رواية زين الصعيد الفصل الثالث عشر 13 بقلم هبة الله رأفت
رواية زين الصعيد الجزء الثالث عشر
رواية زين الصعيد البارت الثالث عشر
رواية زين الصعيد الحلقة الثالثة عشر
وصل رعد وليل تزامناً مع عمرو
عمروبللهفة لم يستطع إخفائها…: ليل!!!
نظر له رعد بشك من تصرفاته ثم قال….: امال فين المدام؟
عمرو ببرود…: في البيت لانها تعبانة
ليل بقلق ….: الف سلامة عليها مالها؟
عمرو…: عندها نزلة برد… وشكلي انا كمان اتعديت منها
رعد…: اتعديت ايه منت زي الجبل واقف اهو داحنا اللي مرضى!
ليل بمرح…: ايه يارعد انت بتحسده؟…. ع العموم قول ل لينة اني هاجي ازورها بكرة
عمرو بسرعة…: مينفعش بعد بكرة لان بكرة ورايا شغل كتير؟
رعد…: وهو انت هتقعد معاهم؟… وبعدين دي عزومة مركبية… ليل أصلا مش هتيجي وعندها مشوار… ويلا بقى عشان ليل ميفوتهاش اي حاجة ف الحنة
ليل وهي تنظر بحدة لرعد عندما ودعهما عمرو….: باين انه اتضايق وعلى فكرة انا فعلا كنت هاروح ازورها بكرة
رعد…: حسك عينك تروحي هناك بدل ماقطع رجلك انتي فاهمة؟
ليل….: لا مش فاهمة وهاروح
أتى حسن قال باستنكار….: انتوا بتتخانقوا في يوم زي دا؟… وبعدين تعالى يارعد الحق الحنة عشان ترقص مع الرقاصة
شهقت ليل ونظرت لرعد بصدمة
رعد باستنكار…: ايه يا خالي اللي بتقوله دا؟
حسن…: يبني اخلص يبني كل الرجالة راحو… صحيح فهد وزين مراحوش قال ايه عشان بيحبوا مراتتهم بس انا قلت ان الشباب يروحوا
ليل…: ونِعم!
أتى رجل ما وقال…: الرقاصة زين بيه مشاها
حسن…: يلا يارعد ملكش في الطيب نصيب…. بس تعالى بقى عشان ندخل جوه مع الرجالة… وانتي ياليل اطلعي فوق مع الحريم…
اقترب منها وقال…: واتكلمي مع مرات خالك وحنني قلبها عليا
ليل بدهشة…: هي ابلة غزل جت الصعيد!
اومأ بالإيجاب فهرولت للأعلى
حسن وهو يلكز رعد….: انت ياض غشيم؟…. متخطب البت بقى احسن وربي اجوزها لابن حسين صحبي
رعد بضيق…: ياخالي انا مفيش بيني وبينها حاجة
حسن…: ماشي يابن زين… خليك تكابر تكابر لحد ماتترزع على نفوخك… ويلا اخلص بقى وروح اقعد مع صحابك… هما عاملين قاعدة لوحدهم أصلا
__________________________
في اليوم التالي
__________________________
دخل قاسم لمكان عمله الجديد وجلس بمكتبه ليفتح أول ملف له في مكتب المحاماة وهو يرتدي نظارة
فوجد يد ممدودة باتجاهه لينظر لها باستغراب فقالت هي بابتسامة…: ليانا!!
قاسم بتعجب…: ليكي انتي ازاي يعني؟
ضحكت بقوة وهي تمسك يده وتسلم عليه رغماً عنه لتقول…: اسمي ليانا وبعدين انا نطقتها صح انت حرفتها ليه؟
قاسم…: اول مرة اسمع عن الاسم دا الصراحة… انتي مسيحية؟
ليانا….: لا… مسلمة بس ليا صحاب مسيحين عادي
قاسم ببرود وهو يعاود النظر للملف..: تمام
ليانا بتفكير…: اممم شكلك مغرور… وتسمحلي اقلك انا شايفاك ازاي؟
قاسم وهو ينظر لها بغلظة وهو يتوقع أن تصفه كما يصفه الآخرون وخصوصاً والده…: ميهمنيش تشوفنيي ازاي ، أنا شخص متقبل نفسه جداً ، لا حبك هيفرقلي ولا كرهك هيفرقلي ، وحتى رأيك فيا ملوش لازمة بالنسبالي
ليانا بمرح…: ياستار يارب…. دا ايه دا يا أستاذ… دانا مجرد زميلة وكنت بحاول أعمل جو ودي مش أكتر
زفر قاسم بهدوء وقال….: انا متآسف يا آنسة ليانا بس انا النهاردة مضغوط شوية
ليانا…: ولايهمك
قاسم….: انتي بتشتغلي هنا من أمتى؟
ليانا…: من سنتين ونص
قاسم….: والمدير عزت بيعاملك كويس على كدا
ليانا…: أستاذ عزت دا الأب الروحي لينا كلنا… بيدعمنا وبيقف دايما في صفنا وانت لما هتاخد ع المكان وتتعرف على أستاذ عزت أكتر هتحبه
