حماية الأطفال والمراهقين من الاستغلال والأذى النفسي والبدني، لكن يصعب إرشاد وإقناع الوالدين المُهملين بأنهم يمارسون سلوكيات مدمرة لنفسيات ولشخصيات أبنائهم، ما لم يقتنعوا من تلقاء أنفسهم بأخطائهم ويسعون لتصحيحها قبل فوات الأوان.

بتسمت على طريقة كلامة ومسحت دموعي

_كلامك صح شكلك تقرا كتب والقراءة تجعل من الشخص لبق في الكلام ونقاش المواضيع بطرق تجذب المقابل

جاوبني بنفس الابتسامة

عبد القادر:- صح لان حالتي مو مالت اطلع لذالك اگضي يومي بالكتب بس هذا الكلام من مقال قريتة لاحد الدكاترة ورسخ بعقلي

تحمس وبتسم

عبد القادر:- شنو رايج نطلع نتمشى ااا اقصد تتمشين تغيرين جو

گال هيج وبتسم بقهر سكتت مادري شجاوب سحب كرسيه بهدوء وطلع نكسر كلبي عليه وكمت مترددة اروح لو لا بالتالي لگيت نفسي مقابيل باب غرفته تشجعت وطرقت الباب بطرقات خفيفه

مارد تجرئت وفتحت الباب وهاي اول مرة ادخل لغرفته ماكو بس عيني بدأت تتنقل بالغرفة تركية بيضة وحليبي عبالك مالت عرسان

نفتح باب وطلع من الحمام يسحب بكرسيه رفع عيونه الي كانت حمر عقد حاجبة بعصبية

عبد القادر:- شجابج منو سمح الج تدخلين

تفشلت ونهضمت هو انا هم صوجي نقهرت باوعت اله بنظرة اسف وطلعت للحديقة رجعت دموعي تنزل مادري شلون اجت عيني على شباك غرفته كان فاتحها ويباوعلي من شافني سدها غريب امره شبي!! قاطع تفكيري فتحة الباب ودخول سراج وورا قتيبة

رحت اله اركض

_ وين رحت ظل بالي عليك

قتيبة:- انا استأذن تصبحون على خير

حجى هيج ودخل رجعت نضري على بقايا سراج تحت عيونه نگر سود والوجه اصفر سحبته من ايدة وگعدنا بالمرجوحة تمدد ونام على رجلي ساكت حسيت رجليه رطبة عرفته دايبچي صرت احرك المرجوحة بهدوء وادندن

عد وانا اعد ونشوف ياهو اكثر هموم

من عمري سبع سنين وكليبي مهموم

عد وانا اعد ونشوف ياهو اكثر هموم

من عمري سبع سنين وكليبي مهموم

راحو ويلي راحو بعد ماردو احبابي

راحو ويلي راحو بعد ما ردو احبابي

عندي وتخاف عليك وتدورك امك

موش بسواد العين بصبيها اضمك

عندي وتخاف عليك وتدورك امك

موش بسواد العين بصبيها اضمك

راحو ويلي راحو بعد ماردو احبابي

راحو ويلي راحو بعد ما ردو احبابي

يالماعليك هموم عونك يا هالماي

جا خنيبت ومحيت لو بيك الوياي

يالماعليك هموم عونك يا هالماي

جا خنيبت ومحيت لو بيك الوياي

راحو ويلي راحو بعد ماردو احبابي

راحو ويلي راحو بعد ما ردو احبابي

عد وانا اعد ونشوف ياهو اكثر هموم

من عمري سبع سنين وكليبي مهموم

عد وانا اعد ونشوف ياهو اكثر هموم

من عمري سبع سنين وكليبي مهموم

راحو ويلي راحو بعد ماردو احبابي

راحو ويلي راحو بعد ما ردو احبابي

طول ما انا ادندن بس شهگاتنا تنسمع اسكت وارجع رفع راسه من حضني يمسح بدموعة

سراج:- شذكرج بيها؟

_ماانساها ابد رغم كنت اتعارك ويه تنسيم بس من تبدي تغنيلك اسكت حتى همام كان يجي يتمدد يمنا بالغرفة وكت نومتك الظهرية حتى يسمع صوتها الحنون رغم انه مو حلو حيل بس حنون كلش

