رواية احببته فامتلكني ادهم وورد كاملة جميع الفصول بقلم الاء محمد

رواية احببته فامتلكني ادهم وورد كاملة جميع الفصول

كانت ورد قاعده في اوضتها بتذاكر كالعادة .. حلم حياتها انها تنجح في الثانويه العامه و تجيب مجموع كبير يدخلها كليه الهندسة .. ورد بنت هاديه اوي و رقيقه و طيبه .. عايشه مع مامتها و عمها اللي اتجوز مامتها اول ما والدها مات .. فجأة دخل عليها عمها من غير ما يخبط ورد اتخضت ..

ورد / ايوا يا عمي في حاجة ..

عمها ( عامر ) / ايوا .. قومي حضريلي الأكل و جوزي الشاي عقبال ما اخلص ..

ورد لسه هترد دخلت امها وفاء ..

وفاء/ تعالي يا اخويا انا هحضرلك الأكل .. سيب ورد تذاكر بالله عليك ..

عامر بضيق / انا مش عارف ايه اخرتها يعني .. ما في الاخر هتتجوز و تقعد في البيت ولا تكونيش فاكرة يا بت انك هتدخلي الجامعه والكلام الفارغ ده ..

ورد بصت في الارض بضعف و دموع .. وفاء بصتلها بأسف ..

وفاء/ جامعه ايه مفيش الكلام ده خالص .. انا سيباها بس تخلص الثانوي عشان تبقي متعلمه و تاخد واحد متعلم مش جاهل ولا فلاح من هنا يطمع فيها وفي فلوسها ..

عامر / نعم .. مفيش الكلام ده .. ده بعينه .. يلا يا بت ذاكري خلينا نخلص ..

عامر خرج و وفاء بصت لبنتها وابتسمت .. وقربت منها وباستها من جبهتها ..

وفاء / متخافيش .. هفضل طول عمري احميكي ومش هخلي اي حد مهما كان يجبرك علي حاجة ..

عامر كان برا وفضل يزعق علي الأكل ..وفاء خافت و خرجت فورا .. ورد فضلت في اوضتها و دموعها بتنزل بحزن .. طلعت صورة من كشكولها ..

ورد / مش لو كنت موجود دلوقتي كان زمانك معايا و انقذتني من كل ده .. الله يرحمك يا بابا ..

ورد مسحت دموعها و رجعت تذاكر تاني بكل طاقتها وكأن المذاكرة الحاجة الوحيده اللي هتنقذها من كل ده .. خلص وقت الامتحانات وجه يوم النتيجة .. كانت ورد قاعده خايفه و متوترة ومامتها قاعده جنبها ..

وفاء / متخافيش يا حبيبتي .. ان شاء الله مجموعك حلو ..

ورد / ماما ماما الموقع فتح .. خدي شوفي انتي بسرعه ..

وفاء خدت التليفون و شافت النتيجة ..

وفاء بفرحه / ما شاء الله .. الله اكبر .. جبتي ٩٧ في الميه يا بت ..

ورد بفرحه/ بجد .. طيب الحمد لله يارب الحمد لله .. يعني هلحق هندسة يا ماما مش كده .. ياارب ..

دخل عمها عليهم و سمع كلامهم ..

عامر / هندسة ايه يختي .. مفيش منه الكلام ده .. انتي خلاص جالك نصيبك و هتتجوزيه ..

وفاء/ عريس .. مين العريس ده يا عامر ..

عامر / الحج مصطفي تاجر العربيات .. راجل كويس و مقتدر و ملوش في شغل الفلاحه والكلام ده يعني مش هيجي يقولي عايز فلوسها ولا أرضها ..

ورد بدموع/ لا لا .. ده راجل متجوز قبل كده و عياله من سني تقريبا .. حرام عليك يا عمي تعمل فيا كده .. ابوس ايدك بلاش وانا مستعده اكتبلك تنازل عن حقي ..

عامر / حق ايه يام حق .. انتي اصلا ملكيش حاجة .. احنا معندناش بنات تورث بس القانون فيه لعب كتير و انا مضمنش بقي .. ف تسمعي الكلام كده يا حلوة و تتجوزي مصطفي ..

ورد / بس انا عايزة ادخل الجامعه .. عشان خاطري ابويا يا عمي ارحمني وبلاش ترميني كده ..

عامر / ابوكي لو كان عايش يختي كان هو اللي جوزك ومن زمان انما انا صبرت عليكي أما خدتي الثانوي .. اجهزي عشان العريس جاي بالليل .. سامعه ..

عامر سابهم و مشي و ورد قعدت علي الأرض و فضلت تعيط .. حلم حياتها بينتهي قبل ما يبدأ .. و بتتجبر علي جوازة مش عيزاها .. في اللحظه دي فهمت انها يتيمه الاب .. طول عمرها بتنكر ده و بتقول ان عمها اكيد زي ابوها بس النهارده حست ان لا فيه اختلاف .. والعم عمره ما هيكون اب .. امها قربت منها و قومتها ..

