رواية سر خلف النقاب الفصل الحادي والعشرين 21 بقلم هدوء آل محمد

اما سطام واكف ومتصنم عرفها!؟ يعني هي؟ الي فززته صرخه زكي

زكي:-ولك شبيييك صنيييت مثل المطييييي دمشي شغل الخ***

راح يركض بس عقلة بعدة واكف عند ذيج اللحظة تسنيم؟!!

على صوت صراخهم لتمو الشيخ وابو زكريا

الشيخ عگاب:- ولكم شبييي الولد شيلوا

تعاونو زكي وزكريا وشالوا للسيارة وهو تحول لونه الى الازرق وشفايفة بيض

مخلي راسه بحضنه ويضرب بي

زكي:- ولك شبييك يدينك شبييك سطااااام دوووووس شبيييك راح ييموت

سطام يسوق وهو يرجف مشاعر متلخبطة ويفكر يعني شنو شصار معقولة بهل سهولة تطلع اخته!!!

وصلو للمستشفى وراهم سيارة زكريا والشيخ عگاب وابو زكريا وياهم

تناقلوا الدكاترة واخذوا للطوارى والشيخ عكاب يصرخ بيهم

عگاب:- وحگ من خلق قالع باب خيبر اذا صار للولد شي احرك المستشفى على روسكم

الكل نخبص بيه ودخل مدير المستشفى يحاول يهدء الشيخ عگاب الي اله اسمة وهيبته والمستشفى نصها باسمة!!

المدير:- بس اهدئوا احنا نتصرف شيخ عكاب هدي شوي وتفضل

أنا كنت أبحث عنك في كل مكان

لكنك كنت مجرد ذكرى في ذاكرتي

أنا كنت أحلم برؤيتك مرة أخرى

لكن الحلم كان يبدو بعيداً عن الواقع

لكن اليوم، بعد سنوات من الفقد

وجدتك أخيراً، وما هي الا خطوات واراك أمامي

أنتِ التي كانت امي تحلم برؤيتك

أنتِ التي كنت أبحث عنك في كل مكان

أنتِ التي كنت أحس بفقدك

أنتِ التي كنت أحس بذنب اتجاهك

معقولة بعد سنين هاي ترجع معقولة بنفس الفجرية استجاب ربي اله وراح يلگاها من بعد مدة من الصدمة نطق وهو واكف امام زكي

بصدمة وذهول وعيون تلمع بلل شفايفة

سطام:- يعرفهااا طلع يعرفهاا

هز راسه زكي وهو يتذكر والحيرة تارسة عقلة

زكي:- شلون سطام شلون!!

سطام:-مادرري هذا الي اريد اعرفه معقولة مرت علي بوحدة من قضايا معقولة واگعة بشدة لو مسجونة راااح اتخبل زكييي

بهل اثناء صارت الدكاترة تطلع وتركض

صرخ سطام

سطام:- شكوووووو شبيكم

جاوبت الممرضة وهي تركض

_ المريض توقف قلبة يحتاج صدمات كهربائية

ركض سطام يريد يدخل للغرفة وهو يصرخ

سطام:- لاااااا نوفل لاااااا لتموووت دخيييلك لا تمووووت

لزمو زكي وزكريا وهو بين ايديهم مفرفح يريد يدخل للغرفة

وهو مقيد ايدي

زكريا:- لك بسسس انطيي مجال شبيييك

شهگ شهگة من نص كلبه

سطام:-لا يموت فدوة لاتخلوه يموووت

حضنه زكي يحاول يهدي وهو حاله اخس من حال سطام

اذا صار بي شي شيكول لوالدة!!! وهو كان سالم مابي كل شي

زكي:- اهدء سطام اهدء نوفل قوي ميموت

في داخل غرفة الدكاترة ملتمين علي

والدكتور يحرك بجهاز الصدمات وحد بالثاني

واحد من الدكاترة الثانين شگ القميص الي على نوفل وهو متمدد

منتهي وكلبة متوقف!! خلى الجهاز وصار جسدة يرتفع وينزل وي رجاات الصدمات الكهربائي اول مرة والثانية والثالثة ماكو استجابة

