أسيرة في قلب صعيدي “
الفصل الاول
الكاتبه شيماء طارق
•بسم الله الرحمن الرحيم•
:يعني ايه اكون حرس لبنت انت اتجننت ولا ايه انت نسيت انا مين يا رامي ما تستهبلش وكمان دي بنت كبيرة يعني ما ينفعش اكون معاها وكمان قبل ما تاخذ قرار زي ده مفروض كنت عرفتني ؟؟؟
رامي قاله وهو بينفخ وكان متضايق …اعملك ايه تليفونك مقفول وبعدين سياده اللواء هو اللي اختارك بنفسه علشان تكون انت مع البنت لانها هي بنته الوحيدة وده قرار جاي من فوق يا سيادة الرائد !
مصعب قال بغضب وهو بيخبط ايده في الحيطه بكل عصبيه ….. وليه يختار انا .. انا ظابط حراسه يعني اكون مثلا مع وزير مع حد مسؤول كبير وفي خطر على حياته … اوامن مكان فيه مؤتمر لاي حد من القيادات او سيادة الر’يس بس ان اؤمن بنت يبقى انتوا اتجننتوا انتوا نسيتوا انا مين
ولا ايه وكمان هكون مع البنت دي بصفتي ايه هي بنت كبيره مش صغيره يعني عيب قوي اللي انتم بتقولوه ده وازاي سيادة اللواء ما يفكرش في الكلام ده ان انا شاب وهي بنت كبيره يعني المفروض يخاف عليها ايه الثقه الزايده دي وكمان الاوامر ان انا اكون معاها في نفس المكان لا انتوا زودتوها قوي؟!
رامي قال بتوضيح …..بلاش تفكر كثير في الموضوع ده يا صاحبي في خطر كبير على حياة البنت دي علشان كده سيادة اللواء شايف ان انت القدير ان انت تكون معاها وكمان عارف ان انت جدع وصعيدي يعني عمرك ما هتقدر تضر البنت دي عارف ان انت جدع ومش هتعمل اي حاجه غلط بالعكس انت هتحميها وكمان ده شغلك يا سيادة المقدم وسيادة اللواء هو اللي طلب ده بنفسه يعني حضرتك عايز تعترض روح قل له هو ما تجيش تكلمني انا لان انا عبد المامور
وكمان دي مش اي بنت يعني…خليها معاك وتبقى زي ضلها في اقل تفصيل في حياتها لازما تكون موجود فيه وكل يوم سياده اللواء هياخد منك تقرير عن كل حاجه حصلت واقل تفصيل هيبقى عايز يعرفه منك !
مصعب وهو متعصب جدا….. يعني مثلا حضرتك لو راحت الكوافير قدي لسياده اللواء تقرير هي عملت مناكير وباديكير ولا لسه ويا ترى التاتو اكتبله نوعه ايه ؟
رامي كان فطسانه على نفسه من الضحك وقاله
……..انا ما اقصدش يا عم ما تهدي على نفسك بقى شويه نفذ الاوامر وكبر دماغك وكمان انت مدي الموضوع اكبر من حجمه انت مسكت حراسه اماكن كبيره جدا وكنت قدها ايه اللي مخليك قلقان وكمان عشان اسهل عليك الموضوع وهتكون فتره اجازة حلوة ايه رايك تاخدها وتروح بيها الصعيد عند عيلتك هتكون اجازه كويسه وفي نفس الوقت ما فيش حد هيعرف هي مين او بنت مين واهم حاجه ما تزعلش سيادة اللواء علشان هو بيعتبرك زي ابنه عشان كده هو ائتمنك على بنته الوحيدة!
مصعب بتردد وهو بيقول لاحمد ..….تمام
ولسه هيكمل كلامه لقى الباب بيخبط راح عند الباب علشان يفتحه لقوا قدامه سياده اللواء ومعايا حرس كثير كان صدمه بالنسبه لمصعب اللي سياده اللواء يجيله لحد البيت
وكان معايا حرس كثير جدا وفي بين الحرس ده حد بس مش باين ملامحه ايه لان الحرس مداريين الشخص ده من كل الاتجاهات .
سياده اللواء قاله بابتسامه هاديه …..ممكن ادخل يا مصعب ولا هتسيبني واقف كده على الباب ؟
مصعب بسرعه قاله …..لا اتفضل حضرتك وانا اقدر برده سيادتك اتفضل انت نورت البيت اتفضل حضرتك!