وفاء/ قومي يا حبيبتي و متخافيش .. انا طول عمري ساكته عشانك بس طالما هيجي علي مستقبلك لا .. و حياتك عندي مش هسمحله بده ..

ورد بعياط / حلمي .. حلمي بيضيع مني يا ماما ..

وفاء / متخافيش انا هتصرف .. قومي اغسلي وشك ونامي شويه .. انتي بقالك اسبوع منمتيش .. قومي يا بنتي وربنا هيحلها ..

وفاء ساعدت بنتها لحد ما نامت و اطمنت عليها .. دخلت اوضتها و طلعت تليفون كانت مخبياه في الدولاب و اتصلت بحد ..

أما في مكان تاني خالص .. قصر كبير و فخم كانت واقفه ست جميله و شيك جدا في الجنينة بتسقي الزرع وعلي وشها ابتسامه بشوشة وبتغني .. فجأة تليفونها رن بصت فيه لقيت اختها بتكلمها ..

خديجة ردت وهي فرحانه / وفاء .. عامله ايه يا حبيبتي وحشتيني ..

وفاء بلهفه / خديجة .. الحقيني يختي انا في مصيبه ..

خديجة بخضه / خير يا وفاء .. حصل ايه ..

وفاء حكتلها كل اللي حصل ..

خديجة/ ما انا ياما قولتلك وانتي مسمعتيش كلامي .. دول عالم مش كويسة و طماعين و انتي اللي صممتي علي الجوازه دي .. لا وكمان وافقتي تتجوزي اخو جوزك بعد ما جوزك اتوفي وأنا حذرتك وقولتلك لا دول عالم وحشه ..

وفاء بعياط / اعمل ايه .. مكنتش عايزة بنتي تتربي بعيد عن اهل ابوها .. ده هما عزوتها و أهلها و اللي هيحموها ..

خديجة/ يختي كده كده بنتك كانت هتتربي و هتعيش .. انا مش فاهمه انتي بتفكري ازاي .. واديهم دلوقتي طمعانين فيها وعايزين يرموها لأي حد عشان ياخدوا فلوسها .. ارتحتي كده ..

وفاء / اعمل ايه يختي .. شوري عليا الله يخليكي .. انتي اختي وأنا مليش غيرك ..

خديجة/ انا هتصرف .. وهجيلك انهاردة بالليل المهم انك توافقي علي اي حاجة هقولها ..

وفاء/ هتعملي ايه ..

خديجة/ ملكيش دعوه .. المرادي تنفذي كلامي و بس .. سامعه ..

خديجه قفلت مع اختها ودخلت للقصر بتاعها لقيت ابنها الوحيد ادهم قاعد في الريسبشن بيشتغل ..

خديجه / ادهم انا عايزاك في موضوع مهم ..

ادهم / خير يا ماما في ايه ..

خديجه / خالتك وبنتها واقعين في مشكله كبيره اوي ولازم نساعدهم ..

ادهم باستغراب / خالتي مين ..

خديجه / خالتك وفاء انت مشوفتهاش من زمان اوي عشان كده ممكن تكون مش فاكرها …

ادهم بتفكير / ايوه ايوه افتكرتها مش دي اللي جت هنا وانا عندي 10 سنين وكان معاها بنتها ..

خديجه / بالظبط .. عندها مشكله كبيرة ..

خديجة حكتله كل حاجة و ظروف ورد كلها ..

ادهم / طيب واحنا في ايدنا ايه .. في الأول و الآخر ده عمها و تلاقيه مظبط وضعه قانونا كمان .. يعني مش هعرف اعملها حاجة ..

خديجة/ كلامك صح بس الكلام ده لو هتتعامل علي انك ابن خالتها .. لكن أما تبقي جوزها مظنش هيقدر يعمل حاجة ..

ادهم/ نعم .. حضرتك بتقولي ايه يا ماما .. جوزها ازاي ..

خديجة/ افهم يا حبيبي .. ما انت لو اتجوزتها عمها مش هيقدر يقرب منها وكمان انت بعلاقاتك تقدر تحميها ..

ادهم/ انا معنديش مشكله أتدخل و احميها بس جواز لا .. وبعدين حضرتك ناسيه اني بحب واحده و هتجوزها .. و انتي وعدتيني هتحاولي تتقبليها عشاني ..

خديجة بضيق/ يا ادهم البنت دي مش كويسه و مش مناسبه ليك خالص .. دي متعرفش تفتح بيت و تخلف عيال و تبقي مسئولة عنهم .. اسمع مني أنا امك واكتر واحده تهمني مصلحتك ..

ادهم / يا ماما لو سمحتي .. انا بحب سلمي و عايزها .. انا اسف انا مش هقدر اساعد البنت دي ..