بحزن

الدكتور الاول :- ميت هاي هي

جاوب باصرار

الدكتور الثاني:- مستحيل مستحيل

رجع يضغط على صدرة الي يختض من الرجات مرة ومرتين بالثالثة

استعاد القلب نبضاته

بعد ان كان في يد الموت

اعادة رجات الكهربائيّة له الحياة،

ولكن بروح مكسورة ومحطمة

ها قد عاد إلى الدنيا، ولكن بقلب محطم وممزق

بروح ممزقة وبدموع لا تنتهي عاد بآلام لا تهدأ

عاد الى الحياة باحلام لم تكتمل ولا تتحقق

نعم انه عاد إلى الحياة، بقلب مكسور ومحطم من اجل ذالك السر .

ابتسم الدكتور برضى وخلو تحت الجهزة وبدأ الدكتور يفحص بي لكن سرعان ما تلاشت ابتسامته

استمر بالفحوصات حتى تاكد! ان المريض دخل بغيبوبة بسبب السكر

خابت امالة وطلع للي ينتظرون منه الخبر ابتسم من شافهم اجتمعوا وسطام مستند على زكي الي روحة رايحة

الشيخ عكاب:- بشرنا ابني

الدكتور:- الحمدلله عايش

الكل بتسم وستبشرت ملامحهم

اكمل كلامة

الدكتور:- بس المريض دخل غيبوبة مامعلوم مدتها شگد

..

..

يحجون بس لاكدر افتح ولا انطق شوي وحسيت بشي صار على خشمي فتحت عيني وسط الالم الي محاوطني ومثل الطلقة نضربت بوسط ظهري صرخت من وجعي

_وووووينك همااااااااام

على اثر صرختي سمعت صوت صرخة طفل رجت ارجاء المكان

والالم يزيد ماينقص

ألم الولادة، ألم يخترق الروح

ألم يبدأ من البداية، ولا ينتهي

ألم يرافق الحياة، ويرافق الموت

ألم يخلف وراءه دموعاً وآلاماً

لكن شعور بالفرح وانا اسمع صرخات صرت ام!!

فرحة امومة، فرح الشجاعة

دموعك تتناثر على وجهي

ألم يخترق جسمي وروحي اشبه بالموت دخيلك ياربي شنو هذا

دخلت الجدة وانا الرجفة بعدها مچلبة بيه وهدوي ناكعة ماي

ماكو شي يوصف كمية الخذلان لا اهل لاسند البنت بهيج لحظات تحتاج امها الا انا بين الغربة

شي يكطع بيه من الالم ولا كاني ولدت

القابلة:- يمة انت حامل بتؤم!!

صدمة شنو توم ردت انطق بس الالم زداد والحيل تعب كلش

صرخت صرخة من كل گلبي وانا الشهگة بصدري والدموع تجري

_ حسبييييي الله ونعمممم الوكيييل دخييييلك يالله

ماهي الا دقائق واجى الطفل الثاني بس ليش ماصرخ؟!

نطقت بتعب

_ ظناي نطوني ظناي لاتكتلوهم

باوعت للقابلة الطفل گالبته وتضرب بي على ظهرة ومؤخرته بس مايصرخ!! من بعد عدة محاولات باوعتلي بحزن

القابلة:-الله يعوضج يمه الولد ميت

هي كالت هيج لو الحيل كمت وصرخت بيها واخذت الطفل من ايدها

_ چذااااابة انت دازيييج حتتتتى تموووتي ييي انت موووتي انتتِ

تقدمت الي خالة مهيمن وهي شايلة بيدها الطفل الثاني لافته ويصرخ حجت بدموع

حسنية:- البركة ببنتج ييمة الله يصبرج

باوعت على الولد مثل الملاك مغمض عيونة ويم خدة نفس الوحمة الي بوجهي!!