سراج:- ضحت النا هواي واحنا كسرنا خاطرها

_شبيدنا نسوي وماسوينا صحيح ردت اسألك ماكو اخبار على نوفل؟؟

سراج:- اتصل ومغلق

سراج:- يمكن هم مل من عدنا

_وانا هم خايفة لابيت عمك يملون من عدنا هم عيب اذا صاحبنا عسل لانلحسه كله لذالك حايرة الحل شنو

سراج:- انا انتظر يرد عليه حتى اكدر اتصرف بالبيت ونشتري هنا واحد ظلتنا وياهم عيب وامشي بمعاملة تقاعد ابوي وافصخ العقد الي بينج وبين عبد القادر ونعيش وتگضى الدنيا

باوتلي وجر حسرة

سراج:- خل بس تعدي فترة وادز شخص يطمنا عنهاا لان علي ماصدك بي رغم الي سوى اخوج بس بقى يطمني اگله دزلي صورها يگلي ماكدر وهسه گومي تاخر الوكت

شغل الموبايل كانت الساعة ب3 باليل

_لا روح نام انتَ انا انتظر اصلي الفجر وبعدها انام

سراج:- عود اتصلي بيه گعديني

هزيت راسي اله مسح على راسي ودخل تمددت على المرجوحة وبقيت اباوع على السماء راحه نفسية من تشوفها مزينه بالنجوم

بقيت اباوع رغم البرد يكص كص بس ماهتميت الى ان شلون غفيت مادري بس فزيت على ضوء الشمس بعيوني والغطاء مشمور عليه ياا صبح الصبح گمت واحس جسمي متكسر تكسر وگفت اعدل بحجابي ورحت للمغسلة البرة غسلت اسمع هوسة بالمطبخ يا شگد عيب تحمحمت ودخلت

الكل:-صباح النور

ثريا:- يايمه صدك جذب نايمة بالمرجوحة هسه تتمرضين

بتسمت بفشلة

_كنت انتظر الفجر يؤذن بس مدري شلون غفيت

تقى:- بربج فززتيني طلعت حتى اخلي اكل للطيور لگيت شي اسود تمدد على المرجوحة گلت بس لاحرامي ردت اصرخ بس عبد القادر طلع يگلي هاي رونق

بتسمت الها مادري شجاوب بس فشلة والله

يحيى:- صدك شراح تسوين على مدرستج

غابت بتسامتي وحجيت بحزن

_ اصلا مامتحنت راحت عليه وهسه هم نسدت التقديم ما اعتقد

يقبلوني

يحيى:- ثريا مو اختج معاونة بمدرسة اهلية شوفيها

ثريا:- يي والله صحيح شلون راحت من بالي هسه نكمل ريوك واخابرها

حسيت بفرحة تخللت لداخل قلبي بلكي الله صدك على الاقل التهي شوي بس وين اكو فرحة تدخل على گلبي وتدوم صوت رنه الجرص تاذن بقدوم مصيبة جديدة

تكلم عمو بأستغراب

يحيى:- هذا منو الي يجينا من هل صبح

گام وهو يمسح ايدة بالخاولي وحاجبة معقود فتح الباب ونصدم

وتكلم بصوت واضح ومصدوم

يحيى:- نوفل!!!!.. ياهلا والله بالغالي

هو گال هيج وانا صرت مثل لبزون الي ضاغطين على ذيلها اريد اندل الدرب منين ماكو ركض لغرفة الولد صرت ادك على بالباب بقوة واحجي على السريع

