رواية سر خلف النقاب الفصل الثامن عشر 18 بقلم هدوء آل محمد

(يرجى قراءة الكلام الذي في نهاية البارت)

___________________________________

ماحس الا هفه براشدي وصرخ بي

زكي:- لك حيووووان تضحك عليهم بس انا ماينضحك عليه ولك انااا زكيييييي

على اثر هل ضربه صرخ شامل وتهستر يبجي ويكرر ماعليه والله ماعليه كمز سراج ودفع زكي عن شامل الي كام يرجف ويبجي مثل طفل مهضوم

زمخ سراج بعصبية

سراج:- شكوووو شبييك تخبلللت منو سمحلك تمد ايدك علي وباي صفة

بهت وجه زكي وتغير لونه وشامل مستمر بالصراخ والبجي تقدم نوفل وضمة لحضنه يبوس براسه

نوفل:- شبيك حبيبي اهدا شامل دا يشاقة وياك شو باوعلي

لحضات هي وتكوم شامل ووگع لايحرك ايد ولا رجل

طلعت اركض ماهمني الولد الواگف گعدت و سحبت راس شامل لحضني اضرب بي اريد بس يصحى فاقد ووجهه كله دموع

سحبه نوفل من ايدي وطلع شايله والولد ورا وانا دموعي مابطلت شگد حقيرر وبلا رحمه ماكلف نفسه حتى يتقرب اله

ومن العصر لليل وانا الوب اتصل بنوفل مايرد وسراج موبايله مكسر نفذ صبري سحبت عباتي لبستها وطلعت لبيت عمي

دگيت الباب ووانا الشهگة مچلبه بيه

فتح الباب قتيبة وباوعلي مصدوم

قتيبة:- رونق!!!شبيج ولج

شهكت وكلامي مو مفهوم بس مادري شلون فهمني

_شامل تخربط واخذو للمستشفى

صرخ بصدمة

قتيبة:- شنووو! ليش وشوكت شو محد گال

يحجي واشرلي ادخل دخلت وهو طبك الباب ولحكني يركض دخلت كانو كلهم ملتمين بالهول شافوني كلهم فزو وبوجهم علامات التساؤل نطق عبدالقادر وهو يقدم كرسية بتجاهي بخوف

عبدالقادر:- خيرر شبيج ولج شكو

شهكت وبن بين شهگاتي نطقت

_ شامل نقلو للمستشفى

تسعت عيون عمي بصدمة وتكلم بنبره خوف

يحيى:- ليش شكو شبي

كلت هيج هو اشر لقتيبة واخذة وطلعوا

تقدمت خالة ثريا وسحبتني وكعدتني

ثريا:- وحدة بيكم تجيبلي كلاص ماي

حجت بخوف وفهاوه

تقوى:-ياا بس لايموت

زمخت بيها

ثريا:-بس كررمينا بسكووتج

راحت تقى تركض وانا مستمرة ابجي قدوري يباوعلي وساكت

نطتني تقى گلاص الماي شربته شوي ورجعته الها

عبد القادر:- شلون صرتي هسه احسن؟

عبدالقادر:- هسه يصير تفهميني شكو

حجيت اله الي صار وهو مستغرب من كلامي

بنبرة تساؤل وحيرة

عبدالقادر:-شسالفة منو هذا؟

هزيت راسي بعلامة مادري

مر الوكت واحنا على نار اتصل قدوري على قتيبة وطمئنيت من كال مابي شي وردت ارجع للبيت لكن ماقبلوا رحت ويه البنات ودخلت الغرفتهم وظليت يمهم الوب نوب حتى موبايلي ماكو

تقى:- لتضلين تفكرين ان شاء الله ماكو شي

تحجي وهي تفرش بالگاع فراش

تقى:-نامي على الجرباية انا انام بالكاع

رديت بنفي

_ لا يمعودة ماريد نامي انتي فوك انا بس اتمدد وين اكو نوم بهل زلك

تمددت بالفراش تقوى لازمة كتابها وتقرا على الضوء الي يم راسها وتقى تگلب بالموبايل وتكتب مادري وي من يجوز نوفل