اللواء بحزن …..انا جيت اسلمك الامانه دي وانا عارف ان انت قدها يا سيادة المقدم انا واثق فيك جدا علشان كده امانتك على بنتي الوحيدة هي هتكون في امانتك لمده شهرين ومش لازما حد يعرف هي مين او بنت مين؟؟!
اتسعت عنيه مصعب بقلق كان باين جدا على وشه
وقال…… فين بنت حضرتك دي ؟؟
سياده اللواء قال…..تعالي يا ميرنا يا حبيبتي علشان اعرفك على حضرة المقدم ؟
بدا الحرس يبعد من قدام البنت اللي كانت واقفه في وسطهم مصعب رفع وشه لفوق علشان يشوف البنت اللي مفروض هتكون في امانته رغم هو كان قلقان جدا لانه اول مره يشيل مسؤوليه زي دي هو كان بيشيل مسؤوليات اقوى بس هو شايف ان هو يشيل مسؤوليه بنت حاجه كبيره جدا ويمكن اقوى من انه يشيل مسؤوليه مؤتمر او وزيره واي حاجه ثانيه هيبقى عنده اسهل بكثير من انه يامن حياه بنت.
ظهرت بنت قدامه عمرها لا يتجاوز ال 20 عام رفعت وشها لفوق وشعرها الطويل اللي كان نازل على ظهرها وعيونها اللي زي حبه البندق وبصت لوالدها وقالتله ……نعم يا بابي؟
سياده اللواء …..تعالي يا ميرنا هنا !
ميرنا راحت عند باباها وكانت بصه في الارض وكانت مكسوفه جدا وده اكثر حاجه فرحت مصعب لانه شايفها بنت هاديه ومهذبه وباين عليها الطاعه والاحترام فبالشكل ده مش هتغلبه .
اللواء….. ميرنا حبيبتي لازما تسمعي كلام حضرة المقدم في كل حاجه هيقولهالك ومش عايزك تعملي اي حاجه من غير ما تعرفيه تمام يا قلبي؟
ميرنا بطاعه …حاضر يا بابي زي ما حضرتك تشوف !
سياده اللواء راح واخدها في حضنه
وقالها …اشوف وشك بخير يا حبيبتي خلي بالك منها يا مصعب انا سايبلك حته من قلبي هي في امانتك؟
مصعب باحترام…… ما تقلقش يا سيادة اللواء انا قررت ان انا اخد الانسه واروح الصعيد عند عيلتي وبالشكل ده ما فيش حد هيعرف ان هي في الصعيد ومش هيخطر المكان ده على بال اي حد !
اللواء بفرحه….. كويس جدا لان فعلا ما فيش حد يعرف ان انت اصلا من الصعيد بسبب لهجتك بسبب وانك عشت في القاهره كتير جدا في اكثر الناس فاكرينك ان انت من هنا من القاهره فده هيبعد العين عنك خالص انا كنت عارف ان انا صح اما اخترتك يا سيادة المقدم !
مصعب بهدوء …..ان شاء الله اكون عند حسن ظن حضرتك ؟
سياده اللواء بحزن …..تمام يا حضره الظابط انا ماشي دلوقتي خلي بالك منها؟
مصعب….. تمام يا فندم!
اول ما اللواء خرج من البيت بدات ميرنا تتفرج على البيت وما وقفتش في مكانها زي ما كانت واقفه اما باباها كان موجود وبدات تمسك كل حاجه وترفع عينيها من الارض عكس مظهرها اول ما دخلت البيت كانت هاديه جدا وده اللي فاجئ مصعب.
ميرنا راحت ناحيه السلاح بتاع مصعب وكانت هتمسكه مصعب راح مزعق فيها وقالها….. انتي بتستهبلي انتي ازاي تمسكي السلاح بتاعي العبي بعيد عن اي حاجه تخصني يا شاطرة ؟؟
ميرنا وهي تصطنع البراءه …..هو انا عملت حاجه يا عمو انا كنت بجربه بشوف هو ايه ده ؟
رامي كان فطسانه على نفسه من الضحك وما كانش قادر يمسك نفسه خالص .
مصعب بعصبيه …..لم نفسك يا زفت بتضحك على ايه وانتي مش عايز اسمع صوتك خالص ما تمديش ايدك على اي حاجه ما لكيش فيها وبطلي كلمه عمو دي؟!
ميرنا هزت راسها بخوف من صوته وجريت من قدامه بسرعه.