خديجة / طيب علي الأقل تعالي معايا انهارده وأنا بزورهم .. انا مش هينفع اسيب اختي لوحدها ..

ادهم وافق عشان يرضي مامته .. وبالليل كانوا قاعدين مع وفاء و عامر بيتكلموا ..

عامر / بس بقالك كتير مشرفتيناش يا ست خديجة ..

خديجة/ معلش بقي مشغوليات وقولت أما اجي كده اشوف اختي واسأل عليها بقالي كتير مشوفتهاش ..

وفاء ابتسمت/ نورتي يا خديجه .. نورت يا ادهم .

ادهم / بنورك يا خالتي ..

خديجة/ اومال فين ورد حبيبتي .. عايزة اشوفها بعد ما كبرت ..

وفاء/ زمانها جايه دلوقتي ..

شوية و ورد خرجت .. كانت مبتسمه اوي و فرحانه ان اخيرا هتشوف خالتها اللي بقالها كتير مشافتهاش ..

خديجه اول ما شافتها قامت وخدتها في حضنها ..

خديجة/ ورد .. كبرتي يا حبيبتي وبقيتي عروسه زي القمر .. وحشتيني يا بت ..

ورد ابتسمت وحضنتها / وانتي كمان وحشتيني يا خالتو .. عامله ايه وصحتك أخبارها ايه ..

خديجه / نحمد ربنا يا بنتي تعالي تعالي سلمي على ادهم ابني ..

ورد بصه لادهم وبعدين حطت وشها في الارض ..

ورد / اهلا يا استاذ ادهم .

ادهم / اهلا بيكي ..

ورد قعدت وكلهم فضلوا يتكلموا مع بعض وفجاه خديجه بصت لعامر ..

خديجه / بص بقى من الاخر كده انا جايه عايزه ورد بنت اختي لادهم ابني ..

ادهم بصلها بصدمه ومبقاش عارف يقول ايه اخر حاجه يتوقعها ان والدته تحط قدام الامر الواقع بالشكل ده ..

عامر / بس دي في ناس متكلمين عليها يا ست خديجة ..

خديجة/ وايه المشكله .. البنت بيطلبها ١٠٠ وياخدها واحد .. واحنا مستعدين لكل طلباتك ..

عامر بتفكير/ امممم .. وانت بتشتغل ايه يا استاذ ادهم ..

ادهم بضيق / انا دكتور جراح وعندي المركز بتاع والدي بديره و بشتغل فيه كمان ..

عامر بخبث / حلو ده .. والله انا معنديش مانع بس ناخد رأي العروسة ..

الكل بص لورد اللي كانت مصدومه ومش عارفه تعمل ايه .. خصوصا وهي شايفه ملامح الصدمه و الضيق علي وش ادهم ..

ورد / انا يعني .. مش عارفه .. ممكن

وفاء / مالك يا حبيبتي .. ادهم ابن خالتك طالب ايدك وعايزك و شاريكي ومظنش هتلاقي حد احسن منه ..

خديجة / إحنا نقرأ الفاتحه انهاردة و الشهر الجاي الجواز ..

عامر / لا مفيش الكلام ده أنا معنديش خطوبة والجو ده .. أنا عندي كتب كتاب علي طول ..

خديجة/ وماله .. نخلي كتب الكتاب بكرا ونقدم الشبكه و بعد كده ناخد ورد معانا على القاهره عشان ادهم عنده شغل ..

عامر بطمع / ماشي وانا موافق نقرا الفاتحه ..

قروا الفاتحه وسط صدمه ادهم وخوف ورد اللي خافت لادهم يمنعها من دراستها ويستغلها .. خلص اليوم وادهم واقف في بيته مع والدته

ادهم / انا اخر حاجه كنت اتخيلها انك تحطيني في المواقف ده .. حضرتك كده ورطيني ودبستيني في الجوازه دي ..

خديجه / يا ابني ما أنت شايف الراجل عامل ازاي حرام علينا نشوف البنت في الوضع دا ونقبل و نعمل نفسنا مش واخدين بالنا ..

ادهم / وانا مالي انا .. انا قلتلك معنديش مشكله اساعدها انما مش اتجوزها .. انا مش هروح و ومش هكتب الكتاب ده .

خديجه/ وتكسر كلام امك و تطلعني صغيرة قدام الناس .. ادهم لو سمحت اسمع مني و اتجوزها حتي لو فترة بس عقبال ما عمها ينساها شوية و بعدين سيبها ..

ادهم حط ايده علي وشه بضيق .. مكنش عارف يعمل ايه .. من ناحيه بيحب سلمي جدا و ميقدرش يتخيل انه يتجوز واحده غيرها ومن ناحيه ورد فعلا شكلها طيبه و ضعيفه و محتاجة مساعده ..

خديجة قطعت افكاره / ادهم .. ورد بنت غلبانه و بنت حلال و ملهاش حد يقف جنبها او يحميها من الطمع اللي حواليها ..