شهكت انا نهزمت حتى تعيشون ييمه حتى محد ياخذكم مني

تالي الگاك ميت فتح عيونك كوم اسند امك الي بلا سند گوووم ييمه گوم

حضنته وخليت راسي بنحرة اشهگ من كل روحي اخخ يدنيا اخ

_ روح يايمة روح يم خالك همام روح هسه يفرح بيك

البنت مستمرة تصرخ بيد مرتجفة مديتها لحسنية

الي ناوشتها الي كانت تصرخ وترجف صار كلو واحد منهم بايد غمضت عيني بقلة حيلة ماعاد بالروح صبر ياربي ماعد بيه حيل

اللهي فرجك قرريب وقصادك لايخيب فرج همي وانى مغمضة سحبو مني الولد ردت افتح اودعة ماگدرت كلبي ما نطاني شددت قبضتي اىى بنتي الي تصرخ وكانها تودع اخوها

_ راح اخيج مثل مارح اخيي يايمة ابجي يابنتي ابچي تراه الخو عزيز

فجأة سكتت فتحت مرعوبة حسبالي صاير بيها شي تالي طلعت الفوطة صايرة بحلكها وتسحب بيها جوعانة مفتحة وتحرك بشفايفة الصغار

حسنية:- رضعيها يمه جوعانة خطية

هزيت راسي باوعت على الشال حالي ملابسي ناگعة ماي

حجيت بصوت مببحوح

_ممكن ابدل

حسنية:- يي يمه سودة عليه نسيت والله

اخذت الطفلة ونطتها للبنيه سندوني هي والقابلة وطلعوني للحمام غسلت وبدلت والقابلة تباوع الاثار الي بجسمي وتتحسب

يي الاثار ماتروح غميجة حيل خصوصا رجلي وحتى وجهي بي اثارر

انا ضحية الي صرت للكل لهلي ولعيالي

انا الخاسرة الوحيدة

لبست ملابس نديفة حسيت بدفو رغم كلشي رجعوني كانو مغيرين الفراش ومخلين صوبة كهربائية والطفلة بحضن دلال الي مدمعة وتباوع الها كلبي حسني انها محرومة من الضنى

كعدت على الفراش ولفيت نفسي بالبطانية مديت ايدي

نطتني اياها والطفلة مفتحة عيونها

حجت وهي تمسح بدموعها

دلال:- شنو راح تسميها

باوعت الها بحيرة وحزن

_ مادري

حجت بحزن وحماس

دلال:- يصير اسميها؟؟

بتسمت وهزيت راسي

_يي عادي

دلال:- سميها فجر لان ولادتها صارت الفجر

باوعت للطفلة وابتسمت

_ هاي هي فجر ولا يهمج

كملت بحزن

دلال:- والي توفى سميته غيث لان لازم يتسمى قبل لايندفن

هلت دموعي وهزيت راسي

رضعت فجر الي بس تباوع الي شعور حلو رغم كل شي يايمة ياروح امج انتِ

تباوع النا مبتسمة

دلال:- انا مايصير عندي اطفال رحمي طفولي

مادري شجاوبها ضليت ساكته وهي كملت

دلال:- عرس رجلي الاسبوع الجاي

رفعت نضري الها

_ هم راح تأذين ضرتج نفس مااذوني

عقدت حاجبها بستغراب

دلال:- لا يمه انا بس كتلها اريد اربي جهال وياج من تخلفين اصلا انا فرحانة عيد يحب الجهال وانا ماكدرت احقق اله هل امنية

حسيت ايدي كامت توجعني وهي اجت اخذت فجر مني تناغيلها

بقيت اباوع الهم مادري شلون غفت عيني

.

.

.