مادري شلون وسط التفكير وغفت عيني ماكعدت الا على صوت تقوى وهي تبدل تريد تروح للمدرسة

باوعتلي ببتسامة

تقوى:- گعدتج؟؟ اسفة

رديت عليها وانا احرك بايدي وامطيها

_ لايمعودة اصلا شلون نمت مادري شصار على الولد

تحجي وتلف بالشال على المراية

تقوى:- يگول عبد بخير واليوم يطلعون

_ خير ان شاء الله

سحبت شالي ولفيته على السريع طلعت للحمام غسلت ورجعت لبست والعباية

وطلعت كنت ناوية ارجع للبيت لكن تلكتني خالة ثريا

ثريا:-ها على وين ان شاء الله

ثريا:-وتضلين وحدج هناك؟؟

_ ادري شكو عليه ياخالة هو شو انتم مقابيلي الحرامي ميلحگ يخطفني لان بصيحة وحدة تطفرون

اجاني صوته من وراية

عبدالقادر:- ام حرامي ركدي واكعدي ماكو روحة

عبد القادر:- من يجون عود روحي

ضربت رجلي بالكاع بعناد

_ بس انا اريد ارجع

عبدالقادر:- وانا اگول ماكو رجعة

ثريا:- تكافشوا عود ماوصيكم

استغفرت ربي وگلت اكسر الشر

تكلمت بهدوء

_زين بس اجيب موبايلي

هدء من شافني هدئت ورجعت ملامحة عادية

عبد القادر:- امشي انا راح انتظرج بس والله اذا دگيتي بيه الناقصة حظج اطيحة

_ لا والله بس اجيب موبايلي

عبدالقادر:- خوش امشي دنشوف

رجعت للبيت طيارة دورت موبايلي لكيته بالمطبخ فتحته اكثر من 3 مكالمات رقم غريب اخر شي كاتب ردي انا سراج رجعت اتصلت

بسرعة رد بعصبية

سراج:-هااا وينج اتصل وماكو

_ببيت عمك والموبايل نسيتة بالبيت

جر نفس بتعب

سراج:-لتضلين فاهية يرحم موتاج والله ماضل بيه حيل

حسيت الغصة صارت ببلعومي من نبرة صوته المتعوبة

_تعبناك سودة بوجهي

بسرعة رد حسبالة فهمته غلط

سراج:- لا يابه تعبكم راحة اهم شي انتو بخير طز بيه انا

مسحت دمعتي الي نزلت

_شلونه شامل هسه ومنو هذا الي ضربه؟

سراج:- شامل زين بس نايم اما هذا الي ضربه النقيب زكي ورغم تعاركت ويا وويه حتى نوفل بس نوفل گالي بعدين افهمك خلاني مثل الاطرش بالزفة

صفنت افكر

_ ياا تتوقع السالفة بيها تحقيق؟

سكت شوي وبعدين رد

سراج:- تحقيق بخصوص شنو

_تذكر من شامل كام يخربط على سالفة همام

سراج:- اي اتذكر بس هاي شعليها بهاي

_ لك شبيك انت گال ماراح تمر السالفة على خير يمكن جاي يحقق

سراج:- هاا والله مادري شو صايرة تعرفين تفكرين ولج

رديت بغرور

_اعجبك عيني

سراج:- دولي يالله خل اروح وخلي جهازج يمج من اتصل ردي وهم اذا حتاجيتي شي اتصلي بيه ولتظلين بالبيت وحدج روحي البيت عمج

_صار ان شاءالله

سديت الجهاز بعد ما اطمئنيت

طفطفت الاضوية الي مشتغلة من اليل وطبگت البوب وقفلتها ورجعت طلعت لبيتهم كان واگف بالباب تخطيته