ادهم باستسلام/ ماشي يا ماما .. بس ده هيكون جواز علي ورق ومحدش هيعرف بيه .. هنقدمها للناس علي انها بنت خالتي ..

خديجة بفرحه / اللي تشوفه يا حبيبي .. اهو ده ادهم ابني اللي ربيته و علمته يساعد كل الناس ..

تاني يوم كانوا قاعدين مستنيين المأذون يجي ..

ادهم / بعد اذنكم .. ممكن اتكلم مع ورد لوحدنا شوية ..

عامر / وماله ده حقك .. اتفضلوا في الصاله اللي جنبنا دي ..

ورد وادهم دخلوا الصاله .. ورد كانت متوتره جدا ادهم بصلها بتفحص ..

ادهم/ ممكن اعرف انتي عايزه تمشي من البيت ده ليه ..

ورد بدموع / اصل عمي عايز يجوزني راجل كبير قده وقد ابويا الله يرحمه وانا مش عايزه اتجوز اصلا انا عايزه اكمل تعليمي انا جايبه مجموع كبير في الثانويه العامه وعايزه اخش كليه الهندسه ..

ادهم اتنهد / طيب بصي لازم تعرفي ان انا في واحده في حياتي وبحبها جدا جدا وهي بتحبني وناوي اتجوزها بس ماما مش موافقه عليها وانا قدرت اقنعها بالعافيه انها تحاول حتى تتقبلها و وافقت بس كل حاجة وقفت أما عرفنا حكايتك .. فلازم تعرفي لو اتجوزنا هيكون على الورق بس ومش هنقول لاي حد اننا متجوزين وفي المقابل هسيبك تكملي تعليمك وتعملي كل اللي انتي عايزاه ولما تخلصي هنتطلق ..

ورد ابتسمت / شكرا جدا انا بجد مش هنسالك الجميل ده و وعد مش هقول لاي حد خالص ان انا متجوزين انا اساسا مش عايزه اتجوز زي ما قلتلك..

ادهم / خلاص اتفقنا ..

كتبوا الكتاب وسط فرحه خديجه ووفاء ان عيالهم اتجوزوا ودعت ورد والدتها بكل خوف ودموع ..

وفاء وهي حضناها / متخافيش يا حبيبتي انتي رايحه مكان انا واثقه ان الناس اللي فيه هتحبك وهتخلي بالها منك ..

ورد بدموع / طب وانتي يا ماما ما تيجي معايا وامشي من الحياه اللي انتي عايشاها دي ..

وفاء / ما اقدرش يارتنني كنت اقدر يا حبيبتي بس مقدرش مش بعد العمر ده كله هسيب حقي وحقك واهرب لو كنت عايزه اهرب كنت هربت من زمان .. يلا .. يلا روحي علشان جوزك وامه مستنيين تحت ..

ورد نزلت و ركبت مع خديجة و ادهم العربية .. كانت ساكته وكل تفكيرها ان ازاي هتعيش في مكان مش عرفاه ولا عمرها شافته .. فضلت كده لحد ما وصلوا .. دخلت معاهم القصر وهي مبهوره بيه .. كل حته فيه كان شكلها حلو وشيك اوي ..

خديجه / ايه رايك في البيت يا ورد عجبك ..

ورد بانبهار / ده حلو اوي اوي يا خالتو انتم عايشين هنا من زمان ..

ادهم / ايوه ده بيت المرحوم جدي واحنا عايشين فيه من ساعه ما انا اتولدت ..

ورد / ما شاء الله حلو اوي .. خالتو انا عايزه انام تعبانه جدا ..

خديجه / ماشي يا حبيبتي انا قلت للخدامه تحطلك هدومك في اوضه ادهم ..

ادهم/ نعم .. ما القصر مليان اوض يا ماما و بعدين عشان ورد تبقي علي راحتها ..

خديجة بخبث / ي حبيبي ما انت عارف ان كل الاوض مقفوله من زمان وعايزه تتظبط فخلي ورد معاك مؤقتا في اوضتك لحد ما اظبطلها اوضه ..

ورد طلعت مع ادهم الاوضه و هي مكسوفه اوي و متوترة ..

ادهم بهدوء / نامي انتي علي السرير وانا هنام علي الكنبه ..

ورد/ لا لا أنا مش جايه ابوظلك نظامك .. لو سمحت نام انت في سريرك و انا هنام علي الكنبه ..

ادهم بنفاذ صبر / مفيش الكلام ده .. اتفضلي يلا من غير كتر كلام انا تعبان جدا ومش ناقص شغل العيال الصغيره ده ..

ورد خافت منه اوي / طيب حاضر حاضر انا بس هدخل اغير هدومي ..

ورد دخلت وغابت شويه كانت خايفه ومتوتره من وجود ادهم ٠..

