رواية سر خلف النقاب الفصل الثالث عشر 13 بقلم هدوء آل محمد

راح للبيت ومد ايدة من تحت الباب وفتح السرگي اشر النا ننزل نزلنا كلنا وقتيبة قفل لسيارة قبل لاندخل طلع النا رجال كبير بي النور يشع من وجهه شبه من نوفل اضن انه ابوه

ابو نوفل:- ياهلا وغلا حياكم الله

تقدم لعمي يحيى وتحاضنو بس انا لفت انتباهي صراخ شخص مو غريب عليه كان يصرخ بطريقة مرعبه وكلام مامفهوم سراج من سمع كبل عرف اتسعت عيونه بصدمة

گال هيج ودخل يركض واحنا ورا اسمع ابو نوفل يحجي

ابو نوفل:- لك ابني بس اوگف مو هيج

دخلنا للهول وسراج مباشرتا تصنم بمكانه باوعت للمكان لي يباوع بي اغمض وافتح بعيوني مو مستوعبة هذا شامل يي اي شامل كان يتحرك بحركات غريبة ويصرخ مامانتبه علينا

شامل:- ماااعليييه ماااعليه اناااا عوووفوني

تكلم بأسف

نوفل:- سراج اخوك فاقد عقلة اثر الصدمة مقتل مهجة

قتيبة:- شنووووو

يحيى:-لاحول ولاقوة الا بالله

لكن سراج ماهتز قلبة اضن المصايب علمته قسوة القلب

سراج:- شااامل

نطق هل كلمة وتقدم اله لزمة من اكتافه ثنينهم يصرخون بس سراج يصرخ ويبجي

سراج:- ولك شسووويت بينا شااامل لك شسوويت بيينا دمرررتنا ودمرت اختك

گعدت بلگاع ودموعي تجري احس رجليه صارت خيوط اباوع اله مامصدكة الي صار

تقدم نوفل وقتيبة يحاولون يفكون شامل الي يصرخ ويبجي مثل الطفل

شامل:- مااعليه عوووفني ماااااا عووفني

هدة وگعد بالگاع يبجي نحنى نوفل يمه وحضنه بس اصوات الشهكات تمنسمع

نوفل:- اهدء سراج كافي ارحم حالك وعمرك ولك راح تموت

يحجي ويشهگ

سراج:- كسرررو ضهري من ورى الفلوس ول كبروني فوگ عمري عمرر وهسه مسوودن گملتت على راسي والله مابيه حيل هل هموم كلها والله

نوفل:- تهون حبيبي تهون مادام الله ويانا تهون

من بعد نوبه بكاء ومحاولة استيعاب گدرت انهض على رجلي واتقدم اله گعدت يمه كان متكور على نفسه يهز نفسه بحركات عشوائية صرت ابجي واحجي واعاتب بي مدري اعاتب الدنيا الي سوت بينا هيج

_ليش هيج شامل ليش ضيعت نفسك وضيعتنا

ماكان فاهم شنو احجي بس كان يبجي على بجينا حالة حال الطفل لحيته عاليه وتعبان الكافر لو شافه ينقر عليه فززني صوت عمي يحيى الي شبع بجي

يحيى:- شراح تسوي سراج وليدي القرار قرارك

مسح دموعة الي مو راضيه توقف

سراج:- شسوي قابل اذبه بالشارع يضل اخوي وحالته مو مالت اهدة

طبطب نوفل على كتفة ببتسامة

نوفل:- كفوو هي هاي تربية همام

سراج:- بعد اذنك اريدك تبيع البيت حتى اشتري واحد يم بيت عمي

نوفل:- صار عتبرة من الاسبوع الجاي مبيوع

ومن صدگ گالها ونفذ أسبوع ونباع البيت وراحت الذكريات والاسرار والدلائل وياه وقل الامل بشوفت تنسيم بنفس فلوس لبيت گدر عمي وبمعارفة يشتري البيت الي مقابيل بيتهم صح صغير بس نعمة وبدت رحلة النقل الاغراض من محافظة لمحافظة والبنات وحتى عمة ثريا ماقصروا وياانا ابد ترتيب وتعزيل وتنظيف الى ان استقرينا بعد شهر سراج بالمبلغ الي عندة گدر يرتب غرفة لشامل مابيها هواي اثاث ولا اشياء مؤذية حتى لا يأذي نفسه

