رواية سر خلف النقاب الفصل الرابع عشر 14 بقلم هدوء آل محمد

شامل مانطى اي رد فعل سحب كرسي وگعد ووجه مبين بي الحجي باوع اله سراج

سراج:- سولف خوية مبين بحلگك كلام

مسح عيونة بتعب

نوفل:- صاير چني بومة ماطب الا جايب خبر مو زين

حجيت انا

_لا خوية محشوم شلك غرض انت هي الدنيا عوجة ويانا

بتسم بحزن

نوفل:- صدقتي والله

سراج:- يي شكو گول ترا گلبنا بعده يتحمل عادي

قبض ايدة يحاول يهدي نفسه

سراج:-شبيها

نوفل:- متعاركة ويه زوجها وضاربها وطاردها وحاليا وحدها بالغربة يم عائلة عراقية شايفيها بالشارع وماخذيها للمستشفى مادري منين جايبه رقمي واتصلت بيه

دنگ راسه سراج وانا صديت بصفحة من الفشلة الواحد ميدري شيگول شذنبنا احنا وطحنا بهيج اهل هم السبب بدمارنا ولكن مجبورين رغم كل اغلاطهم ننتشلهم من ضياعهم بسبب افعالهم

نوفل:- تضل امكم وليدي لتحقدون

هز راسه سراج وتكلم بنبره تعب

سراج:- انا مو نبي حتى اتحمل كل هل هموم والله مو نبي

طبطب على كتفه

نوفل:- ان الله اذا احب عبد ابتلاه سراج لتعجز وتمل ابني النبي ﷺ يگول : أشد الناس بلاء الأنبياء، ثم الصالحون، ثم الأمثل فالأمثل وهم أحباب الله، فالابتلاء يبتلى به الأحباب ليمحصهم، ويرفع درجاتهم، وليكونوا أسوة لغيرهم حتى يصبر غيرهم يتأسى بهم؛

ولهذا قال ﷺ: أشد الناس بلاء الأنبياء، ثم الأمثل فالأمثل وفي رواية: ثم الصالحون، ثم الأمثل فالأمثل يبتلى المرء على قدر دينه، فإن كان في دينه صلابة شدد عليه في البلاء.

ولهذا ابتلى الله الأنبياء ببلايا عظيمة، منهم من قتل، ومنهم من أوذي، ومنهم من اشتد به المرض وطال كأيوب ، ونبينا أوذي أذى كثيرًا في مكة والمدينة، ومع هذا صبر، عليه الصلاة والسلام.

فالمقصود أن الأذى يقع لأهل الإيمان والتقوى على حسب تقواهم وإيمانهم،

سراج:- ونعم بالله

ببتسامة

نوفل:- عفيه عليك

سراج:- يعافيك.. بس شراح نسوي

نوفل:- نروح نجيبها ونجي

سراج:- خير ان شاء الله

ندگ الباب مرة ثانية راح سراج يفتحة دخل عمي ووراه عبد القادر يسحب بكرسية

تسالمم هم ونوفل

يحيى:-شفت سيارتك بالباب واجيت اسلم

نوفل:- ياحياك الله عمي

سراج:- تفضلو جوة عليمن هنا

يحيى:- لا وليدي الجو طيب خلينا هنا… شامل شلونك زين

شامل باوع بس ساكت ياكل بالتفاحة عين عبد عليه رتبكت وگمت دخلت للمطبخ حطيت قوري الچاي على النار وفتحت الثلاجة اشوف شعدنا لگيت معمول مالت حلقوم وتمر خليته بصحون تقديم ورتبت الاستكانات وانا صافنة افكر بامي شسويتي بنفسج وشسويتي بينا شستفاديتي هسه من دمرتينا ودمرتي نفسج

فزيت على فورة الچاي ومتكبي منه على الطباخ طفيت النار وصبيته بستكانات واخذت الصينية وطلعت الهم مبين عمي داري بالموضوع لان الحاجب معگود اخذت كوب لبلاستك وكعدت يم شامل على المرجوحة اشربه