ردت ادخل للبيت بس اجاني صوته يحرك الكرسي وراي

بتردد ونبرة حيرة

عبد القادر:- رونق

نداريت بس ماخليت عيني بعينه

_ هاا

رد بحب

عبدالقادر:- يبعد الها واهلها

دنگت راسي گلبي يمردني والحيرة تارسه گلبي وعقلي حجيت احاول اغير السالفة

_تريد شي لو ادخل

اخذ حسرة وردف

عبد القادر:- ي اريدج

رديت بسرعة

_لتصير ادب سز

ابتسم وسرعان ماتلاشت ابتسامته

عبدالقادر:-ممكن نحچي شوي؟

باوعتله كانت الحيرة واضحة على ملامحة هزيت راسي بقله حيله

_ تمام

عبد القادر:- امشي خل نروح للحديقة شي عادي مو؟

حرت شجاوب بس سرعان مارديت

_عادي بس يصير اكول لسراج بالاول

هز راسة ببتسامة

عبد القادر:- المو عادي يصير عادي الخاطر عيونچ

بهت وجهي اكثر وكلبي صار يرعد طلعت الموبايل واتصلت بسراج وبلغته رغم انه حسيت ضايج بس بالنهاية وبالشرع يعتبر زوجي عشتوو لاحرام ولاعيب اطلع ويا صحيت من تفكيري على كلامة

عبد القادر:-يالله نروح

هزيت راسي ومشيت لزمت احد اطراف الكرسي وطلعنا هو يمشي نفسة وانا امشي بسده ماكو مدة قليله وصلنا لحديقة او متنزة

دفع تذكرة الدخول ودخلنا كان حافظ المكان اشترى ثنين عصير و ضلينة نمشي الى ان وصلنا لمكان معزول واكو كان اماكن للجلوس اشر الي

عبد القادر:- كعدي

كعدت وهو ماقبيلي بكرسية

باوعت كان متردد يتكلم ويلعب بكوب العصير

فجأة نطق وهو مستمر يحرك اصبعة على الكوب بحركات عشوائية

عبدالقادر:- شگلتي؟ ليش سكتي برري حتى لو كذبي انطي عذر

بس لاتسكتين

تجمعن الدموع بعيني صعبة واحيرة شسوي

حجيت بغصة وانا مو مقتنعة بكلامي

_ قدوري اني. مااريد اتزوج هسه اتمنى تتفهمني اريد اكمل دراستي أمن على سراج وشامل ماعوفهم هسه

عبد القادر:- مستعد انتظرج العمر كلة اذا كان هذا السبب

غمضت عيني شگول اله ماگدر اظلم نفسي ولا اظلمة انا الدنيا لعبت بيه طوبة احتاج من استند علي مو انا الي اسندة اخذت نفس ورديت

_ مو بس هيج اتمنى تفهمني انا ماعندي مشاعر الك اعتبرك ابن عم واخ ياريت تفهمني ولاتفكر رفضي هو سبب حالتك لا

اشر الي بعلامة اسكتي

عبد القادر:- هاي هي وصل جوابچ كومي خل نرجع

رديت بتوسل وقهر

_قدوري بس خل اكمل

عبد القادر:- امشي يالله هاي هي حقج يابه تحتاجين رجال طول بعرض يقوم بواجباتج تتباهين بي مو انا الي حتى عن نفسي مااگدر ادافع

مشى بالكرسي گدامي وهو يستعجلني سالت دموعي كسرة وقهر على حالته يرجف ووجهه احمر دم بس شبيدي ما اگدر احبه ماگدر المشاعر مو اجبار

.

.

.

واكف يعدل بملابسة مو همه الي صار كله والي متمدد داخل الغرفة بسبب تسرعة وحكمة وعدم تصديقة بكل بشر موجود على هاي الارض يضن ان الجميع كاذب منافق خاين وغدار

باوع اله بنضرة اسف

نوفل:- هو هيچ گالوها يازكي؟؟؟ حتى انا خليتني اشيل ذنب وضنيت بي ضن الاگشر

ساكت ويباوع اله يستمع لكلامة

راد يجاوبة بس دخل هذاك الشاب يتمشى

زكي:- ها اها اجى سطام

رتفع نضر نوفل الى ذاك الشاب الي يمشي باتجاهم طول وعرض اناقة اشبه برجل اجنبي النضارات الطبية والمشية كانه طافر من أحد المسلسلات