_سرااااج كوووم سراااج ولك نوووفل اجى

نفتح الباب قتيبة مبين فاقد وورا سراج تجاهلت قتيبة وسحبت سراج من ايدة للحمام واحجي

_ولك سرااج صحصح ولك نوفل اجى

سراج:- يانوفل شبيج ولج بس انطي مجال

وكف يغسل وانا ارطن فوگ راسه كمل ودخل للغرفة طبك الباب بوجهي يمكن يبدل ثواني وطلع وانا افتر وراه دخل للمطبخ سحب زيتونتين واكلهن على السريع وراح دخل للديوان صرت ورى الباب اباوع من الفتحة

من دخل تقدم نوفل بس شكلة تعبان وبيدة كانونه حضن سراج

سراج:- ليش ماترد محتاجك ستااذ تعبت وحديي

نوفل:- هو منو الي مايرد انا لو انت ولكم شصاير بيكم

سراج:- صار الي ماصار استاذ بس شبيك تعبان

جر حسرة وگعد وسراج يمه

نوفل:- السكر متعبني ومن اجيتكم للبيت حتى افتهم وسمعت الي صاير رتفع السكر حيل ووگعت نقلني جاركم هذا الي اسمه مهيمن للمستشفى ولوما الله ستر جان نجلطت بس الله يجزي خير بقى وياي للفجر وگدرت اطلع وهاي جيتي من لمستشفى الكم

سراج:- اجر وعافية يارب بس منو گال الك يعني حسب الي فهمته منك انت سامع اكو شي اول ماجيت للعراق

نوفل:- مادري شنو اكول الك سراج بس وي نزلتي من الطيارة تلكتني المصايب ملگى خوش ترحيب مسويتلي

عقد حاجبة سراج

سراج:- خير استاذ شصاير بعد

جر حسرة

نوفل:-شامل

هو گال هيج لو سراج سمع اسم شيطان نتفض وگام

سراج:- لتجيب اسم هل حيوان گدامي ماعرف احد بهل اسم

سحبة من ايدة وگعدة

نوفل:- بس اگعد يمعود لخاطر ربك افهم شصاير بعدين احجي

سراج:- هو شصايررر استاذ كل بلانا من ورا شجاي تسولف يرحم موتاك

نوفل:- بس اهداء وجاوبني بعد الكارثة الي سواها شفته

سراج:- لا خل يحمد ربه مو شايفه لان لو شايفة انوم سجينة بنص گلبه

دنگ وضرب على رجلة حاير مايدري شيحجي

نوفل:- ربي نسالك الصبر يالله

يحيى:- عمي شسالفة شبيك بحلگك حجي وماتدري شلون تحچي

نوفل:- شحجي هو لساني يگدر ينطق بس ياعمي اسألك سؤال واريد جواب شامل من شرد وحدة لو ويا احد

يحيى:- ماهر ابن سلام مهزمة

نوفل:- هنا لحجي وهو مضعوف البخت ماهر وينه

يحيى:- غير شارد ويه شامل

نوفل:- بس انا شفت شامل وحدة

سراج:- صدددگ تحجي ششفت بي

نوفل:- بس اهدأ لتضل تگمز هي مو مالت تكمز ترا كلنا نعرف نكمز ونصير احسن من ابو شهاب بس هدي شوي يابني

گعد سراج يهز برجلة حسيت احد وراي يتنحنح نداريت

عبدالقادر:- حرام التنسط

حجاها وبتسم بتعدت عن الباب هو فتحة ودخل والله هذا راح يجلطني ساعة خبل ساعة فيلسوف غلست ورجعت اباوع شفته سلم على نوفل

نوفل:- شلون صحتك ان شاء الله بخير

عبد القادر:- نفس الشي انت شلونك صاير شايب ولك

جر حسرة

نوفل:- من السعادة يالحبيب

نتر بغضب وتعب

سراج:- ييي وشصار بعدين راح انجلط فدوة ارحم حالي وسولف

نوفل:- تعال اخذلك راشدي بعد روحي؟ سراج جر عدل لو اكوم اطيح حضك لاتسترجل عليه انا مو زعطوط گدامك