ورد لنفسها / مالك اهدي انتي خايفه ليه ما هو ده مش جواز حقيقي زي ما هو قالك واكيد يعني هو هيلتزم بكلمته ومش هيفكر يقربلك ..

خلصت ورد وخرجت .. كانت لابسه بيجامه واسعه عليها اوي .. ادهم اول ما شافها ضحك

ادهم / ايه اللي انتي لابساه ده .. هو ده في الطبيعي لبسك !

ورد ببراءه / ايوه بيجامه عاديه جدا .. واسعه و مريحه في النوم ..

ادهم ضحك اكتر / طيب طيب يلا روحي نامي ..

ورد مكانتش فاهمه هو بيضحك عليها ليه بس راحت على السرير ونامت بسرعه من التعب والتفكير وتاني يوم صحيت لقيته مش موجود .. اتنهدت بعمق لأنها حاسه ان اخيرا هتكون علي راحتها .. دخلت الحمام اتوضت و لبست إسدال الصلاة وصلت .. وبعدين نزلت لخالتها اللي كانت قاعده في الريسبشن بتقرا ..

ورد / صباح الخير يا خالتو ..

خديجه / صباح الفل يا حبيبتي عامله ايه .. نمتي كويس امبارح ..

ورد / ايوا الحمد لله .. بقولك يا خالتو التقديم هيقفل قريب و لازم اظبط ورقي عشان الحق الكلية ..

خديجة/ متقلقيش يا قلبي انا وصيت ادهم وهو هيخلص كل حاجة النهاردة .. انتي بس ركزي كده وشوفي انتي اكيد عايزة هندسة ولا فنون جميلة مثلا ..

ورد/ لا لا أنا عايزة هندسه .. دي حلمي من زمان يا خالتو عشان خاطري وافقي ..

خديجه / حبيبتي ده مستقبلك و انتي حره فيه وايا كان اختيارك انا موافقه من غير حاجه انا بس باكد عليكي ..

فجأة ادهم دخل القصر .

ادهم / ورد يلا غيري هدومك عشان نروح نقابل عميد الجامعه و نقدملك الورق .. عايز كل حاجة تخلص النهارده عشان مش فاضي بعد كده

ورد بفرحه/ هجهز بسرعه .. فوريرة ..

ورده طلعت اوضتها تجهز بحماس وادهم قعد جنب والدته .

خديجه / انا مبسوطه انك اهتميت بموضوع ورد ..

ادهم / حضرتك عارفه يا ماما اني مستحيل اشوف حد محتاج مساعده واكبر دماغي بس الفكره اني مكنتش حابب يحصل جواز ابدا بس يلا اللي حصل حصل كده احسن عشان اعرف احميها .

فات وقت وكانت ورد قاعده جنب ادهم في العربيه لابسه بنطلون و تيشرت و وبتتكلم بحماس طفولي .

ورد / طب هو عميد الجامعه دا انت تعرفه ..

ادهم ببرود / والد واحد صاحبي ..

ورد / الله يعني انا المفروض هخلص كل اجراءاتي النهارده.. يس يس ..

ادهم بزعيق / ممكن بقي تبطلي رغي عشان اعرف اركز في الطريق ..

ورد بكسوف / حاضر هسكت .

شوية و وصلوا الكلية وكل الناس عينهم كانت علي ورد .. الحماس اللي كان باين في عينها و طفولتها و كلامها بصوت عالي و انبهارها لفتوا نظر الكل ليها .. ادهم كان مضايق اوي وحاسس انه نفسه يخبيها .. شعور غريب كان اول مرة يعيشه .. خلصوا كل الإجراءات و هما خارجين من الجامعه قابلهم واحد صاحب ادهم ..

سامر / ايه يا عم ادهم فينك .. بقالي كتير مشوفتكش وبعدين ايه اللي جابك الكليه عندنا .

ادهم / اصل بقدم لورد بنت خالتي عندك في كليه هندسه بتهيالي انك هتكون المعيد عليها ..

سامر / ايوه مظبوط بس ايه ده دي حلوه اوي يخربيتها .. هو لسه فيه كده .

ادهم بضيق / لم نفسك يا جحش انت .. بقولك بنت خالتي يعني مش زي اللي في دماغك وغير كده هي مؤدبة اوي و محترمه ..

سامر وهو لسه عينه على ورد/ وماله اللي ميجيش في الشمال نجيله في اليمين ولاجل العيون الحلوه دي الواحد يعمل اي حاجه حتى لو هيدبس نفسه في 25 سنه سجن جواز .

ادهم / سامر اياك اعرف انك قربت ليها .. والله ساعتها مش هسكت و مش هعمل اعتبار ل صحوبية ولا غيره .. فاهم ولا لا ..

سامر ضحك / خلاص يا عم الحمش مكنش قصدي انت اتعصبت كده ليه .