الحياة تمشي وتمر ايامنا وانا الان احضر للمرحلة الاولى في كلية الصيدلة ييي صيدلة درست وتعبت وطلعت المعدل الي يأهلني لدخول كلية الصيدلة

لابسة وجاهزة والفرحة بداخلي مر طيفة ببالي لا اراديا ابتسمت

وتذكرت الموقف

بيومها كان نوفل وزكي وسراج وياهم ولد واگفين وكان عندي طلعة للسوك ويه خالة ثريا طلعت وانا مدنگة امشي مادري شلون عثرت ونجبحت على وجهي من الفشلة سويت نفسي متخربطة

اجى سراج يطبطب على وجهي بخوف

سراج:- ولج رونق شبيج روونق

دخل نوفل جاب مي ورشه بوجهي فتحت وشهكت من فتحت صارت عيني على الولد الي يباوعلي وكاتم ضحكته يا شكد عيب يربي

بس لا عرفني جاي امثل طلع برى وانا كمت

يعدل بشالي ويحجي

سراج:- شجاج ولج خاف صار عندج هبوط

باوعت اله

_ ها لا مابيه شي دوخة يالله راح اروح

سراج:- مو توي ردتي تموتين

_ طبت طبت

طلعت امشي على السريع وهو يصيح وراي

لكيته واكف يضحك من شافني باوع بتجاه بيتنا وگال بضحكة

سطام:- اول مرة اشوف متخربط يرمش؟

من الفشلة دمعت وكملت طريثي عثرت نوب ردت انجبح واسمع صوت ضحكته العالية الي تخلخلت الى داخل گلبي

وانا اسب بنفسي

رجعت من تفكيري على صوت سراج يستعجلني

طلعت وياه ورحنا للسوك بديت بتجهيز ماخلى شي بنفسي رغم ماردت اشتري هواي بس هو كلما يشوف شي يشتري يكلي اكشخي دام راسي يشم الهوى يخليني اتمنى احضنة واجعصة بالشارع

كملت ورجعت للبيت

شمرت الغراض ورحت لبيت عمي اشوف تقى لصبح طلعوها من المستشفى خطية بعد مافصخوا الخطوبة البارحة تخبلت

دخلت كانت حاضنة امها وتشهگ من شافتني كبل صرخت بيه

تقى:-امششششي طلعييي براااا كله من وراااكم امششششي

جفلت ونصدمت

_شبيج تقى انا شعليه

تقى:- امششششي طلعييييي اكررررهكم امششششي الله ينتقم منكم دددمرتو حيييياتي

نهضمت وطلعت لكيت بوجهي اخوها قدوري من حركت گلبي كبل حجيت

_ ياريت تستعجل وتصير مثل نوفل فك العقد وخل كل واحد بطريق

بتسم بحزن

عبد القادر:- ردتيها حجة بس ياالله مو مشكلة يجرالج يبنت عمي

انت طالق الما يريدنا بالطيب مانريدة غصب

حجاها وصد راح لغرفتة بهل سرعة!!!!

طلعت وانا امشي شبيهم نگلبوا فجاة!!!

شفت عمي كان توى راد يدخل جريت نفس

_شلونك عمو

تجاهلني ودخل!!!

يااا شبيهم ذول؟؟ بنفس اللحظة وكفت سيارة نزل منها قتيبة وويا بنية! لزم ايدها ابتسم بوجهي