يشرب بالچاي ووجه معفوس

يحيى:- چايج ثگيل بويه ليريد يموت يشربة

باوعت اله بفشلة وهم مبتسمين

_عمو والله نسيته بس ماعبالي يمرمر

عبد القادر:- طيب طيب مابي شي شربو وسكتو مو زين سوت الكم چاي

نوفل باوعلة غمزلة وضحكو ثنينهم وسراج صافن مو يمهم

دغه بكتفه

عبدالقادر:- شايبنا بيش صافن

سراج:- بدنيتي الگشرة

عبد القادر:- تهون خويه شبلاك مابعد الضيق الا الفرج

سراج:- لاحول ولاقوة الا بالله

يحيى:- ترا اليوم عشاكم يمي

سراج:-لا ميصير عمي شني تاخذ خطاري من بيتي

نوفل:- لاتتعاركون صبرو انا اقررر شمسوين عشاء

باوعلي وحجه مبتسم

_ بصراحة كان ببالي اسوي كوبة حشاك من الكبة

نوفل:- مالت شنو؟

نوفل:- حسم الامر العشاء هنا عمي اضعف گدام الكوبة انا

سراج:- انا اروح ابلغ الاهل عشاهم يمنا ليوم

يحيى:- عفيه عليك

سراج:- من رخصتكم

ستاذن وطلع

يتمشى بخطوات متعبة طرق الباب طرقات خفيفة

نفتح الباب وكان ورائه تقوى

تقوى:- هلا سراج

باوع الها كانت لابسه ازار الصلاة والوجة ابيض واشعة الشمس عاكسة عينها الصفر نسى شنو راد يتكلم فزز من صوتها

كانت تتكلم ببتسامة

تقوى:- الوووو سراج وين صفنت

رتبك وتكلم

_ ها شسمه اليوم عشاكم يمنا بلغي الوالدة وتعالوا..ااا لعد قتيبة وين

بعدها مبتسمة والبسمة هاي خلت سراج يحس بشي غريب

رغم كل الي هو بي ابتسم الها

تقوى:- قتيبة طالع وي جماعته

_ يي خوش عود تعالوا

تقوى:- ان شاء الله

بتسم الها ورجع بخطواته للبيت عكس اول ماطلع وكان بصيص امل دب بداخل روحه هل ياترى حب لو اعجاب لو مجرد افكار شباب

دخل للبيت لگاهم متحضرين

نوفل:- لا يمعود ياسيارة هنا سمعت اكو بيت للبيع واريد اشوفه

استند على العامود وكتف ايدة عقد حاجبة بستغراب

سراج:-بيت شنو

نوفل:- ناوي انا وابوي نبيع البيت ونجي هنا

سراج:-صدك والله

نوفل:-والله شبيك ليكون ماتريدنا نبطل عادي

سراج:- لايمعود صدك چذب بالعكس اكيف

نوفل:- لعد امشو يالله

طلعو كلهم وانا ضليت وي شامل كلت خل ادخله للبيت لان الدنيا مغربت

_ شامل يالله گوم ندخل جوى الدنيا راح تظلم

لزمته من كتفه ومشيته لداخل البيت ودخلتة لغرفته مددته بالفراش وغطيته

_تريد تنام لو جوعان

مارد عليه بس صافن طلعت وقفلت لباب عليه

عزلت البيت وندگ الباب فتحته ودخلو عمة ثريا والبنات وتقى تفر بعيونها وكاشخة

تقى:- وينهم شو وحدج

ثريا:-يالله امشو نحظر العشاء

كانت بيدها علاگتين كبار

_شنو هاي خالة

ثريا:- عمج دزهن بيد قتيبة

_ياعمة صدگ كذب قابل ماعدنا والله لو يسمع سراج يزعل

ثريا:-ميخالف حبيبتي مابيناتنا احنا

هزيت راسي ودخلنا للمطبخ حضرنا العشاء واغلبها مقليات من كوبة جريش وهل سوالف اجوي الولد واصواتهم بالديوان

اباوع على تقى تزين بكاسات الحلى وتبتسم على صوت ضحكاته كان گلبها دگ بعشك شخص الغلط اباوع الها تقى ماعايزة جمال وشهادة وطيبة گلب الف من يتمناها بس نوفل منطوي على نفسه

رغم مرتين لتقو بس هو مدنگ ويكوللها خوية بس بعد الگلب اذا دگ ياهو الي يوگفه رفعت راسها لكتني اباوع الها ابتسمت