يحيى:- بس اهدئوا شجاكم احترمو وجودي على الاقل

نوفل:- محشوم ابو عبد القادر بس هذا المطفوك راح يطفرني ويخليني ابتلي بي

سراج:- عميي على شنو اهدأ شو اتصل بي مايرد مرات يرفض

صرخ نوفل

نوفل:-هو انا الي مارد لو انت اكتبلك تكلي بعدين اجاوبك هاك شوف هاي المحادثة بعدها

سحب الموبايل ونطا لسراج الي اول ماشاف المحادثة نصدم

سراج:- وروح الراحوا وكسروا ضهري مو انا كاتب هيج

نوفل:- لا انا الكاتب سراج لتضحك عليه

سراج:- بس انتظر اجيب جهازي وشوف

اجى يركض بتجاه الباب ابتعدت فتحه وراح للغرفة جاب الجهاز ورجع يركض وهطر الباب ورا طبعا مو بس انا اتسمع حتى لبنات وخالة ثريا واگفين رجعت اباوع

سراج:- هاك شوف شكد مكالمات وكلها ماكو رد

سحب نوفل الجهاز وعقد حاجبة

نوفل:- شدا يصير.. عدكم نت كنكولي بربكم

رد اله الرمز عبد القادر

وجرب يتصل على سراج يطلع الجهاز مغلق

وهو الجهاز بيدة ومفتوح رجع يتاكد من الرقم ابتسم بقهر

نوفل:- لايامناعيل الصفحة رقمك متبدل وانت ماتدري

نصدم سراج ورد بعدم تصديق

سراج:- لا شلون مابدلته والله

صفن شوي وبعدين تكلم

نوفل:- اقرب صديق الك منو؟

نوفل:- اتصل بي واسئلة شلون وصل الك رقمي الجديد افتح مايك خل افتهم

هز راسه وتصل بعد مدة رد خالد ومبين كان نايم

خالد:- حلمان بيه ابن الخوش اوادم

سراج:- مو وكتك خالد جاوبني شلون وصلك رقمي الجديد

خالد:- ياهو هذا يارقم

سراج:- الي دا احاجيك منه

خالد:- ادري المصايب خلتك تخرف شبيك يول مو انت كتبت الي رساله انا بدلت رقمي وهذا رقمي الجديد ورديتلك خوش ومن سألتك ليش تگلي الخط تصادر لان ماخلي بي رصيد

همس نوفل

نوفل:- اسئلة شوكت تذكر التاريخ

سراج:- زين تتذكر بيا تاريخ هل كلام

رد بنبرة قلق

خالد:- سراج صاير شي؟

سراج:- جاوبني وبعدين افهمك

خالد:- قبل زواج رضيعتك بيوم او يومين هذا الي اتذكرة بس متاكد من هل شي

همس

نوفل:- ترخص منه وسدة

سراج:-تمام حبيبي انا بعدين اتصل بيك

خالد:-حبك برص ولك شكو خرطت لعافية شمسوي ناهب بايك احجي مبتز احد سولف حتى اگول للناس ماعرف هل بشر

بعز الي هم بي ابتسموا على كلام خالد

سراج:- گرت عيني على هيج صاحب بعدين اتصل بيك باي

نوفل:- يي سراج سولفلي شصار بزواج رضيعتك

دنگ راسه بفشله وهو گاعد الشي الي خلا نوفل يگوم ويقرفص گدامة رفع راسه بيدة وتكلم بنبرة حزن

نوفل:- افااا وانا خويك ياهمام مايدنگ راسه الا المسوي مكسورة ارفع راسك لك ليش دنگ سولفلي شصار