ادهم/ عشان دي فعلا مختلفه .. ولو باقي عليا اوعي تفكر تبصلها او تقربلها ..

ادهم شد ورد و مشيوا .. كانت مستغربه اوي هو عامل كده ليه .. كان بيسوق وهو باصص قدامه بغضب ..

ورد / مالك يا ادهم .. انت كويس

ادهم / كويس وإنتي بقي ..اكيد طبعا كنتي مبسوطه وكل الناس بتبصلك ومعحبين بيكي صح .

ورد / ايه ده ! هو كان فيه حد بيبصلي .. يعني انا حلوة صح ..

انا بصلها باستغراب ومكنش مصدق ان لسه في بنت بريئه بالشكل ده ..

ادهم نفض الافكار دي من راسه وقالها ..

ادهم/ ايا كان يعني بصي الجامعه هنا مش زي عندك في البلد هنا مكان مفتوح كله عايز يدوس على كله .. كله عايز ياكل كله والشباب ما بيصدقوا يلاقوا بنت حلوة و يحاولوا معاها .. ف لازم تخلي بالك كويس اوي و اوعي تتكلمي مع اي شاب مهما كان السبب ..

ورد بحماس / الله … يعني انا هتعرف علي صحاب و زمايل واحب و اتحب والجو ده .. يس يس ..

ادهم مجرد ما سمع كلامها اتنرفز و اتضايق و وقف العربية بسرعه ..

ادهم بصلها بشر ومكسها جامد / عارفه لو فكرتي مجرد تفكير انك تنفذي اللي في دماغك ده والله ما هرحمك فاهمه .. انتي شوفتي بس ادهم الهادي و الطيب لكن مشوفتيش ادهم العصبي المجنون اللي مش ممكن يسيب اي حاجة تخصه

ورد بخوف منه / انا .. اناا مش قصدي .. انا كنت بهزر والله ومش اقصد حاجة .. انا اسفه اوي بس سيبني والنبي ..

ادهم سابها و وصلوا للقصر ..

ادهم/ انزلي واياكي تخرجي غير باذني و موافقتي غير كده حسابك هيكون معايا أنا فاهمه .

ورد بدموع / فاهمه حاضر ..

ورد نزلت بسرعه و دخلت القصر وهي بتعيط .. خديجة شافتها و استغربت انها بتعيط.

خديجة/ مالك يا ورد .. حصل حاجة ولا ايه ..

ورد حكتلها اللي حصل ..

خديجة بتفكير / اممم .. يبقي كده خطتي بدأت تنجح بس مكنتي اعرف انها هتبقي بسرعه كده

ورد / خطه ايه يا خالتو ..

خديجة/ بعدين هتعرفي .. المهم قوليلي انتي كل لبسك كده ..

ورد / كده ازاي يعني .. انا عندي فساتين و بلوزات كتير و جينز ..

خديجة / توقعت والله .. امك خلتك قطه مغمضه متعرفيش حاجة بس خالتك موجودة يا بت و هعرفك تعملي ايه ..

ورد / بس انا مش عايزة اعرف حاجة يا خالتو .. انا عايزة اروح الكلية و بس

خديجة/ ملكيش انتي دعوة .. يلا بينا نخرج دلوقتي .

ورد بفرحه / الله هنخرج نتفسح .. يلا بسرعه ..

عند ادهم كان مضايق اوي من كلام ورد ومش فاهم ليه .. كان عارف ان اكيد من حقها تحب و ترتبط و تتجوز حد بيحبها بجد و عنده استعداد يعيش عشانها بس من جواه في حاجة رفضت الاعتراف بالكلام ده .. شوية و وصل عند سلمي خطيبته اللي كانت مستنياه ف كافيه ..

سلمي / اتاخرت ليه يا حبيبي ..

ادهم بضيق / معلش بس كنت بوصل بنت خالتي زي ما قولتلك ..

سلمي/ كويس بس مالك كده حساك مضايق .

ادهم / سلمي هو انا مش قولت ميه مره بلاش تلبسي البنطلون ده .. انتي مش واخده بالك انه ضيق شوية و كمان التيشيرت اللي عليه قصير ..

سلمي / يا ادهم سيبك بقي من الكلام ده وخليك اوبن مايند كده و لطيف ..

ادهم / مفيش حاجة اسمها كده وياريت أما اقول حاجة تاني تسمعي الكلام و تنفذيه .

سلمي / بقولك ايه يا ادهم .. انا الكلام ده مش هينفع معايا ابدا انت كده عايز تتحكم فيا و تلغي شخصيتي .. وانا مش هسمح بده ..

ادهم / اتحكم فيكي ! عشان بقولك اللبس ده مش حلو تقولي كده .. أنا زهقت بقي من الاسلوب ده .. أنا ماشي..

ادهم سابها ومشي و راح للقصر .. دخل اوضته علي طول بس اتفاجي ب بنت حلوة أوي لابسه قميص نوم مثير اوي و قاعده وماسكه الفون .. بلع ريقه و قفل الباب .