تقى:-كملت الحلى وين اروح بي

_بالثلاجة خلي.. وعاشت ايدج شكلة يجنن

دخل سراج ويحجي على السريع

سراج:-شصار بعشاكم

ثريا:-ها يمه ماضل شي كملنا

سراج:- تعبناج خالة

ثريا:-يايمه شمسويه قابل

سراج:-بارك الله بيج

حجاها وعيونه تدور بين لوجوه عليمن مادري طلع واحنا مدينا السفرة وعمي گال خلوها سفرة وحدة ماكو احد غريب

گعدنا كلنا سوى بالهول وسراج راح جاب شامل

نوفل:- هنا سراج هنا

گعدة يمه وثنينهم يسوون اله لفات لغصة چلبت ببلعومي ليش مادري دنگت

عبدالقادر:- الجو مغيم يمكن تريد تمطر

لكل نتبه علي

نوفل:- يامطر توي جنا برا ماكو شي

عبدالقادر:- للمطر انواع وانا اخوك

قتيبة:- الله اعد

بقيت مدنگة مارفعت راسي ودموعي تنزل سكته لااكدر اگوم ولا اگدر اسكت اجاني صوت نوفل

نوفل:- شبيج خوية رونق عليمن هل بجي ماكو شي يسوى بالتالي الدنيا هاي كل واحد ينال جزاء اعماله انا ماشمتان بشامل لا والله يشهد ربي عليه انو مارد گلبي مرد بس عدالة رب العالمين هي فوق كلشي كما تدين تدان وكما تعين تعان وكما تهين تهان

سراج:- احسنت الحمدلله على كل حال

نوفل:- تعايشوا وي الوضع الجديد انسو الماضي او تناسوا لان لو ينسي كان نسيت رفيق دربي بس هي هاي حال الدنيا ناس تموت وناس تعيش ناس تنظلم وناس تظلم

كان يحجي ونبرة الحزن واضحة ببحة صوته

زادن شهگاتي ومن بينهن گدرت انطق اسمها الي حارگ گلبي

_وتسنيم

نوفل:- لاعبالج عايفها كل فترة ادز ناس تجيبلي اخبارها بعدها عازلة بوحدها ماكو شي غريب يخليج تقلقين هل كثر

مسحت دموعي بطرف ايدي

_ كرهتنا

نوفل:- حقها… يي لاتباوعيلي هيج حقها البنت بيمن تتسبع بهلها

وعمامها وخوالها لكن اذا الطعنة اجتي منهم شنو راح نكون ردة فعلها تصفكلكم لو تاخذكم بالاحضان

طبعاً تكره الكل وتحملة المسؤلية

هزيت راسي وكملنا العشاء بهدوء كملنا وشلنا المواعين للمطبخ گعدت على الميز اشهگ من كل گلبي شلي صار بيه مادري

حسيت بيد صارت على كتفي عبالي سراج بس من حسيت بالكرسي لخ بيه عرفته قدوري

عبد القادر:- صافن سألت الروح المن تصفنين

كالت ذكرت اعزاز صارو بعيدين

حچاها بنبرة كلها حزن خلاني اشهگ من كل گلبي صاحت خالة

ثريا:- هو هيج گالوها يايمه بدال لاتسكتها جملتها

دخل قتيبة شايل باقي الاغراض اضن انه سمع الكلام هز ايدة وباوع لقدوري وگال

قتيبة:- جبت الاكرع يونسني كشف گرعته وخرعني

بعز دموعي ضحكت حتى عبد ضحك

ثريا:- الله ناطيني نار وثلج ماكو وسط ابد

تغيرت نبرة صوته

قتيبة:- انا امثل الثلج يمه بس انا نار وتعرفين ليش

ثريا:- شبيدي عليك يمه

قتيبة:- خليها على الله… وانت امشي لتضل گاعد بين النسوان

اخذ عبد وطلعوا واحنا كملنا لمواعين ودخلنا يمهم كان نوفل يخابر مبين جاي يكمل اجراءات السفر كمل وسدة