سراج:- ماگدرت احميها بس والله تولوني وليه غمان والكثرة تغلب الشجعان

نوفل:- سولفي شصار لاتستحي انت لو بيدك تسوي شي سويته بس الگلاب لعبوها صح

بدأ سراج يحجي كلشي الى ان وصل الى مشهد الي سحلو من البيت

سراج:- شالوني لااحرك ايد ولا رجل بس عيوني مفتوحة وماخذيني لمستوصف بس مو بنفس المنطقة وبقى يمي ماهر و المضمد بقى يعالج جروحي ويضربني ابر منومة حتى يكسب وقت

نوفل:- وجهازك وين

سراج:- جان بجيبي بس وكع مني ولگفه شامل

نوفل:- هنا لحجي مبدل الرقم حتى يقطع التواصل بيني وبينك ويلعب بكيفة بس ارادة الله اقوى واعظم

نوفل:- ماراح احجي شي بس گوم جيب اختك وتعال وانت هم عمي ياريت تجي وتكون شاهد على الي راح تشوفة

يحيى:-ششوف وليدي

نوفل:- نوصل وتعرفون

اجى سراج وگال الي اتحضر رحت اركض ابدل وانا دموعي تجري شصاير ياترى لبست عباية ولفيت شال على السريع وطلعت سراج واكف بالممر تقدم خلى ايدة على كتفي وهم مبين من شكله يفكر شصاير ماندري بس گلبي يكلي اكو كارثه

سراج:- دخلي سلمي على نوفل

هزيت راسي ودخلت واهو ماشال ايده من ظهري

_ السلام عليكم شلونك عمو

رفع راسه وبتسم الي

نوفل:-وعليكم السلام هلا بعد عمج

الصراحة مدري شكول بس ماطلع بلساني غير عمو لان شكلة كبير والشيب تارس شعرة بس هم حلو يشبه واحد يطلع بالنت يساعد الاطفال يمكن اسمة هشام الذهبي نفضت عقلي من الافكار انا بياحال هسه دخل قتيبة كان بره شوكت داخل مسلم مادري بس مبين لنعس بعيونه

يحيى:- قتيبة بيك تسوق لو لا لك لاتسويلنا مصيبة

قتيبة:- بيه بيه بس نطوني شي اكله ونطلع

يحيى:- هم صدك ماضيفناك وليدي

قتيبة:- اذا كضيتوها گرگة مثل عجايز الدربونة وين تذكرون بطونكم

يحيى:- بويه روحي وي البنات حضريلنا ريوك

هزيت راسي وطلعت لكفتني تقى

تقى:- منو هل صاك هذا خرب يومة يجننن

تقوى:- من هسه محجوز الي

ثريا:- بياحال احنا بنات الزفرة شو مستهترات فد مرة

صارو يضحكون ومختلين وجهم من امهم حضرنا ريوگ على السريع اجى قتيبة وسراج اخذو الصينة وراحو ماكو دقائق واجى قتيبة شايل لفة يعلس بيها

قتيبة:- يالله يمعودة امشي سمموني

طلعت ورا وهو ياكل بالفة رجع للصينة ترس كوب شاي همه طالعين للسيارة

قتيبة:- امشي امشي خرب حضي

ركبنا بالسيارة انا وسراج وعمو ورى ونوفل بالصدر وقتيبة السايق

انطى كوب الشاي لنوفل

قتيبة:- هاك الزم

باوعله لو مو عيب رگعة ببوكس

نوفل:- جيب يمعود

قتيبة:- يالله توكلنا عليك يارب

شغل السيارة ونطلقنا الى بيت نوفل ياترى شنو الي منتظرنا هناك العلم عند الله

.

.