نزع نضارته وتقدم الهم صافح نوفل ببتسامة

سطام:- كيف حالك استاذ نوفل

نوفل:- حياك الله حبيبي

ابتسم

سطام:- الله محيي اصلك.. سمعت بيك هواي بس مالتقينا ولا مرة

نوفل:- حبيبي فدوة الك الي الشرف والله

نط زكي طفرانه روحه

زكي:- خلصتوا رسميات ومجاملات لو بعد

باوع اله سطام بنظرة عدم رضا

سطام:- هم الك عين وتحجي؟

هز ايدة بستهزاء

زكي:- خب دطير شو شايف نفسك ولك

رفع حاجبة وباوع اله

سطام:- ها هيج صارت؟

تسعت عيونه وزمخ بي

زكي:- نچب لك وعدل عيونك لو افگسهن

تنهد بملل وردف بتسأول

سطام:- خير ان شاء الله الولد شلونه

كتف ايدة ويحجي ويباوع لزكي بنضرات الملامة

نوفل:- جوى ناطينه ابر مهدئة وسراج يمه

سطام:- على التحاليل شطلع بي

تكلم بستهزاء

زكي:- حامل شطلع يعني مخبل

عقد حاجبة مستغرب عصبيته

سطام:- شبيك؟؟ هدي شوي

زكي:- انا كل مرة اگول مادخل وياك بشغل بس حضي اكشر

حرك ياخته بغرور

سطام:- اعترف انك ماتگدر بدوني

نفتح لباب وطلع سراج عاقد حاجبة وضايج من تصرف زكي

تقدم اله وبدون اي خوف يخوزر بيه رفع ايدة يأشر

سراج:- الي سويته شنو معنا؟

لزم ايدة ونزلها بهدوء

زكي:- عيونك نزلهن واحجي بحترام لو اشوفك الامهات شتجيب

سراج:- عزيزي انا ماجاي اطلع بطولات انا جاي اسالك باحترام شنو معنى الي سويته ببيتي وتمد ايدك على اخوي شنو تايهن الك

هز ايدة باستهزاء

زكي:- عاد هو شلون اخ

سحبة سطام من ايدة وطلع بي وخلى نوفل وسراج بوحدهم

سراج:- فهمني شجاي يصيرر ومنو هذااا

طبطب على كتفة يحاول يهدي

نوفل:- حقك شتگول حقك بس انطيني مجال وانا اكول الك كلشي ممكن؟؟

غمض عينه يحاول يهدء نفسه

سراج:- دا شوف تاليها بس ترا اي تصرف ثاني لو مو رتبته لو يجي جدة الزمة وادگة دكة ازوعه عافيته

بتسم نوفل وهو يشوف نسخة همام

نوفل:- هاي هي يجرالك بس عوفه

هز راسه ورجع دخل جوى يم شامل

حديقة المستشفى سطام وزكي گاعدين بالاستراحى وسطام يعاتب بي

سطام:- شهل تصرف زكي كل عقلك

سحب الجكارة وهو يهز برجلة عرف بنفسه غلط بس مايقبل يعترف

زكي:- شسويله يعني عبالي دا يمثل

سطام:- بربك زكي اهدء ولاتتهور هل مرة صارت لاترجع وتفشلنا وياهم احنا هنا نساعدهم مو نزيد الطين بله

زكي:- ي عاد لتلح

سطام:- متصير الك چارة بعدين تعال كلي شبيها امك

زكي:- امي شگتني وصلتين بسالفة الزواج

سطام:- والى متى تضل هيج

زكي:- ولك النسوان مالهن امان صعب ولك والله صعب شلون اثق شلون اختار ولك على الي جاي اشوفة واسمعة شيب راسي لك هاي الي لاعبه شاطي باطي من ورى ظهر اهلها وحابتلها خمسة وحد تقط بي وحد مظهر وهذاك بديل تلكاها بال درزن جو اباطها وصار هل شي عادي عدهم يفتخرن بي هاي كاررثة والي خلق محمد كارثة!!! ولك شلون أمن واخلي بيتي مرة واطلع بس فهمني

سطام:- هو حجيك صحيك والله بس فرضاً تزوجت واجتك بنيه شراح تسوي

باوع اله بنظرة ويفكر بعدها حجة

زكي:- اذا جتني بنيه غير اول شي اسوي ماخلي بيدها موبايل

لان هو سبب فساد الامة لك ذاك لسبوع دخلتلي وحدة تگلي شنو نازل من الجنة هنيال مرتك بيك ولك يمصخم نگلبت السالفة صارت البنية هي تصجم الولد