نوفل:- سراج باجر بعون الله ورى المغرب سفرتنا

تنهد بتعب

سراج:- الله يسهل

يحيى:- ابوك ليش ماجبته وياك

نوفل:- والله ياعمي جاي يمشي بمعاملة التقاعد

يحيى:- ماينلام خل يرتاح

قتيبة:- ياراحة يابه انت تقاعدت وسودنتنا لاخليت كلوب لاخليت مبردة دخلتنا ششي.. دخلتنا انذار كلشي تشوفه مشتغل تطفي من غير الشسمة جييب الشسمة الي الشعب العراقي حاير بكلمة الشسمة شنو ولازم احنا نفهم شنو الشسمة حتى لا يطيح حضنا

يحيى:- شسويلك انت غشيم

قتيبة:- رحم الله والديك

نوفل:- ولك بس لا ابوي يصير هيج والله اهج

سراج:- راح ارتب الك غرفة لعد من هسه

نوفل:- عاد چنت حاير تدري

فجأة نخدشتت ايدي بالقنفة بيها دنبوس انا ناسيته مچلب وكامت تصب دم مو هواي بس شافها شامل و تخبل

صار يصرخ ويضرب على راسه

شامل:- دممم ماااتتتت ماااتتت دم مووواني ماااعليه مااااعليه ماذبحتهاااااا وخرررو ماااماااتتت مو انا مووو انااااا

قيدوا حركته قتيبة ونوفل وسراج لازم وجهه وهو مغمض فاقد ويصرخ

سراج:- اهداااا شامل حبيبي فتح عيونك ماكو شي

مغمض عيونة حيل ويحرك رأسه يمنه ويسرى

شامل:-دم دم مااتتت مو انا معليه ماكتلتها هو هو كتلها هو كتلها مثل ما كتلوووا همام

اتسعت عيون نوفل بصدمة وصار يحرك بشامل

نوفل:- شدااا تحجييي ولك شجاااي تسولف همااام شبي منو منو كتله

شامل:- مووو اناااااا ماعليييه هم هم كتلوووا

نوفل:- ولك منوووو لك شجاي تسوووولف

يحيى:- اهدااا عمييي وصلي على نبيك لك هذا خبل شبييك فاقد لاتاخذ بكلامة

شامل:- مااات مااات همام كتلووا مهجة كتلوها

صار وجه نوفل ازرك ووگع من طوله لا يحرك ايد ولا رجل

صار صراخ الكل يحاول يصحي بنوفل الي تحولن شفايفة بيض

سراج:- خلل نشششيلة راااح يموووت

شالو هو وقتيبة وخلو بالسيارة وياهم عمي وطلعوا رجعت على قدوري الي لازم راسه

عبد القادر:- كارثه يمحمد كارثه شامل شدا يخربط

شامل تذكرت شامل ماكو اختفى

عفت الكل واركض بالبيت ادور عليه ماكو

ثريا:- وج يمه شدورين

_ خاله شامل شامل مااااكوو

هنا الكل نتبه وباب الشارع مفتووح!!!!

دخلت للبيت رجعني لغرفتي القديمة وانا لاروح الي ولا حيل اناقش او اجادل شمرت العباية والنقاب وتمددت على الفراش بهدوء بدون نقاش وغطيت بنوم عميق مافزيت الا على صوت مشعان

مشعان:-كومي يمعودة تسنيم اكعدي تعشي

باوعت على المكان ستوعبت انا وين گمت لبست شالي وطلعت وياه كانوا مادين السفرة گعدت وبدينا ناكل بهدوء بس صوت طگطگة الخواشيگ تنسمع انا اكلت لگمتين وگمت

استوقفني صوته

مشعان:- وين

مشعان:- بس ماكلتي شي

ندارت اله

_گتلك شبعانة لو هم هاي غصب

مشعان:- ماميت عليج بس الي ببطنج يهمني تعاي تزقنبي

كتفت ايدي وباوعت اله بتحدي

_مارييد وشتريد تسوي سوي تضربني مو اضرب ابنك ببطني محد يخسر غيرك

حجت بغيرة وحقد

باسمة:- شدعووة عيني شهل صلافة لو شفتي نفسج حبلتي گلتي هل اتشيخ عليهم ترا حتى لفارة تحبل

غلست عنها وعيني على مشعان

اعترف كنت اتصرف برعونية بس فاض الصبر والحيل تعب گام من السفرة وتقدم الي حسيت بصفعة قوية على خدي باوعت اله وبطرفي شفايفي شبه ابتسامة