مادري شلون ووگعت مني وي وگعتها صرخة باسمة واجت تركض

باسمة:- يمه يبوووي ذبحت الثانية

دخل مشعان وگلت هاي هيه اخذ الطفلة من ايدها وهي تصرخ اكو جرح بسيط براسها

مشعان:- ادري امهاااا وين

اجت ميس تركض وتبجي

ميس:- يمه بنتي شسويتي بيهااا

مشعان:- نجبييييي البنية تصرخ بيدها طول الدرج وهي تفغر باسمج احساس ماكووو لو الله ينطي الجوز للماعدة سنون

شالها يسكت بيها وانا من الهبطة گعدت على الدرج روحي راحت بس لطف الله وخلا مشعان يشوف لان لو ماشاف كان هسه سوم سالفة ورشولها بهارتات وشبعت كتل اباوع اله يمسح بقطرات الدم القليلة بشماغة

مشعان:- بس جدو بس مابيج شي هسه نروح نشتري محية

من گال الها هيج سكتت اخذها وطلعوا

اجت باسمة ومحملة سم

باسمة:- بختج بي اخخخ لو ماكان موجود چان حصلتيلج كتله مرتبه

بتسمت الها

_الله فوك انا مو مبخوته بس الله وياي ومايعوفني يتيمة وحوبة اليتيم عند الله ياكبرها

باوعتلي بحقد ومشت رحت افتر وعزل ماكو شي بس لفت انتباهي صوت التلفزيون كان طالع شيخ يتكلم عن الصبر ومرت مشعان الكبيرة ميسون دوم تسمع خطبة مادري ليش علت على الصوت معقولة تريدني اسمع وگفت يم باب المطبخ والتلفزيون مقابيلي بالهول والشيخ يتكلم ومبين واصل نصف الحلقة

_ الحمد لله رب العالمين على فضله وإحسانه، أمر بالصبر وأثنى على الصابرين ووعدهم أجراً عظيماً، واشهد أن لا إله إلا الله وحده لا شريك له وكفى بالله عليماً، وأشهد أن محمداً عبده ورسوله صلى الله عليه وعلى آله وأصحابه وسلم تسليماً.

عباد الله: اتقوا الله تعالى في جميع أحوالكم واصبروا على ما بلاكم فإن الإنسان في هذه الدنيا يبتلى بالخير والشر فهو بحاجة إلى الصبر ، ولقد ذكر الله الصبر في القرآن في تسعين موضعاً وهو نصف الإيمان –فإن الإيمان نصفان: نصف صبر ونصف شكر.

والصبر هو حبس النفس؛ وهو ثلاثة أنواع: صبر على طاعة الله، وصبر عن معصية الله، وصبر على أقدار الله المؤلمة.

فأما الأول وهو الصبر على طاعة الله فمما لا شك فيه أن في الطاعة مشقة؛ ففي الصلاة إتعاب للبدن وحرمان من النوم، وفي الصوم مشقة الجوع والعطش ومنع النفس من تناول شهواتها، وفي الصدقة بذل للمال المحبوب إلى النفوس، وفي الجهاد تعرض للخطر بالقتل والجراح، وهذه المشاق لا تلائم رغبة النفس لأنها ميالة إلى الراحة، شحيحة بالمال، حريصة على الحياة والبقاء والشيطان يخذلها ويكسلها فهي بحاجة إلى الصبر الذي تستطيع به الثبات على الطاعة وتحمل المشقة كما أنها بحاجة إلى الإيمان الذي تدرك به حسن عاقبة الطاعة فيسهل عليها تحمل المشاق طعماً بحسن العاقبة، وربما يعتاد الطاعة بعد ذلك ويألفها ويتلذذ بها ولا يصبر عنها بعد أن كان في الأول ينفر منها ويحتاج إلى الصبر عليها.

والصبر على طاعة الله ينقسم إلى ثلاثة أقسام:

صبر قبل فعل الطاعة، وهو الصبر على إخلاص النية لله وترك الرياء فيها.

وصبر في أثناء أداء الطاعة بأن يؤديها على الوجه المشروع بأركانها وواجباتها وسننها بحيث يتقنها ولا ينقص شيئاً من أحكامها.