هتزت كتاف سطام وهو يضحك على شكل صاحبة الي مصدوم ويحجي وهو مفرفح

سطام:- لك شجاك هسه ونفتكت متگلي شبيك اخذ سارة بت خالتك

زكي:- هي هاي العايزة نوب شفرقها عنهن نوب مطلكة الها اربع رجولة عبالك عدها نعال الي مايعجبها تذبه

سطام:- ماگول غير الله يعين الي تبتلي بيك

زكي:- عساها لابتلت عوفوني هيج ادري متعاجزين مني شو هي حتى ملابسي انا اغسلهن

سطام:- هاي هيه خوية براحتك

زكي:- امك شلونها؟

جر حسرة وگال

سطام:- ولك خبلتني يوميه حلمانة شكل صحتها تدهورت ونفسيتها حيل مو زينه صارت تكره النوم تدري مشيت بالاوراق وجوازات هل كم يوم اخذها للعمرة اكول بلكي الله تتحسن

ضرب على رجل سطام بتأييد

زكي:- احسن شي تسوي تاخذها للعمرة

سطام:- ي والله بلكي ترتاح مدري منين طلعتلي بسالفة المرحومة اسراء

زكي:- تدري يكولون گلب الوالدة مايجذب يمكن صدك تطلع عايشة ودا تمر بضروف

فز وتكلم بقهر

سطام:- شلون عايشة بس فهمني مو ابوي بيدة لگى ملابسها ومات بحسرته عليها ولالحكت اتهنى بي ولاشبع منه ترا كلامك يوجع كلبي زكي شنو فلم لو مسلسل هي تطلع عايشة

زكي:- لعد شتفسر الي جاي يصير ويه امك؟؟؟

سطام:- مادري مادررري راح اتخبل

زكي:- زين هي ماتگول الك شنو تحلم

دنگ راسه بقهر ورجع باوع لزكي

سطام:- امبلى تگول اشوف بنيه مقيدة بقيود ومربوطة وملثمة لاثام اسود تبجي وتصرخ فكيي قيدي ساعديني تكللها منو انت ترد عليها انا اسراء بنتج

حجى هل كلام وصارت الغصة ببلعومة سكت

زكي:- غريبة والله ولك ماشفت مفسر احلام صخام بعينكم

سطام:-تدري بيه انا ماعندي مجال لهل سوالف

زكي:-ولا انا شو بالله خل اخابرلك زكريا بلكي يعرف احد

سطام:- هسه يگضيها علينا تصنيف

ضحك بخفة واتصل فتح مايك شوي واجى صوت زكريا

زكريا:-ها اليوم ذاكرني منك من الشيطان

زكي:- عوفنا من سوالفك الجايفة وتعال كلي ماتعرف شيخ

لسه ماكمل صرخ زكريا

زكريا:- شلك بالشيخخخ ولك تريد تزوج بالسرر مو اعرفك كلب تسويها زين كلي حلوة لا عدها خوات بربك اخوك طايح حضه

زكي:- چلب الي يچلبك ان شاء الله ولك انطي مجال اخذ نفس ستلكت صفحتك

زكريا:- ياالله اعتررف سولف احجي انطق لو اكول للحجية تعرف شسوي بيك يالله

سطام:- تريد تزوج على اختي ايا حقير ياخاين

زكريا:- هذا ياهو منو انت ولك لاتتبلى عليه انا رجال احب مريتي اخاف الله تريد تهجم بيتي