مصعب بص لرامي بغضب وقال…اديني تقرير عن الموضوع وعن اسباب التهديد وانا هتكفل بالموضوع وعايزك تكون معايا على تواصل على طول وانا في البلد وكل جديد يكون عندي في التو والحال اشتغل المره دي بضمير انا مش هبقى موجود يعني انت هنا مكاني؟!
رامي بيضحك وكان مش قادر يمسك نفسه بس حاول يتماسك قدام مصعب لانه عارف انه لو زودها عن كده مصعب هيعمل فيه ايه ……ايوه كده هو ده الكلام مبدأيا سياده اللواء بقى له فتره بيجي له تهديدات لان مرشح ان يكون وزير ولأنه راجل كويس ومحترم في ناس كثيره جدا مش عاجبهم الحال ده فبيبتزوه ببنته الوحيده اللي هي الانسه ميرنا فهو من خوفه عليها حب يبعدها خالص علشان ما تبقاش نقطه ضعف ليه لانهم بيضغطوا عليه
ببنتو وفعلا حاولو يخطفوها قبل كده…فختاروك انت بذات علشان البنت تبقى في امان سياده اللواء نفسه ايه اللي اختارك بالتحديد مفروض تكون فرحان يا مصعب انا لو مكانك كنت هكون فرحان ومبسوط لاني بعد المهمه دي هتاخد ترقيه يا ابن المحظوظه … و اللواء عبد الكريم المليجي 100 ظابط يتمنى انه يعمل له المهمه دي بس هو اختارك انت بالتحديد لان هو شايف ان انت قد الثقه !
مصعب هدوء …تمام خلاص فهمت!
رامي قال ..وعلشان كده اختارك …هبهتلك كل المعلومات اللي هتحتاجها تمام من غير ما انت ما تقولي لاني مكلف بالمهمه دي انا همشي دلوقتي وانت خد بالك من الانسه ميرنا ؟
مصعب… تمام تعالي هنا يا منه؟
رامي وهو بيضحك …..منه مين يا ابني اسمها ميرنا احفظ اسمها بقى دي هتقعد معاك فتره طويله؟
قال كده ومشي و مصعب اتنهد وطلع فوق يشوفها لقاها قاعده في اوضتو ماسكه التليفون وبتلعب عليه وقال…الوقت متأخر دلوقتي..غيري هدومك ونامي والصبح ابقي شوفي اللي عايزاه وتليفون ما ينفعش تمسكيه كتير بالليل لانه هيضعف نظرك وهياثر عليكي ؟
ميرنا بزعل وضيق قالتله…. ايوه بس ده حاجه مهمه جدا وانا متعوده على كده ايه الجديد يعني؟
مصعب ….بعصبيه ونرفزه قاطع كلامها وقالها..انا الكلمه بقولها مره واحده مش عايزه اقولها تاني مفهوم اتفضلي…
ميرنا بلعت ريقها بارتباك وهزت راسها بالموافقه ولسه هتتكلم لانها مش متعوده تسكت على حقها.
راح مصعب قالها….. جهزي نفسك علشان بكره الصبح هنطلع على الصعيد تمام يلا اتفضلي روحي نامي؟
ميرنا بعصبيه…. انا مش جايلي نوم دلوقتي ؟
مصعب خدها من ايديها وراح حطيتها على السرير وقالها….. نامي؟
ميرنا بعند …….مش هنام قلت عايزه امسك التليفون شويه وبعد كده انا هنام لوحدي لو سمحت ادي التليفون بتاعي انت مين علشان تتحكم فيا بالطريقه دي؟
مصعب بعصبيه ونرفزه راح ماسك ايديها وراح منيمها على السرير وشد رجليها وراح مغطيها وقال لها بصوت قوي ……نااااااااامي!
ميرنا بخوف ورعب روحت مغطيه وشها وراحت نايمه من خوفها لان كان صوت مصعب قوي و هز جدران البيت !
وبعد كده قفل باب الاوضه ونزل تحت ماسك تليفونه واتصل على رقم رد عليه المتصل
وقاله….كيفك يا ولدي اتوحشتك قوي قوي ؟
مصعب بحب….. وانا كمان اتوحشتك يا مايا كيفك وكيف ندى وابوي كيف احواله واحمد كيفه دلوقت؟؟؟
الام……. الحمد لله يا ولدي بس احمد مش مليح خالص يا مصعب من وقت الاصابه بتاعته وهو تعبان يا ولدي هو كان ظابط مالو الهدومه دلوقت بقى قاعد على كرسي متحرك اخوك اتكسر يا ولدي !