وهيج مرت الشهرين بهدوء بس نار بداخلنا على تسنيم بلغنا نوفل ان مشعان عازل الها وحدها حسب الشخص الي دزة يسمع اخبارها هل شي فرحني يعني مرتاحة مو مهم اهم شي هي بخير

گاعدين بالحديقة الصغير وسراج يگصگص فواكه ويوكل بشامل الي حالته بدال لاتتحسن نتكست وصار مثل الطفل لايعرف ياكل ولا يشرب حتى الصحيات الا سراج يودي اباوعلهم وبيدي كتبي مبتسمه يي صح قدمت على السادس بمساعدة اخت خالة ثريا

سراج رغم الي سوا بينا شامل الا انه يحبه بسرعة نسى يگول الله عاقبة انا جاي اسوي واجبي فقط لكن جذاب اباوع للمعة عيونه وهو مقهور على حاله ندگ الباب والظاهر هل باب من يندگ مايحمل خير الا هم ومصايب

راح سراج يفتحة ودخلت النا مصيبه جديدة لحياتنا

.

.

.

.

شافت مشعان وصرخت تبجي وتولول

باسمة:- الحگلي حجي دفعتني بالگاع وكسرتني اريد حگي منك

نزل الطفلة على عتبه الباب

مشعان:- فوتي جوى جدو…. وانتو شكو شصايرر

شهگت تبجي

باسمة:- مادري منو دگ الباب وهي طلعت فتحته اله ودخلت هذا الكيس اجيت عليها احاول اعرف كيس شنو من سحبته منها وگع بالكاع طلع حبوب منع حمل وحجيت عليها كتلها ليش تشربيهن ودفعتني بالگاع تضحك وتكول مخبلة اخلف من عد مشعان الظالم

حجت كلامها وانا مصدومة من اللف والدوران باوعلي مشعان هزيت اله راسي انفي

_لا مشعان جذابة والله جذابة

تبجي وتحيج

باسمة:- منين اجذب شو حتى رحمي شايلي المن اشرب حبوب

دنگ بالگاع اخذ شريط الحبوب هز راسه وگال

مشعان:- ضرار هنا!!

هزت راسها باسمة من بين دموعها الكاذبة وهي بعدتها على گعدتها

صرخ بصوت عالي

مشعان:- ضرارررر ضررررار

مد راسه من الشباك الي مطل على الحديقة

ضرار:- ها يابه

مشعان:- تعال شوفلي هاي الحبوب مالت شنو

ضرار:- دقايق واجي

واكفة بگاعي مدنگة وابجي ادعي تكون هاي حبوب مو مالت منع حمل بس هي فرتها صح وراح تخلي ضحكتي دمع يجري اضعاف اجى ضرار نطا الحبوب وحجه بتحذير

مشعان:- تحجي الصدك لو افصم رگبتك

عقد حاجبة وقربة يم عينة يقرأ

ضرار:- مبينه يابه حبوب منع حمل

گال هيج وغمضت عيوني مستعدة للضربة وفعلا اجاني كف

منه

مشعان:- حيووووانة اگول خطية اگول ارحم حالها تضل يتيمة بس انت مو مالت رحمة…

سحبني من ايدي ويجر بيه للغرفة وسط صرخاتي وتوسلاتي

_مشعان بس اسمعني مشعااان والله مو الي الحبوب

مشعان:- نجبييييي اسكتتتتي منووو هذا الي جااااااااب الج الحبوووب

دخلني للغرفة شمرني بالگاع وقفل الباب سحب واير السيار وقطعة طبگة نصين وصار يرفع ايدة وينزلها على جسمي وانا اصرخ

_لا مشعان لا دخيلك يالله.. اخخخ ياابه.. وين عفتني

يضرب بكل وحشيه بدون رحمة وعيونة حمر دم

مشعان:- منوووو جابهن الج ولج احجيييي فوگ ماحرمتيني من بنتي تريدين ماتخلفي منيييي

شمر الواير ولزم رگبتي يخنگ بيه بكل قوته قطع نفسي وصرت ارفس برجلي ابتعد وگعد يمي يلهث

مشعان:- احجييي يالله منيييلج

احاول التقط انفاسي بصعوبة واسهگ بالبچي

_بشنو احلفلك مو الي والله مو الي مشعان كااافي اقتلني وريحنيي كااافي الله عليك كافي