قاسم…: تمام… انا هقوم أراجع معاه الملف
ليانا وهي تقلده…: تمام
ابتسم هو ثم خرج من المكتب
_______________
__________
فلاش باك #
سوزان….: عندي احتفالية وبدي تغني فيها
ليل بفرحة….: دا احلى خبر في حياتي بجد… انا بشكرك جدا والله… بس عاوزاني اغني ايه؟
سوزان…: هيدي كلمات الغنية
فتحت ليل الورقة وقرأتها
“ارجال الله ارجال الله
ارجال الله فاش جات النوبة
فاش جات النوبة
من عندو الساروت يحل الباب
و حنا زوار حنا زوار
حنا زوار طالبين التوبة
طلبو الله لينا يجمع الحباب
بعد الغيبة الطايلة و دموع العين سايلة
تصفى القلوب و الخبال يزول و ننساه
يمشي لزحام و الما يرجع نمجراه
اجمعنا يا ربي بالحباب ما قدرنا ننساهم
طال الفراق و طال الغياب و الشوق غلبنا
اصبرنا و ارضينا بالمكتاب ديما نترجاهم
يرجعو و يزول السحاب و تزول الغبنة
كان جميع أهلها متواجدين بالحفل حتى أنتهت من الغناء فضج المسرح كله بالتصفيق
إلى أن خرجت ونزلت لعائلتها بعدما انتهت وأثنت عليها سوزان وبعدها اتجهوا جميعهم لمطعم له ذكرى خاصة بهم
ظافر…: بصوا بما أننا كلنا متجمعين فانا بطلب منك يا عمي فهد إيد حورية
فهد باستنكار..: يخربيت اهاليكوا جيل مهبب ع الصبح….. هو انتوا بتسيبوا كل الأوقات اللي ببقى فيها في خلقتكم وتيجوا تطلبوا ايد البت دي وانا باكل!!!!!!
ضحك الكل وقال زين….: انت متغاظ عشان البت هتتجوز والكل هيعرف ان العضمة كبرت
فهد بمرح…: فشر… دا امبارح الرقاصة كانت عينيها مني
نظرت له فاتن بغضب فقال بسرعة…: وكنت هفقعهالها
ضحك زين وقال…: الشريط لف بسرعة
فهد وهو يهمس له …: امال ايه انا مش وش نوم ف الصالة يباشا
ظافر….: ايوا يعني اجيب الشبكة امتى؟
فهد….: شبكة ايه ياض اللي نطيت فيها مرة واحدة…. هو عشان ابوك وامك مش قاعدين هتستغلني… لا يحبيبي…. ولاكأني سمعت حاجة… وابوك يجي هو وأمك عندي في الصالون يطلبوها مني وانت تجيب للبت بوكيه ورد
حورية بخجل…: ايه يبابا الكلام دا
فهد…: اسكتي انتي ياحورية انا عارف الاشكال دي كويس… الواد دا شكله عاوز يتجوزك سوليطي موليطي
ضحك الكل بينما قال ظافر….: انا معنديش مشكلة بس اديني ميعاد
فهد….: بكرة باذن الله الساعة ٨قبل ماتش الأهلى وبيراميدز وبالمرة نشوف الماتش مع بعض….
ظافر بخبث وهو يكذب….: تمام يعمي… وانا بقى مش عاوز اقول انك كنت عاوز ترقص مع الرقاصة لولا ان عمي زين مشاها
فهد بعدما شهقت فاتن…: دانتا يا زفت اللي كنت عاوز ترقص معاها وانا وعمك زين اللي خرجنا بره…
مال ظافر عليه وقال وهو يهمس لفهد..: هتمشيلي الجوازة ولا اوحي طنط فاتن
فهد بهمس…: اه ياكلب والله لاخليك تعيط ع البت… اصطبر عليا بس
نظر له ظافر ثم أمسك بكوب العصير ليشربه
ليلان….: انا برودا ياظافر طلبت ايد رعد
بصق ظافر ما بفمه بينما نظر الكل لليلان التي قالت بتعجب….: هو انا قلت حاجة غلط؟… ع العموم ياريت سامر كان معانا هنا كان زمانه متفق مع عمو زين على كل حاجة… بس its okay هتتعوض…
وقفت ثم قالت….: انا خلصت أكل وهقوم أغسل ايدي
ذهبت فقال رعد باحراج…: هي بتتكلم بحسن نيه على فكرة وبعدين هي بنت رقيقة وزي الملاك
فهد…: ملاك ايه اتفو على دي ترابي
ضحك ظافر وقال….: والله وبتتخطبي قدامنا يابيضة
زين بضحك…: يلهوي يارعد… انا عمري ف حياتي متخيلت ان يجي اليوم اللي يتطلب فيه ايدك
رعد بغضب وهو يضرب الطبق الذي أمامه ويقف….: خلاص بقى
ثم ذهب
مهرة بضيق…: مينفعش كدا يجماعة….
ثم أكملت بمرح….: مش جايز مكسوف!
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية زين الصعيد)