ادهم / ورد ايه اللي عملاه و لبساه ده ..

ورد ابتسمت / حلو صح .. اي رأيك .

ادهم / مين اللي قالك تلبسي كده ..

ورد/ خالتو اصل احنا النهارده نزلنا وجبنا لبس وحاجات كتير وهي اللي قالتلي البس كده ايه رايك ..

ادهم/ كويس ..

ادهم دخل الاوضه وهو مش قادر يشيل عينه عنها .. كانت حلوة لدرجة تخطف اي حد وتخلي اي راجل يضعف قدامها .. كان هيتجنن عليها بس

فضل يقنع نفسه ان دي طفله و عيله صغيرة ومش المفروض يفكر فيها بالشكل ده ..

ورد بصتله / مالك يا ادهم حاسه انك مضايق ..

ادهم/ لا ابدا مفيش .

ورد / مفيش ازاي انا حاسه انك انت زعلان حصل ايه قولي يمكن اقدر اساعدك ..

ادهم بصلها و مردش عليها .. و ورد اما لقيته متجاهلها نامت علي السرير اللي كان قدام الكنبه اللي قاعد عليها .. ادهم حاول بكل الطرق يبعد عينه عنها بس مكنش فيه فايده ..

ادهم بعصبيه / اتعدلي بقي واقعدي كويس او اتغطي لو هتنامي ..

ورد / حاضر حاضر .. بس اعرف مالك عشان اساعدك ..

ادهم / الطريقه الوحيده اللي تساعديني بيها انك تخرجي بره الاوضه دي فورا بدل ما صدقيني هتندمي عمرك كله ..

ورد بخوف / انا مش فاهمه حاجه ..

ادهم قرب منها و حضنها بقوه لدرجه انه ورد خافت منه اكتر و فضلت تقاومه و تبعد عنه .. شوية و ادهم سابها أداها ضهره و ورد كانت مصدومه ..

ورد / ادهم انت عملت كده ليه .. ده ميصحش وعيب … انت وعدتني انك عمرك ما هتلمسني ..

ادهم/ انتي هتعمليهم عليا .. ما انتي لابسه كده وحاطه الميكب ده عشان تغريني و اقربلك لكن مش انا اللي هيمشي معايا الحركات دي فاهمه ..

ورد / انا والله معملتش حاجة ومكنش قصدي حاجة .. خالتو اللي قالتلي .. انا اسفه اوي ..

ادهم وهو بيتنفس بصوت عالي / اطلعي بره يا ورد اطلعي بره لو مش عايزاني اعمل حاجه دلوقتي تفضلي بتعيطي عليها بقيه حياتك ..

ورد اخدت الروب و طلعت بسرعه من الاوضه وهي متوترة .. راحت للاوضه اللي فيها خالتها وهي بتعيط ..

خديجة / ورد .. مالك يا حبيبتي ..

ورد حكتلها اللي حصل .

ورد _/ انا خوفت منه اوي يا خالتو .. لو ليه عمل معايا كده .. أنا والله مقولتش حاجة او عملت حاجة تستاهل كل ده..

خديجة فضلت تهديها لحد ما نامت وهي قاعده .. غطتها كويس و قفلت النور و خرجت لاوضه ادهم ..

خديجة دخلت الاوضه لقيت ادهم واقف في البلكونه بيدخن و اول ما شافها رمي السيجارة …

خديجة / انا ممكن اعرف ايه اللي عملته ده .. البنت خافت منك و جتلي وهي منهاره ..

ادهم/ ده بسببك انتي .. ليه عملتي كده ..

خديجة/ لأنك بدأت تحبها .. عشان من ساعه ما شوفتها وانت متغير و عينك بتلمع اول ما تشوفها .. انا معملتش كده غير أما لقيتك ميال ليها ..

ادهم / محصلش .. انا مرتبط بسلمي و بحبها ومش هسيبها عشان البت دي .. انتي مش شايفه بتتكلم ازاي و بتتصرف ازاي .. دي بالنسبالي عيلة صفيرة و مستحيل هبصلها ..

خديجة / طيب هنشوف .. ونصيحه مني يا ادهم .. واجه نفسك بمشاعرك و رغباتك عشان اللي بيهرب منهم في الأول بعد كده مش بيرحموه .. سلمي بنت كويسه لكن متناسبكش وكمان انت مش بتحبها انت بس متعود عليها ..

خديجة سابته و خرجت وهي بتتمني ابنها يفوق لنفسه و يعرف انه مش بيحب سلمي .. فات شهرين علي اليوم ده و ورد كانت قاعده في اوضتها بتذاكر اللي اخدته في الكلية .. فجأة سمعت صوت ضحكه بنت .. خرجت من اوضتها لقيت ادهم داخل الاوضه ومعاه سلمي ودخلوا اوضته وقفلوا عليهم ..