دفرني.بخاصرتي شهگت وتقيئت بالگاع

مشعان:- احجي حيوانة احجيي لج حتى شعر ماعندج حتى اگضج منه احجييي

لزم اجتافي ويهز بييه وانا روحي رايحة ضربه خاصرتي مردت روحي اشهك النفس بصعوبة

كلت هل كلمة واغمى عليه اتمنى الموت وملك الموت معاند وياي احسه يگلي بعد وبعد يراد الج ظيم انوب مرت فترة وفتحت ياريت مافتحت لگيت نفسي بغرفة مربوطة على چرباية من حديد وملابسي نصها ممزقة غمضت عيوني نزلت دموعي

حتى وانا فاقدة مارحم حالي شفرقه عن الحيوان حتى الحيوان خطية بي رحمة حاولت اتحرك ماگدر رجلي وايدي مربوطة على شكل حرف X المجرم مايعذبو هل عذاب بس سترخصني لان بلا اهل يفرغ كل طاقته بيه لان بلا حول او قوة اباوع على المناطق الضاهرة من جسدي كلها اثار الواير ودم يابس

نفتح الباب ودخل رفعت عيني عليه

_ وين تروح من الله فاما اليتيم فلا تقهر

صرخ بيه

مشعان:- يتيم انت هم تحسبين نفسج على اليتامة لج كافي تمثلين كاافي

كان بيدة بطل مي شمره عليه وطلع رجعت لنوبه البچي شصار بالبشر نست مخافة الله شهل ظلم نست قول القران الكريم

( فأما اليتيم فلا تقهر )

كما كنت يتيما فآواك الله فلا تقهر اليتيم ، أي : لا تذله وتنهره وتهنه ، ولكن أحسن إليه ، وتلطف به .

ربي جاي تشوف حالي فلاحول ولا قوة لي الا بك اشهك وابجي ومابالي غير الكتب القريتهن ماكنت اضن بيوم ان راح يكون الي بداخلها مواساة الي!!

ضليت على هل حال ابجي وافكر ساعة بالصبر ساعة بالاحاديث ساعة القران اواسي نفسي بيهن رجع نفتح الباب مرة ثانية ودخل بدون كلام ولا شي شمر علاگة على صفحة وطلع المفتاح من جيبة فك السلاسل

مشعان:- منا ورايح هنا مكانج مالج روحة لهذاك البيت الى ان يصير الي اريدة!

فهمت قصدة على الاطفال الغرفة بيها فراش والجرباية الجنت مربوطة بيها وكنتور بابين!! فك قيودي وطلع وقفل لباب ورا

صرت اتلفت وانا بمكاني نهاية الغرفة باب ستندت على الجرباية بالگوة اخطي خطواتي الم بطل جسمي فتحت الباب وكان مطبخ صغير حيل واكو باب ثاني صحيات وحمام مشترك

رجعت للغرفة والعلاليك ملابس جدد هههه! سحبت ثوب ورجعت اشحط بمشيتي دخلت سبحت وطلعت رغم الماي مثل التيزاب ينزل على جروح جسمي بس ميخالف دورت شال ماكو لفيت راسي بثوب ثاني

وتوجهت الى ربي رفعت ايدي الترجف بنية التكبير سالن دموعي

_ ربي اني مغلوب فانصرني يا ارحم الراحمين

اللهي استجب لي اللهم اسألك ذالك الشعور ‏‏(فَفَتَحْنَا أَبْوَابَ السَّمَاءِ بِمَاءٍ مُّنْهَمِرٍ)

افتحي لي ابواب استجابتك ونجني من القوم الظالمين

‏اللهم إني توكلت عليك فأعني يالله

ومن هل يوم نطويت على نفسي خلصت من كلشي البجي الي بجيته وانا واقفة امام ربي بعد مانزلتلي دمعة رغم كلشي يسوي يحاول يستفزني بكل الطرق الا ان رب العالمين ذب بكلبي البرود فقط الحزن مخيم عليه مشعان جن جنونة يضرب يعذب يكسر اصرخ متالمة بس مانزلت دمعة كنت اسمع الناس يكولون يبست عيونة من البجي وهسه دا اعيش هل شعور قولا وفعلا