قتيبة:- اعرفج زوجتي

من صدمتي بس هزيت راسي دخل وخلى الباب مفتوح كنت بعدني واكفة شفت عمي طلع ونصدم

يحيى:- هل ساقطة شجابها لبيتي

تكلم بشجاعة

قتيبة:- لا تغلط يابة هاي مرتي هسه

اتسعت عيون عمو على كلامة وصرخ

يحيى:- سويتها ياللنذل

على صوت صراخهم طلعت عمة والبنات

بقيت بمكاني واكفة مثل الصنم صدك لو كالوها المصايب ماتنطي محال كلهن تلتم سوى

ثريا:- شكووو شبيكم

صرخ وهو ياشر على قتيبة

يحيى:- تعاييي شوووفي ابنج المصووون تزززوج

لطمت على خدها

ثريا:-صخام لصخمني يايمة جبت بنت الحرام لبيتي

قتيبة:- يمى لتغلطين مرتي مو بنت حرام مرتي ضحية ومو اول ولا اخر واحد يحب وحدة من الملجئ

لطمت على وجها

ثريا:- ولك يمه شجاكم تخبلتووو وليداتي راحو من ايدي هذااك عاشك وحدة لا احساس ولاضمير وانت تحب بنت حرام واختك تطلكت شبيييكم شبي حضييي

تكلم بصراخ وتحذير وهو رافع ايدة

يحيى:- اسمعني زيين ياقتيبة اذا ماطلكتها راح اغضب عليك الى يوم الدين

قتيبة:- يااابة هاي حيااااتي اختااار الي اريييد ليششش معاديني

حجت البنت وهي دموعها تجري

غادة:- كافي قتيبة انا كتلك اهلك مايريدوني بس انت لحييت حيل

قتيبة:- اسكتي غادة انا مو طفل انا رجال والي اريدة اختارة ومحد اله كلمة عليه

يحيى:-لعد اسمع ياقتيبة اذا ماطلكتها اقسم بالله انا اطلك امك بالثلاث وانت اختار

الكل صرخ:- لااا ااا

ثريا:- هاي تاليتها يحيى؟؟ تخليني بمحل الخيار

يحيى:- القرار قرالك وهسسسه

حجت وهي تشهك

تقوى:- طلكهاا قتيبة طللكها لاتهجم بيتنا الله عليك

دنگ راسه حاير ونحنى ظهرة لان عمي خلا ببين اختيارين صعبات حيل

البنت فتهمت وسحبت ايدها منه وطلعت بهدوء

قتيبة:-لحضه غادة

ندارت وهي بيها بقاية امل بان يختارها بس ياحيف

باوع الها ودموعة نزلت

قتيبة:-انت طالق

شهگت وطلعت تركض وتمشي

يامسهلها عندك ياقتيبة تزوج وتطلق

والبنت وشهكتها وهي تمشي بالشارع وتركض

ماهي الا لحضات وسيارة مادري منين طلعت من اكول طارت البنت بالهواء ماكذب صدك طارت ونلطخت بالكاع صرخت صرخة من كل كلبي رغم اني مااعرفها

_غاااادة

صرت اركض بكل سرعتي اريد بس اوصل اسمع قتيبة يركض وراي

وصلت بس بعد ايش كانت غركانة بدمها كعدت بالكاع اضرب على وجهه ودموعي تجرري

_ لا ولج گووومي لتستسلميين لتمووتين

ندفعت عنها وقتيبة حضنها يشهك

قتيبة:-لا غااادة لاااا لتعوووفيني

الدم ينزل من كل مكان والسايق الي دعمها وكف مصدوم وايدة على راسه لحضات وسمت من عدها صوت شخطة ورها نزلت ايديها

صرخ قتيبة

قتيبة:-لاااااااا غااااااااادة

بعد ايش انتهت وراحت ماتت وهي مكسورة خاطر

وانتهت قصة حب بخذلان كبير ماتحملت الخيبة الي تعرضت الها

ماتت وخطاها بركبه عمي الي كسر كلب يتيمة

أحببته في الحياة، وأحبها الموت جاء بسرعة ، وفرقها عنه

كانت قصة حبهم متهورة، الكل وقف في وجههم واقواهم الموت الذي، دمر كل شيء

أيامهم معاً كانت أيام فرح وسعادة انتهت بكسر لايجبر لكن انتهت واصبح كل منهم في عالم اخر