ورد دموعها نزلت وحست بوجع في قلبها .. خرجت بسرعه من الاوضه وجريت علي اوضه ادهم دخلتها بسرعه واول ما دخلت لقيت ادهم سكران و قالع قميصه و بيبوس سلمي ..

ورد/ ادهم .. ايه اللي بتعمله ده ..

سلمي / ايه ده .. انتي تدخلي علينا كده يا بت انتي .. اطلعي برا يلا ..

ورد بغيره / انتي اللي هتطلعي برا .. فاهمه .. ادهم جوزي و مفيش واحده من حقها تقرب منه غيري .. اطلعي برا ..

ورد صوتها علي لدرجة ان سلمي اخدت شنطتها و خرجت بسرعه .. ورد بصت لادهم بقرف وجت تخرج لقيته بيشدها ليه و بيحضنها ..

ادهم / مكنتش اعرف انك شرسه كده .

ورد زقته / وانا مكنتش اعرف انك قذر كده ..

ورد جت تخرج لقيت ادهم وقف قدام الباب و بصلها ..

ادهم / كنتي بتقولي ايه بقي .. مفيش واحده ينفع تقرب مني غيرك .. ما تقربي مستنية ايه ..

ورد ارتبكت اوي / اوعي عشان اخرج ..

ادهم قرب / طيب طالما حاسه بحاجة ليه تعبتيني و تعبتي نفسك كل المدة دي .. ليه كده ..

ورد اتنهدت / عشان مينفعش .. مينفعش يا ادهم .. انت بتحب سلمي ..

ادهم / كنت بحب سلمي .. عارفه معني كنت دي ايه .. من ساعه ما دخلتي حياتي وانا كل حاجة اتقلبت .. الأول كنت عايش كده .. مفيش هدف و مفيش اي شي مهم عايش عشان شغلي و امي و بس .. لكن انتي حسستيني اني ينفع اكون بحب و فيه حاجة مخلياني اصحي كل يوم الصبح وانا عايز اعمل حاجة ..

ورد ابتسمت/ بجد ..

ادهم حضنها/ بجد يا قلبي .. ورد انا بحبك اوي ..

ورد / وانا كمان حاسه اني بحبك و مقدرش اكمل من غيرك .

ادهم حضنها اوي و بدأوا حياتهم سوا وهما عندهم استعداد يحاولوا عشان علاقتهم تنجح .. تاني يوم ورد صحيت وهي مكسوفه جت تقوم ادهم شدها ..

ادهم بنوم / صباحيه مباركه يا عروسه ..

ورد / شكرا .. أنا هقوم اخد شاور عشان عندي كليه

ادهم / استني عندك كليه ايه .. احنا مسافرين كمان شوية ..

ورد / علي فين ؟!

ادهم/ مسافرين شهر عسل .. هنروح اليونان ..

ورد/ الله .. انت عرفت منين اني نفسي اسافر اليونان .

ادهم / عرفت بطريقتي .. يلا اجهزي بقي عشان معاد الطيارة بالليل ..

ورد قامت وهي فرحانه اوي .. كانت حاسه ان ربنا بيعوضها علي كل اللي عاشته .. جه الليل وكانوا قاعدين في الطيارة ..

ورد / ادهم .. انا خايفه اوي اوي ..

ادهم حضنها / اهدي متخافيش .. مفيش حاجة وحشه ..

ورد / يارب ..

خلصت الرحله و ورد كانت داخله مع ادهم الريسبشن وهي مبهورة بالاوتيل .. طلعوا اوضتهم .

ورد بحماس / ادهم انا فرحانه اوي اوي .. انت مش متخيل انا مبسوطه ازاي.

ادهم / وانا مبسوط عشان حبيبي مبسوط .. يلا ننزل بقي افرجك علي البلد ..

نزلوا وكانوا مبسوطين اوي ورد كانت بتجري و بتلعب زي الأطفال وده كان مخلي ادهم مهووس بيها ..

ادهم بضيق / ورد يلا نطلع اوضتنا كفايه كده .

ورد / ليه يا حبيبي ما أحنا مبسوطين اهو .. انت غيران عليا ولا ايه ..

ادهم / ايوا غيران .. انتي حقي و بتاعتي انا لوحدي .

ورد / اهدي يا حبيبي .. انت مالي عيني و والله انا مش شايفه راجل غيرك .. كل دول بالنسبالي مش رجاله ..

ادهم قرب يبوسها .. ورد بعدته ..

ورد / ادهم انت اتجننت .. احنا في الشارع ..

ادهم / انتي بتعملي فيا ايه بس .. بتخليني ابقي حد تاني خالص غيري ..

ورد بغرور / انا مش اي حد برضه .. يلا نكمل فسحه بقي ..

ادهم اتنهد ومسك ايدها / يلا ..

تمت .