مشعان:- ترا لاعبالج تلوين ايدي بحملج ادوس ببطنج ومايرفلي جفن

تقربت وهمست

_ اتحداك

اتسعت عيونه وسحبني من ايدي بحركة سريعة للغرفة شمرني على االدوشگ الي بالگاع سحب حزامة ضرب اول ضربة بالگاع

ورجع شمرة بصفحة گعد حاير صرخ بيه

مشعان:- لججج شبيييج تحبلتييي شجاااج

_رجعني لذاك البيت احسن الك

مشعان:- لا بالله

_ ي والله اذا مارجعتني يامشعان وحق الله انزله

مشعان:- هينه يبنت كواكب هينه

عقدت حاجبي اول مرة يكول هيج لكن نفضت كلشي من بالي انا بنت نفسي لا الي اهل ولا سند غير الله

گاعد بتعب على الجرباية يجر انفاسه بصعوبة

مشعان:- گومي لبسييي على السررريع غضب الله على راسج

كمت فتحت الكنتور اغراضي بعدهن سحبت جنطنة تحت انظارة ولميت منها وحطيت العطور والمكياج كله رغم اني ماريد ولا ببالي بس شدا اسوي ماعرف اتصرف بس حتى اجننه

لميتها كلها بجنطة وحتى الابوم بعدة حطيته ولبست صاية جديدة خطيت عيني بالكحل وشديت النقاب وغرگت روحي بالعطر لبست الكعب وطلعت اسحب بالجنطة باوعت الهم بنظرة انتصار مادري على شنو منتصرة

كلبت عيني وجاوبتها

_لبيتي وين يعني

نداريت المشعان الي كان يباوعلي يريد يفسر الحالة الي واصلة الها مايدري

_ مشعان جاوبها انا انتظرك بالسيارة ممكن السويج

مديت ايدي اله هز راسه بتعب خلا بيدي اجت عيني على علي غمزلي وبتسم ويسويلي حركة اوكي

_ علي خوية بلا زحمة تكدري تشيل الي الجنطة

باسمة:- ابنييي مايشتغل عندج

تقدمت الها وهمست يم اذنها

_ابنج لا لا الكذب حرام ابن ميسون الي اخذتي من حضنها يالعاقر

كنت قاسية بكلماتي ردت بنفس نبرة صوتي

باسمة:- ندگيتي بيه انا الج اندمج الا اخليج تتمنين الموت وماتحصلي

خفت بس مابينت خوفي ولا خليتها تستضعفني

_اعلا مابخيلج ركبي

حجيت هل كلمتين وطلعت وخليتها ترعد وتصرخ

ركبت السيارة طلع وراي علي خلا الجنطة بالسيارة وعيونة دم

دك الشباك فتحته

علي:- مكان اله داعي تحاجيها هيج ترا سمعتج

_ هم ماكان اله داعي اهلك يسوون بيه هيج

علي:- الي ببالج شنو يا اخت سراج

_حالياً ماببالي شي لكن بالمستقبل مادري يمكن

طلع مشعان ينفخ ركب وسغل السيارة راح علي فتح النا الباب مشت السيارة بينا لمحت عبد يي والله عبد باوعلي وبتسم بقهر صديت بساع لا يلمحة مشعان بس شوفته ذكرتني بعزيز روحي تعال شوف حالي بغيابك

فتحت الجامة وطلعت راسي استنشق الهوى الدنيا ليل والگمر نورة مضوي

بقت السيارة تمشي بينا الى ان وصلنا لبيت بس بيت ثاني باوعت اله بستغراب نزل فتح الباب ورجع ركب دخل السيارة وتكلم

مشعان:- هذا بيتي اضبط من ذاك شوي يراد اله تنضيف لتشيلين شي باجر تجي زمرد تساعدج

مشعان:- مرة تشتغل على باب الله

هزيت راسي ونزلت كان مجموعة سنادين بالطرمة على طول الگراج ماكو حديقة فتح الباب هول بي قنفات من خشب وتلفزيون بس كله تراب تمشيت للممر مطبخ ويمة غرفة وصحيات وحمام