سطام:-صدگتك عود

زكي:-تخلونا نسولف لو شلون؟

زكريا:- سولف خل نفتهم

زكي:- اريد شيخ او مفسر احلام

زكريا:- اكيد شايف حلم واحد يگلك توب الى الله واكمل نصف دينك

زكي:- ياطلابة الزواج الي ماراح تفض

زكريا:- لعد شكو ولك

زكي:- اريد من يفسر احلام ام مرتك يافهيم

زكريا:- يمعود ترا متسوى والله انتم مكبرين السالفة

سطام:- شلون بالله

زكريا:-معناها امك شتاگت للحجي وبدت بسكرات لموت

سطام:- اسسسسم الله الحافظ طاح حظك ولك بيش طالبني

زكريا:-هسه شحجينا

سطام:- زكي سدة انا كتلك هذا ماتتخذ منه لا حگ ولاباطل

زكريا:-لابشرفكم لحضه انا اعرف واحد والله

زكي:- ييي دگول هيج من الاول ولاتشلع گلبنا نشفت ريكنا الله ينشف ريگك

زكريا:- هو انتم مالت شقى غثيثييين

زكي :- عندك رقمة لا؟

رد بنتر وغضب

سطام:- ابوية بگبرة عدك رقمة اريد اتصل بي واسلم علي

زكريا:- هاا الله يرحمه بس خاف نايم هسه خطية

سطام:- يبووووي اشكد ثوبي

زكريا:-لا ولك عيب شيكولون علينا الناس اخو مرتي مخبل

وهو يهتز من الضحك

زكي:-زكريا بغلاة وطن دزلي الرقم

زكريا:- هسه يوصلك بضرف

سطام:- خاف يتاخر دزة بحمامة أحسن

زكريا:-لموله ضحكات خطية امداك حتى ماتعرف تصنف

سطام:- اجي لو ما اجي والله الا اطيح حضك

زكي:-هسه دز الرقم يمعود

زكريا:- ديالله هسه ادزة عندك نت لو لا

زكي:- ي مشترك على الخط فضها

سد الخط منه بعد معاناة وطولة بال شوي ووصلهم الرقم بدون لا يطول مباشرتاً زكي ضغط اتصال شوي واجا صوت مراة

همس لسطام

زكي:- هاي مرة يربك شني هاي لا خوش شيخ والله

بمياعة

_الو منو وياي

زكي:-خوية هذا رقم الشيخ (**)

_العفو منك عزيزي غلطان بالرقم

بفشلة

زكي:- اعتذر خوية

سد الخط وهو صار احمر عندة هاي لحالة عزرايين عندة ارحم من النسوان

رجعت وصلته رسالة من زكريا كاتب بيها ترا خربطت بالرقم كتبت 8 ال 7 هذا هو رقمة

كتبلة زكي رزاله ودزها

سطام:- رقم مادبرها الله يعين اختي ووطن عليه

رجع اتصل بالرقم الجديد وشمرة على سطام

زكي:-هاك لا هل مرة تطلعلي ملايين الرقاصة

كتم ضحكته من سمع صوت رجال

_نعم منو؟

سطام:- شلونك شيخنا الفاضل

_ياهلا ومرحبا ابني الحمدلله تفضل؟

سطام:- شيخ انا ناس خيرين دلوني عليك كالولي تفسر احلام

_ يي وليدي وصلت خير ان شاءالله كول حلمك

سطام:- شيخ انا والدتي نفقدت الها بنت والكل تاكد انها ميته رغم ان احنا ماشفنا جثماانها

_ لاحول ولاقوة الا بالله يي ابني كمل

سطام:- المهم ياشيخنا مرت السنين وصار على السالفة اكثر من22سنه ونكدر نگول تناسينا لكن قبل سنتين امي بدت تشوف احلام غريبة واكو من بيناتها حلم يتكرر

_ خير يارب سولفلي وليدي شتشوف

سطام:-تگول اشوف بنيه مقيدة بقيود ومربوطة وملثمة لاثام اسود تبجي وتصرخ فكيي قيدي ساعديني تكللها منو انت ترد عليها انا اسراء بنتج وراها تفز تلكي الفجر جاي يؤذن الحلم شنو تفسيره يرحم امواتك لان الوالدة حالتها النفسية تعبت

سكت الشيخ شوي وبعدها نطق

_والله ياابني مااريد أخليكم بامل بس حسب الي فهمته هاي رؤيا مو حلم اكو فرق بين الاثنين أن الحلم من الشيطان، والرؤيا من الله تعالى، والرؤيا لا يراها إلا المتدينون والصالحون، وتحدث في أوقات مباركة. أما مفسرو اليوم فلا يفرقون بين حلم ورؤيا، حيث يؤولون كل ما يردهم، ولم أسمع أحدهم يقول عن حلم إنه من أضغاث الأحلام، أو إنه لا تفسير له