فعلاً جفت دموعي ماكو شي ابجي علي بعد لاهل لا احباب حتى حالي بعد مالي حيل ابجي عليها مرت الايام مثل السم بدون لا احسب وبدون جديد غير ان مشعان رتب وجاب اغراض للبيت شلفايدة وانا المكان الي يتواجد بي يصير اشبه بالقبر المظلم

بيوم گعدت الصبح واسمع صوت شهگات مشعان يعاتب بصوت ناصي رفعت عيني صورة مهجة

مشعان:- ليش هيج بويه ليش كسرتي ضهري المن عفتيني ورحتي اله شقصرت وياج وسويتي بيه هيج لج بويه ماجاي انسه ذاك اليوم الي دخلت على الخرابة ولگيتج ربي كما خلقتني وغركانة بدمج شگالت روحج من سوى بيج هيج هم صحتي بابا؟ جاوبيني يبعد ابوج الصور وحضنه الكبر ماجاي تواسيني بويه گومي ولميني شيسوى العمر دونج عفتيني انت وامج ليش ولكم شمسويلكم اخخخ لج بويه جبتها للبيت الي صرتي بي جبتها للمكان الي كانت امج عايشة بي بلكت تجيني وحدة مثلج تواسيني

اسمعة يشهك من كل گلبه نقهرت علي رغم كل الي سواه ردت اگوم حسيت بدوخة قوية لزمت طرف الجرباية فز هو واجا يمسح بدموعة

تكلم بنبرة شك

مشعان:- شبيج

مشعان:- حامل مو؟

سكتت مادري شجاوب وهو اخذ سكوتي تاكيد سحب عباتي على السريع وياها شال ونقاب وشمرهن عليه

مشعان:- لبسي على السريع

يحجي بلهفة واضحة لبست بدون اي معارضة البرود الي محتلني

ماعرف رحمة لو نقمة طلعنا للمختبر وطول الطريق شفايفة تتحرك بس ماكنت اعرف شنو جاي يتكلم

دخلنا لغرفة التحليلات تكلم مع البنت وطلع من جيبه خمسة وعشرين نطاها الها

مشعان:- تحليل حمل بساع

هي اجت تركض سحبتني وگعدتني سحبت ردان ثوبي وصعدتة

المحللة:- صگي ايدج

سويت مثل مارادت باوعت الها وهي تسحب الدم وانا اباوع الها قبل كنت اخاف من الابرة! هسه حتى ماهتميت كملت سحب

وراحت ضليت گاعدة ومشعان گعد يمي يهز برجلة

الى ان طلعت النتيجة وصاحو اسمي كان يمها هواي نسوان واكفين

مشعان:- كومي ستلمي لورقة

يستحي عشتو رحت انا اخذت الورقة من ايدها ابتسمت الي وگالت

المحللة:- مبروك حامل!!

هزيت راسي بدون اي رده فعل رفعت لورقة اباوعلها اجت عيني على التاريخ ٢٥/١٢يعني صارلي اكثر من شهرين!! من جابني لهل بيت سحب الورقة من ايدي

جاوبت بهدوء

_ حامل

غابت ابتسامته

مشعان:- وعادي عندج حتى رد فعل انج راح تكونين ام ماكو

ابتسمت من تحت نقابي

_اكون ام والاب يستاهل مو اكون ام وانا حتى مصيري ماعرفة شنو

نطت شراين وجه وهز راسه بوعيد

مشعان:- بختج بالي ببطنج والا كان جنزتج.. امشي كدامي يالله

مشيت كدامة وركبت السيارة شغلها وانا عيني على الطريق حايرة بمصيري وايامي اكذب اذا اكول ماخايفة لا خايفة وحيل هم مو شوي نتبهت مو نفس الطريق الي اجينا منه بس محجيت بلكي ماخذني للكبور ومريحني مادري شلون هيج اجى ببالي وسالته او طلبت منه

تكلمت بهدوء وكلي امل

_ ممكن طلب

باوعلي وكال

مشعان:- خير

_ وديني للمقبرة اشوف ابوي واخوي اذا صدك تريد هل حمل يتم

شحط السيارة ووگف

مشعان:- جاي تهدديني انتِ؟

_هئ مو تهديد بس كلشي اله مقابل

باوعلي مصدوم من جدية كلامي حسيته خاف هز راسه ورجع يمشي ماتوقعت الصراحة ياخذني لكن لمن قريت لافتة المقبرة من هنا تاكدت ضهرت ابتسامة الي من تحت النقاب هسه بدا العب نقطة ضعفك بداخل احشائي وگف يم بوابة المقبرة