مصعب بحزن…….. انا وعدت احمد يا مايا اني مش هبقى راجل من ضهر راجل الا لما اجيب حق اخوي وان شاء الله هيعمل العمليه وهيكون زي الفل وهيكون مليح بس هو يوافق على العمليه ؟
الام بحزن…… ابوك ريد يتجوزوا زينب بت عمك وهو مش رايد خالص يا ولدي !
مصعب بصدمه ……كيف مش رايدها ده هو هيحب من هم عيال صغيرين؟
ام مصعب بحزن …..لا يا ولدي هو بيقول ان هي كثيره عليه وان هو بقى عاجز بس ابوك اتفق مع عمك وعلى السبوع الجاي ان شاء الله هيبقى كاتب الكتاب والفرح تعال علشان تكلم اخوك وزينب بتحبه وراضيه بيه بس هو شايف نفسه قليل عليها؟
مصعب بتفكير …..ما تقلقيش يا مايا انا ان شاء الله بكره هكون عندكم في البلد وهقعد معاكم فتره طويله انا خدت اجازه وكمان انا كنت رايد اقولك ان في واحده زميلتي في الشغل هتيجي تقعد معانا فتره هي يعتبر ضيفتي فرايد ان انتم تكرموها ؟
ام مصعب بفرحه….. ضيوفك فوق راسنا يا ولدي تنور يا حبيبي ؟
مصعب بحب…. ربنا يخليكي ليا يمايا بعد الفجر ان شاء الله هطلع من القاهرة واكون عندكم في الاقصر ؟
ام مصعب بفرحه مش سايعاها ….البلد والاقصر كلها هتنور يا ولدي يلا شوف وشك على خير؟
بعد ما قفل مصعب مع والدته، راح الاوضه بتاعته علشان ينام أول ما حط راسه على المخدة افتكر ميرنا وشقاوتها هو اول مره يقابلها بس حس بشيء غريب اتجاهها هو طبعا حاسس بمسؤوليه كبيره لانها هي بنت وبقت مسؤوليته الوحيده الفتره اللي جايه دي وفي نفس الوقت كان حاسس ان ميرنا عينيها مخبيه حاجات كثيره جدا جواها كان باين عليها ان في حاجه مزعلاها رغم البراءة اللي في شكلها كان باين ان في حاجه هو مش شايفها او مش عارفها واضح ان هي حد طيب وجميل بس شقاوتها دي اللي مخوفاه جدا وكان قلقان من وصوله البلد واسئله الناس هناك بعد كده اروح في نوم عميق.
اشرقت شمس يوم جديد على ابطالنا مليانه بالاحداث المثيره والشيقه.
ميرنا قامت من النوم دخلت الحمام اتوضت وخرجت لبست اسدال الصلاة وصله صلاة الصبح فاثناء ما هي ركعه مصعب دخل الاوضه في الوقت ده كانت ميرنا بتعيط وهي ساجدة
بتتوصل لربنا وبتقوله :
يا رب انا ما ليش غير بابا وماما يا رب يخليهم لي انا مش عارفه عملت ايه في حياتي علشان يحصل معايا كده بس انا عارفه ومتاكده ان انت هتكون معايا ومش هتسيبني ابدا يا رب اني ادعوك بدعاء نبي الله
( ايوب ربي مسني الضر وانت ارحم الراحمين)
ربي اني ادعوك بدعاء النبي الله يونس
(لا اله الا انت سبحانك اني كنت من الظالمين) ادعوك بدعاء
سيدنا موسى
( ربي اشرح لي صدري ويسر لي امري واحلل عقده من لساني يفقه قولي)
وبعد كده قامت من سجودها كان مصعب يبصلها وكان مستغرب جدا كان في حاله صدمه معقوله بنت باين عليها الدلع والدلال ده كله تكون بتصلي وعارفه ربنا للدرجه دي وايه اللي في قلبها خليها متضايقه قوي كده لدرجه ان هي بتبكي وهي بتصلي .
ميرنا …..السلام عليكم ورحمه الله وبركاته السلام عليكم ورحمه الله ؟
مصعب بيكح كحه بسيطه علشان يفهمها اللي هو موجود…….اححه جمعا ان شاء الله؟
ميرنا ……وهي بتمسح دموعها حرما؟
مصعب بهدوء…. جهزي نفسك علشان هنبدا نتحرك بعض نص ساعه من دلوقتي يا ريت تكوني جاهزه؟
ميرنا حركت راسها بالموافقه وقالتله ..تمام !