وصبر بعد أداء الطاعة بأن يصبر على كتمانها وعدم إفشائها طلباً للرياء والسمعة وعن إتباعها بما يبطلها كإتباع الصدقة بالمن والأذى.

وأما الصبر عن معصية الله؛ فمن المعلوم أن النفس أمارة بالسوء إلا ما رحم ربي، فهي ميالة إلى تناول شهواتها ولو كان في ذلك مضرتها وسوء عاقبتها، والشيطان يزين لها ذلك فإذا لم يمسكها صاحبها بزمام الصبر جمحت به إلى حظيرة المحرمات، وحينئذ يصعب عليها استرجاعها، فحبسها عن المعصية من الأول –وإن كان فيه مشقة- أسهل من استرجاعها بعد أن ترتع في الشهوات واقتلاعها بعد أن تغوص في أوحالها.

ومما يعينه على الصبر عن المعصية شيئان:

الأول: النظر في العاقبة وسوء المصير، فإن الصبر عن لذة عاجلة أسهل من الوقوع في نار حامية- فإذا قارن العاقل بين اللذة العاجلة والفانية وبين الخسارة والحسرة الآجلة الباقية فإنه يدرك الفرق الذي يحمله على الكف عن المعصية.

الشيء الثاني: الحياء من الله تعالى الذي خلقه وأنعم عليه ونهاه عن معصيته، فكيف يبارزه بفعل ما نهاه عنه وهو مطلع عليه في كل أحواله وجميع تصرفاته؟! فإن العبد إذا استحضر ذلك ترك المعصية حياء من الله كما قال تعالى: (وَأَمَّا مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَى * فَإِنَّ الْجَنَّةَ هِيَ الْمَأْوَى) [النازعات 40: 41] ثم لو تأمل العبد أحوال العصاة في الدنيا وما هم فيه من ذلة وانحطاط نفسي وفكري ونظر الناس إليهم بعين الاحتقار لكفاه ذلك زاجراً عن الوقوع في المعاصي.

وأما الثالث: من أنواع الصبر –فهو الصبر على أقدار الله المؤلمة بما يجري على العبد من المصائب، وهو حبس النفس عن الجزع، وحبس اللسان عن التشكي والندب والنياحة، وحبس الجوارح عن الأفعال المحرمة كلطم الخدود وشق الجيوب ودعوى الجاهلية. والصبر على ذلك يكون فور نزول المصيبة كما قال النبي صلى الله عليه وسلم: “الصبر عند الصدمة الأولى”- وقال تعالى: (وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ وَبَشِّرِ الصابرين * الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ) [البقرة 155: 156] فواجب المؤمن أن يصبر على ما يصيبه.

ويسهل عليه الصبر على ذلك أمور:

منها إيمانه بقضاء الله وقدره وأن ما أصابه لم يكن ليخطئه وما أخطأه لم يكن ليصيبه؛ قال تعالى: (مَا أَصَابَ مِنْ مُصِيبَةٍ فِي الْأَرْضِ وَلا فِي أَنْفُسِكُمْ إِلَّا فِي كِتَابٍ مِنْ قَبْلِ أَنْ نَبْرَأَهَا إِنَّ ذَلِكَ عَلَى اللَّهِ يَسِيرٌ) [الحديد :22]

ومنها: طمعه في الجزاء الحسن من عند الله وحسن العاقبة فقد وعد الله الصابرين على المصائب بعظيم الجزاء فقال: (وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ وَبَشِّرِ الصَّابِرِينَ الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ) [البقرة 155: 157]

وقال النبي صلى الله عليه وسلم: “إن عظم الجزاء مع عظم البلاء” ومن الأمور التي تعين على الصبر على المصائب انتظار الفرج بزوالها- قال تعالى: (فَإِنَّ مَعَ الْعُسْرِ يُسْراً إِنَّ مَعَ الْعُسْرِ يُسْراً) [الشرح 5: 6] وقال النبي صلى الله عليه وسلم: “واعلم أن النصر مع الصبر، وأن الفرج مع الكرب، وأن مع العسر يسراً”.