سطام:- يعني شنو شيخنا والله گلبي نمرد

جر نفس وگال

_العلم عند الله يابني البنية ما ميته البنية بعدها بالحياة وجاي تمر بضروف صعبة

اتسعت عيون زكي وسطام لطم على راسه

بالكوة كدر ينطق

سطام:- مشكور شخينا مشكور رحم الله ووالديك

رجفت ايدة گوى گدر يسد الجهاز

تكلم بنبرة تسائل وحيرة

زكي:- هسه شنوو؟

اجاب بثبات رغم ارتجافة

سطام:- ادورها

.

.

.

أشعر بالثقل في جسدي كأنني أحمل العالم على كتفي

أشعر بالتعب في عيني كأنني لم أنم منذ سنين

التعب يأتي مثل الرياح الباردة يأخذني إلى أرض بعيدة

أشعر بالتعب في روحي وجسدي في قلبي وعقلي كل شيء فيني متعب رغم كل ذالك امل ان يكون هنالك صباح، ويأتي النور من بعد العتمة لكِ يأخذ التعب معه، كلما افكر هكذا

أشعر بالاسترخاء في جسدي كأنني ولدت من جديد نعم انه الامل

ينغرس فينا فلولا الامل لكنا حطام وبقاية رماد نتناثر في السماء حتى نسقط او نلتسق باشياء اخرى ونضل عالقين بقية حياتنا

صرت البس ملابس عريضة خوف على حملي ولاكانه بالحلال عبالك استغفرالله ربي مسويه المنكر مر على حملي شهرين لكن احس ببطني كبيرة شوي لذالك بديت اغطيها والبس عريض حتى لااخسره للمرة الثالثة!!!

فزيت من صفنتي على صرخة ضرار نزلت اركض اريد اشوف شكو شنو الي جاي يصير لكيته واكف بنص الصالة يضرب على راسه

ميسون:-ولك يمه شكو شصاير احجي

ضرار:- خسرنا يايمة خسرنا نص حلالنا راحن المحلاااات حترركن وابوي طاح ونقلو للمستشفى وج يمه راح تعب السنين

الكل صار يصرخ ويبجي الا انا عادي واذا يعني هي فلوس وراحت بس معقولة هاي حوبتي!!؟ لو مجرد صدف لو هذا غصب رب العالمين على افعالهم

للحضه استوقفني كلام ضرار ابوي نقلو للمستشفى؟!

اذا صار بي شي شحالي انا رغم كل الي سواه بيه يبقى هو الي حاميني منهم زين وحملي الي محد يعرف بي

فجأة شلون وشوكت مادري لكيت نفسي ساحبة عباتي والنقاب وطايرة ورى ضرار ركبت ويا رغم باسمة نترت بيه

باسمة:- وين جايه والمن محد فكرنا غيرج

غلست عنها وكاني مااسمع وبداخلي هوسه حيل هوسه شوكت وصلنا المستشفى مادري حتى الطريق ماحسيت بي شفتهم نزلوا وطرت وراهم كانو الولد كلهم ملتمين هنا وعلي الوحيد الي مبين يبجي على ابو اما الباقين الي قاهرهم هو الفلوس

وهنا راح يبين الي يحب الاب من الي يحب الفلوس والمادة تقدمت وگعدت يم علي وتكلمت بخوف

_لتبجي ان شاء الله مبي شي

نطق كلامة الي خلاني ازيد من خوفي وقلقي

علي:-ولج شلون ماخاف شلوون واحنا شلنا من الكاع قطعة زرگة

بقيت اردد ايات لا ارادياً لساني يردد ربي لا تأذي ربي كومة مو الخاطر بشر الخاطر الي ببطني ماريدة يتيتم

وسط دعائي نفتح الباب وطلع الدكتور الكل تجمهر حولة مثل لنمل

ضرار:-طمنا دكتور

طبطب الدكتور على كتف ضرار يمكن يعرفون بعض

الدكتور:- مع الاسف الوالد تعرض الى جلطة ادت الى اصابته بشلل نصفي..