الغرفة بيها سرير واحد فقط شلون راح انام انا

ندگ الجرص طلع يفتح الباب شوي واجى

مشعان:- دخلي للمطبخ لتطلعين الا ابلغج

دخلت وسديت الباب وبقيت ابوع من الزرف دخلوا شباب شالو القنفة وواحد جاب سطل ماي طشها بالگاع والثاني شايل ماسحة سحبو المي ونزلو للحمام ورجع صب ماي مرة ثانيه وهم سحبوه وراها طلعوا ورجعوا شايلين اخشاب مفلشه وبدو يفتحون ويشدشدون بيها ضهري وجعني من الوگفة نداريت ادور شي اگعد عليه ماكو الكرسي كله تراب تالي شمرت عباتي ولگحتها علي وگعدت

بقوا يدكدگون قرابة الساعتين وطلعوا نفتح باب المطبخ

ودخل هو كان يحجي بجمود

مشعان:- كملت لغرفة تكدرين ترتاحين جوة وباچر تجي زمرد

گمت بدون لا رد دخلت للغرفة وتمددت

مشعان:- على الاقل اشكريني

بتسمت بستهزاء

_تريدني اشكرك على واجبك؟

سكت واجى تمدد بملابسة يجر حسرات شوي وثگل نفسه وانا النوم چافاني كمت للجنطة فتحتها وطلعت البوم الصور

بديت اگلب بيهن همام ابوي حتى شامل!!

ناس تركوني وناس اذوني من بين الصور لفت انتباهي همام على الكرسي ويمه رجال الشيب تارس لحيته ومبتسم وعينة على همام

مادري ليش ركزت بي وملامحة نطبعن ببالي

ادور شي يبچيني ماكو اريد ابجي تعبت من الكبت رجعت الالبوم بين الاغراض ورحت تمددت واخذني التفكير بيهم ياترى وين اراضيهم شجاي يسوون سراج هم تشتاقلي يبعد اختك لو نسيتني

على اثر الذكريات غفن عيوني ماكعدت الا على صوت الماي والمكناسة بره ستغربت وگمت طلعت لكيت مرة متوسطة العمر تشتطف وتنظف عرفتها زمرد

هي من شافتني عافت الي بيدها واجتي

زمرد:- ها ست گعدتي

_ اسمي تسنيم

ردت بستغراب وابتسامة

زمرد:- العفو مافهمتج

_ اسمي تسنيم لاتصيحيلي ست

زمرد:-صار اسويلج ريوك

_ انا اسوي النفسي مامكسرة مشعان وين

زمرد:- طلع وكال لاتگعديها خليها ترتاح

حجيت بستهزاء

_ حنين سودة عليه

مشيت للمطبخ كان نظيف عكس لبارحة فتحت الثلاجة مليانة اغراض شوكت لحگ يتسوگ مادري نتبهت على جهاز يمكن مالت زمرد شفت الساعة ب11 كل هل وقت نايمة قليت بيض وسويت سفرة مرتبة

اجت تركض خطية

زمرد:- امريني حبيبة

_عادي تاكلين وياية؟؟

باوعتلي بصدمة

زمرد:- انا اكل وياج

زمرد:- لا بس شسمه خاف

_ خاف شنو خيه انت بشر وانا بشر وفوگانا رب البشر گعدي خل اسمم لايفطس العجي ببطني

راحت غسلت واجت گعدت بدينا ناكل بهدوء حسيت نفسي مليت اريد اسولف

_ متزوجة

زمرد:- يي الحمدالله

_ اعتذر على السؤال بس ليش تشغلين رجلج وينه عنج مو هو المفروض ابو البيت لو تجيهم المراجل بس وكت الكتل

دنگت بحزن ورجعت باوعتلي وأبتسمت

زمرد:- زوجي اعمى ومايشوف انا اشتغل بداله

وگفت اللقمة بزردومي بالكوة بلعتها

_ اسفة

زمرد:-لا تتأسفين ماگلتي شي

هزيت راسي كملت اكل ردت اكوم اغسل لمواعين

اخذتها من ايدي

زمرد:- لا والله ماتشيلين شي الحجي مايقبل حبيبة لا تكطعين برزقي

هزيت راسي ورجعت للغرفة تمددت انتظر الوكت والعمر يمر

وفعلاً مرت الايام والاشهر و مشعان متجنبني خايف على حملي وانا هم هدئت شدلي مرجوحة بداخل الغرفة وجاب الي كتب اتسلى بيهم اعتبر نفسي سجينة اقرا بالكتاب وصافنة حسيت ركلات ببطني ستغربت تكررت مرة ثانية لزمت بطني وحتضنتها شعور غريب غريزة الامومة الي نغرزت بداخلي من اول ركلة