ومما يستعان به على الصبر على المصائب تذكر نعم الله على العبد، فإن لله على العبد من النعم أكثر وأكثر مما فقد في المصيبة، فإذا تفكر في ذلك هانت عليه المصيبة وعرف فضل الله عليه.

كما أن على المصائب أن يعلم أن ما أصابه بسبب ذنوبه –قال تعالى: (وَمَا أَصَابَكُمْ مِنْ مُصِيبَةٍ فَبِمَا كَسَبَتْ أَيْدِيكُمْ وَيَعْفُو عَنْ كَثِيرٍ) [الشورى :30] فإذا تذكر ذلك أوجب له التوبة والخوف من عقوبة أشد فإن عذاب الدنيا أهون من عذاب الآخرة. وعلى كل فالصبر شأنه عظيم وفضله كبير، قال تعالى: (وَإِنْ تَصْبِرُوا وَتَتَّقُوا فَإِنَّ ذَلِكَ مِنْ عَزْمِ الْأُمُورِ) [آل عمران :186] وقال تعالى: (إِنَّمَا يُوَفَّى الصَّابِرُونَ أَجْرَهُمْ بِغَيْرِ حِسَابٍ) [الزمر: 10]

وقد أمر الله به، وأثنى على أهله وبشرهم، ووعدهم أن يوفيهم أجرهم بغير حساب، ووعدهم بالنصر والإمامة في الدين، قال شيخ الإسلام ابن تيمية رحمه الله: “بالصبر واليقين تنال الإمامة في الدين” ثم تلا قوله تعالى: (وَجَعَلْنَا مِنْهُمْ أَئِمَّةً يَهْدُونَ بِأَمْرِنَا لَمَّا صَبَرُوا وَكَانُوا بِآياتِنَا يُوقِنُونَ) [السجدة: 24] اللهم اجعلنا عند البلاء من الصابرين، وعند النعماء من الشاكرين اللهم آمين.

أقول قولي هذا وأستغفر الله لي ولكم ولجميع المسلمين..التقيكم الاسبوع القادم في حلقة جديدة الى ذالك الحين استودعكم الله الذي لاتضيع ودائعه

خلص البرنامج وانا دموعي تهل باوعتلي ميسون وبتسمت الي ودنگت شبيدها هي بس هل حلقة ريحت گلبي صابرة يارب ومنظرة فرجك طلعت للطرمة دموعي تجري گلت اغسلها لان هاي لازم يومية تنغسل والا اكل المقسوم من باسمة افندي سحبت الصوندة وبديت ارش بيها احنا صوندتنا طويلة وصارت بالطرمة ومشربكة ندگ الجرص وطلعت باسمة تركض

باسمة:- زين غسلتيها لو ما غاسلتها كان شوفتج النبي عربي

كلت بكلبي لاشفعلج النبي كون راحت فتحت الباب مدري منو نطاها علاگة ودخلت رادت تركض ليش مو اعثري بالصوندة وتكرفتي بالگاع يايابة يابويه الله ذب عليه الضحك متت تطشرت العلاكة وكان بيها حبوب وهي تصرخ تريد تكوم

باسمة:- يايمة لحگيلي تكسرت

رادت تكوم وارجع زلگي وانا هنا نتهيت من الضحك اعترف غلطت

وراح تكون عاقتبتي وخيمة بس صار الي صار صرخت بيه

باسمة:- بنت الحيوووووانة تعاااي شيليني تضحكين مو انا الج والله الا اندمج

على صراخها دخل مشعان شايل لطفلة شاف باسمة بالگاع تبجي وانا واكفة والضحكة مرسومة على وجهي

شافت مشعان وصرخت تبجي وتولول

باسمة:- الحگلي حجي دفعتني بالگاع وكسرتني اريد حگي منك