مصعب نزل جهز الفطار ميرنا بعد دقائق نزلت كانت لابسه بنطلون باجي لونه زيتي وتيشرت بنص كم ولابسه كاب فرده شعرها…
مصعب بصلها وهي نازله من على السلم واتصدم من شكلها وقالها….. ايه اللي انت لابساه ده ؟؟
ميرنا باستغراب… لابسه ايه لابسه عادي ايه المشكله ؟
مصعب بدا لهجته تتغير وبدا يتكلم بالصعيدي لانه هو من عدته اما بيتعصب اللهجه بتاعته بتقلب لوحدها…..انتي رايحه فين دلوقت رايحه الصعيد صح يعني ما ينفعش اللبس اللي انت لابساه ده ؟
ميرنا باستغراب من لهجته ….وايه اللي انا لابساه ده لبس الطبيعي ؟
مصعب بعصبيه اكتر….. روحي غيري خلجاتك دلوقت وانا مستنيك؟
ميرنا بعند ……مش هغير !
مصعب بعصبيه…. انا قلت كلمه واحده مش رايد اتنيها تاني اتفضلي ؟
ميرنا….. انا ما عنديش لبس غير اللبس ده!
مصعب شاورلها على شنطه محطوطه على الترابيزه وقالها….. اتفضلي شنطه الهدوم دي ممكن تلبسي منها في الصعيد لحد ما سلمك لسياده اللواء ؟
ميرنا اخذت بعصبيه وراحت على الاوضه وغيرت هدومها وركبت العربيه مع مصعب وكانت مزمزقه ومتضايقه جدا وفضل الساكته طول الطريق لحد ما وصلوا قدام بيت كبير يشبه القصور هو بيت عائله كان باين عليه العراقه ان هو يشبه القصور القديمه جدا ميرنا اول ما فتحت عينيها وشافت منظر البيت قالت….. بانبهار ايه ده هو احنا فين؟
مصعب برفعت حاجب….. هنكون فين يعني في الصعيد!
ميرا …..ازاي في بيت زي ده في الصعيد ؟
مصعب بهدوء ….ليه يعني هي الصعيد عفشه للدرجه دي علشان ما يبقاش فيها بيوت مليحه الصعيد احلى مكان في مصر كليته وبكره تعرفي اكده؟
ميرنا بتساؤل…. ممكن طيب اسال حضرتك سؤال هو انت ازاي بتتكلم كل شويه بلهجه مره تتكلم صعيدي ومره تتكلم مصري هو انت طالع بشكلين ولا ايه ؟؟؟؟
مصعب بصلها وسكت وبعد كده رد عليها
وقالها…… ماشي يا لمضه هرد عليكي المره دي بس انا ما بحبش الحديت الكتير انا عشت طول عمري في القاهره ما كنتش باجي الصعيد الا في الاجازات بس برده ما قدرتش انسى لهجتي ومش عايز اسئله كثيره يلا تفضلي وصح نسيت اقولك انتي زميلتي وجايه اهنا كم يوم لان اهلك مسافرين بره تمام مش رايد كلام كثير علشان ما يحصلش مشاكل ؟
ميرنا بطاعه… تمام!
ميرنا اتحركت من مكاني بتبص على كل حاجه حواليها مستغربه رغم انها هي عايشه في فيلا في القاهره يعني البيوت اللي زي كده مش غريبه عليها بس البيت ده فيه حاجه غريبه هي ما حسيتهاش او ما شافتهاش في اي بيت قبل كده.
جات بنت صغيره وهي بتجري وبتقول ….ابيه مصعب حضرتك جيت ؟؟؟
تابع
الثاني من هنا
حجز تذاكر مباراة الإتحاد ضد الشباب: تعرف على الطريقة الأفضل لحضور نصف النهائي!
أتلتيكو مدريد ضد برشلونة: موعد المباراة والقنوات الناقلة والتشكيل المتوقع
نجم الأهلي السابق يفتح النار على كولر : ” مش مفهوم.. وتعبت بسببه” – مصربوست
موعد مسلسل المؤسس عثمان الحلقة 186: تردد القنوات الناقلة وتفاصيل الجزء السادس
سعر الذهب في مصر اليوم الأربعاء 26 مارس 2025 بتحديث مباشر وسريع
3 مباريات ودية لمنتخب المغرب قبل كأس أمم أفريقيا 2025