تجمهرت الدموع بعيني ولأول مرة من بعد مدة صرت احرك ايدي على بطني

تمنيت تتكرر هاي الركلات وفعلا تكرررت انهاريت بالبچي

_ امي انت سامحني لان ماحاجيتك كل ذيج الفترة سامحني لان كرهتك يمكن انا مو خوش ام ييي اي مو خوش ام

على صوت شهگاتي وبچيي انفتح لباب ودخلت زمرد الي صارت الي روحي من الدنيا

زمرد:-شبيج خيه شجاج

احرك ايدي على بطني مثل المخبلة

_ تحرك تحرك الطفل ببطني

بتسمت الي

زمرد:- يي يتحرك وانت بنهاية الثالثوطبيعي هل شي بس ليش لبچي

_ مادري والله مادري

لزمتني من ايدي

زمرد:- گومي غسلي وتعوذي من الشيطان ان شاء الله ربي يتمم الج بالخير

هزيت راسي وكمت وياها غسلت وجهي ورجعت للغرفة تمددت

بالفراش والشهگة مچلبة بيه

گمت اتخايل شلون اشيله شلون الاعبة شلون اوكله شلون من يمشي يصيحلي ماما هل ركلة فززت بيه الشعور خلتني اتخايل حتى اوعى على نفسي واكون ام يي اكون ام مو مثل امي لا اكون ام تسند اطفالها حتى لو كان ابوهم مو خوش اب اكون ام لنفسي اكون ام حتى الجنة تصير تحت اقدامي اكون ام حتى من اوگف امام ربي

ويعاتبني ويحاسبني اكول كنت گد الامانة يربي كنت گد هل الحمل صنتها وكبرت ضناية ودليتهم على طريقك طريق الحق

لازمة بطني واحجي ويه نفسي دخل مشعان شافني ابجي وفز

مشعان:- انت تبجين!!! شبيج

احجي ارجف واشهك

_ تحرك الطفل تحرك بداخل بطني

بتسم ويمكن هاي اول مرة اشوفة بيها يبتسم من بعد ما ماتت مهجة

مشعان:- حسيتي بي

هزيت راسي

_ يي شعور حلو

مشعان:- هم تفكرين تاذي او تنزلي

لزمت بطني وشهگت بخوف

_ لا اسم الله

مشعان:- كوني ام واحمي من الدنيا ولاتسمحين لبشر ياخذة من حضنج

_ لا منو يتجرئ ويلمسه اكله بأسناني وحق الحق

مشعان:- الله يهديج… وهسه كومي نتغده

ردت اگوم بس شو مادري شلون اتخايلت تفاح اخضر علي ملح وكمت اتخيل نحمست حمس تكلمت بخجل عمري ماطلبت شي منه

_اگلك

كان واكف يبدل

مشعان:- گولي

_ اريد تفاح صغار اخضر وملح وسماك

عقد حاجبة وبتسم

مشعان:- صار يجيج

سحب موبايلة

مشعان:- اگلك دزلي على تفاح اخظر صغار وسماك للبيت

اشرت اله بيدي عود كومة

حجاها وعلى وجهه ابتسامة

مشعان:- جيب صندوگ…. يي لبيتي الثاني… انتظرك

سد الموبايل وكمنا للمطبخ

گعدت اكل بهدوء ومركزة ويه بطني اريدة يتحرك

كملت اكل بس ماكو اي حركة خابت امالي كمت للحمام

غسلت ايدي ورشيت ماي على وجهي نداريت حت اطلع حسيت بالنعال شطح بيه شلون مادري كل الي اتذكرة انا بالگاع والدم ينزل مني صرخت صرخة هزيت بيها البيت

_ ابنيييييييي لااااااا مشعااااان

نطقت هل كلمات ومادري بعدها شصار……. يتبع