مشعان:- انتظريني اروح اسئل واجي

كتفيت بهز راسي وهو نزل يتأفف راح شوي ورجع بديت اباوع للمقبرة مو نفس المكان الي جينا منه من دفنم ابوي يمكن الها اكثر من باب رجع يمشي ويدردم اجى لجهتي وفتح الباب

مشعان:-يالله نزلي

نزلت ومشيت ورا وهو كلساع يوگف يلتفت ويشوفني ضليت امشي واتلفت المكان رغم انه كئيب لكن مريح فعلا اذا كنت مظلوم ومامسوي شي بدنياك مراح تخاف من تدخل هل مكان لاحتلي صورة همام وانا گلبي نعصر عصر هدفي من جيتي لهنا اريد ابچي اريد اشكي بس ماكو رغم الالم الي بگلبي وشي يحرگني بعيني مانزلت دموعي شجاج ياعيني حتى بهاي لحضاتي مانصفتيني!!

شمرت نفسي على گبورهم صرت بيناتهم اعاتب بيهم بحرگت گلب

_ المن عفتوني ها المن ليش هيج سويتو بيه ليش كسرتوني ببعادكم صرت ملطشة بيد اليسوى ولمايسوة خلافكم وانت همام مو گلت ماعوفج شو اول العايفين انت كسر ظهري ياخوي

ضليت احجي واحاول اريد ابجي ماكو كل ظني بهل زيارة راح ارتاح بس لا زادت همومي هموم رفعت عيني على مشعان

_ شفت هل مگبرة شكبرها فد يوم تندفن بحفرة بيها لتظل ظالم وخاف الله بيه ماريد لامودة ولاحب بس ارحمني واكفيني خيرك وشرك كفاية العذاب الي شفته

من گد ماتعبت من الكبت صرت اصرخ والطم احاول اخفف

تقرب مني وقيد ايدي

مشعان:- كافي عاد اهدي مو زين عليج انت حامل

بعدت ايدي منه

_ادري حامل لخاطر لي بطني ارحمني مشعان كاافي

هز راسه ورجع لزم ايدي يسندني

مشعان:- يجراج بس گومي

گمت وحيلي مهدود رشيت على گبورهم ماي وقريت الهم الفاتحة مادري شلون هيج هتدى يمكن لان حامل كل همه هل ببطني وانا حتى نفسي مامهتمه الها طلعنا من المقبرة وعيوني مجلبة برگبتي تكلها نداري شبعي وداع الجايج اعظم

ركبني السيارة وركب ساقها ثنينا ساكتين وصل يم محلات نزل شوي ورجع بيدة علاگة شمرها بحضني

مشعان:- شربي شوي لايهبط ضغطج

صدك جنت عطشانة شربت نص بطل لماي وعفت العصير باوعلي بعدم رضا طز بيك وبضناك وبحتى حياتي الطريق كلة مادري كان ظني يرجعني للبيت الصغير بس نصدمت من شفت السيارة وكفت يم البيت الكبير

دگ هورن اكثر من مرة وطلع ضرار فتح الباب ونصدم من شافني

دخل السيارة تذكرت يوم عرسي من دخلنا سوه اسمعهم گبل يگولون لو ضاگ خلگك تذكر يوم عرسك انا شتذكر بالله

نزلت وانا ماناوية اكون ذيج تسنيم الضعيفة لا انا وحدة جديدة بس القدر ماضن ان ينصفني ويخليني اقوى خصوصاً وانا حتى سند ماعندي غير ربي

طلعت باسمة تركض من شافتني نصدمت رفعت النقاب من وجهي وبتسمت الها ابتسامة كذبية

تخبلت تقدمت يم مشعان

باسمة:-مشعان شجاي تسوي هاي هنا مو گلت انسووها مو طلكتها

ابعد ايدها عنه

مشعان:- انا صح گتلكم انسوها بس ماگلت طلكتها

باسمة:- شابها هاااي احجي

زمخ بيها

مشعان:- صوتج لايعله علييييه بااااااسمة لاتنسسسين نفسسج

ردت بهدوء عكس السم الي ينفض منها

باسمة:- شجابها هنا

مشعان:- جبتها لان حامل